بۇلىكتى تيىپ، دۇربەلەڭدى تەجەپ، ءتارتىپتى قالپىنا كەلتىرۋ شياڭگاڭنىڭ كەزەكتەگى ەڭ شۇعىل مىندەتى
شينحۋا اگەنتتىگىنىڭ 11 - ايدىڭ 14 - كۇنى برازيليادان بەرگەن حابارى. جەرگىلىكتى ۋاقىت 11 - ايدىڭ 14 - كۇنى مەملەكەت ءتوراعاسى شي جينپيڭ برازيليادا بريكس ەلدەرى باسشىلارىنىڭ 11 - رەتكى ديدارلاسۋىنا قاتىناسقاندا شياڭگاڭنىڭ قازىرگى جاعدايى جونىندە جۇڭگو ۇكىمەتىنىڭ قاتاڭ تۇرعىسىن ءبىلدىردى.
شي جينپيڭ بىلاي دەپ اتاپ كورسەتتى: شياڭگاڭدا ۇزدىكسىز تۋىلعان ۇشقارى زورلىقتى كۇش قىلمىستىق ارەكەتتەرى زاڭمەن باسقارۋدى جانە قوعامدىق ءتارتىپتى اۋىر دارەجەدە اياققا تاپتادى، شياڭگاڭنىڭ گۇلدەنۋىن، ورنىقتىلىعىن اۋىر دارەجەدە ءبۇلدىردى، ”ءبىر ەل، ەكى ءتۇزىم“ پرينسيبىنىڭ تومەنگى شەگىنە اۋىر دارەجەدە سايىس جاريالادى. بۇلىكتى تيىپ، دۇربەلەڭدى تەجەپ، ءتارتىپتى قالپىنا كەلتىرۋ − شياڭگاڭنىڭ كەزەكتەگى ەڭ شۇعىل مىندەتى. ءبىز اكىمنىڭ شياڭگاڭ ەرەكشە اكىمشىلىك رايونى ۇكىمەتىن باستاپ زاڭ بويىنشا بيلىك جۇرگىزۋىن ۇزدىكسىز تاباندىلىقپەن قولدايمىز، شياڭگاڭ ساقشى جاعىنىڭ زاڭدى قاتاڭ اتقارۋىن تاباندىلىقپەن قولدايمىز، شياڭگاڭ ءادىليا قۇرىلىمىنىڭ زورلىقتى كۇش قىلمىستىق ەلەمەنتتەرىن زاڭ بويىنشا جازالاۋىن تاباندىلىقپەن قولدايمىز. جۇڭگو ۇكىمەتىنىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ بەكىمى استە بۇلجىمايدى، ”ءبىر ەل، ەكى ءتۇزىم“ باعىتىن دايەكتىلەندىرۋ بەكىمى استە بۇلجىمايدى، ءارقانداي سىرتقى كۇشتىڭ شياڭگاڭنىڭ ىستەرىنە كيلىگۋىنە قارسى تۇرۋ بەكىمى استە بۇلجىمايدى.
