ورتالىق اسكەري ىستەر كوميتەتىنىڭ نەگىزگى ساتى قۇرىلىسى ءماجىلىسى بەيجيڭدە اشىلدى

شي جينپيڭ ورتالىق اسكەري ىستەر كوميتەتىنىڭ نەگىزگى ساتى قۇرىلىسى ماجىلىسىندە بىلاي دەپ باسا دارىپتەدى

تاڭداۋلى ءداستۇردى ساۋلەلەندىرىپ، رەفورما جاساۋدى، جاڭالىق اشۋدى كۇشەيتىپ، ارميامىزدىڭ نەگىزگى ساتى قۇرىلىسىنىڭ جاپپاي العا باسۋىن، جاپپاي بەرىك بولۋىن ىلگەرىلەتەيىك

　　11 - ايدىڭ 8 - كۇنىنەن 10 - كۇنىنە دەيىن، ورتالىق اسكەري ىستەر كوميتەتىنىڭ نەگىزگى ساتى قۇرىلىسى ءماجىلىسى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. سۋرەتتە: شي جينپيڭ ءماجىلىس ۋاكىلدەرىن ىقىلاسپەن قابىلدادى. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

　　شينحۋا اگەنتتىگىنىڭ 11 - ايدىڭ 10 - كۇنى بەيجيڭنەن بەرگەن حابارى (تىلشىلەر لي شۋانلياڭ، مەي شىشيۇڭ). ورتالىق اسكەري ىستەر كوميتەتىنىڭ نەگىزگى ساتى قۇرىلىسى ءماجىلىسى 11 - ايدىڭ 8 - كۇنىنەن 10 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: جاڭا داۋىردەگى ارميامىزدىڭ نەگىزگى ساتى قۇرىلىسىن كۇشەيتۋ − ارميانى قۇدىرەتتەندىرۋدىڭ، ارميانى كوركەيتۋدىڭ ىرگە تاسى، كۇش - قۋاتى. بۇكىل ارميا جاڭا داۋىردەگى جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، ”ءتورتتى تاباندىلىقپەن مىقتى ۇستاۋ“ تالابىن تياناقتاندىرىپ، تاڭداۋلى ءداستۇردى ساۋلەلەندىرىپ، رەفورما جاساۋدى، ەسىك اشۋدى كۇشەيتىپ، پارتيانىڭ سوزىنە قۇلاق اساتىن، پارتياعا ىلەسەتىن بەرىك نەگىزگى ساتىنى، سوعىسقا شىعا الاتىن، جەڭىستى شايقاس جۇرگىزە الاتىن بەرىك نەگىزگى ساتىنى، زاڭ - ءتارتىبى قاتاڭ، ستيل - سالتى دۇرىس بەرىك نەگىزگى ساتىنى جان - جاقتى شىڭداپ، ارميانى قۇدىرەتتەندىرۋ ىسىنە مىعىم نەگىز جانە تىرەك ازىرلەۋ كەرەك.

　　11 - ايدىڭ 8 - كۇنى تۇستەن كەيىن ساعات 4 مولشەرىندە شي جينپيڭ جيڭشي قوناق ۇيىنە كەلىپ، قىزۋ قول شاپالاق ءۇنى ىشىندە، ءماجىلىس ۋاكىلدەرىن شىن ىقىلاسپەن قابىلداپ، كوپشىلىكپەن بىرگە سۋرەتكە ءتۇسىپ ەستەلىك قالدىردى.

　　شي جينپيڭ ماجىلىستە ماڭىزدى ءسوز سويلەدى. ول الدىمەن بىلاي دەپ باسا دارىپتەدى: پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قاراردى ماقۇلدادى. جالپى ءماجىلىس قارارىن ۇيرەنۋ، دايەكتىلەندىرۋ − قازىرگى بۇكىل پارتيانىڭ ماڭىزدى ءبىر ساياسي مىندەتى. جالپى ءماجىلىس قارارى ارناۋلى ءبىر ءبولىم مازمۇن قۇرىپ پارتيانىڭ حالىق ارمياسىنا شارتسىز باسشىلىعى تۇزىمىنە تاباندى بولۋ جانە ونى كەمەلدەندىرۋ، حالىق ارمياسىنىڭ جاڭا ءداۋىردىڭ بورىش - مىندەتىن ادالدىقپەن اتقارۋىنا شىنايى كەپىلدىك ەتۋ جونىندە ورنالاستىرۋ جاسادى، مۇنىڭ ىشىندەگى كوپتەگەن مىندەتتەردىڭ تياناقتاندىرىلۋى نەگىزگى ساتى قۇرىلىسىنان باستاپ مىقتاپ يگەرىلۋ كەرەك. بۇكىل ارميا ارميامىزدىڭ ءىس جۇزىندىك جاعدايىمەن بىرلەستىرىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن شىنايى تۇردە ويداعىداي ۇيرەنۋ، ويداعىداي ءتۇسىنۋ، ويداعىداي دايەكتىلەندىرۋ كەرەك.

　　شي جينپيڭ بىلاي دەپ اتاپ كورسەتتى: نەگىزگى ساتى − اسكەري ءبولىمنىڭ بارلىق قىزمەتىنىڭ جانە جاۋىنگەرلىك قۋاتىنىڭ نەگىزى. پارتيامىز ارميا قۇرۋدىڭ، ارميانى جونگە سالۋدىڭ ۇزاق ۋاقىتتىق امالياتىندا نەگىزگى ساتى قۇرىلىسىنا باستان - اياق ايرىقشا ءمان بەرىپ كەلەدى، ارميامىزدىڭ كىشكەنەدەن ۇلعايىپ، السىزدەن كۇشەيىپ، جەڭىستەن - جەڭىسكە جەتۋىنە، نەگىزگى ساتىداعى قالىڭ كوماندير - جاۋىنگەرلەر ماڭىزدى ۇلەس قوستى. جاعداي مەيلى قالاي وزگەرسىن، نەگىزگى ساتىعا سۇيەنۋ، نەگىزگى ساتىنى كۇشەيتىپ قۇرۋ سىندى وسى ءبىر تارماقتى ماڭگى جوعالتۋعا بولمايدى.

　　شي جينپيڭ بىلاي دەپ باسا دارىپتەدى: پارتيا 18 - قۇرىلتايىنان بەرى، پارتيا ورتالىق كوميتەتى مەن ورتالىق اسكەري ىستەر كوميتەتى پارتيا ۇيىمىن مىقتاپ ۇستاۋدا نەگىزگى ساتىنى يگەرىپ، سوعىس دايىندىعى جاتتىعۋىن مىقتاپ ۇستاۋدا نەگىزگى ساتىنى يگەرىپ، كوماندير - جاۋىنگەرلەر نەگىزگى تۇلعاسىن مىقتاپ ۇستاۋدا نەگىزگى ساتىنى يگەرىپ، زاڭمەن جونگە سالۋدى قاتاڭ اتقارۋدى مىقتاپ ۇستاۋدا نەگىزگى ساتىنى يگەرىپ، ساياسي نەگىزدى كۇش سالا بەكەمدەپ، اسكەر جاتتىقتىرۋدى، سوعىسقا دايىندالۋدى كۇشەيتىپ، كۇشتەر قۇرىلىمىن قايتا سومداپ، قۇرىلىس ءتارتىبىن ارناعا ءتۇسىرىپ، ىشكى ستيل - سالتتى كىرشىكسىزدەندىرىپ، قوزعاۋشى كۇشتى، ومىرشەڭدىكتى قاۋلاتىپ، ارميامىزدىڭ نەگىزگى ساتى قۇرىلىسىندا ارشىنداي العا باسۋدى ىلگەرىلەتتى.

　　شي جينپيڭ بىلاي دەپ اتاپ كورسەتتى: بۇل جىلدارى، ارميانى قۇدىرەتتەندىرۋ، ارميانى كوركەيتۋ اياق الىسى جەدەلدەپ، ارميامىزدىڭ نەگىزگى ساتى قۇرىلىسى بورىش، مىندەت، تالاپ، قۇرىلىس ءمانى، كۇندەلىكتى جۇمىس جۇرگىزۋ كۇيى، اسكەري بولىمدەردىڭ ۇيىمدىق فورماتسياسى، كوماندير - جاۋىنگەرلەردىڭ قۇرام - قۇرىلىمى، سىرتقى قوعامدىق ورتا سياقتى جاقتاردا كوپتەگەن جاڭا جاعدايعا، جاڭا وزگەرىسكە ءدوپ كەلدى. عىلمي يگەرىپ، بەلسەنە ۇيلەسىپ، كورنەكتى قايشىلىقتار مەن ماسەلەلەردى مۇقيات شەشىپ، نەگىزگى ساتى قۇرىلىسىنىڭ جاپپاي العا باسۋىن، جاپپاي بەرىك بولۋىن ىلگەرىلەتۋ كەرەك.

　　شي جينپيڭ بىلاي دەپ باسا دارىپتەدى: پارتيانىڭ سوزىنە قۇلاق اساتىن، پارتياعا ىلەسەتىن بەرىك نەگىزگى ساتىنى شىڭداپ، پارتيانىڭ ارمياعا شارتسىز باسشىلىعىنىڭ نەگىزگى ساتىعا تىكە جەتۋىنە، كوماندير - جاۋىنگەرلەرگە تىكە جەتۋىنە شىنايى كەپىلدىك ەتۋ كەرەك. نەگىزگى ساتى كوماندير - جاۋىنگەرلەرىن ساياسي جاقتان جەتەكتەۋدى كۇشەيتىپ، پارتيانىڭ عىلمي نازاريالارىمەن ليان قۇرۋعا، ادام تاربيەلەۋگە تاباندى بولىپ، جاڭا ءداۋىر جۇڭگوشا سوتسياليزم يدەياسىمەن جانە جاڭا داۋىردەگى پارتيانىڭ ارميانى قۇدىرەتتەندىرۋ يدەياسىمەن كوماندير - جاۋىنگەرلەردى قارۋلاندىرۋ قىزمەتىن ويداعىداي ىستەپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى مەن ”قىزىل گەندى جالعاستىرىپ، ارميانى قۇدىرەتتەندىرۋدىڭ ماڭىزدى مىندەتىن ارقالاۋ“ نەگىزگى تاقىرىپتىق تاربيەسىن تەرەڭدەتىپ، قىزىل گەندى ۇرپاقتان - ۇرپاققا جالعاستىرۋ ينجەنەرياسىن ىلگەرىلەتىپ، پارتيانىڭ قولباسشىلىعىنا قۇلاق اساتىن، ارميانى قۇدىرەتتەندىرۋ ىسىنە ءوزىن ارنايتىن يدەيالىق - ساياسي نەگىزدى مىقتاپ بەكەمدەۋ كەرەك. نەگىزگى ساتى كوماندير - جاۋىنگەرلەرىنە سەنۋ تۇرعىسىنان، ءسۇيىنۋ تۇرعىسىنان، دامۋ تۇرعىسىنان مامىلە جاساپ، جاڭا داۋىردەگى يدەيا - ساياسي تاربيە جۇيەسىن قۇرۋ جونىندە ىزدەنىس جاساپ، تاربيەنىڭ باعىتتامالىلىعى مەن ناقتى ونىمدىلىگىن جوعارىلاتۋ كەرەك. نەگىزگى ساتى پارتيا ۇيىمىنىڭ ساياسي فۋنكتسياسى مەن ۇيىمدىق قۋاتىن نىعايتىپ، شۋجيلەر قوسىنى قۇرىلىسىن كۇشەيتىپ، ۇيىمدىق ورنالاسۋى مەن جۇمىس جۇرگىزۋ ءتاسىلىن ارناعا ءتۇسىرۋ جونىندە ىزدەنىس جاساپ، نەگىزگى ساتى پارتيا ۇيىمىنىڭ جاۋىنگەر قورعاندىق رولىن جانە قالىڭ پارتيا مۇشەلەرىنىڭ اۆانگارد ونەگەلىلىك رولىن تولىق ساۋلەلەندىرۋ كەرەك.

　　شي جينپيڭ مىنانى اتاپ كورسەتتى: سوعىسقا شىعا الاتىن، جەڭىستى شايقاس جۇرگىزە الاتىن بەرىك نەگىزگى ساتىنى شىڭداپ، نەگىزگى ساتىنىڭ شاقىرعاندا كەلە الاتىن، كەلسە سوعىسا الاتىن، سوعىسسا جەڭە الاتىن بولۋدى شىنايى ورىنداۋىنا مۇمكىندىك جاساۋ كەرەك. جاۋىنگەرلىك قۋات ولشەمىنە تاباندى بولىپ، شايقاس قوسىنى يدەياسىن كۇشەيتىپ، سوعىسقا دايىندالۋدىڭ، سوعىس جۇرگىزۋدىڭ قولباسشىلىعىن نەگىزگى ساتىدا مىقتاپ ورناتىپ، جاۋىنگەرلىك قۋات ۇلەسى بويىنشا ءتۇرلى قۇرىلىستاردى ءبىر تۇتاس جوسپارلاۋ كەرەك. نەگىزگى ساتى جاۋىنگەرلىك قۋاتىنىڭ قالىپتاسۋ جانە قولدانىلۋ ەرەكشەلىگى، زاڭدىلىعى جونىندە ىزدەنىس جاساپ، نەگىزگى ساتىنىڭ قۇرىلىس ساپاسى مەن اسكەر پايدالانۋ ونىمدىلىگىن جوعارىلاتۋ كەرەك. ناقتى سوعىس بويىنشا ناقتى جاتتىعۋعا تاباندى بولىپ، باعدارلاما بويىنشا جاتتىعۋ جۇرگىزىپ، جاتتىعۋدى قاتاڭ جونگە سالىپ، باعىتتامالى، ۇيلەسۋ سيپاتتى جاتتىعۋلاردى كۇشەيتىپ، جاڭا جابدىقتاردى، جاڭا كۇشتەردى جاتتىقتىرۋدى كۇشەيتىپ، جاتتىعۋ نەگىزىن بەكەمدەپ، جاتتىعۋدى قامتاماسىز ەتۋدى كەمەلدەندىرىپ، جاتتىعۋدىڭ ناقتى سوعىستىق دەڭگەيىن جوعارىلاتۋ كەرەك. ”ءۇش ءبىر تۇلعالانعان“ جاڭاشا اسكەري دارىندىلاردى جەتىلدىرۋ جۇيەسىن جەدەل قۇرىپ، نەگىزگى ساتىنىڭ اماليات تۇعىرىنان ويداعىداي پايدالانىپ، بۇقارالىق سيپاتتى اسكەر جاتتىقتىرۋ، ونەر باسەكەسى قيمىلدارىن ويداعىداي يگەرىپ، كوماندير - جاۋىنگەرلەردى ءوز قىزمەت ورنىن تياناق ەتە وتىرىپ جەتىلۋگە، دارىندى بولۋعا ىنتالاندىرىپ، نەگىزگى ساتى قۇرىلىسىنىڭ دارىندىلار تىرەگىن بەكەمدەۋ كەرەك. جاۋىنگەرلىك رۋح جەتىلدىرۋدى كۇشەيتىپ، بىرىنشىدەن، جاپادان قورىقپاۋ، ەكىنشىدەن، ولىمنەن قورىقپاۋ رۋحىن ساۋلەلەندىرىپ، كوماندير - جاۋىنگەرلەردى جىگەرلى، قوسىندى ايباتتى ەتىپ جەتىلدىرىپ شىعۋ كەرەك.

　　شي جينپيڭ بىلاي دەپ باسا دارىپتەدى: زاڭ - ءتارتىبى قاتاڭ، ستيل - سالتى دۇرىس بەرىك نەگىزگى ساتىنى شىڭداپ، قاتاڭ زاڭمەن جونگە سالۋ جانە ءتارتىپ ارقىلى بولاتتاي ەرىك - جىگەر سومداپ، قۇرىشتاي ستيل شىڭداپ، قۇرىش قوسىن قۇرۋ كەرەك. ارميانى زاڭمەن جونگە سالۋ، ارميانى قاتاڭ جونگە سالۋ باعىتىن جاپپاي تياناقتاندىرىپ، ەرەجە - بەلگىلەمەلەردى دايەكتىلەندىرىپ، باعدارلاما بويىنشا قۇرىلىستى مىقتى يگەرۋگە تاباندى بولۋ كەرەك. نەگىزگى ساتى قۇرىلىسىنا قاتىستى ساياسات - تۇزىمدەردى جاپپاي سالالاپ، عىلمي دالەلدەۋ جۇمىسىن جاقسى ىستەپ، ورناتۋ، وزگەرتۋ، كۇشىنەن قالدىرۋ، ءتۇسىندىرۋ قىزمەتىن جاقسى ىستەۋ كەرەك. قوسىندى قاتاڭ باسقارىپ، قاتاڭ تالاپ قويۋ مەن ىقىلاستى قامقورلىق جاساۋدى بىرلەستىرۋگە تاباندى بولىپ، تارتىپپەن تەجەۋ مەن يلاندىرۋ تاربيەسىن بىرلەستىرۋگە تاباندى بولىپ، اسكەري ءبولىمنىڭ وسكەلەڭ شوعىرلى بىرلىگىنە جانە حاۋىپسىزدىگىنە، ورنىقتىلىعىنا شىنايى كەپىلدىك ەتۋ كەرەك. ستيلدى دۇرىستاپ، ءتارتىپتى قاتايتۋدىڭ، شىرىكتەسۋگە قارسى تۇرۋدىڭ قىسىمىن نەگىزگى ساتىعا جەتكىزىپ، كوماندير - جاۋىنگەرلەردىڭ جانىنداعى ”ەلەۋسىز شىرىكتەسۋلەر“ مەن بۇرىس ستيلدەردى ىشكەرىلەي تۇزەتىپ، جونگە سالىپ، نەگىزگى ساتىنى پاكتەندىرۋ، كىرشىكسىزدەندىرۋ كەرەك. كادرلاردى قۇرمەتتەۋ، اسكەرلەردى ايالاۋ، اسكەرلەر ءوزارا دوستاسۋ قيمىلىن ىشكەرىلەي ورىستەتىپ، كوماندير - جاۋىنگەرلەر بەينەت پەن زەينەتتە بىرگە بولاتىن، ءولىم مەن ومىردە بىرگە بولاتىن توڭكەرىستىك سۇيىسپەنشىلىك جەتىلدىرىپ، ىنتىماقتى، دوس، جاراسىمدى، كىرشىكسىز ىشكى قاتىناستى بەكەمدەۋ جانە دامىتۋ كەرەك.

　　شي جينپيڭ بىلاي دەپ اتاپ كورسەتتى: پارتيانىڭ نەگىزگى ساتى قۇرىلىسىنا باسشىلىعىن كۇشەيتۋ كەرەك. ءار دارەجەلى پارتكوم ورگاندارى نەگىزدى نىعايتۋ، تاعاندى بەكەمدەۋ يدەياسىن كۇشەيتىپ، نەگىزگى ساتىنى جاپپاي يگەرۋدەي ايقىن باعدار ورناتىپ، قىزمەتتىڭ سالماعىن نەگىزگى ساتىعا اۋدارۋعا تاباندى بولىپ، نەگىزگى ساتى قۇرىلىسىنا جەتەكشىلىك ەتۋ، كومەكتەسۋ قىزمەتىن كۇشەيتۋ جانە جاقسارتۋ كەرەك. نەگىزگى ساتىنى بارىنەن جوعارى قويۋعا، اسكەرلەردى ءبىرىنشى ورىنعا قويۋعا تاباندى بولىپ، كوماندير - جاۋىنگەرلەردىڭ نەگىزگى تۇلعالىق ورنى مەن ءتول جاسامپازدىق رۋحىنا تولىق قۇرمەت ەتىپ، كوماندير - جاۋىنگەرلەرگە دەگەن تەرەڭ سۇيىسپەنشىلىكتە بولا وتىرىپ قىزمەت ىستەپ، فورماشىلدىقتى، تورەشىلدىكتى باتىل جويۋ كەرەك. قىزمەت جەتەكشىلىگىنىڭ عىلمي بولۋىن كۇشەيتىپ، ءوز ورنىنىڭ، ءوز جۇيەسىنىڭ ناقتى جاعدايىمەن بىرلەستىرىپ، نەگىزگى ساتى قۇرىلىسىنا تۇرلەر بويىنشا جەتەكشىلىك ەتۋدى ويداعىداي ىستەپ، ۇنەمىلىك، نەگىزدىك قىزمەتتەردىڭ تياناقتاندىرىلۋىن مىقتاپ يگەرۋ كەرەك. قۇرىلىسقا جەتەكشىلىك ەتۋدىڭ، كومەكتەسۋدىڭ كۇش سالۋ ءتۇيىنىن نەگىزگى ساتىنىڭ ءوزىن - ءوزى قۇرۋ قابىلەتىن جوعارىلاتۋعا قويىپ، نەگىزگى ساتىنىڭ قىزمەت ورنالاستىرۋ ۇقىعىنا، ادام پايدالانۋ ۇقىعىنا، قازىنا - زاتتاردى جايعاستىرۋ ۇقىعىنا قۇرمەت ەتۋ كەرەك. نەگىزگى ساتىنىڭ اڭىسى كۇشتى بولعان كورنەكتى ماسەلەلەرگە ىرىقتى تۇردە بەتپە - بەت كەلىپ، ءادىس - امالدىڭ بارىنشا كومەكتەسىپ شەشۋ كەرەك. اسكەري ىستەر كوميتەتى جالپى جاقتان باسقاراتىن، سوعىستىق رايوندار سوعىس جۇرگىزۋدى نەگىز ەتەتىن، ارميا تۇرلەرى قۇرىلىس جۇرگىزۋدى نەگىز ەتەتىن باس پرينسيپكە بويسۇنىپ، اينالىم مەحانيزمىن اقاۋسىزداندىرىپ، قىزمەتتەردى ءبىر تۇتاس جوسپارلاۋدى كۇشەيتىپ، نەگىزگى ساتى قۇرىلىسىن يگەرۋدىڭ ىركىلىسسىز، جوعارى ءونىمدى قىزمەت ارناسىن قالىپتاستىرۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا ماجىلىسكە قاتىناستى، سونداي - اق شي جينپيڭنىڭ ماڭىزدى ءسوزىنىڭ رۋحىن دايەكتىلەندىرۋ، تياناقتاندىرۋ، جاڭا داۋىردە ارميامىزدىڭ نەگىزگى ساتى قۇرىلىسىن كۇشەيتۋ جونىندە تالاپ قويدى.

　　ورتالىق اسكەري ىستەر كوميتەتىنىڭ مۇشەلەرى ۋي فىڭحى، مياۋ حۋا، جاڭ شىڭمين ماجىلىسكە قاتىناستى. ءارقايسى سوعىستىق رايونداعى، ءارقايسى ارميا، اسكەر تۇرلەرىنىڭ، اسكەري ىستەر كوميتەتى ورگانىنىڭ قاتىستى تاراۋلارىنداعى، اسكەري ىستەر اكادەمياسىنداعى، مەملەكەت قورعانىسى داشۋەسىندەگى، مەملەكەت قورعانىسى عىلىم - تەحنيكا داشۋەسىندەگى جانە قارۋلى ساقشى بولىمدەرىندەگى قاتىستى باسشى جولداستار جانە ءبىر ءبولىم نەگىزگى ساتى ورىندارىنىڭ ۋاكىلدەرى ماجىلىسكە قاتىناستى.