تيانشان تورى   ›   جاڭالىقتار   ›   شينجياڭ حابارلارى

رايونىمىزدىڭ اقى الىناتىن تاس جول ءتۇزىمى رەفورماسى ونىمدىلىك بەرە باستادى

جوعارى جىلدامدىقتى تاس جولدا قاتىنايتىن جولاۋشىلار اۆتوبۋزدارىنىڭ ETC قولدانۋ مولشەرى %60تەن استى

  ءتىلشى لۋ فىڭباۋ 11 - ايدىڭ 17 - كۇنى ۇرىمجىدەن حابارلايدى. كولىكتەر اقى الۋ پۋنكتىنىڭ ETC (ىركىلىسسىز ەلەكتروندى تاسىلمەن اقى الۋ جۇيەسى) ارناۋلى اۆتوجولىنا كىرگەندە، كولىك ينفورماتسياسى پارىقتالىپ، اقى الۋ تاياقشاسى كوتەرىلەدى دە، كولىكتەر وتە شىعادى، تۇتاس اقى الۋ بارىسىنا 3 − 5 سەكۋند قانا كەتەدى. بۇل 11 - ايدىڭ 14 - كۇنى تۇستەن بۇرىن ءتىلشىنىڭ ءۇرىمجىنىڭ اينالمالى جوعارى جىلدامدىقتى تاس جولى شىعىس جەلىسىنىڭ ۇلانباي سولتۇستىك ايىرىق جولىنداعى اقى الۋ پۋنكتىنەن كورگەنى. مۇنداي كورىنىستى قازىر رايونىمىزداعى كوپتەگەن اقى الۋ پۋنكتىنەن كورۋگە بولادى.

  ءتىلشىنىڭ اۆتونوميالى رايوندىق قاتىناس - تاسىمال مەڭگەرمەسىنەن ۇعىسۋىنا قاراعاندا، 11 - ايدىڭ 11 - كۇنىنە دەيىن، رايونىمىزدا جيىنى 2 ميلليون 15 مىڭ 300 ETC تاراتىلىپ، قاتىناس - تاسىمال مينيسترلىگىنىڭ 3 ميلليون 174 مىڭ 900 تاراتۋ مىندەتىنىڭ %63.48ى ورىندالىپ، جوعارى جىلدامدىقتى تاس جولدا قاتىنايتىن جولاۋشىلار اۆتوبۋزدارىنىڭ ETC قولدانۋ مولشەرى %61.2 بولىپ، اقى الىناتىن تاس جول ءتۇزىمى رەفورماسىنىڭ ونىمدىلىگى كورىنە باستاعان.

  ETC ىستەتكەن كولىك يەسى ءجۇرىپ بارا جاتقاندا كولىكتى توقتاتپاي - اق اقىسىن تولەي الادى، ءداستۇرلى ادام قولىمەن اقى الۋعا سالىستىرعاندا، كولىك توقتاتۋ، تەرەزەنى ءتۇسىرۋ، تولەۋ، وتكىزۋ، ءجۇرۋ سياقتى بۋىندار ىقشامدالىپ، قاتىناۋ ونىمدىلىگى بارىنشا جوعارىلاتىلىپ، كەپتەلىستى ازايتادى. ”ناقتىلى ىستەتىلۋ جاعدايىنان قاراعاندا، ETC اۆتوجولدارىنىڭ قاتىناۋ ونىمدىلىگى ادام قولىمەن اقى الىناتىن اۆتوجولداردىكىنىڭ 5 − 6 ەسەسىندەي“، - دەيدى اۆتونوميالى رايوندىق قاتىناس - تاسىمال مەڭگەرمەسى ۋنيۆەرسال جوسپارلاۋ باسقارماسىنىڭ ورىنباسار باستىعى فىڭ يۋە.

  ”مەن ۇنەمى جوعارى جىلدامدىقتى تاس جولمەن جۇرەمىن، بۇرىن اقى الۋ پۋنكتىنەن ءوتۋ ءۇشىن بىرنەشە مينۋت كەتەتىن، كەپتەلىسكە جولىققاندا سارىپ بولاتىن ۋاقىت ءتىپتى ۇزاق. قازىر ETC ورناتىپ الدىم، اقى الۋ پۋنكتىنەن ’سەكۋندتا وتەمىن‘ دەسەم دە بولادى، ەرەكشە قولايلى بولدى“، - دەيدى ەندى عانا ۇلانباي سولتۇستىك ايرىق جولى اقى الۋ پۋنكتىنەن وتكەن كولىك يەسى سۇن حۇڭبو.

  بيىل 6 - ايدا اۆتونوميالى رايوننىڭ اقى الىناتىن تاس جول ءتۇزىمى رەفورماسىن تەرەڭدەتىپ، جوعارى جىلدامدىقتى تاس جولداردىڭ ولكە شەكارالارىنداعى اقى الۋ پۋنكتتەرىن كۇشىنەن قالدىرۋ جانە ETCدى دامىتۋدى، قولدانۋدى بار كۇشپەن ىلگەرىلەتۋ قىزمەتىن ورنالاستىرۋ تەلەۆيزور - تەلەفون ءماجىلىسى اشىلعاننان كەيىن، بۇكىل رايوننىڭ جوعارى جىلدامدىقتى تاس جولداردا ETCدى دامىتۋ، قولدانۋ قىزمەتىنىڭ اياق الىسى جەدەلدەتىلىپ، ولكە شەكارالارىنداعى اقى الۋ پۋنكتىن كۇشىنەن قالدىرۋدىڭ ءتۇرلى نەگىزگى تۇلعالىق قۇرىلىس ينجەنەريالارى ءساتتى ىلگەرىلەتىلدى. قازىر رايونىمىزداعى ولكە شەكارالارىنداعى اقى الۋ پۋنكتىن كۇشىنەن قالدىرۋعا ساياتىن 787 ETC اۆتوجولدى جاڭالاۋ ينجەنەرياسى اياقتادى، 312 ETC قاقپا جۇيەسى قۇرىلىسى تۇگەلدەي اياقتادى، جوعارى جىلدامدىقتى تاس جولداردىڭ ولكە شەكارالارىنداعى اقى الۋ پۋنكتتەرىن كۇشىنەن قالدىرۋ قىزمەتى ينتەرنەتكە جالعاپ رەتتەۋ، ينتەرنەتكە جالعاپ سىناقتان وتكىزۋ كەزەڭىنە ءوتتى.

  فىڭ يۋە بىلاي دەدى: بار اۆتوجولدارعا وزگەرتىلىپ سالىنعان جانە جاڭادان سالىنعان اۆتوجولداردى قوسقاندا، رايونىمىزداعى ETC اۆتوجولدارى 1606عا جەتتى، كەيىنگى ساتىدا ETCدىڭ ىستەتىلۋ مولشەرىنە ساي بەلگىلى سالىستىرما بويىنشا ETC اۆتوجولدارىن جالعاستى ىسكە قوسىپ، پايدالانۋشىلاردىڭ ساپار سەزىنىسى ونان ارى جوعارىلاتىلادى.

  قازىر رايونىمىز جوعارى جىلدامدىقتى تاس جولداردا ETCدى دامىتۋ، قولدانۋ قىزمەتىن بار كۇشپەن ىلگەرىلەتۋدە، بيىل جىل سوڭىندا بۇكىل شينجياڭداعى اۆتوكولىكتەرگە ETC ورناتۋ مولشەرىن %80تەن اسىرۋعا، جوعارى جىلدامدىقتى تاس جولدا قاتىنايتىن اۆتوكولىكتەردىڭ ETC قولدانۋ مولشەرىن %90تەن استامعا جەتكىزۋگە كۇش سالىنىپ، جوعارى جىلدامدىقتى تاس جولدا كولىكتى توقتاتپاي تەز اقى الۋ نەگىزىنەن جۇزەگە اسىرىلادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”زەردەلى ەگىن شارۋاشىلىعى ماشيناسى“ كوكتەمگى وندىرىسكە سەپتىگىن تيگىزدى
  • ءوندىرىس جەلىسىندەگى جۇمىسشىلار قاربالاس جۇمىستا
  • ءۇرىمجى حالىقارالىق اۋەجايىنىڭ سولتۇستىك اۋماعىن كەڭەيتىپ سالۋ ينجەنەرياسى جۇمىستى جالپى بەتتىك قالپىنا كەلتىردى
  • زەردەلى اۋىل شارۋاشىلىق ماشيناسى كوكتەمگى وندىرىسكە دەم بەردى