تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «جاڭا ءداۋىر وتانشىلدىق تاربيە اتقارۋ باعدارلاماسىن» باسىپ تاراتتى

  شينحۋا اگەنتتىگىنىڭ 11 - ايدىڭ 12 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «جاڭا ءداۋىر وتانشىلدىق تاربيە اتقارۋ باعدارلاماسىن» باسىپ تاراتتى، سونداي - اق حابارلاندىرۋ شىعارىپ، جەر - جەردەن، تاراۋلاردان ءىس جۇزىندىكپەن بىرلەستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.

  «باعدارلاما»دا مىنالار اتاپ كورسەتىلدى: وتانشىلدىق − جۇڭحۋا ۇلتىنىڭ ۇلت جۇرەگى، ۇلت جانى، جۇڭحۋا ۇلتىنىڭ ەڭ ماڭىزدى رۋحاني بايلىعى، جۇڭگو حالقى مەن جۇڭحۋا ۇلتىنىڭ ۇلت تاۋەلسىزدىگى مەن ۇلت نامىسىن قورعاۋداعى قۇدىرەتتى رۋحاني قوزعاۋشى كۇشى. قازىر جۇڭگوشا سوتسياليزم جاڭا داۋىرگە ءوتىپ، جۇڭحۋا ۇلتىنىڭ ۇلى گۇلدەنۋى شەشۋشى كەزەڭدە تۇر. جاڭا داۋىردە وتانشىلدىق تاربيەنى كۇشەيتۋ − ۇلتتىق رۋحتى اسقاقتاتىپ، بۇكىل ۇلتتىڭ كۇشىن ۇيىستىرۋدا، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدە، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا كەلەلى دە تەرەڭ مانگە يە.

  «باعدارلاما»دا مىنالار اتاپ كورسەتىلدى: ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداۋ كەرەك. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى ايقىن نەگىزگى تاقىرىپ ەتۋگە تاباندى بولۋ، پارتيانى ءسۇيۋدىڭ، وتاندى ءسۇيۋدىڭ، سوتسياليزمدى ءسۇيۋدىڭ بىرلىگىنە تاباندى بولۋ، وتاننىڭ تۇتاستىعى مەن ۇلتتار ىنتىماعىن قورعاۋدى كۇش سالۋ ءتۇيىنى ەتۋگە تاباندى بولۋ، ورناتۋدى نەگىز ەتۋگە، كوركەيتۋگە ءمان بەرۋگە تاباندى بولۋ، جۇڭگونى تياناق ەتىپ دۇنيە جۇزىنە بەت الۋعا تاباندى بولۋ كەرەك.

  «باعدارلاما»دا مىنالار باسا دارىپتەلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن بۇكىل پارتيانى قارۋلاندىرۋعا، حالىقتى تاربيەلەۋگە تاباندى بولىپ، جۇڭگوشا سوتسياليزم جانە جۇڭگو ارمانى تاربيەسىن ىشكەرىلەي ورىستەتىپ، مەملەكەت جاعدايى تاربيەسى مەن اۋقىم ساياساتى تاربيەسىن ىشكەرىلەي ورىستەتىپ، ۇلتتىق رۋح پەن ءداۋىر رۋحىن زور كۇشپەن اسقاقتاتىپ، پارتيا تاريحى، مەملەكەت تاريحى، رەفورما جاساۋ، ەسىك اشۋ تاريحى تاربيەسىن كەڭىنەن ورىستەتىپ، جۇڭحۋانىڭ تاڭداۋلى ءداستۇرلى مادەنيەتىن جالعاستىرىپ جانە اسقاقتاتىپ، وتاننىڭ تۇتاستىعى جانە ۇلتتار ىنتىماعى، العاباسارلىعى تاربيەسىن كۇشەيتىپ، مەملەكەت حاۋىپسىزدىگى تاربيەسىن جانە مەملەكەت قورعانىسى تاربيەسىن كۇشەيتۋ كەرەك.

  «باعدارلاما»دا مىنالار اتاپ كورسەتىلدى: جاڭا ءداۋىر وتانشىلدىق تاربيە بۇكىل حالىققا بەت الىپ، جاستار مەن ورەندەرگە نازاردى شوعىرلاندىرىپ، ساباقحانا وقىتۋىنىڭ نەگىزگى ارنالىق رولىن تولىق ساۋلەلەندىرىپ، مەكتەپتەگى يدەيا، ساياسي، نازاريا ساباقتارىن ويداعىداي جۇرگىزىپ، وتانشىلدىق سارا تۋىندى باسىلىمدارىن ۇيىمداستىرىپ، شىعارىپ، اماليات قيمىلدارىن كەڭىنەن ۇيىمداستىرىپ، ورىستەتىپ، قالىڭ زيالىلار اراسىندا وتانشىلدىق كۇرەس جۇرگىزۋ رۋحىن اسقاقتاتىپ، قوعامنىڭ ءار سالاسىنداعى قايراتكەرلەردىڭ وتانشىلدىق ىستىق ىنتاسىن قاۋلاتۋ كەرەك.

  «باعدارلاما»دا مىنالار اتاپ كورسەتىلدى: جاڭا داۋىرلىك وتانشىلدىق تاربيەنىڭ امالياتتىق دانەكەرىن بايىتىپ، وتانشىلدىق تاربيە بازالارى مەن مەملەكەت قورعانىسى تاربيەسى بازالارىن ويداعىداي قۇرىپ جانە ونان ويداعىداي پايدالانىپ، جول - جوسىندىق، سالتتاردان پايدالانۋعا ءمان بەرىپ، بۇكىل قوعامدا ”مەملەكەت تۋىن بىرگە شىعارۋ، مەملەكەت ءانىن بىرگە شىرقاۋ“ قيمىلىن كەڭىنەن ورىستەتىپ، نەگىزگى زاڭعا سەرت بەرۋ ءراسىمى، پارتياعا كىرۋ، وداققا كىرۋ، قوسىنعا كىرۋ ءراسىمى سياقتىلاردى مۇقيات ۇيىمداستىرۋ كەرەك. كەلەلى ەسكە ءتۇسىرۋ قيمىلدارىن ۇيىمداستىرىپ، كەلەلى ەسكە ءتۇسىرۋ كۇندەرىندە، ەلەۋلى تاريحي وقيعالاردا قامتىلعان وتانشىلدىق تاربيە بايلىقتارىن تولىق كادەگە جاراتىپ، جەلىلەس قۇتتىقتاۋ نەمەسە ەسكە الۋ قيمىلدارىن جانە بۇقارالىق نەگىزگى تاقىرىپتىق تاربيەنى ۇيىمداستىرۋ، ورىستەتۋ كەرەك. ءداستۇرلى جانە وسى زامانعى مەرەكەلەردىڭ ءتالىم - تاربيە رولىن ساۋلەلەندىرىپ، جۇڭگونىڭ ءداستۇرلى مەرەكەلەرىن كوركەيتۋ ينجەنەرياسىن زور كۇشپەن اتقارىپ، ”ءبىزدىڭ مەرەكەمىز“ نەگىزگى تاقىرىپتىق قيمىلىن تەرەڭدەتۋ كەرەك. جاراتىلىستىق، گۋمانيتارلىق كورىنىستەرگە جانە ەلەۋلى ينجەنەريالارعا سۇيەنىپ تاربيە ورىستەتۋ كەرەك.

  «باعدارلاما»دا مىنالار اتاپ كورسەتىلدى: جاڭا ءداۋىر وتانشىلدىق تاربيەنىڭ تەرەڭ رايىن قالىپتاستىرىپ، گازەت - جۋرنال، راديو - كينو - تەلەۆيزيا سياقتى بۇقارالىق اقپارات قۇرالدارىنان ويداعىداي پايدالانىپ، العاباسار تيپتەردىڭ جەتەكشىلىك رولىن ساۋلەلەندىرىپ، تاڭداۋلى ادەبيەت - كوركەمونەر تۋىندىلارىن جاراتىپ، ءوندىرىپ، ءداۋىر ءۇشىن وبراز سومداپ، ءداۋىر ءۇشىن ەستەمە قالدىرىپ، ءداۋىر ءۇشىن تاماشا ءمورال سومداپ، جۇڭگونىڭ قازىرگى زامانعى ادەبيەت - كوركەمونەر شىعارماشىلىعى ينجەنەرياسى، ەلەۋلى تاريحي تاقىرىپتار شىعارماشىلىعى ينجەنەرياسى سياقتىلاردى ىشكەرىلەي اتقارۋ كەرەك. ينتەرنەتتە وتانشىلدىق نەگىزگى اۋەندى اسقاقتاتا شىرقاپ، بەلسەنە العا باساتىن، اشىق، سيىسىمدى، ۇستامدى، جايدارى ازاماتتىق كوڭىل كۇيدى نارلەندىرىپ، تۇزىمدىك جانە زاڭمەن جونگە سالىناتىن كەپىلدى كۇشەيتىپ، مەملەكەت ءانى، مەملەكەت تۋى، مەملەكەت گەربى سياقتى مەملەكەتتىڭ سيمۆولدارى مەن بەلگىلەرىنە قۇرمەت ەتپەۋ، قاھارمان - قۇربانداردىڭ اتى - جونىنە، پورترەتىنە، ات - اتاعىنا، ابىروي - داڭقىنا زالال كەلتىرۋ سياقتى ارەكەتتەردى، وتانشىلدىق تاربيە ورىندارى مەن قۇرىلعىلارىن ءبۇلدىرۋ، بىلعاۋ، زيانداۋ، شاپقىنشىلىق سوعىستى جانە شاپقىنشىلىق ارەكەتتى ۋاعىزداۋ، ۇنامدى ەتىپ كورسەتۋ ارەكەتى سياقتىلاردى زاڭ بويىنشا، ەرەجە بويىنشا قاتاڭ ءبىر جاقتى ەتۋ كەرەك.

  «باعدارلاما» تاعى جاڭا ءداۋىر وتانشىلدىق تاربيەنى ۇيىمداستىرۋ جانە وعان باسشىلىق ەتۋ جونىندە تالاپ قويدى، وڭىرلەر، تاراۋلار وسى باعدارلامانى نەگىز ەتە وتىرىپ دايەكتىلەندىرۋدىڭ، تياناقتاندىرۋدىڭ ناقتى شارالارىن جاساپ، وتانشىلدىق تاربيەنىڭ ءتۇرلى مىندەتتەرىنىڭ، تالاپتارىنىڭ تىڭعىلىقتى تياناقتانۋىنا شىنايى كەپىلدىك ەتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.