باي جىيۇي
كاسىپ قۇرىلىمى بويىنشا جىكتەۋدە ساياحات كاسىبى قىزمەت وتەۋ كاسىبىنىڭ دارا ءبىر سالاسى بولعانىمەن، ساياحاتتى دامىتۋدى كەدەيلىكتەن ارىلتۋدىڭ ءبىر ءتاسىلى ەتسەك، وندا ونىڭ ءونىمى 1 -، 2 -، 3 - كاسىپتەردى توعىستىرۋدىڭ جالپىلىق ايگىلەنۋى بولىپ تابىلادى.
اتىز باسىندا ساياحاتتىڭ ورلەۋىمەن كەلگەن قالىڭ ادامعا سۇيەنىپ ەگىنشىلەردىڭ اتىزىنان ونگەن ونىمدەردىڭ ساۋداسى كۇسەت بولدى؛ سەلبەستىك كووپەراتيۆتەرىندە ساياحات ەستەلىك بۇيىمى رەتىندە جوبالانىپ جاسالعان قولونەر بۇيىمدارى كۇن سايىن كوبەيدى؛ حالىقتىق تۇسەلحانادا، شارۋالار شاتتىعى ساياجايلارىندا كوپتەگەن شارۋا اسپازعا جانە قىزمەت وتەۋشىگە اينالىپ، كىرىس ارناسى بارعان سايىن كەڭەيدى.
ەگەر وي جەلىنى اناعۇرلىم كەڭەيتەر بولساق، ساياحات كىرىس وزگەرىسىن جەتەكتەپ قانا قويماي، اناعۇرلىم تەرەڭ ساتىدان اۋىل - قىستاقتىڭ دامۋىنا جانە ادامنىڭ دامۋىنا ءتىپتى جوعارى تالاپ قويادى. ويلاپ كورسەڭىز، لاس، بىلىققان، ناشار ورتاعا كىمنىڭ سەيىل - سەرۋەن قۇرۋعا بارعىسى كەلەدى؟ كاسىپپەن اينالىسۋشىنىڭ ساپاسى تومەن بولسا، جوعارى ساپالى ساياحاتتىق قىزمەت وتەۋمەن قالايشا قامداۋعا بولادى؟
ۇزاق بولاشاقتان الىپ ايتساق، ساياحاتتىڭ بۇقارانىڭ نەگىزگى تۇتىنۋ سۇرانىسىنا اينالۋىنا ىلەسە، ونىڭ رولىنىڭ اتقارىلۋى، ءسوزسىز، بىرتىندەپ قارقىنىن ۇدەتۋ بارىسى سانالادى. كەدەيلىكتەن ارىلتۋدان قامال الۋ ساتىسىندا قالانعان تاماشا نەگىزگە سۇيەنگەن ساياحات كاسىبى، ءسوز جوق، اۋىل - قىستاقتى كوركەيتۋدى ىلگەرىلەتۋ، جاپپاي دوڭگەلەك داۋلەتكە جەتۋگە دەم بەرۋ جاقتارىندا اناعۇرلىم بەلسەندى رول اتقارا الادى.