شينحۋا اگەنتتىگىنىڭ 11 - ايدىڭ 17 - كۇنى بەيجيڭنەن بەرگەن حابارى. ءتوراعا شي جينپيڭنىڭ بەكىتۋىمەن ورتالىق اسكەري ىستەر كوميتەتى جۋىقتا «اسكەري بولىمدەردە پارتيانىڭ ساياسي قۇرىلىسىن كۇشەيتۋ تۋرالى پىكىر»دى باسىپ تاراتتى.
«پىكىر»دە مىنالار اتاپ كورسەتىلدى: پارتيانى يدەيالىق جاقتان قۇرۋ، پارتيانى نازاريامەن قۇدىرەتتەندىرۋ تالابىن دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، شي جينپيڭنىڭ ارميانى قۇدىرەتتەندىرۋ يدەياسىنىڭ مەملەكەت قورعانىسى جانە اسكەري ءبولىم قۇرىلىسىنداعى جەتەكشى ورنىن بەكەم ورناتىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرۋ كەرەك. ساياسي قابىلەتتى جاتتىقتىرۋدى كۇشەيتىپ، پارتيا ۇيىمىنىڭ ساياسي فۋنكتسياسىن كۇشەيتىپ، پارتيالى كادرلاردىڭ، اسىرەسە، باسشى كادرلاردىڭ بەتالىستى يگەرۋ، ۇلكەن اۋقىمدى يگەرۋ، جالپى جاعدايدى يگەرۋ قابىلەتىن جانە ساياسي دۇرىس پەن بۇرىستى پارىقتاۋ، ساياسي تاباندىلىقتى ساقتاۋ، ساياسي جاعدايدى مەڭگەرۋ، ساياسي حاۋىپ - قاتەردەن ساقتانۋ قابىلەتىن جوعارىلاتۋ كەرەك. پارتكومنىڭ سوعىسقا دايىندالۋعا، سوعىس جۇرگىزۋگە باسشىلىق ەتۋ قابىلەتىن كۇش سالا جوعارىلاتىپ، بەيبىت كۇندەردەگى ءسىڭىستى كەمىستىكتەردى باتىل جويىپ، سوعىس جۇرگىزۋ ونەرىن جاپپاي جوعارىلاتۋ كەرەك.
«پىكىر»دە مىنالار باسا دارىپتەلدى: ساياسي ەكولوگيانى تازارتىپ، ساياسي رەتتەۋ - جاتتىقتىرۋدى تەرەڭدەتىپ، گو بوشيۇڭ، شۇي سايحوۋ، فاڭ فىڭحۇي، جاڭ ياڭ ۋىتىنىڭ ىقپالىن جان - جاقتى، ءۇزىلدى - كەسىلدى الاستاۋ كەرەك. ورتالىقتىڭ سەگىز ءتۇرلى بەلگىلەمەسىنىڭ رۋحىن ، اسكەري ىستەر كوميتەتىنىڭ ون ءتۇرلى بەلگىلەمەسىن جانە ونى اتقارۋ ناقتى ەرەجەسىن قاتاڭ تياناقتاندىرىپ، باقىلاۋدىڭ،ءتارتىپ اتقارۋدىڭ ”ءتورت ءتۇرلى فورماتسياسى“نان تەرەڭدەي پايدالانىپ، شىرىكتەسۋگە باتىلى بارماۋدى، شىرىكتەسە الماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋ كەرەك. جاۋاپكەرشىلىك ءتۇزىم سىندى ”بۇيدادان“ مىقتاپ ۇستاپ، پارتكومنىڭ نەگىزگى تۇلعالىق جاۋاپكەرشىلىگىن، ءتارتىپ تەكسەرۋ كوميتەتىنىڭ باقىلاۋ جاۋاپكەرشىلىگىن جاپپاي تياناقتاندىرىپ، پارتيانى باسقارۋدىڭ، پارتيانى جونگە سالۋدىڭ كەڭ، بوس، جۇمساق بولۋدان قاتاڭ، تىعىز، قاتتى بولۋعا ءوتۋىن ىلگەرىلەتۋ كەرەك.
«پىكىر»دە مىنالار تالاپ ەتىلدى: پارتيانىڭ ساياسي قۇرىلىسىن كۇشەيتۋدىڭ كەلەلى ساياسي جاۋاپكەرشىلىگىن ارقالاپ، ۇيىمدىق باسشىلىقتى كۇشەيتىپ، باقىلاۋ - تەكسەرۋدى ۇدايىلاندىرىپ، اسكەري بولىمدەردىڭ پارتيانىڭ ساياسي قۇرىلىسىندا تىڭعىلىقتى ناتيجەگە قول جەتكىزۋدى ىلگەرىلەتىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، ارميامىزدىڭ پارتيا باسشىلىعىن جانە پارتيا قۇرىلىسىن كۇشەيتۋ قىزمەتىنىڭ ساپاسىن جاپپاي جوعارىلاتۋ كەرەك.
