ءتىلشى جاڭ شياۋيان، ەرىكتى ءتىلشى شۇي تۇڭتۇڭ
شەت - شالعاي ءۇستىرتتى سۋىق باتىس تيانشان تاۋى قويناۋى ونىڭ ەرلىكپەن شايقاس جۇرگىزەتىن الدىڭعى شەبى. قالىڭ قاردا جول اشىپ، مالشىلاردىڭ كوشىپ - قونۋىن قورعادى؛ ليان - دۇيدەگى كەدەي، قيىنشىلىعى بار جۇمىسشى - قىزمەتشىلەردىڭ كەدەيلىكتەن ارىلىپ، اۋقاتتانۋىنا كومەكتەستى؛ وتباسىندا قيىنشىلىعى بار وقۋشىلاردىڭ وقۋىن تاۋىسۋىنا قارجىلاي كومەكتەستى... مەملەكەتتىك ەڭبەك ەرى، شينجياڭ ءوندىرىس - قۇرىلىس بيڭتۋانى 4 - شى 78 - تۋان 5 - ليانىنىڭ قىزمەتكەرى نۇرجان ورىنتاي: ”مەن كومپارتيا مۇشەسىمىن، شامامنىڭ جەتىسىنشە ءتىپتى دە كوپ ادامعا كومەكتەسۋىم كەرەك“ دەيدى بەرىك سەنىممەن.
■ مۇز دابانداعى جول بەلگى
كوشى - قون مەزگىلىندە، اسقار تاۋداعى اعاش قورا ”قامداۋ پۋنكتىندە“، قاشاندا شام جانىپ، قازاق مالشىلارىنىڭ ۇرپاقتار بويىءورىس جاڭالاۋدا باسىپ وتەتىن تاۋداعى كوش جولىن قورعاپ جاتادى. بيىل 46 جاستاعى نۇرجان ورىنتاي ۇزاق جىل بويى وسى تاۋ قويناۋىندا ليان - دۇيگە كۇزەتشى بولىپ كەلدى.
ءبىر كومپارتيا مۇشەسى رەتىندە، ول كوشى - قون كەزىندە كوشتىڭ ەڭ الدىندا ءجۇرىپ، قارلى - بورانعا قاراماي، جول اشىپ، جول بەلگىسىن سالىپ، مالشىلارعا باعىت نۇسقاپ وتىردى.
20 جاسىندا اتا تاياعىن قولىنا الدى، جىرتقىش اڭ، قارلى بوران، تاسقىن... نۇرجان ورىنتاي سانسىز قاتەرگە جولىقتى، ءبىراق ول ەش ۋاقىتتا تايسالعان جوق، قاشاندا بەرىك سەنىممەن مالشىلارعا شىن پەيىلىمەن قىزمەت وتەدى.
2012 - جىلى قىستىڭ ءبىر كۇنى ءتۇن ورتاسىندا، ەكى مالشىنىڭ ءمىنىپ كەلە جاتقان اتى قارعا ومبىلاپ شىعا الماي قالادى. قاقاعان اياز، ءتۇن ورتاسى، ۇلىعان قاسقىر، جاعداي توتەنشە قاتەرلى ەدى، ”جىلقىلارعا قاراۋعا ءوزىم قالىپ، مالشىلاردى ءوز اتىمدى بەرىپ كومەك سۇراۋعا جىبەردىم“، - دەدى نۇرجان ورىنتاي وتكەن ىستەردى ەسكە الا. ول اتقا ءوزىنىڭ ىشىگىن جاۋىپ قويادى، ءۇسىپ قالماۋ ءۇشىن، ءوزى ارلى - بەرلى توقتاۋسىز قيمىلدايدى، اقىرى كومەكشىلەر دە كەلەدى.
26 جىلدان بەرى نۇرجان ورىنتاي ۇلى تاۋ قويناۋىندا، 10 مىڭ كيلومەتردەن استام قار جولىن اشىپ، كوش جولىندا قاتەردە قالعان مالشىلاردى سانسىز رەت قۇتقارادى، ونىڭ قۇتقارعان مالدارى 5000نان اسادى. مالشىلاردىڭ كوڭىلىندە نۇرجان ورىنتاي بەينە مالشىلاردى جولدان اداستىرمايتىن ”جول شىراعى“ سياقتى.
■ قيىنشىلىعى بار بۇقارانى ەسىنەن شىعارمادى
”جاقىننان بەرى قاندايسىڭدار؟ كومەك قاجەت پە؟“ 10 - ايدىڭ 8 - كۇنى نۇرجان ورىنتاي مالشى ەركىن اۋەلقاننىڭ وتباسىنا كەلىپ، ءوزى ۇزاق ۋاقىت كومەكتەسىپ كەلگەن كورشىسىنىڭ جاعدايىن ۇعىسادى.”نۇرجان ورىنتاي اعامىز پارتيا مۇشەلەرىن باستاپ بىزگە ءۇي سالىپ بەردى، قازىر ءبىز جاڭا ۇيدە تۇرامىز، توتەنشە قۋانىشتامىز. ول كىسى وتە جاقسى ادام!“، - دەدى ەركىننىڭ جۇبايى.
ەركىننىڭ وتباسىندا بۇرىن قيىنشىلىق بار ەدى، ءبىر اۋىزدى كىشكەنە ۇيدە 4 جان تۇراتىن. بۇل جاعدايدى كورگەننەن كەيىن، 2016 - جىلدىڭ ءبىر كۇنى، نۇرجان ورىنتاي ليانداعى بىرنەشە پارتيا مۇشەسىن ەركىننىڭ ۇيىنە باستاپ كەلىپ، وعان جاڭا ءۇي سالىپ بەرۋگە كومەكتەسەدى. كوپ جىلداردان بەرى، نۇرجان ورىنتاي ەركىننىڭ وتباسىنا قالتقىسىز كومەك كورسەتىپ كەلدى، وعان سيىر، قوي باعىمشىلىعى تەحنيكاسىن ۇيرەتىپ، ءوندىرىستى دامىتۋىنا كومەكتەسەدى.
نۇرجان ورىنتايدىڭ وتباسىنداعىلار شەتىنەن ەلپەك جاندار، پارتيانىڭ ابزال ساياساتىنىڭ ارقاسىندا، وتباسى تۇرمىسى بارعان سايىن جاقسارادى، سوندىقتان دا ول ءتىپتى دە كوپ قيىنشىلىعى بار بۇقاراعا كومەكتەسۋدى ويلايدى. مەيلى ءوزى تۇرعان ليان - دۇيدەگى جۇمىسشى - قىزمەتشىلەر، الدە ماڭايداعى قىستاقتاعى مالشىلار مەن ورمان الاڭىنداعى جۇمىسشىلار بولسىن، كىمنىڭ وتباسىندا قيىنشىلىق بولسا، ول بىلگەن زامان شاماسىنىڭ جەتىسىنشە كومەكتەسىپ كەلدى.
قازىر نۇرجان ورىنتاي باستاماشىلدىقپەن باعىمشىلىق سەلبەستىك كووپەراتيۆىن قۇردى، ول ەرەكشە باعىمشىلىقتى دامىتۋ ارقىلى مۇنان دا كوپ مالشىنىڭ كەدەيلىكتەن ارىلىپ، اۋقاتتانۋىنا جەتەكشىلىك ەتۋدى ءۇمىت ەتەدى.
■ كەدەي وقۋشىلاردىڭ ارماندارىن جۇزەگە اسىرۋىنا كومەكتەستى
ۇزاق ۋاقىتتان بەرى، نۇرجان ورىنتاي كەدەي وقۋشىلارعا بار كۇشىمەن قارجىلاي كومەكتەسىپ كەلدى. ونىڭ ارمانى وتە قاراپايىم: كەدەي وتباسىنداعى بالالاردىڭ وقۋلارىن تاۋىسىپ، ارماندارىن جۇزەگە اسىرۋ.2014 - جىلى نۇرجان ورىنتاي تۋان - الاڭ ورتا مەكتەبىنە كەلىپ، وتباسىندا قيىنشىلىعى بار 10 وقۋشىعا قارجىلاي كومەك بەردى.
بيىل 13 جاستاعى باقىتنۇر جۇماحۇن بىلاي دەدى: ”اقشالاي كومەك بەرۋدەن سىرت، نۇرجان ورىنتاي اعاي تاعى ماعان سومكە، قاعاز - قالام، ت. ب الىپ بەرىپ، مەنى قۇلشىنا ۇيرەنۋگە جىگەرلەندىردى. ول اكەمدەي قامقورلىق جاساپ، ماعان، ءسوزسىز، جاقسى ۇيرەنىپ، كەلەشەكتە قوعامعا جارامدى ادام بولۋ جونىندە اقىل ايتتى“.
ۋاڭ جىنجياڭ گانسۋدان كەلگەن، باستاۋىش مەكتەپتىڭ 1 - جىلدىعىندا، بۇكىل وتباسى شيجياڭعا كوشىپ كەلگەن. سول كەزدە ءبىر ءۇيلى جاننىڭ كۇن كورىسى اكەسىنىڭ ەگىن سالۋىنا سۇيەنەتىن، شەشەسى ناۋقاستانعاننان كەيىن، وتباسى تۇرمىسى بارعان سايىن قيىنعا سوعادى، الايدا، ۋاڭ جىنجياڭ وقۋدا ۇزدىك ەدى، سونىمەن نۇرجان ورىنتاي ۇنەمى ۋاڭ جىنجياڭعا امانداسا بارىپ، ونىڭ وقۋىنا اقشالاي كومەكتەستى، قازىر ۋاڭ جىنجياڭ ەرجەتىپ اتپال ازامات بولدى.
