تيانشان تورى   ›   جاڭالىقتار   ›   ەل ءىشى حابارى

باتىس بولەكتەگى 12 ولكە، اۆتونوميالى رايون، توتە قاراستى قالا چۇڭچيڭدە باتىس بولەك قۇرلىق- تەڭىز جاڭا ارناسىن بىرگە قۇرۋ كەلىسىمىنە قول قويدى

  10-ايدىڭ 13-كۇنى، چۇڭچيڭ، گۋاڭشي، گۇيجوۋ، گانسۋ، چيڭحاي، شينجياڭ، يۇننان، نيڭشيا، شانشي، سىچۋان، ىشكى موڭعۇل، شيزاڭ قاتارلى باتىس بولەكتەگى 12 ولكە، اۆتونوميالى رايون، توتە قاراستى قالا مەن حاينان ولكەسى، گۋاڭدۇڭ ولكەسى جانجياڭ قالاسى چۇڭچيڭدە باتىس بولەك قۇرلىق-تەڭىز جاڭا ارناسىن سەلبەسىپ بىرگە قۇرۋ جۇلگەلىك كەلىسىمىنە قول قويدى.

  ۇعىسۋعا قاراعاندا، ناق مايداندا تاعى «وڭىرلىك كەدەننىڭ باتىس بولەكتەگى قۇرلىق-تەڭىز جاڭا ارناسى قۇرىلىسىن بىرگە قولداۋى جونىندەگى سەلبەستىك ەسكەرتپەسى» مەن « جۇڭگو قۇرىلىس بانكەسىنىڭ باتىس بولەكتەگى قۇرلىق- تەڭىز جاڭا ارناسى قۇرىلىسىنا فينانيستىك قىزمەت وتەۋ جۇلگەلىك كەلىسىمىنە» قول قويدى .

  مەملەكەتتىڭ « باتىس بولەكتەگى قۇرلىق-تەڭىز جاڭا ارناسىنىڭ جالپى تۇلعالىق پلانىن » تياناقتاندىرۋ، ولكەلەر ارا كەڭەسۋ مەن سەلبەستىكتى كۇشەيتىپ، قۇرلىق پەن تەڭىزدىڭ قوس باعىتتا اشىق اشىلۋىن تەرەڭدەتۋ، باتىس بولەكتى قاۋىرت اشۋدى ىلگەرىلەتىپ، جاڭا جاعداي قالىپتاستىرۋ ٴۇشىن، باتىس بولەكتەگى 12 ولكە، اۆتونوميالى رايون، توتە قاراستى قالا، حاينان ولكەسى، گۋاڭدۇڭ ولكەسىنىڭ جانجياڭ قالاسى « باتىس بولەكتەگى قۇرلىق-تەڭىز جاڭا ارناسىنىڭ جۇلگەلىك كەلىسىمىنە » قول قويدى. كەلىسىمگە ساي، تاراپتار « ۇكىمەت جەتەكشىلىك ەتۋ، كاسىپورىن نەگىزگى تۇلعا بولۋ، بازار جۇمىس جۇرگىزۋ » پرينسيبىنە تاباندى بولىپ، باستىسى سان-سالالى قاتىناۋ تەكشەسىن قۇرۋ، تاسىمال ارناسى قۇرىلىسىن جەدەلدەتۋ، زات اينالىمى قۇرىلعى قۇرىلىسىن كۇشەيتۋ، ارنا اينالىمى مەن زات اينالىمى ونىمدىلىگىن جوعارىلاتۋ، ارنا مەن وڭىرلىك ەكونوميكانىڭ توعىسپالى دامۋىن جەبەۋ، قولداۋ ساياساتىن سايكەستى كەمەلدەندىرۋ، ۇگىتتەۋ، جەتەكتەۋ سياقتى جاقتاردا سەلبەستىك ورىستەتەدى .

  چۇڭچيڭ، كوكحوت، مانجوۋلي، ناننيڭ، چىڭدۋ، گۇيياڭ، كۇنميڭ، لحاسا، شي-ان، لانجوۋ، شيننيڭ، يىنچۋان، ٴۇرىمجى قاتارلى باتىس بولەككە توتە قاراستى 13 كەدەن مەن حايكوۋ، جانجياڭ سىندى ەكى تەڭىز جاعالاۋى كەدەنى « وڭىرلىك كەدەننىڭ باتىس بولەكتەگى قۇرلىق-تەڭىز جاڭا ارناسى قۇرىلىسىن قولداۋى جونىندەگى سەلبەستىك ەسكەرتپەسىنە» بىرگە قول قويدى. تاراپتار جالپى تۇلعالىق مەملەكەت حاۋىپسىزدىگى كوزقاراسىن تياناقتاندىرۋ، كاسىپ رەفورماسىن جاپپاي تەرەڭدەتۋ، كەدەننەن ٴوتۋدى قولايلىلاندىرۋ دەڭگەيىن جوعارىلاتۋ، جول بويىنداعى كاسىپتەردىڭ دامۋىن جەبەۋ، سەلبەستىكتى قامتاماسىزداندىرۋ مەحانيزمىن كەمەلدەندىرۋ سياقتى جاقتاردا كەدەن اتتاعان وڭىرلەردىڭ سەلبەستىگىن اناعۇرلىم تەرەڭدەتىپ، باتىس بولەكتەگى قۇرلىق-تەڭىز جاڭا ارناسى قۇرىلىسىنا بەلسەنە قولداۋ كورسەتەدى .

  جۇڭگو قۇرىلىس بانكەسى باتىس بولەكتەگى 12 ولكە، اۆتونوميالى رايون، توتە قاراستى قالا، حاينان ولكەسى جانە سينگاپور، ۆەتنام، يندونەزيا، مالايزياداعى كوپتەگەن بولىمشە قۇرىلىمدارمەن « جۇڭگو قۇرىلىس بانكەسىنىڭ باتىس بولەك قۇرلىق - تەڭىز جاڭا ارناسى قۇرىلىسىنا فينانستىق قىزمەت وتەۋ جۇلگەلىك كەلىسىمىنە» بىرگە قول قويدى. ٴارقايسى جاق دارىندىلار، ايگىلى ماركا، قاريدار، جول جانە ٴونىم سياقتى جاقتارداعى باسىمدىلىقتارىن تولىق ساۋلەلەندىرىپ، باتىس بولەكتەگى قۇرلىق-تەڭىز جاڭا ارناسى قۇرىلىسى فينانستىق قىزمەت وتەۋ سەلبەستىك مەحانيزمىن بىرگە ورناتىپ، باتىس بولەكتىڭ جوعارى دەڭگەيدە ەسىك اشۋىنا، جوعارى ساپالى دامۋىنا دەم بەرەدى .

  قول قويۋ قيمىلىنان كەيىن، باتىس بولەكتەگى قۇرلىق-تەڭىز جاڭا ارناسىن سەلبەسىپ بىرگە قۇرۋ جونىندە ارناۋلى تاقىرىپتىق ٴماجىلىس اشىلدى.

  اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى