تيانشان تورى   ›   جاڭالىقتار   ›   ەل ءىشى حابارى

ورتالىق كوميتەت ۇگىت ءبولىمى 2020- جىلدىق پارتيا گازەتتەرىن، پارتيا جۋرنالدارىن تاراتۋ قىزمەتىن ورىستەتۋ جونىندە ورنالاستىرۋ جاسادى

  شينحۋا اگەنتتىگىنىڭ 11 - ايدىڭ 13 - كۇنى بەيجيڭنەن بەرگەن حابارى. 2020 - جىلدىق پارتيا گازەتتەرىن، پارتيا جۋرنالدارىن تاراتۋ قىزمەتى جونىندەگى بەينە - جازبا ءماجىلىسى 11 - ايدىڭ 13 - كۇنى بەيجيڭدە اشىلدى. ءماجىلىس مىنالاردى باسا دارىپتەدى: پارتيا مەن مەملەكەت قىزمەتى جالپى جاعدايى تۇرعىسىنان، جاڭا جاعدايداعى پارتيا گازەتتەرىن، پارتيا جۋرنالدارىن تاراتۋ قىزمەتىن جاقسى ىستەۋدىڭ ەرەكشە ماڭىزىن تولىق تانىپ، حالىق گازەتى، «ىزدەنۋ» جۋرنالى، سونداي - اق ساۋلە گازەتى، ەكونوميكا گازەتى سياقتى ورتالىقتىڭ ءتۇيىندى پارتيا گازەتتەرىن، پارتيا جۋرنالدارىن تاراتۋ قىزمەتىن شىن مانىندە جاقسى ىستەپ، پارتيا گازەتتەرىنىڭ، پارتيا جۋرنالدارىنىڭ تاراتۋ قۋاتىن، جەتەكشىلىك قۋاتىن، ىقپال قۋاتىن، الەۋمەتتىك سەنىمدىلىك قۋاتىن ۇزدىكسىز جوعارىلاتۋ كەرەك.

  ءماجىلىس مىنالاردى تالاپ ەتتى: جەر - جەر، تاراۋلار شىن مانىندە ءونىمدى شارالار قولدانىپ، جازىلۋ مىندەتىن تياناقتاندىرىپ، جازىلۋ قاراجاتىمەن قامتاماسىزداندىرىپ، باياندى ءونىمدى قىزمەت مەحانيزمىن ورناتۋ جونىندە ىزدەنىس جاساپ، پارتيا گازەتتەرى، پارتيا جۋرنالدارى تارالىمىنىڭ ورنىقتىلىعىن ساقتاۋعا شىنايى كەپىلدىك ەتۋى كەرەك. پايدالانۋشىلاردىڭ وي - جەلىسىن كۇشەيتىپ، تاراتۋ جوسپارىن عىلمي جاساپ، باسۋ ءتۇيىنىن ورنالاستىرۋدى ساپالىلاندىرىپ، تاراتۋ تورابى مەن ينفورماتسيالاندىرۋ قۇرىلىسىن كۇشەيتىپ، تارالىم ساپاسىن ۇزدىكسىز جوعارىلاتۋ كەرەك. گازەت - جۋرنالداردى تاراتۋعا قاتىستى بەلگىلەمەلەردى قاتاڭ اتقارىپ، تەگەۋرىندى كۇيدى ساقتاپ، بەلگىلەمەگە قايشى تارالىمداردى رەتتەپ، وڭاۋدى ۇزدىكسىز مىقتى يگەرىپ، باقىلاۋدى، جاۋاپقا تارتۋدى كۇشەيتىپ، پارتيا گازەتىنە، جۋرنالىنا جاتپايتىن باسىلىمداردى بەلگىلەمەگە قايشىلىق جاساپ تاراتۋ قۇبىلىسىن باتىل شەكتەۋ كەرەك.

  ءماجىلىس مىنالاردى اتاپ كورسەتتى: گازەت - جۋرنالداردى ويداعىداي شىعارۋ − تارالىمدى جاقسى ىستەۋدىڭ نەگىزى. پارتيا گازەتتەرى مەن پارتيا جۋرنالدارى كەمەلدەنۋگە، جاڭالىق اشۋعا كۇش سالىپ، مازمۇندىق ءوندىرىستىڭ ارتىقشىلىعىن تولىق ساۋلەلەندىرىپ، جازۋ ستيلىن جاقسارتۋدان جازباي، گازەت شىعارۋ، جۋرنال شىعارۋ ساپاسىن ۇزدىكسىز جوعارىلاتىپ، باۋراۋ قۋاتىن، تارتۋ قۋاتىن كۇشەيتۋ كەرەك. ينتەرنەتتە تاراتۋ زاڭدىلىعىنا جانە جاڭا مەديالاردىڭ دامۋ زاڭدىلىعىنا ۇيلەسىپ، مەديالاردىڭ ىشكەرىلەي توعىسۋىن ىلگەرىلەتىپ، نەگىزگى كۇشتىڭ نەگىزگى شەپكە بارۋىن جەدەلدەتىپ، ومىرشەڭدىكتىڭ، دامۋدىڭ ىرىقتىلىعىن مىقتى يگەرۋ كەرەك. پارتيا گازەتتەرىن، پارتيا جۋرنالدارىن وقۋدى، پايدالانۋدى كۇشەيتىپ، ۇگىتتى، تانىستىرۋدى ويداعىداي ىستەپ، پارتيالى كادرلاردىڭ، اسىرەسە، جاس پارتيالى كادرلاردىڭ پارتيا گازەتتەرىن، پارتيا جۋرنالدارىن وقۋ، پايدالانۋ ادەتىن جەتىلدىرىپ، پارتيا گازەتتەرىن، پارتيا جۋرنالدارىن وقۋ، پايدالانۋ مولشەرىن ءونىمدى جوعارىلاتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.