تيانشان تورى   ›   جاڭالىقتار   ›   شينجياڭ حابارلارى

”زەردەلى الەۋمەتتىك قور“ بۇقاراعا قولايلىلىق جەتكىزدى

بۇكىل رايونداعى ءار ءۇش كاسىپتىك جۇمىستىڭ ەكەۋى جەلىدە اۆتوماتتى بىتىرىلەدى

  ءتىلشى ۋاڭ يۇيجاۋ 11 - ايدىڭ 14 - كۇنى ۇرىمجىدەن حابارلايدى. ”قازىر بۇكىل رايونداعى ءار ءۇش تۇرعىن ءۇي الەۋمەتتىك قور كاسىپتىك جۇمىسىنىڭ ەكەۋى ينتەرنەتتە اۆتوماتتى ءبىتىرىلىپ، تۇرعىن ءۇي الەۋمەتتىك قورىنىڭ زەردەلى قىزمەت وتەۋ دەڭگەيى جاپپاي جوعارىلاتىلدى“، - دەدى 11 - ايدىڭ 12 - كۇنى اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنىڭ تۇرعىن ءۇي الەۋمەتتىك قورىن باقىلاۋ - باسقارۋ باسقارماسىنىڭ باستىعى لي شين.

  سوڭعى جىلداردان بەرى، اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى بۇرىنعى تۇرعىن ءۇي الەۋمەتتىك قورىن باسقارۋ ورتالىقتارىنىڭ ينفورماتسيا جۇيەسىن بىتىراندى قۇرۋ ءادىسىن وزگەرتىپ، شوعىرلاندىرىپ قۇرۋ باسىمدىعىن تولىق ساۋلەلەندىرىپ، ءبىر تۇتاس مەردىگەر شاقىرۋ فورماسىن قولدانىپ، جۇيەلىلەندىرىپ باسقارۋ، قىزمەت وتەۋ دەڭگەيىن ءوسىرۋ، باقىلاۋ - باسقارۋدى كۇشەيتۋ ارقىلى ينفورماتسيالاندىرۋ قۇرىلىسىن جەتەكتەپ، بۇكىل ەل بويىنشا تۇڭعىش بۇلتتىق تۇعىردى نەگىز ەتكەن، بۇكىل رايوندا ءبىر تۇتاس بولعان جۇمىس باسقارۋ، ۋنيۆەرسال قىزمەت وتەۋ، ساندى مالىمەتتەردى ورتاقتاسۋ، دەر كەزىندە باقىلاۋ - باسقارۋ تورتەۋى ءبىر تۇلعالانعان ”زەردەلى الەۋمەتتىك قور“ ينفورماتسيا تۇعىرىن قۇردى. رايونىمىزدىڭ تۇرعىن ءۇي الەۋمەتتىك قورىنىڭ تەكشەدەن جەلىگە، ادام كۇشىمەن ىستەۋدەن زەردەلىلەنۋگە، ”بۇقارانىڭ جۇگىرۋى“نەن ”ينفورماتسيا جەلىسى ارقىلى بىتىرۋىنە“ دەيىنگى جان - جاقتى وزگەرىستى جۇزەگە اسىردى.

  رايونىمىز تۇرعىن ءۇي الەۋمەتتىك قورى ۋنيۆەرسال قىزمەت وتەۋ تۇعىرىن قۇرىپ، ”ينتەرنەت + قىزمەت وتەۋ“ىن ازىرلەپ، پورتال، جەلىلىك تيجارات زالى، قول تەلەفون الەۋمەتتىك قور APPى، 12329 قىزمەت وتەۋ ىستىق لەنياسى، 12329 كەلتە حات، ۋيچات الەۋمەتتىك ءنومىرى، اۆتوماتتى تەرمينال سياقتى 7 ۇلكەن قىزمەت وتەۋ ارناسىن ءبىر تۇلعالاندىرىپ، ءبىر تۇتاس جۇمىس جۇرگىزۋ، تالداۋ جاساۋ، باسقارۋ جانە قىزمەت وتەۋدى جۇزەگە اسىردى. امانات قوياتىن جۇمىسشى - قىزمەتكەرلەر جەكەلەر جەلىلىك تيجارات زالى، ”قول تەلەفون الەۋمەتتىك قورى APPى“ سياقتىلار ارقىلى تۇرعىن ءۇي الەۋمەتتىك قورى جۇمىستارىن بىتىرە الادى.

  بۇل كۇندەرى ”الەۋمەتتىك قور جۇمىسىمدى ءوزىم بىتىرەم“ دەگەن ءسوز قازىرگى تۇرعىن ءۇي الەۋمەتتىك قورىن اماناتقا تاپسىراتىن جۇمىسشى - قىزمەتكەرلەردىڭ ورتاق تانىمىنا اينالىپ، بارعان سايىن كوبەيگەن جۇمىس بىتىرۋدە ”ەشقانداي ماتەريال بولماۋ، ەشقانداي جۇگىرۋ بولماۋ“ جۇزەگە اسىرىلىپ، ”ساۋساقپەن“ ءىس ءبىتىرۋ، ”جەلىدەن ساتىپ الۋ ۇلگىسىن“ باستان كەشۋ الا كەلگەن قولايلى قىزمەت وتەۋلەر ونان ارى جالپىلاستى. قازىرگە دەيىن رايونىمىزداعى 39 مىڭ 400 ورىن تۇرعىن ءۇي الەۋمەتتىك قورى جەلىلىك تيجارات زالىن اشىپ، ەسەپ اشقان ورىنداردىڭ %94ىن يەلەدى، قول تەلەفون الەۋمەتتىك قورىAPPىنە تىركەلگەن ادام سانى ءبىر ميلليون 100 مىڭنان استى، ۋيچات الەۋمەتتىك نومىرىنە تىركەلگەن ادام سانى 910 مىڭعا تايادى، 12329 قىزمەت وتەۋ ىستىق لەنياسىنىڭ تىڭدالۋى جيىنى 5 ميلليون 823 مىڭ رەتتەن استى، بۇكىل رايونداعى تۇرعىن ءۇي الەۋمەتتىك قورى جۇمىسىنىڭ تەكشەدەن قول ءۇزۋ سالىستىرماسى %65تەن استى.

  لي شين بىلاي دەپ تانىستىردى: بۇكىل رايونداعى تۇرعىن ءۇي الەۋمەتتىك قورىن باسقاراتىن ءبىر تۇتاس ينفورماتسيا جۇيەسىن، ءبىر تۇتاس ساندى مالىمەت قامباسى جانە ءبىر تۇتاس ساندى مالىمەت ارناۋلى جەلىسىن قۇرۋ ارقىلى ءارقايسى جۇمىس بارىسىن تۇتاستىرىپ، رايونىمىزدا تۇرعىن ءۇي الەۋمەتتىك قورىنىڭ ەسەپ - قيسابىن اشۋدان كاسىپ ۇسىنۋ، اعىن باعىتىن مەڭگەرۋ، دەر كەزىندە ەسەپ جابۋ، قازىنالىق ەسەپكە قوندىرۋ تۇيىق اينالىمدى باسقارۋى جۇزەگە اسىرىلدى. رايونىمىز تۇرعىن ءۇي الەۋمەتتىك قورى ساندى مالىمەت ورتاقتاسۋ تۇعىرى قۇرىلىسىن جەدەل ىلگەرىلەتىپ، امالدىڭ بارىنشا امانات قوياتىن جۇمىسشى - قىزمەتكەرلەردىڭ جۇمىس بىتىرۋدە قاتىستى انىقتاما ماتەريالداردى از دايىنداۋىنا نەمەسە دايىنداپ اۋرە بولماۋىنا مۇمكىندىك جاساپ، جۇمىستىڭ بۇكىل قالادا ءبىرىڭعاي ءبىتىرىلۋى، قولما - قول ءبىتىرىلۋى سياقتىلاردى جۇزەگە اسىردى.

  تۇرعىن ءۇي الەۋمەتتىك قورىن باقىلاۋ - باسقارۋ جاعىندا رايونىمىز باقىلاۋ - باسقارۋ ينفورماتسيا تۇعىرىن قۇرىپ، تۇرعىن ءۇي الەۋمەتتىك قورىنىڭ ”ساۋساقپەن باقىلاپ - باسقارىلۋىن“ جۇزەگە اسىرىپ، ۇلكەن ساندى مالىمەت تاسىلىنەن پايدالانىپ، جۇمىس كورسەتكىشتەرىن ەندىك، بويلىق بويىنشا سالىستىرۋ ارقىلى كورسەتكىشتىڭ ديناميكالى وزگەرىسىن يگەرىپ، جۇمىستىڭ ءجۇرىلۋى، كورسەتكىش، ساناق جاساۋ، باقىلاپ - باسقارۋ، كەستەگە مالىمدەۋ، ەسەپ جابۋ، كەپىلگە قويۋ، قاراجات، ارناۋلى ءتىزىم، تەكشەدەن قول ءۇزۋ سالىستىرماسى سياقتى ”ون ۇلكەن باقىلاۋ - باسقارۋ نەگىزگى تاقىرىبىن“ تۇراقتاندىردى. ”قازىر تەك ءبىر ۇقىق بەرىلگەن قول تەلەفون بولسا بولعانى بۇكىل شينجياڭنىڭ جەر - جەرىندەگى تۇرعىن ءۇي الەۋمەتتىك قورىنىڭ ەڭ جاڭا ءجۇرىلۋ جاعدايى دەر كەزىندە كورىلىپ، ىرىقتى باقىلاۋ - باسقارۋ قابىلەتى بارىنشا جوعارىلايدى“، - دەدى لي شين.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”زەردەلى ەگىن شارۋاشىلىعى ماشيناسى“ كوكتەمگى وندىرىسكە سەپتىگىن تيگىزدى
  • ءوندىرىس جەلىسىندەگى جۇمىسشىلار قاربالاس جۇمىستا
  • ءۇرىمجى حالىقارالىق اۋەجايىنىڭ سولتۇستىك اۋماعىن كەڭەيتىپ سالۋ ينجەنەرياسى جۇمىستى جالپى بەتتىك قالپىنا كەلتىردى
  • زەردەلى اۋىل شارۋاشىلىق ماشيناسى كوكتەمگى وندىرىسكە دەم بەردى