بايىرعى وركەنيەتتەر اقىل - پاراساتىنىڭ بولاشاقتى انىق باعامداۋىنا مۇمكىندىك جاسايىق
شينحۋا اگەنتتىگىنىڭ 11 - ايدىڭ 10 - كۇنى بەيجيڭنەن بەرگەن حابارى. 11 - ايدىڭ 10 - كۇنى گرەتسيا رەسپۋبليكاسىنا مەملەكەت ىستەرى ساپارىندا بولۋ قارساڭىندا مەملەكەت ءتوراعاسى شي جينپيڭ گرەتسيانىڭ «كۇندەلىك گازەتى»ندە «بايىرعى وركەنيەتتەر اقىل - پاراساتىنىڭ بولاشاقتى انىق باعامداۋىنا مۇمكىندىك جاسايىق» تاقىرىبىندا اۆتورلى ماقالا جاريالادى.
شي جينپيڭ بىلاي دەپ باسا دارىپتەدى: مەن وركەنيەتكە قۇرمەت ەتۋ جانە بولاشاقتان ءۇمىت كۇتۋ ارمانىمەن گرەتسيا سىندى وسى كورىكتى مەملەكەتكە تاعى دا قادام باسقالى تۇرمىن. ۇلى بايىرعى وركەنيەتتەردىڭ بارلىعى ءبىر - بىرىمەن ۇقساپ كەتەدى، ءبىرىن - ءبىرى بىلەدى، ءتىپتى، ءبىر - بىرىمەن ەتەنە كەلەدى. 2000 نەشە جىلدىڭ الدىنداعى ەرتە زامانعى جۇڭگونىڭ، ەرتە زامانعى گرەتسيانىڭ وركەنيەت شۇعىلاسى ازيا - ەۆروپا ۇلى قۇرلىعىنىڭ ەكى شەتىندە ءبىر - بىرىنە ساۋلە شاشىپ تۇردى. 1972 - جىلى جۇڭگو مەن گرەتسيا ديپلوماتيالىق قارىم - قاتىناس ورناتقاننان، اسىرەسە، 2006 - جىلى ەكى ەل جاپپاي ستراتەگيالىق سەرىكتەستىك قارىم - قاتىناس ورناتقاننان بەرى، ەكى جاق ءوزارا قۇرمەتتەۋگە، ءوزارا سەنىم ارتۋعا تاباندى بولدى، سەلبەسىپ تەڭ يگىلىككە كەنەلۋگە تاباندى بولدى، اۋىس - كۇيىس جاساپ، ءوزارا ۇلگى الۋعا تاباندى بولدى. جۇڭگو - گرەتسيا قارىم - قاتىناسىنىڭ دامۋى وركەنيەتتى بايىرعى ەلدەردىڭ قازىرگى زامان قوعامىنداعى ءوزارا پايدا جەتكىزۋ سەلبەستىگىنىڭ جالىندى تىرشىلىك تىنىسىن ايگىلەدى.
شي جينپيڭ بىلاي دەپ اتاپ كورسەتتى: كەزەكتە جۇڭگو مەن گرەتسيا ەكى ەل مەملەكەت دامۋىنىڭ جاڭا تاريحي مەزگىلىندە تۇر، ەكى جاقتىڭ قارىم - قاتىناسى جاڭا تاريحي ورايعا ءدوپ كەلدى. مەن وسى رەتكى ساپارىم ارقىلى گرەتسيا باسشىلارىمەن بىرگە، جۇڭگو مەن گرەتسيا قارىم - قاتىناسىنىڭ جاڭا جوباسىن ورتاق جاساۋدى قالايمىن. ءبىز جۇڭگو مەن گرەتسيا قارىم - قاتىناسىن ستراتەگيالىق دەڭگەيگە جاپپاي كوتەرىپ، جاپپاي سەلبەسەتىن ستراتەگيالىق سەرىكتەس بولۋىمىز كەرەك. ءبىز ءار سالاداعى ناقتى ىستەر سەلبەستىگىنىڭ دەڭگەيىن تىڭعىلىقتى جوعارىلاتىپ، ءوزارا پايدا جەتكىزىپ، تەڭ يگىلىككە كەنەلەتىن سەرىكتەس بولۋىمىز كەرەك. ءبىز ”ءبىر بەلدەۋ، ءبىر جول“دى بىرگە قۇرۋدىڭ سەلبەستىك دەڭگەيىن جىلدام جوعارىلاتىپ، جۇڭگو - ەۆروپا سەلبەستىگىنىڭ تيپتىك ونەگەسى بولۋىمىز كەرەك. ءبىز مادەنيەت اۋىس - كۇيىسىن، سەلبەستىگىن جەبەپ، وركەنيەتتەر تىلدەسۋىنىڭ ۇلگىسى بولۋىمىز كەرەك.
شي جينپيڭ بىلاي دەپ اتاپ كورسەتتى: كەزەكتە حالىقارالىق جاعدايدا تەرەڭ، كۇردەلى وزگەرىستەر تۋىلۋدا. جۇڭگو مەن گرەتسيا بايىرعى وركەنيەتتەردىڭ تەرەڭ قاتپارلى اقىل - پاراساتىن قازىپ، وركەنيەتتى بايىرعى ەلدەردىڭ تاريحي جاۋاپكەرشىلىك ارقالاۋىن ايگىلەپ، ءوزارا قۇرمەت ەتەتىن، ءادىل، تۋراشىل، سەلبەسىپ، تەڭ يگىلىككە كەنەلەتىن جاڭاشا حالىقارالىق قارىم - قاتىناس ورناتۋدى بىرگە ىلگەرىلەتۋ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتۋ كەرەك.
