تيانشان تورى
تيانشان تورى   ›   جاڭالىقتار   ›   سۋرەتتى حابار

چىن چۋانگو الەۋمەتتىك اۋماققا، جوعارى مەكتەپكە بارىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحى جونىندە ۇگىت - لەكسيا جاسادى

چىن چۋانگو الەۋمەتتىك اۋماققا، جوعارى مەكتەپكە بارىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحى جونىندە ۇگىت - لەكسيا جاساعاندا، بىلاي دەپ باسا دارىپتەدى

شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسى رۋحىنىڭ تيانشاننىڭ تۇستىگى مەن تەرىستىگىندە تياناقتانىپ، تامىر تارتۋىن ىلگەرىلەتۋ كەرەك

    11 - ايدىڭ 12 - كۇنى تۇستەن بۇرىن ورتالىق ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىنىڭ تيانشان رايونى حىپيڭ جولى اۋماعىن باسقارۋ كوميتەتى سانشان الەۋمەتتىك اۋماعىنا جانە شينجياڭ داشۋەسىنە بارىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحى جونىندە ۇگىت - لەكسيا جاسادى. سۋرەتتە: چىن چۋانگو شينجياڭ داشۋەسىندە ءار ۇلت وقىتۋشى - وقۋشىلارىمەن ۇيرەنۋ اسەرلەرى جونىندە پىكىر اۋىستىرۋدا. سۋرەتتى ءتىلشى سۇي جىجيان تۇسىرگەن

  ءتىلشى ياۋ تۇڭ 11 - ايدىڭ 12 - كۇنى ۇرىمجىدەن حابارلايدى. 11 - ايدىڭ 12 - كۇنى تۇستەن بۇرىن، ورتالىق ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىنىڭ تيانشان رايونى حىپيڭ جولى اۋماعىن باسقارۋ كوميتەتى سانشان الەۋمەتتىك اۋماعىنا جانە شينجياڭ داشۋەسىنە بارىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحى جونىندە ۇگىت - لەكسيا جاساپ، نەگىزگى ساتىداعى كادر - بۇقارامەن، ءار ۇلت وقىتۋشى - وقۋشىلارىمەن ۇيرەنۋ اسەرلەرى جونىندە پىكىر اۋىستىردى. چىن چۋانگو بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جالپى ءماجىلىس ورنالاستىرعان ءتۇيىندى مىندەتتەردى مۇقيات دايەكتىلەندىرىپ، تياناقتاندىرىپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزاماندىرۋدى ىلگەرىلەتۋ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جۇرگىزۋ كەرەك.

  پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ جەڭىسپەن اشىلۋى تۇتاس رايونىمىزداعى ءار ۇلت پارتيا مۇشەلەرى مەن بۇقارا اراسىندا كۇشتى اڭىس قوزعادى. سانشان الەۋمەتتىك اۋماعى بۇقارالىق مادەنيەت قيمىل ورتالىعى، موشياڭ ءۇيى، تانىم مەن ارەكەت دەڭى سياقتىلاردى تياناق ەتىپ، قاراستى وڭىرلەردەگى ءار ۇلت بۇقاراسىن پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن مۇقيات ۇيرەنۋگە ۇيىمداستىردى. چىن چۋانگو الەۋمەتتىك اۋماققا بارىپ، نەگىزگى ساتى پارتيا ۇيىمىنداعى جاۋاپتى جولداستارمەن، ساقا پارتيا مۇشەلەرىمەن جانە الەۋمەتتىك اۋماقتاعى بۇقارامەن ىقىلاسپەن اڭگىمەلەسىپ، الەۋمەتتىك اۋماقتىڭ بۇقاراعا قىزمەت ەتۋ، حالىق تۇرمىسىن جاقسارتۋ، ۇلتتار ىنتىماعى، پارتيا قۇرىلىسى سياقتى جاقتارداعى جاعدايلارىن تاپتەشتەي ۇعىسىپ، جالپى ءماجىلىستىڭ رۋحىن ۇيرەنۋدەن العان اسەرلەرى جونىندە پىكىر اۋىستىردى. 53 جىلدىق پارتيا ستاجى بار جاپار رەجەپ اسەرلەنە بىلاي دەدى: قازىر تۇرمىسىمىز بارعان سايىن جاقساردى، مەملەكەت بارعان سايىن بايىپ - قۇدىرەتتەندى. بۇل رەتكى جالپى ءماجىلىس حالىق تۇرمىسىن قامتاماسىز ەتەتىن تاعى كوپتەگەن كەلەلى ساياساتتار مەن شارالاردى شىعاردى، ءبىز پارتياعا شىن جۇرەكتەن العىس ايتامىز. چىن چۋانگو بىلاي دەدى: الەۋمەتتىك اۋماق − قوعامدىق جونگە سالۋداعى نەگىزگى بولەك، الەۋمەتتىك اۋماقتى جونگە سالۋ پارتيا مەن مەملەكەتتىڭ ءىرى باعىت - ساياساتتارىن دايەكتىلەندىرۋگە، تياناقتاندىرۋعا سايادى، تۇرعىنداردىڭ، بۇقارانىڭ ءتول مۇددەسىنە قاتىستى. الەۋمەتتىك اۋماقتى جونگە سالۋدىڭ زاڭمەن جونگە سالىنۋ، عىلميلانۋ، تىڭعىلىقتى بولۋ ورەسىن جانە ۇيىمدانۋ دەڭگەيىن جاپپاي جوعارىلاتىپ، الەۋمەتتىك اۋماقتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جەبەپ، حالىقتىڭ ارمان - تىلەگىنە دەر كەزىندە ءۇن قاتۋعا تاباندى بولىپ، حالىق تۇرمىسىنداعى قيىن ماسەلەلەردى كوزدەپ، بۇقارانىڭ ۇلكەندى - كىشىلى ىستەرىن ويداعىداي ءبىتىرىپ، ءار ۇلت بۇقاراسىنىڭ اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلۋىنە مۇمكىندىك جاساۋ كەرەك.

  شينجياڭ داشۋەسىندە چىن چۋانگو ەنەرگيا ماتەريالدار حيميالىق وقۋ - اعارتۋ ءبولىمى ءتۇيىندى تاجىريبەحاناسىنىڭ عىلمي زەرتتەۋ جاعدايىنا جانە ماركسيزم شۋەيۋانىنىڭ يدەيا - ساياسي ساباعىن وقىتۋ جاعدايىنا تەكسەرۋ - زەرتتەۋ جۇرگىزىپ، ءار ۇلت وقىتۋشى - وقۋشىلارىنا پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحى جونىندە بەتپە - بەت ۇگىت - لەكسيا جاسادى. چىن چۋانگو بىلاي دەدى: جاڭا جۇڭگو قۇرىلعان 70 جىلدان بەرى، پارتيامىز حالىققا باسشىلىق ەتىپ، دۇنيە جۇزىندە سيرەك كەزدەسەتىن ەكى ۇلكەن كەرەمەتتى جاراتتى، ءبىرى، ەكونوميكانىڭ جىلدام دامۋ كەرەمەتى، ەندى ءبىرى، قوعامنىڭ ۇزاق ۋاقىت ورنىقتى بولۋ كەرەمەتى. اسىرەسە، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، جۇڭگوشا سوتسياليزمدى ىلگەرىلەتۋدە بۇكىل الەمدى جالت قاراتقان شۇعىلالى تابىسقا قول جەتكىزدى. اماليات − اقيقاتتى سىننان وتكىزەتىن بىردەن - ءبىر ولشەم، جاڭا جۇڭگو قۇرىلعان 70 جىلدان بەرى قول جەتكىزگەن تاريحي تابىستار: جۇڭگوشا سوتسياليزم ءتۇزىمىنىڭ جانە مەملەكەتتى جونگە سالۋ جۇيەسىنىڭ قۇدىرەتتى ومىرشەڭدىك كۇشكە جانە وراسان زور باسىمدىققا يە ەكەندىگىن، قازىرگى زامانعى جۇڭگونىڭ دامۋىنىڭ، العا باسۋىنىڭ ءتۇبىرلى كەپىلى ەكەندىگىن تولىق دالەلدەدى. قالىڭ وقىتۋشى - وقۋشىلاردىڭ ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، داڭقتى ءداستۇردى بارىنشا اسقاقتاتىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى قىزىل گەندى جالعاستىراتىن، ءتۇزىم سەنىمىن بەكەمدەيتىن يدەيالىق سانالىلىققا اينالدىرۋىن، بۇلجىماستان پارتياعا العىس ايتۋدىڭ، پارتيانىڭ سوزىنە قۇلاق اسۋدىڭ، پارتياعا ىلەسۋدىڭ ءىس جۇزىندىك ارەكەتىنە اينالدىرۋىن، وتانعا قىزمەت ەتۋدىڭ، وتاندى كوركەيتۋدىڭ قۇدىرەتتى قوزعاۋشى كۇشىنە اينالدىرۋىن ءۇمىت ەتەمىن.

  چىن چۋانگو ۇگىت - لەكسيا بارىسىندا بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ءبىر مەزگىلدەگى كەلەلى ساياسي مىندەت ەتىپ، جالپى ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋمەن، تياناقتاندىرۋمەن ۇشتاستىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋمەن ۇشتاستىرىپ، جالپى ءماجىلىس تۇراقتاندىرعان ءتۇرلى نىسانالاردى، مىندەتتەردى جاپپاي تياناقتاندىرىپ، ءتۇزىم باسىمدىعىن جونگە سالۋ ونىمدىلىگىنە شىنايى اينالدىرىپ، دامۋدىڭ اناعۇرلىم ساپالى بولۋىنا، جونگە سالۋدىڭ اناعۇرلىم ورەلى بولۋىنا، حالىقتىڭ اناعۇرلىم تابىس سەزىمىنە كەنەلۋىنە مۇمكىندىك جاساپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسى رۋحىنىڭ تيانشاننىڭ تۇستىگى مەن تەرىستىگىندە تياناقتانىپ، تامىر تارتۋىن ىلگەرىلەتۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ قيمىلعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.