پىڭ ميڭجىنىڭ سۋرەتى. شينحۋا اگەنتتىگى تاراتقان
شينحۋا اگەنتتىگىنىڭ 10 - ايدىڭ 30 - كۇنى چاڭشادان بەرگەن حابارى (ءتىلشى باي تيانتيان). يە تيڭ دەربەس تۋانىندا ول ايگىلى ”باسىن ءباي تىككەن پايجاڭ“؛ چىن ي ول باسشىلىق ەتكەن اسكەري ءبولىمدى ”پارتيا قاي جەردى نۇسقاسا سول جەرگە باراتىن قۇرىش اسكەري ءبولىم“ دەپ اتاعان؛ جاڭا 4 - ارميا 3 - شىسىنداعى ءبىر ساقا جولداس ولەڭىندە ونى ”اتىن ەستىپ جاۋدىڭ ۇرەيى ۇشقان“ دەپ القادى − ول جۇڭگو حالىق ازاتتىق ارمياسىنىڭ جوعارى دارەجەلى قولباسشىسى پىڭ ميڭجى ەدى.
پىڭ ميڭجى 1905 - جىلى دۇنيەگە كەلگەن، حۋناننىڭ چاڭنيڭ دەگەن جەرىنەن. 1924 - جىلى ول حۋاڭپۋ اسكەري مەكتەبى ءتالىم - تاربيە تۋانى ءتالىم - تاربيە ۇلكەن اترەتىنە وقۋعا تۇسكەن، 1925 - جىلى جۇڭگو كوممۋنيستىك پارتياسىنا مۇشە بولعان، چىن جيۇڭميڭدى جازالاۋدىڭ 2 رەتكى شىعىسقا جورىعىنا قاتىناسقان. 1926 - جىلى جازدا گومين توڭكەرىستىك ارميا 4 - جۇنى يە تيڭ دەربەس تۋانىندا پايجاڭ بولىپ، سولتۇستىككە جورىق سوعىسىنا قاتىناسقان. 1927 - جىلى نانچاڭ كوتەرىلىسىنە قاتىناسىپ، 25 - شىدا ۋاقىتشا ليانجاڭ بولعان.
1930 - جىلى ول جۇڭگو جۇمىسشى - شارۋا قىزىل ارمياسىنا قاتىناسىپ، ليانجاڭ، ءتالىم - تاربيە اترەتىنىڭ باستىعى، ورىنباسار تۋانجاڭ، تۋانجاڭ، شى سانمۋجاڭى قاتارلى مىندەتتەردى وتەپ، ورتالىق سوۆەتتىك رايوننىڭ ءار رەتكى ”قورشاپ جويۋ“عا قارسى تۇرۋىنا جانە ۇزاق جورىققا قاتىناسادى. 1936 - جىلى 6 - ايدا جۇڭگو حالىق جاپون شاپقىنشىلارىنا قارسى تۇرۋ قىزىل ارميا داشۋەسىنە وقۋعا تۇسەدى.
بۇكىل ەلدىڭ جاپون شاپقىنشىلارىنا قارسى تۇرۋ سوعىسى بۇرق ەتكەننەن كەيىن، پىڭ ميڭجى ىلگەرىندى - كەيىندى 8 - ارميا 115 - شىسى 343 - لۇيى 685 - تۋانىنىڭ سانمۋجاڭى، تۋانجاڭى بولىپ، پيڭشيڭگۋان قاتارلى شايقاستارعا قاتىناسادى. 1938 - جىلى قىستا جۇڭگو كوممۋنيستىك پارتياسى ورتالىق كوميتەتىنىڭ ”حۋابەيدى بەكەمدەۋ، حۋاجۇڭدى دامىتۋ“ سىندى ستراتەگيالىق شەشىمىنە ساي، بۇيرىق بويىنشا اسكەري بولىمدەگى 2700دەن استام ادامدى باستاپ، وڭتۇستىكتەگى حۋاجۇڭعا بارىپ، جاڭا 4 - ارمياعا كومەك بەرەدى ءارى جياڭسۋ - شاندۇڭ - حىنان تارماق اترەتىنىڭ ادام سانىن مولايتىپ، سىليڭيۋانى بولىپ، جياڭسۋ - شاندۇڭ شەكارا ءوڭىرىنىڭ جاپون شاپقىنشىلارىنا قارسى تۇرۋ بازاسىن اشۋعا باسشىلىق ەتەدى. ارتىنان ءتالىم - تاربيە 1 - لۇيىنىڭ لۇيجاڭى، 8 - ارميا 5 - زۇڭدۇيى 1 - تارماق اترەتىنىڭ سىليڭيۋانى مىندەتىن ارقالايدى. 1941 - جىلى ۋاننان ۋاقيعاسىنان كەيىن، جاڭا 4 - ارميا 3 - شىسى 7 - لۇيىنىڭ لۇيجاڭى بولادى. 7 - لۇي جۇنبۋدىڭ جىلجىمالى ءبولىمى بولعاندىقتان، سۋبەي، حۋايبەي، حۋاينان سياقتى جەرلەردە 1500 رەتتەن ارتىق سوعىس جۇرگىزىپ، جاپون قۋىرشاق ارمياسىنىڭ 5000نان استام ادامىنىڭ كوزىن جويادى. ازاتتىق سوعىسى كەزىندە، ول شىعىس سولتۇستىك دەموكراتيالىق بىرلەسكەن ارمياسى 3 - شىسى 7 - لۇيىنىڭ لۇيجاڭى، 4 - دالالىق سوعىس ارمياسى 13 - بيڭتۋاننىڭ ورىنباسار سىليڭيۋانى، قوسىمشا سانمۋجاڭى قاتارلى مىندەتتەردى وتەپ، ىلگەرىندى - كەيىندى لينجياڭدى 4 رەت قورعاۋ، پيڭجين، حىڭباۋ، گۋاڭشي قاتارلى شايقاستارعا قاتىناسادى.
جۇڭحۋا حالىق رەسپۋبليكاسى قۇرىلعاننان كەيىن، پىڭ ميڭجى ىلگەرىندى - كەيىندى پولشادا تۇراتىن باس ەلشى، حىبەي ولكەلىك اسكەري رايوننىڭ سىليڭيۋانى، حالىق ازاتتىق ارمياسى قارۋلى كۇشتەرى باقىلاۋ - تەكسەرۋ ءبولىمىنىڭ ورىنباسار باستىعى قاتارلى مىندەتتەردى وتەيدى، 1955 - جىلى جۇڭجياڭ اسكەري شەنى بەرىلەدى. 1993 - جىلى 5 - ايدىڭ 10 - كۇنى پىڭ ميڭجى بەيجيڭدە قايتىس بولادى.
چاڭنيڭ قالالىق پارتكوم پارتيا تاريحىن زەرتتەۋ كەڭسەسىنىڭ مەڭگەرۋشى قىزمەتكەرى فۋ جيانپيڭ بىلاي دەدى: پىڭ ميڭجى ”سوعىستا ەرجۇرەك، ءوز مۇددەسىن ويلامايتىن“، جاڭا جۇڭگو قۇرىلعان سوڭ، ول چاڭنيڭداعى اۋىلىنا 3 رەت كەلگەن، بارلىعىندا وتباسىندا تاماق ءىشىپ، جەرگىلىكتى ورىنعا داستارقان جايدىرمادى، شىنايى قۇرمەتكە لايىق.
قازىر چاڭنيڭ قالاسى چۋانفىڭ ءمالىسى چيڭشى قىستاعىنداعى پىڭ ميڭجىنىڭ ەجەلگى تۇراعى جەرگىلىكتى ورىننىڭ نەگىزگى تاقىرىپتىق تاربيە قيمىلىنىڭ، پارتيا كۇنى قيمىلىنىڭ ماڭىزدى ورنىنا اينالدى. ۇعىسۋعا قاراعاندا، چاڭنيڭ قالاسى قىزىل ساياحات لەنياسىن جوبالاپ، پىڭ ميڭجىنىڭ ەجەلگى تۇراعىن وسىعان ەنگىزىپ، اناعۇرلىم كوپ ادامنىڭ وسىندا كەلىپ، توڭكەرىسشىل اعا بۋىنداردىڭ ”اۋەلگى ماقساتىن“ سەزىنۋىنە مۇمكىندىك جاساماقشى ەكەن.
