تيانشان تورى   ›   جاڭالىقتار   ›   شينجياڭ حابارلارى

سۇڭ حۇڭۋي: قىستاق تۇرعىندارىن ورتاق بايۋدىڭ جولىنا باستايمىن

ءتىلشى سۇڭ ياۋىن

  ”وتباسىمدا 15 مۋ جەر بار، بۇرىن جىلدىق كىرىسىم 10 مىڭ يۋانعا جەتپەيتىن، 2018 - جىلى جەردى جارنا رەتىندە كووپەراتيۆكە قوسقان سوڭ، ءوزىم كووپەراتيۆتە جۇمىس ىستەپ، جىل سوڭىندا تابىس ۇلەسى مەن ەڭبەكاقىمدى قوسقاندا، جىلدىق كىرىسىم 50 مىڭ يۋاننان استى، مۇنى بۇرىندارى ويلاۋعا دا باتىنا المايتىنمىن“. 10 - ايدىڭ 15 - كۇنى ءدوربىلجىن اۋدانى شاڭحۋ قالاشىعى كوربۇلاق 2 - قىستاعىنىڭ تۇرعىنى اباي قۇسايىن قۋانىشتى تۇردە بىلاي دەدى: ”مۇنىڭ ءبارى اۋداندىق نۇڭلى شەكىلدەۋىك قاربىز كاسىپتىك كووپەراتيۆى پارتيا ياچەيكاسىنىڭ شۋجيى، باسالقاسى سۇڭ حۇڭۋيدىڭ ەڭبەگى“.

  بيىل 41 جاستاعى سۇڭ حۇڭۋي ءدوربىلجىن اۋدانى شاڭحۋ قالاشىعى كوربۇلاق 4 - قىستاعىندا تۋعان. 2007 - جىلى 10 - ايدا اتىزداعى شەكىلدەۋىك قاربىز بەن مايلى شەكىلدەۋىك ارت - ارتىنان پىسۋعا تاياسادا، قىستاق تۇرعىندارىنان مول ءونىمنىڭ قۋانىشى بايقالمادى. ويتكەنى ساتۋ ارناسى جوق بولعاندىقتان، قىستاق تۇرعىندارى داعار - داعار شەكىلدەۋىك قاربىزى مەن مايلى شەكىلدەۋىكتى اۋلاعا جيناپ قويىپ، مول ءونىم السادا اقشا تابا الماي، كوپشىلىك ابىرجىپ ءجۇردى.

  مۇنداي جاعدايدان سۇڭ حۇڭۋي قاتتى مازاسىزداندى، ول ءوز اقشاسىمەن ءۇرىمجى، شىحىزى سياقتى جەرلەرگە بارىپ ساتۋ جولىن ىزدەدى. 2 ايعا جۋىق شاپقىلاپ، قىستاقتا باسىلىپ قالعان 400 توننادان استام شەكىلدەۋىك قاربىزى مەن مايلى شەكىلدەۋىكتى اقىرىندا ساتىپ بولدى. ساتۋ جولىن ىزدەۋ بارىسىندا، سۇڭ حۇڭۋي ساتىلماي باسىلىپ قالۋدىڭ سەبەبى قىستاق تۇرعىندارىنىڭ ەگىنشىلىك تەحنيكاسىن بىلمەيتىندىگىن، ەگىن شارۋاشىلىق ونىمدەرىنىڭ ساپاسى جوعارى ەمەس ەكەندىگىن، ساتۋ ارناسىنىڭ جالاڭ ەكەندىگىن تانىپ جەتتى.

  ”پارتيا مۇشەسى رەتىندە، مەن قىستاق تۇرعىندارىن بىرگە بايۋعا باستاۋدى ويلاپ ءجۇردىم“. وسىنداي ويمەن سۇڭ حۇڭۋي ءدوربىلجىن اۋدانىنداعى جەكە بىرەۋدىڭ اشقان شەكىلدەۋىك قاربىز ءدانىن ساتىپ الۋ تۇيىنىنە بارىپ، تيەۋ - ءتۇسىرۋ جۇمىسشىسى بولادى، ول ىستەي ءجۇرىپ ۇيرەنىپ، شەكىلدەۋىك قاربىز ءدانىنىڭ ساپاسىن پارىقتاۋدىڭ جانە ساتۋدىڭ مول تاجىريبەسىن توپتايدى.

  سۇڭ حۇڭۋي قىستاققا قايتىپ كەلگەن سوڭ ءدوربىلجىن اۋداندىق نۇڭلى شەكىلدەۋىك قاربىز كاسىپتىك كووپەراتيۆىن قۇرىپ، 17 قىستاق تۇرعىنىن باستاپ بىرگە ىستەپ، تۇقىمىن ساپالىلاندىرۋ، عىلمي جولمەن ەگۋ ارقىلى شەكىلدەۋىك قاربىز بەن مايلى شەكىلدەۋىكتىڭ ساپاسىن جوعارىلاتادى. 1 - جىلى ءار وتباسى مۋ باسىنان 300 يۋاننان استام كىرىس كىرگىزەدى.

  كووپەراتيۆ مۇشەلەرىنىڭ كىرىسى جوعارىلاعان سوڭ، كووپەراتيۆكە مۇشە بولعىسى كەلگەندەر بارعان سايىن كوبەيەدى. 2 - جىلى كووپەراتيۆ بۇكىل قىستاقتاعى 80نەن استام وتباسىنىڭ جەرىن تۇگەلدەي اينالىسقا سالدى، ”كووپەراتيۆمىز قىستاق تۇرعىندارىنىڭ جەرىن شوعىرلاندىردى، قىستاق تۇرعىندارى جەردى جارنا رەتىندە قوستى، كووپەراتيۆ ءبىر تۇتاس ەگىپ، ءبىر تۇتاس باسقارىپ، كىرىس كىرگىزگەن سوڭ تابىس ۇلەسىن ءبولىستى“، - دەدى سۇڭ حۇڭۋي. جەردى كووپەراتيۆ ءبىر تۇتاس باسقارعان سوڭ، ەگىنشىلىك ءوندىرىسىنىڭ كولەمدەنۋىن، ولشەمدەنۋىن، مۇقيات باسقارىلۋىن جۇزەگە اسىردى، سونىمەن بىرگە قىستاقتاعى ارتىق ەڭبەككۇشتەردى ازات ەتىپ، قىستاق تۇرعىندارىنىڭ ءتۇرلى ارنامەن كىرىستەرىن ارتتىرۋىنا مۇمكىندىك جاراتتى.

  كوممۋنيستىك پارتيا مۇشەسى رەتىندە، سۇڭ حۇڭۋي ءوزىنىڭ جاۋاپكەرشىلىگىن ەشقاشان دا ەستەن شىعارماي، بايۋ جولىندا بىردە - ءبىر ادامدى قاعىس قالدىرماۋعا قۇلشىندى.

  كورشى قىستاق كوربۇلاق 2 - قىستاعى كەدەي قىستاق بولاتىن، قىستاق تۇرعىندارىندا ەگىنشىلىك تەحنيكاسى مەن جەردى باسقارۋ تاجىريبەسى كەمشىل بولعاندىقتان، جەرى بولسادا كىرىستەرى تومەن بولدى، وعان قوسا بىرنەشە جىلدىڭ الدىندا ارت - ارتىنان جاراتىلىستىق اپاتقا ۇشىراپ، كوپتەگەن قىستاق تۇرعىندارى قارىز ارقالاپ قالعان ەدى.

  كوربۇلاق 2 - قىستاعىنىڭ قىسپاقتان قۇتىلۋىنا كومەكتەسۋ ءۇشىن، 2012 - جىلى سۇڭ حۇڭۋي وسى قىستاقتاعى 96 قىستاق تۇرعىنىنىڭ 3000 مۋ جەرىن اينالىسقا سالىپ كووپەراتيۆكە قوستى، قىستاق تۇرعىندارىمەن 3 جىل وزگەرمەيتىن جالپى بارىستىق ”كۇتۋشى“ ۇلگىسىندەگى قىزمەت وتەۋ توقتامىنا قول قويىسادى، سونىمەن بىرگە قسىتاق تۇرعىندارىنىڭ ءبىر ميلليون 700 مىڭ يۋان قارىز اقشا الۋىنا سايكەسەدى.

  ”سۇڭ شۋجيدىڭ كومەگىندە، مەن قارىزىمدى قايتارىپ بولدىم، ايەلىممەن بىرگە كووپەراتيۆتە جۇمىس ىستەپ، نەداۋىر اقشا امانات قويدىم، بيىل جاڭادان ءۇي سالدىم، كەلەر جىلى اۆتوكولىك ساتىپ الۋدى ويلاپ وتىرمىن“. قازىرگى باقىتتى تۇرمىسىنا ايالداعاندا، كوربۇلاق 2 - قىستاعىنىڭ تۇرعىنى ادىلبەك سۇلتان قاباعات قۋانادى.

  قازىر كووپەراتيۆكە جارنا قوسقان قىستاق تۇرعىندارى العاشقى قۇرىلعان كەزدەگى 17 وتباسىنان كوبەيىپ قازىرگى 7 قىستاقتاعى 612 وتباسىنا جەتتى، جارناعا قوسىلعان جەر العاشىنداعى 2000 مۋعا جەتپەۋدەن بۇگىندەرى 70 مىڭ مۋدان اسىپ، توڭىرەكتەگى 1253 وتباسىن يگىلىككە كەنەلدىردى.

  سۇڭ حۇڭۋي ىلگەرىندى - كەيىندى مەملەكەتتىك اۋىل - قىستاق جاستارىنىڭ بايۋ باستاماشىسى، شينجياڭ جاستارى 4 - مامىر مەدالى سياقتى داڭقتارعا يە بولدى. داڭق الدىندا سۇڭ حۇڭۋي ۇنەمى بىلاي دەيدى: ”مەن ەشنارسە تىندىرىپ كەتپەدىم، قازىرگىنىڭ ءبارى پارتيانىڭ جاقسى ساياساتىنان ايرىلا المايدى، كوپشىلىكتىڭ ماعان دەگەن سەنىمى مەن قولداۋىنان ايرىلا المايدى“. بولاشاق تۋرالى ءسوز بولعاندا، سۇڭ حۇڭۋي بىلاي دەدى: ”بۇدان كەيىن مەن بۇرىنعىمداي پارتيا مۇشەلەرىنىڭ اۆانگارد ۇلگىلىك رولىن ساۋلەلەندىرىپ، اناعۇرلىم كوپ بۇقارانى كەدەيلىكتەن ارىلىپ بايۋعا باستايمىن“.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”زەردەلى ەگىن شارۋاشىلىعى ماشيناسى“ كوكتەمگى وندىرىسكە سەپتىگىن تيگىزدى
  • ءوندىرىس جەلىسىندەگى جۇمىسشىلار قاربالاس جۇمىستا
  • ءۇرىمجى حالىقارالىق اۋەجايىنىڭ سولتۇستىك اۋماعىن كەڭەيتىپ سالۋ ينجەنەرياسى جۇمىستى جالپى بەتتىك قالپىنا كەلتىردى
  • زەردەلى اۋىل شارۋاشىلىق ماشيناسى كوكتەمگى وندىرىسكە دەم بەردى