تيانشان تورى   ›   جاڭالىقتار   ›   شينجياڭ حابارلارى

دارىندىلار جونىندە جاڭا شارا قولدانىپ، دارىندىلاردىڭ كەلۋىنە جاعداي جاسادى

− نازاردى نەگىزگى تاقىرىپقا، نەگىزگى جەلىگە شوعىرلاندىرىپ، رەتتەۋ - تۇزەتۋدى يگەرۋ جەلىلەس حابارى

ءتىلشى جاۋ شييا

  11 - ايدىڭ 6 - كۇنى تۇستەن بۇرىن شينجياڭ مەديتسينا داشۋەسىنىڭ سايكەسىپ جاڭالىق اشۋ تاجىريبە عيماراتىندا، وسى مەكتەپتىڭ شيپاگەرلىك ينجەنەريا تەحنيكاسى شۋەيۋانى فيزيكا عىلىمى كافەدراسىنىڭ وقىتۋشىسى نۇرنيسا الىپ پەن ونىڭ ۇجىمى وپتيكالىق كەسكىندەۋ اسپابىنان، تەكسەرۋ جابدىعىنان جانە وپتيكالىق سۇڭگىدەن پايدالانىپ جاتىر مويىنى راك كلەتكاسى سياقتى ورگانيزم ۇلگىسىنە سىناق جانە تالداۋ جاساپ جاتتى.

  نۇرنيسا جىجياڭ داشۋەسىنەن وقۋ تاۋىسقان، زەرتتەۋ باعىتى بيومەديتسينالىق فوتونيكا. دوكتورلىقتى تامامداعاننان كەيىن، نۇرنيسا قالىڭ ادام ىستەتۋشى ورىنداردىڭ اراسىنان، ەڭ سوڭىندا شينجياڭ مەديتسينا داشۋەسىن تاڭدادى.

  ”مەكتەپ عىلمي زەرتتەۋدى باستاۋ قاراجاتىن جانە قونىستانۋ قاراجاتىن بەرۋمەن بىرگە، تاعى بالامدى بالاباقشاعا كىرگىزۋ قيىنشىلىعىمدى جانە تۇرعىن ءۇي ماسەلەمدى شەشۋىمە كومەكتەستى. ەڭ ماڭىزدىسى، قىزمەتكە شىققان كۇنىمنەن باستاپ، مەكتەپ بىزگە ءبىرشاما جاقسى عىلمي زەرتتەۋ تۇعىرىن جاراتىپ بەردى. قازىر مەن اۆتونوميالى رايون دارەجەلى جانە مەكتەپ دارەجەلى ەكى تاقىرىپ كوتەرىپ، كەلەر جىلى مەملەكەت دارەجەلى تاقىرىپقا ءوتىنىش بەرۋگە دايىندالىپ جاتىرمىن“، - دەدى نۇرنيسا.

  2 - توپتاعى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، شينجياڭ مەديتسينا داشۋەسى نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، ءمورال ارقىلى ادام تاربيەلەۋ ءتۇبىرلى مىندەتىن مىقتاپ يگەرىپ، پارتيا ءۇشىن ادام تاربيەلەۋدى، مەملەكەت ءۇشىن دارىندى تاربيەلەۋدى بورىش ەتىپ، مەكتەپتىڭ دامۋىنا كولدەنەڭ بولعان كەدەرگى ماسەلەلەردى ىشكەرىلەي تەكسەرىپ زەرتتەدى. دارىندىلار قوسىنى قۇرىلىسى قىزمەتىن ارقاۋ ەتە وتىرىپ، مەكتەپ دارىندى ەنگىزۋ، دارىندى تاربيەلەۋ، دارىندى ىستەتۋ، دارىندى توپتاۋ سياقتى جاقتاردا ورىن تەپكەن جەتەرسىزدىكتەردى تەكسەرىپ تۇزەتتى، دارىندىلار قوسىنىنىڭ ءۇزىلىسى، ءپان باستاماشىلارى كەمشىل بولۋى، دارىندى ەنگىزۋ قيىن بولۋى سياقتى كورنەكتى ماسەلەلەردى اداقتاپ شىقتى.

  شينجياڭ مەديتسينا داشۋەسى پارتكومى نەگىزگى تۇلعالىق جاۋاپكەرشىلىكتى تياناقتاندىرىپ، ماسەلەنى مۇقيات قاداعالاپ، رەتتەۋ - تۇزەتۋ شاراسىن اشالاپ، دارىندىلار قوسىنى قۇرىلىسىن پارتكوم ”ءبىرىنشى باسشىسىنىڭ“ ينجەنەرياسى رەتىندە يگەرىپ، «شينجياڭ مەديتسينا داشۋەسىنىڭ جوعارى دەڭگەيلى دارىندىلاردى ەنگىزۋ مەن باسقارۋ ءادىسى»، «شينجياڭ مەديتسينا داشۋەسىنىڭ مەكتەپ سىرتىنان ”ەكى ورىنعا قىزمەتكە قابىلدانعان پروفەسسورلاردى“ باسقارۋدىڭ ۋاقىتشا ءادىسى» سياقتى تۇزىمدەردى ونان ارى اقىلداسىپ، بەلگىلەپ، تياناقتاندىرىپ، كەمەلدەندىردى. سونىمەن بىرگە، كاسىپتىك اتاق رەفورماسى تەبىنىن ۇزدىكسىز ارتتىرىپ، قاتىستى بەلگىلەمەلەرگە ۇيلەسۋ نەگىزىندە جوعارى دەڭگەيلى دارىندىلارعا جانە كاسىپكە شۇعىل (ەرەكشە) قاجەتتى دارىندىلارعا بەيىمدەلدى. كەزەكتە 199 كاسىپتىك تەحنيكا قىزمەتكەرى كاسىپتىك تەحنيكالىق 2 - دارەجەلى قىزمەت ورنىنا تاعدايىندالىپ، جوعارى دەڭگەيلى وقىتۋشىلار قوسىنىن بارىنشا ورنىقتىردى.

  ۇعىسۋعا قاراعاندا، عىلمي دامۋ نىساناسىن ارقاۋ ەتىپ، بيىل شينجياڭ مەديتسينا داشۋەسى ەرەكشە تاعايىنداۋ ءتۇزىمى، شتات بويىنشا ەنگىزۋ سياقتى 2 ءتۇرلى ءتاسىل ارقىلى دارىندىلاردى ەنگىزىپ، ناتيجەلىك ەڭبەكاقى، قونىستانۋ قاراجاتى، عىلمي زەرتتەۋدى باستاۋ قارجىسى، تۇرعىن ءۇي، پەرزەنتتەرىنىڭ وقۋعا ءتۇسۋ، جۇبايىنىڭ جۇمىستانۋىن شەشۋ سياقتى جاقتاردا ساياساتتىق قولداۋ كورسەتتى. جارتى جىلدان بەرى، مەكتەپ باسشىلارى 3 رەت ۇيىرمە باستاپ، ىشكى ولكەلەردەگى 985، 211 سياقتى 20 نەشە جوعارى مەكتەپكە بارىپ، دارىندى ەنگىزىپ، اقىل - پاراسات قابىلداپ، 29 ماگيستر، دوكتورمەن ناق مايداندا كەلىسىم جاساسىپ، دارىندى ەنگىزۋ بويىنشا 5 دوكتوردى قىزمەتكە قابىلدادى، وتكەن جىلداردان بەرگى ەڭ جوعارى ورەنى جاراتتى. سونىمەن بىرگە، عىلمي جولمەن ءتۇرلى قىزمەت ورىندارىن ورنالاستىرۋ سالىستىرماسىن بەلگىلەدى، ءار دارەجەلى كاسىپتىك تەحنيكالىق قىزمەت ورىندارىن ورنالاستىرۋدا ءپان تۇعىرىن، جاسامپاز ۇجىم قۇرىلىسىنىڭ قاجەتىن الدىمەن قاناعاتتاندىردى، شەكتى شتاتقا، جوعارى دارەجەلى قىزمەت ورنىنا الدىمەن وقىتۋشىى قابىلداۋدى الدىمەن ويلاستىردى؛ مەكتەپ تاعى پوسدوكتور جىلجىمالى پۋنكتىنىڭ ادام ىستەتۋ، ادام تاڭداۋ جانە يكەمدى بولۋ مەحانيزمى اسەرىن كەڭەيتىپ، ءتىپتى دە كوپ پوسدوكتوردىڭ وقىتۋ، عىلمي زەرتتەۋ قىزمەتىمەن ات سالىسۋىنا مۇمكىندىك جاسادى.

  ”ءبىرسىپىرا رەفورما شارالارى ارقىلى مەكتەپتىڭ اركىم ءوز تالانتىن تولىق تانىتۋ، بار ونەرىن سارقا جۇمساۋ سىندى ءىس تىندىرىپ ناتيجە جاراتۋ رايى بارعان سايىن قويۋلانىپ، تاڭداۋلى وقىتۋشىلار كۇشىنىڭ توپتالۋى مەكتەپتىڭ دامۋىن ىلگەرىلەتەتىن پارمەندى قوزعالتقىشقا اينالدى“. شينجياڭ مەديتسينا داشۋەسى كادرلار باسقارماسىنىڭ باستىعى لين سۋلان بىلاي دەپ تانىستىردى: كەلەسى قادامدا، مەكتەپ تاعى جاڭا جاعدايدا جوعارى مەكتەپتەردىڭ ەڭبەكاقى ءبولىسى مەحانيزمىن بىرتىندەپ ورناتىپ، اقاۋسىزداندىرىپ، جوعارى دەڭگەيلى عىلمي زەرتتەۋ تۇعىرىن بەلسەنە قۇرىپ، جوعارى دەڭگەيلى دارىندىلاردىڭ دارىنىن ايگىلەۋىنە، ءىس تىندىرىپ، ناتيجە جاراتۋىنا شارت - جاعداي ازىرلەيدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس