اۆتونوميالى رايوننىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى بۇقارانىڭ مۇددەسىن ەلەمەۋ، زيانداۋ ماسەلەسىن ارناۋلى رەتتەۋ - جونگە سالۋعا باستاماشى بولۋ جاۋاپكەرلىگىن مۇقيات اتقارىپ، اۆتونوميالى رايونعا توتە قاراستى 18 تاراۋ - ورىنمەن بىرلەسىپ ارناۋلى رەتتەۋ - جونگە سالۋدى تىڭعىلىقتى ىلگەرىلەتىپ، بۇقارانى الاڭداتاتىن ىستەردى، مازالايتىن ىستەردى، ۋايىمعا سالاتىن ىستەردى كۇش سالا شەشىپ، كەزەڭدىك جەتىستىككە قول جەتكىزدى. اشىق - جاريا تۇردە رەتتەۋ - جونگە سالۋدى ىلگەرىلەتىپ، رەتتەۋ - جونگە سالۋ جەمىسىن بۇقاراعا باعالاتۋ ءۇشىن، جۋىقتا اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى وقۋ - اعارتۋ مەڭگەرمەسى، حالىق ىستەرى مەڭگەرمەسى، تۇرعىن ءۇي جانە قالا - اۋىل قۇرىلىسى مەڭگەرمەسى، سۋ يگىلىگى مەڭگەرمەسى، دەنساۋلىق ساقتاۋ جانە سالاماتتىق كوميتەتى، ەمدەۋدى قامتاماسىز ەتۋ مەكەمەسى سياقتى تاراۋلارمەن بىرلەسىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى اياسىندا بۇقارانىڭ مۇددەسىن ەلەمەۋ، زيانداۋ ماسەلەسىن ارناۋلى رەتتەۋ - جونگە سالۋدىڭ 1 - توپتاعى جەمىستەرىن جاريالادى. ولار جەكە - جەكە مىنالار:
1. كەدەيلىكتەن ارىلتۋدان قامال الۋ شايقاسىن جەڭىستى، ويداعىداي جۇرگىزۋگە نازاردى شوعىرلاندىرىپ، ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى ءتۇيىندى تۇردە شەشتى. تۇرعىن ءۇي حاۋىپسىزدىگىن قامتاماسىز ەتۋدى ارقاۋ ەتىپ، اۋىل - قىستاقتا 209 مىڭ بەيقۇت ءۇي سالۋ ينجەنەرياسىن بار كۇشپەن اتقارىپ، ارحيۆ تۇرعىزىلىپ كارتچكالاندىرىلعان 9355 كەدەي وتباسىنىڭ حاۋىپتى ۇيلەرىن جاڭالاۋدى جاپپاي ورىندادى؛ 3 ميلليارد 400 ميلليون يۋان قارجى قوسىپ، قۇبىر سۋى جەتپەگەن 13 قىستاق سياقتى اۋىل - قىستاقتاعى اۋىز سۋ حاۋىپسىزدىگى نىسانى ينجەنەرياسىنان 116سىن ورىنداۋدى ىلگەرىلەتىپ، 261 مىڭ 500 كەدەي حالىقتىڭ اۋىز سۋ حاۋىپسىزدىگى ماسەلەسىن شەشتى؛ 300 ميلليون يۋان قارجى قوسىپ، وڭتۇستىك شينجياڭداعى 22 اۋىر كەدەي اۋدانداعى اۋىر كەدەي حالىقتى تولىقتاما ەمدەۋ قامسىزداندىرۋىنا قاتىناستىرىپ، نەگىزگى ەمدەۋ قامسىزداندىرۋىنىڭ، سالماقتى ناۋقاس قامسىزداندىرۋىنىڭ، مەديتسينالىق قۇتقارۋ جانە كومەكتىڭ، اۋىر كەدەي حالىقتىڭ تولىقتاما ەمدەۋ قامسىزداندىرۋىنىڭ ەسەبىن ”ءبىر تالون“مەن جابۋدى ىلگەرىلەتىپ، ءبىر ميلليون 627 مىڭ 500 كەدەي بۇقارانى تىكەلەي يگىلىكتەندىردى.
2. نەگىزدىك قۇرىلعى قۇرىلىسىنىڭ جانە ساياساتتىق بەيىمدەلۋدىڭ تەبىنىن كۇشەيتىپ، ءار دارەجەلى، ءار ءتۇرلى مەكتەپتەردىڭ ءبىلىم بەرۋ شارت - جاعدايىنىڭ ءالسىز بولۋى سياقتى ماسەلەلەردى ءتۇيىندى تۇردە شەشتى. بۇكىل رايونداعى ءار دارەجەلى، ءار ءتۇرلى مەكتەپتەردىڭ نەگىزدىك قۇرىلعىلارىنىڭ، اسىرەسە، وڭتۇستىك شينجياڭنىڭ كەدەي وڭىرلەرىندەگى ورتا، باستاۋىش مەكتەپتەردىڭ نەگىزدىك قۇرىلعىلارىنىڭ ءالسىز بولۋى ماسەلەسىنە مەڭزەس، نەگىزدىك قۇرىلعى قۇرىلىسىنا جيىنى 5 ميلليارد 133 ميلليون يۋان قارجى قوستى، مۇنىڭ ىشىندە وڭتۇستىك شينجياڭداعى 4 ايماق - وبلىستاعى 22 اۋىر كەدەي اۋدان - قالاعا 2 ميلليارد 337 ميلليون يۋان قارجى قوسىپ، بۇكىل رايونداعى 45 ادەتتەگى ورتا مەكتەپتىڭ، 1594 مىندەتتى ءبىلىم بەرەتىن مەكتەپتىڭ، 27 بالاباقشانىڭ، 87 ورتا دارەجەلى كاسىپتىك مەكتەپتىڭ ءبىلىم بەرۋ شارت - جاعدايىنىڭ ءونىمدى جاقسارۋىن ىلگەرىلەتتى؛ ساياساتتىڭ تالاپتارىن قاتاڭ تياناقتاندىرىپ، ءتۇزىم - شارالاردى كەمەلدەندىرىپ، اۋىل - قىستاقتاعى مىندەتتى وقۋ - اعارتۋ ساتىسىنداعى وقۋشىلاردىڭ ءنارلى تاعامدارمەن ازىقتانۋىنا بەرىلەتىن جاردەماقىنىڭ، جاتاقحانادا جاتاتىن وقۋشىلارعا بەرىلەتىن تۇرمىستىق جاردەماقىنىڭ تولىقتاي قولعا تيۋىنە شىنايى كەپىلدىك ەتىپ، وقۋشىلاردىڭ ءنارلى تاعامدارمەن ازىقتانۋىن جاقسارتۋعا جيىنى ءبىر ميلليارد 148 ميلليون يۋان قارجى تولەپ، ءبىر ميلليون 435 مىڭ 400 وقۋشىعا (رەت) تيىمدىلىك جاسادى، مۇنىڭ ىشىندە وڭتۇستىك شينجياڭداعى 4 ايماق - وبلىستاعى مەملەكەت تۇيىندە سىناق ەتەتىن 33 اۋدان - قالاعا ءبىر ميلليارد 39 ميلليون يۋان قارجى ءبولىپ، ءبىر ميلليون 298 مىڭ 900 وقۋشىنى (رەت) يگىلىككە كەنەلدىردى.
3. ەمدەۋ - دەنساۋلىق ساقتاۋ جۇيەسى قۇرىلىسىن كۇشەيتۋدى ارقاۋ ەتىپ، بۇقارانىڭ اۋرۋ كورسەتۋدەگى، ەمدەلۋدەگى ەكونوميكالىق اۋىرتپالىعى ءبىرشاما اۋىر بولۋ سياقتى ماسەلەلەردىڭ شەشىلۋىن ىلگەرىلەتتى. 5 اۋىل - قالاشىق شيپاحاناسىنىڭ، 437 قىستاق دارەجەلى ەمحانانىڭ ولشەمدەنۋ قۇرىلىسىن ورىنداپ، 2 اۋىل - قالاشىق شيپاحاناسىندا تولىمدى شيپاگەر بولماۋ، 1668 قىستاق ەمحاناسىندا تولىمدى قىستاق شيپاگەرى بولماۋ ماسەلەسىن شەشتى؛ قايتا تۋىنداۋى كەدەرگىگە ۇشىراۋ سيپاتتى قان ازدىق، قاناۋعا بەيىمدىلىك اۋرۋى، ليمفا وسپەسى سياقتى بالالاردا بولاتىن شالدىعۋ مولشەرى جوعارى 10 ءتۇرلى قان اۋرۋىن جانە قاتەرلى وسپەنى قۇتقارۋ - ەمدەۋدى قامتاماسىز ەتۋ جۇيەسىنە ەنگىزىپ، بۇكىل رايوندا شوعىرلى قۇتقاراتىن - كومەكتەسەتىن 23 ەمدەۋ قۇرىلىمى مەن وسپەگە دياگنوز قويۋدى جانە ونى ەمدەۋدى سايكەستىرەتىن 18 گرۋپپا بەلگىلەپ، ءار جىلى سالماقتى ناۋقاسقا شالدىققان 700دەن استام بالانى يگىلىككە كەنەلدىردى؛ سىرت جەردە ەمدەلگەندەگى ەسەبىن جاباتىن تۇراقتى ەمدەۋ قۇرىلىمدارىنىڭ سانىن كوبەيتىپ، سىرت جەردە ەمدەلۋگە بولادى دەپ بەلگىلەنگەن ەمدەۋ قۇرىلىمىن 1305كە جەتكىزىپ، سىرت جەردە بالنيتساعا جاتىپ ەمدەلگەن 59 مىڭ 600 ادامنىڭ (رەت) ءبىر ميلليارد 218 ميلليون يۋاندىق قاراجاتىنىڭ ەسەبىن جاۋىپ، بۇقارانىڭ سىرت جەردە ەمدەلگەندەگى ەسەبىن جابۋى قيىن بولۋ ماسەلەسىن ءونىمدى شەشتى.
4. اۋىل - قىستاقتاعى ەڭ تومەنگى تۇرمىستى قامتاماسىز ەتۋ ءىسىن ارناۋلى جونگە سالۋدى تەرەڭدەتىپ، كەدەي قارتتار، مۇگەدەكتەر، بالالار سياقتى ەرەكشە، قيىنشىلىعى بار بۇقارانىڭ ”قامتاماسىزداندىرۋدان قول ءۇزۋ“، ”قامتاماسىزداندىرۋدان قالىپ قالۋ“ ماسەلەسىن ءتۇيىندى تۇردە شەشتى. اۋىل - قىستاقتاعى ەڭ تومەنگى تۇرمىسى قامتاماسىز ەتىلەتىن وبيەكتىلەردى اداقتاپ تەكسەرۋدى جاپپاي ۇيىمداستىرىپ، ورىستەتىپ، كەدەيلىكتەن ارىلماعان، ارحيۆ تۇرعىزىلىپ كارتچكالاندىرىلعان كەدەيلەردىڭ ىشىندەگى سالماقتى ناۋقاسقا شالدىققان، اۋىر مۇگەدەك وبيەكتىلەردەن 19 مىڭ 33 ادامدى جەكەلەي ەڭ تومەنگى تۇرمىستى قامتاماسىز ەتۋ كولەمىنە ەنگىزىپ، كەدەي قارتتار، مۇگەدەكتەر، بالالار سياقتى ەرەكشە، قيىنشىلىعى بار توپتان 142 مىڭ 900 وتباسىن، 281 مىڭ 500 ادامدى ەڭ تومەنگى تۇرمىستى قامتاماسىز ەتۋ كولەمىنە جاڭادان ەنگىزىپ، قالا - اۋىلداعى ەڭ تومەنگى تۇرمىسى قامتاماسىز ەتىلەتىن وبيەكتىلەردىڭ ىشىندەگى ”ءتورت ءتۇرلى ادامدار“دىڭ سالىستىرماسىن بۇرىنعى ％44تەن ％70كە جوعارىلاتتى.
