شينحۋا اگەنتتىگىنىڭ شولۋشىسى
وتانشىلدىق − جۇڭحۋا ۇلتىنىڭ ۇلت جۇرەگى، ۇلت جانى، جۇڭحۋا ۇلتىنىڭ ەڭ ماڭىزدى رۋحاني بايلىعى، جۇڭگو حالقى مەن جۇڭحۋا ۇلتىنىڭ ۇلتتىڭ تاۋەلسىزدىگى مەن ۇلتتىق ار - نامىستى قورعاۋداعى ەڭ قۇدىرەتتى رۋحاني قوزعاۋشى كۇشى. تاياۋدا باسىپ تاراتىلعان «جاڭا ءداۋىر وتانشىلدىق تاربيە اتقارۋ باعدارلاماسى» جۇڭگو ارمانىن جۇزەگە اسىرۋ كۇرەس نىساناسىن ارقاۋ ەتىپ، جاڭا داۋىردەگى وتانشىلدىق تاربيەنىڭ جەتەكشى يدەياسىن، جالپى تالابىن، نەگىزگى مازمۇنىن ايقىن العا قويدى ءارى جاڭا ءداۋىر وتانشىلدىق تاربيەسىن ورىستەتۋ جونىندە ماڭىزدى ورنالاستىرۋ جاسادى. بۇل ۇلت رۋحىن جەلپىندىرۋ، ۇلت كۇشىن ۇيىستىرۋ، جاڭا ءداۋىر جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا كەلەلى دە تەرەڭ مانگە يە.
جۇڭحۋا ۇلتىنىڭ تاريح اعىسىندا وتانشىلدىق باستان - اياق ءار ۇلت حالقىن تالىقپاي تالپىنۋعا شابىتتاندىراتىن قۇدىرەتتى كۇش سانالادى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى وتانشىلدىق تاربيەگە وسكەلەڭ ءمان بەرىپ، وزەكتى بەكەمدەپ، نەگىزدى جەتىلدىرىپ، زەيىن - زەردەنى ۇيىستىرىپ، رۋحتى سومداپ، ءبىر قىدىرۋ كەلەلى ورنالاستىرۋ جاساپ، وتانشىلدىق تاربيەدە كورنەكتى ونىمدىلىككە جەتۋدى ىلگەرىلەتتى. ۇلى ءىس ۇلى رۋحتى قاجەت ەتەدى، ۇلى رۋح ۇلى ارماندى سومدايدى. وتانشىلدىق تۋىن بيىك جەلبىرەتىپ، وتانشىلدىق تاربيەنى حالىقتىق تاربيەنىڭ جانە رۋحاني وركەنيەت قۇرىلىسىنىڭ تۇتاس بارىسىنا سىڭىرگەندە عانا، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزەتىن رۋحاني كۇشىن ۇيىستىرىپ، ءبىر نيەتپەن جۇڭگو ارمانىن بىرگە سومداۋ ۇلى كۇشىن اناعۇرلىم اسقاقتاتۋعا بولادى.
مۇرات، نانىم، سەنىم قاي - قاشان دا ەرەكشە ماڭىزدى. جاڭا ءداۋىر وتانشىلدىق تاربيەسىن كۇشەيتۋدە “ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، وتانشىلدىقتى بۇكىل جۇڭگو حالقىنىڭ بەرىك نانىمىنا، رۋحاني كۇشىنە جانە سانالى ارەكەتىنە اينالدىرۋ كەرەك. ەڭسە كوتەرۋدەن، بايۋدان قۇدىرەتتەنۋگە دەيىن جاڭا جۇڭگو قۇرىلعان 70 جىلدان بەرگى، اسىرەسە، رەفورما جاساعاننان، ەسىك اشقاننان بەرگى شۇعىلالى تابىستار جۇڭگو كوممۋنيستىك پارتياسىنىڭ نە ءۇشىن ”ىسكەر“ ەكەندىگىنە، ماركسيزمنىڭ نە ءۇشىن ”ىسكە اساتىندىعىنا“، جۇڭگوشا سوتسياليزمنىڭ نە ءۇشىن ”جاقسى ەكەندىگىنە“ كىسى يلانارلىقتاي جاۋاپ بەردى. جاڭا ءداۋىردىڭ جاڭا جورىعىندا ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، وتانشىلدىق سۇيىسپەنشىلىكتى كۇش سالا جەتىلدىرىپ، مەملەكەتتى قۇدىرەتتەندىرۋ جىگەرىن جانىپ، وتاننىڭ ءۇمىتىن اقتاۋ ارەكەتىن امالياتتا ورىنداپ، جاڭا داۋىردەگى وتانشىلدىقتىڭ ەڭ كۇشتى ءۇنىن اسقاقتاتۋىمىز كەرەك.
جۇڭگو ارمانى − مەملەكەتتىڭ ارمانى، ۇلتتىڭ ارمانى، سونداي - اق ءاربىر ادامنىڭ ارمانى. جاڭا ءداۋىر وتانشىلدىق تاربيەسىن كۇشەيتۋدە ءداۋىردىڭ نەگىزگى تاقىرىبىن يگەرىپ، ادامداردى جۇڭگو ارمانىنىڭ ءمانى − مەملەكەتتىڭ باي، قۇدىرەتتى بولۋى، ۇلتتىڭ گۇلدەنۋى، حالىقتىڭ باقىتتى بولۋى ەكەندىگىن تەرەڭ تۇسىنۋگە جەتەلەپ، جالپى حالىقتىڭ پارتيانى ءسۇيۋ، وتاندى ءسۇيۋ، سوتسياليزمدى ءسۇيۋ زور سۇيىسپەنشىلىگىن قاۋلاتىپ، جاڭا داۋىرگە ەكپىندەۋدىڭ، ۇلتتىڭ گۇلدەنۋىن جۇزەگە اسىرۋدىڭ قۇدىرەتتى كۇشىن ۇيىستىرۋ كەرەك. ”ءاربىر جۇڭگولىق جونىنەن ايتقاندا، وتانشىلدىق − بورىش ءارى جاۋاپكەرشىلىك، جۇرەكتىڭ بايلاۋى، كوڭىلدىڭ تياناعى“. وتباسى، وتان سۇيىسپەنشىلىگىن تەرەڭ ورناتىپ، رۋحاني مەكەندى جەتىلدىرىپ، جەكەنىڭ ارمانىن مەملەكەتتىڭ دامۋ، ءداۋىردىڭ العا باسۋ ۇلكەن تولقىنىمەن توعىستىرعاندا عانا، ءبىز وتانمەن بىرگە ەكپىندەپ، داۋىرمەن بىرگە دامىپ، جاڭا ءداۋىردىڭ كۇرەسكەرلەرىنەن، ارمانعا قۇلاش سەرمەۋشىلەرىنەن بولا الامىز.
1997 - جىلدان قازىرگە دەيىن بۇكىل ەل بويىنشا جيىنى 473 وتانشىلدىق تاربيەدەن ۇلگى كورسەتۋ بازاسىنا اتاق بەرىلدى، وڭىرلەر، تاراۋلار، ءار دارەجەلى، ءار ءتۇرلى وتانشىلدىق تاربيە بازاسىنان 12 مىڭنان استامىن قۇرىپ، بۇكىل قوعامدا وتانشىلدىق تاربيەنىڭ قىزۋ ورلەۋى ۇزدىكسىز كوتەرىلدى. ورەلى ونەگە سالتقا اينالىپ، جۇرتتى اسەرلەندىردى. بارلىق ادامدى تۇتاس بارىس بويىنشا جان - جاقتى تاربيەلەۋگە تاباندى بولىپ، الۋان ءتۇرلى وتانشىلدىق تاربيە امالياتى ۇلگىسىن دانەكەر ەتىپ، قالىڭ جاستار مەن وسپىرىمدەر اراسىندا وتانشىلدىق تاربيەنى ىشكەرىلەي، باياندى، جاندى ورىستەتىپ، وتانشىلدىق رۋحتى 100 ميلليونداعان حالىقتىڭ جۇرەگىندە بەرىك تامىر تارتتىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋعا سارقىلماس رۋحاني كۇش ازىرلەۋ كەرەك.
(شينحۋا اگەنتتىگىنىڭ 11 - ايدىڭ 12 - كۇنى بەيجيڭنەن بەرگەن حابارى)
