تيانشان تورى
تيانشان تورى   ›   جاڭالىقتار   ›   شينجياڭ حابارلارى

ءتورتىنشى جالپى ءماجىلىس رۋحىنىڭ جۇرت كوڭىلىنە تەرەڭ ۇيالاۋىن جەبەدى

− اۆتونوميالى رايوننىڭ ۇگىت - لەكسيا ۇيىرمەسى جەكە - جەكە جەر - جەرگە، ورىندارعا بارىپ پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇگىتتەدى

  پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ، تۇتاس شينجياڭدا ۇيرەنۋ، ۇگىتتەۋ ورلەۋىن تەز ارادا كوتەرۋ ءۇشىن، جۋىقتا پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ بويىنشا اۆتونوميالى رايوننىڭ ۇگىت - لەكسيا ۇيىرمەسى جەكە - جەكە تيانشاننىڭ تۇستىگى مەن تەرىستىگىنە بارىپ ۇگىت - لەكسيا جاسادى، ۇگىت - لەكسيا ۇيىرمەسىندەگىلەر نەگىزگى ساتىلاردى ارالاپ، كادرلارمەن، بۇقارامەن كەڭەس وتكىزدى.

  11 - ايدىڭ 19 - كۇنى تۇستەن بۇرىن اۆتونوميالى رايوندىق ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق حالىق قۇرىلتايى تۇراقتى كوميتەتى زاڭ - ءتۇزىم قىزمەت كوميتەتىنىڭ مەڭگەرۋشىسى لي جۋان اۆتونوميالى رايوندىق پارتكومنىڭ پارتيا مەكتەبىنە (اكىمشىلىك شۋەيۋان) بارىپ، رايونعا توتە قاراستى ورگاندارداعى 800دەن استام پارتيالى كادرلارعا پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇگىتتەدى. لي جۋان پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسى اشىلعاندىعىنىڭ ماڭىزدى ءمانىن ىشكەرىلەي بايىمداپ، جۇڭگوشا سوتسياليزم ءتۇزىمى مەن مەملەكەتتى جونگە سالۋ جۇيەسىنىڭ كورنەكتى ابزالدىلىعىن جان - جاقتى ءتۇسىندىرىپ، ”جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ كەلەلى ءمانىن جەتە تانۋ“، ”جۇڭگوشا سوتسياليزم ءتۇزىمى مەن مەملەكەتتى جونگە سالۋ جۇيەسىنىڭ كورنەكتى ابزالدىلىعى، جۇڭگوشا سوتسياليزم ءتۇزىمى سەنىمىن بەكەمدەۋ“، ”جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ جالپى تۇلعالىق تالابىن، جالپى تۇلعالىق نىساناسى مەن ءتۇيىندى مىندەتىن ءدال يگەرۋ“، سونداي - اق ”پارتيانىڭ باسشىلىعىن كۇشەيتىپ، جالپى ماجىلىستە تۇراقتاندىرىلعان نىسانالاردىڭ، مىندەتتەردىڭ جاپپاي تياناقتاندىرىلۋىنا شىنايى كەپىلدىك ەتۋ“ سىندى 4 جاقتان ەگجەي - تەگجەيلى تۇسىنىك جاسادى. سول كۇنى تۇستەن كەيىن، لي جۋان اۆتونوميالى رايوندىق ءادىليا مەڭگەرمەسىندە، اۆتونوميالى رايوندىق بازار باقىلاۋ - باسقارۋ مەكەمەسىندە ۇگىت - لەكسيا جاسادى جانە اڭگىمەلەسىپ اۋىس - كۇيىس جاسادى.

  11 - ايدىڭ 19 - كۇنى تۇستەن بۇرىن شينجياڭ پەداگوگيكا داشۋەسىندە، اۆتونوميالى رايوندىق ۇگىت - لەكسيا ۇيىرمەسىنىڭ مۇشەسى، شينجياڭ پەداگوگيكا داشۋەسى پارتكومىنىڭ مۇشەسى، ورىنباسار مەكتەپ باستىعى سۇن شيۋليڭ «جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارارىن» (تومەندە قىسقاشا «قارار» دەلىنەدى) مىقتاپ ارقاۋ ەتە وتىرىپ ۇگىت - لەكسيا جاسادى. سۇن شيۋليڭ كوپتەگەن تاريحي شىندىق، ناقتى مىسالداردان پايدالانىپ، مىقتى نازاريالىق نەگىزىمەن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا جۇڭگوشا سوتسياليزم تۇزىمىندە قول جەتكەن كورنەكتى تابىستار مەن وزىندىك ەرەكشەلىكتەگى ابزالدىلىقتاردى ءتۇسىندىرىپ، كوپشىلىكتى پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ونان ارى ىشكەرىلەي تۇسىنۋگە، ۇعىنۋعا، شىن مانىندە ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداۋعا جەتەكتەدى. سول كۇنى تۇستەن كەيىن، سۇن شيۋليڭ شينجياڭ پەداگوگيكا داشۋەسىندەگى وقىتۋشى - وقۋشىلاردىڭ ۋاكىلدەرىمەن اڭگىمەلەسىپ اۋىس - كۇيىس جاسادى.

  11 - ايدىڭ 19 - كۇنى تۇستەن بۇرىن اۆتونوميالى رايوندىق ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم پارتيا مەكتەبىنىڭ ورىنباسار باستىعى، اۆتونوميالى رايوندىق اكىمشىلىك شۋەيۋانىنىڭ ورىنباسار باستىعى ءابي سالام قارامايلى قالاسىندا ۇگىت - لەكسيا بايانداماسىن جاسادى. ءابي سالام پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ سىندى وسى نەگىزگى تاقىرىپتى ارقاۋ ەتىپ، جالپى ءماجىلىستىڭ ماڭىزدى ءمانىن تەرەڭ بايىمداپ، جۇڭگوشا سوتسياليزم ءتۇزىمى مەن مەملەكەتتى جونگە سالۋ جۇيەسىنىڭ كورنەكتى ابزالدىلىعىن ءتۇسىندىرىپ، «قاراردا» ورتاعا قويىلعان جالپى تۇلعالىق تالاپ، جالپى تۇلعالىق نىسانا مەن ءتۇيىندى مىندەت تۋرالى جۇيەلى تۇسىنىك جاسادى ءارى جالپى ءماجىلىستىڭ رۋحىن قالاي ۇيرەنۋ، ۇگىتتەۋ، تياناقتاندىرۋ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جاعىندا ءتۇيىندى تۇردە پىسىقتاۋ جانە تۇسىنىك جاساپ، تىڭداۋشىلارعا تەرەڭ وي سالدى.

  11 - ايدىڭ 19 - كۇنى تۇستەن بۇرىن اۆتونوميالى رايوندىق ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق سۋ يگىلىگى مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى ءىلھام وسمان قۇمىل قالاسىندا ۇگىت - لەكسيا جاسادى، ءىلھام وسمان پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن جۇيەلى بايىمدادى جانە اسەرلى تۇسىنىك جاسادى، سونىمەن بىرگە اۆتونوميالى رايوندىق 9 - كەزەكتى پارتكومنىڭ سەگىزىنشى جالپى ءماجىلىسىنىڭ رۋحىمەن ۇشتاستىرىپ، شينجياڭنىڭ قوعامدىق جونگە سالۋ جاعىندا قول جەتكىزگەن ناتيجەلەرىمەن ۇشتاستىرىپ تەرەڭ دە ەگجەي - تەگجەيلى تۇسىنىك جاسادى. بايانداما جينالىسى اياقتالعان سوڭ، ءىلھام وسمان قۇمىل قالاسى يجوۋ رايونى شيحى ءمالىسى مادەنيەت جولى الەۋمەتتىك اۋماعىنا كەلىپ، الەۋمەتتىك اۋماق كادرلارىنا، بۇقارا ۋاكىلدەرىنە، قارت كادرلار ۋاكىلدەرىنە پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىنان ۇگىت - لەكيسا جاسادى ءارى ءوزارا پىكىر اۋىستىردى.

  11 - ايدىڭ 19 - كۇنى تۇستەن كەيىن اۆتونوميالى رايوندىق ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم ساياسات زەرتتەۋ كەڭسەسىنىڭ ورىنباسار مەڭگەرۋشىسى، رەفورما كەڭسەسىنىڭ ورىنباسار مەڭگەرۋشىسى جاڭ شىجۇن ىلە قازاق اۆتونوميالى وبلىسىنداعى ءار ۇلت كادر - بۇقاراسىنا ۇگىت - لەكسيا جاسادى. جاڭ شىجۇن پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ نەگىزگى جاعدايىن، نەگىزگى رۋحىن جانە ماڭىزدى ءمانىن تەرەڭ بايىمداپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدەگى ماڭىزدى ورنالاستىرۋلار مەن جاڭالىق اشۋ شارالارىن جۇيەلى ءتۇسىندىردى ءارى ءىس جۇزىندىكپەن ۇشتاستىرا وتىرىپ تانىمى مەن اسەرىن بايىمدادى. سول كۇنى تۇستەن بۇرىن، جاڭ شىجۇن شاپشال سىبە اۆتونوميالى اۋدانى شاپشال قالاشىعى گور - مەي شىعىس كوشە الەۋمەتتىك اۋماعىنا بارىپ ۇگىت - لەكسيا جاسادى.

  11 - ايدىڭ 19 - كۇنى تۇستەن كەيىن اۆتونوميالى رايوندىق ۇگىت - لەكسيا ۇيىرمەسىنىڭ مۇشەسى، جۇڭگو جازۋشىلار قوعامى جالپى مۇشەلەر القاسىنىڭ مۇشەسى، شينجياڭ جازۋشىلار قوعامىنىڭ ورىنباسار ءتوراعاسى ەركەش قۇرمانبەك التاي ايماعىندا پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحى جونىندە ۇگىت - لەكسيا بايانداماسىن جاسادى. ەركەش قۇرمانبەك پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ نەگىزگى جاعدايىن جانە ماڭىزدى ءمانىن، جۇڭگوشا سوتسياليزم ءتۇزىمى سەنىمىن بەكەمدەۋ، «قاراردا» ورتاعا قويىلعان جالپى تۇلعالىق تالاپ، جالپى تۇلعالىق نىسانا مەن ءتۇيىندى مىندەتتەر، جالپى ءماجىلىستىڭ رۋحىن دايەكتىلەندىرۋ، تياناقتاندىرۋ سياقتى 4 جاقتاعى مازمۇندى ارقاۋ ەتىپ بايىمداۋ جاسادى. التاي قالاسى قىزىلتاس قالاشىعى كوكساز قىستاعىنداعى 34 جىلدىق پارتيا ستاجى بار قارت پارتيا مۇشەسى ليۋ چيڭگو بىلاي دەدى: ”ۇگىت - لەكسيادا جۇڭگوشا سوتسياليزم ءتۇزىمىنىڭ ابزالدىلىعى بۇقارانىڭ جۇزىندەگى كۇلكىدەن، حالىقتىڭ تابىس سەزىمىنەن بەينەلەنەدى دەلىندى. ءدال پارتيانىڭ جاقسى ساياساتى ءبىزدى باقىتتى، تاماشا تۇرمىسقا كەنەلدىردى“.

  11 - ايدىڭ 19 - كۇنى تۇستەن كەيىن اۆتونوميالى رايوندىق ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم پارتيا مەكتەبىنىڭ ورىنباسار باستىعى، اۆتونوميالى رايوندىق اكىمشىلىك شۋەيۋاننىڭ ورىنباسار باستىعى دۋان لياڭ سانجى حۇيزۋ اۆتونوميالى وبلىسىندا ۇگىت - لەكسيا بايانداماسىن جاسادى. دۋان لياڭ پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ نەگىزگى جاعدايىن جانە ماڭىزدى ءمانىن، جۇڭگوشا سوتسياليزم ءتۇزىمى سەنىمىن بەكەمدەۋ، «قاراردا» ورتاعا قويىلعان جالپى تۇلعالىق تالاپ، جالپى تۇلعالىق نىسانا مەن ءتۇيىندى مىندەتتەر، سونداي - اق جالپى ءماجىلىس رۋحىن قالاي دايەكتىلەندىرۋ، تياناقتاندىرۋ سياقتى 4 جاقتان پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن تەرەڭ بايىمدادى. سول كۇنى تۇستەن بۇرىن ۇگىت - لەكسيا ۇيىرمەسىندەگىلەر سانجى كاسىپتىك تەحنيكالىق شۋەيۋانىنا، سانجى قالاسى جيانگو جولى ءمالىسى ليجيڭ الەۋمەتتىك اۋماعىنا بارىپ ۇگىت - لەكسيا جاسادى جانە اڭگىمەلەسىپ اۋىس - كۇيىس جاسادى.

  11 - ايدىڭ 19 - كۇنى تۇستەن كەيىن اۆتونوميالى رايوندىق ۇگىت - لەكسيا ۇيىرمەسىنىڭ مۇشەسى، شينجياڭ قوعامدىق عىلىمدار اكادەمياسى پارتيا باسشىلىق گرۋپپاسىنىڭ شۋجيى، اكادەميا باستىعى ديڭ شوۋچيڭ قاشقار ايماعىندا جەرگىلىكتى ورىندارداعى قالىڭ پارتيالى كادرلارعا، جوعارى مەكتەپ وقىتۋشى - وقۋشىلارىنا، سونداي - اق ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان قىزمەت اترەتتەرىنىڭ مۇشەلەرىنە جانە شارۋا پارتيا مۇشەلەرىنىڭ ۋاكىلدەرىنە ۇگىت - لەكسيا جاسادى. ۇگىت - لەكسيادا ديڭ شوۋچيڭ پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحى جونىندە جان - جاقتى، جۇيەلى بايانداۋ جانە پىسىقتاۋ جاساپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ سىندى نەگىزگى تاقىرىپتى تىعىز ارقاۋ ەتىپ، جالپى ءماجىلىستىڭ رۋحى جونىندە مازمۇنى باي، سىندارلى دا جان - جاقتىلى، جالپىعا ۇعىنىقتى تۇسىنىك جاسادى. قاشقارداعى كەزىندە، ديڭ شوۋچيڭ تاعى قاشقار داشۋەسىنە، جاڭاءشار اۋدانى توعىزاق قالاشىعى اياققى مانگان قىستاعىنا بارىپ، جوعارى مەكتەپ وقىتۋشى - وقۋشىلارىنىڭ ۋاكىلدەرىمەن، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان قىزمەت اترەتتەرىنىڭ مۇشەلەرىمەن، شارۋا پارتيا مۇشەلەرىنىڭ ۋاكىلدەرىمەن اڭگىمەلەستى.

  11 - ايدىڭ 19 - كۇنى تۇستەن كەيىن اۆتونوميالى رايوندىق ۇگىت - لەكسيا ۇيىرمەسى حوتان ايماعىندا ۇگىت - لەكسيا ورىستەتتى. اۆتونوميالى رايوندىق ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى حى گوچيڭ ”جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ كەلەلى ءمانى، ءتۇيىندى مىندەتتەرى“، ”جۇڭگوشا سوتسياليزم ءتۇزىمى مەن مەملەكەتتى جونگە سالۋ جۇيەسىنىڭ كورنەكتى ابزالدىلىعىن جەتە ءتۇسىنىپ، جۇڭگوشا سوتسياليزم ءتۇزىمى سەنىمىن بەكەمدەۋ“، ”پارتيانىڭ باسشىلىعىن كۇشەيتۋ، جالپى ماجىلىستە تۇراقتاندىرىلعان نىسانالاردىڭ، مىندەتتەردىڭ جاپپاي تياناقتاندىرىلۋىنا شىنايى كەپىلدىك ەتۋ“ سياقتى جاقتاردان حوتاننىڭ ءىس جۇزىندىگىمەن ۇشتاستىرا وتىرىپ، جاندى مىسالدار، شىنايى ساندى مالىمەتتەر ارقىلى جالپى ءماجىلىستىڭ كەلەلى ماڭىزىن، رۋحاني ءمانىن جانە باستى مازمۇنىن تەرەڭ ءتۇسىندىردى. سول كۇنى ۇگىت - لەكسيا ۇيىرمەسىندەگىلەر حوتان قالاسى گۇلباق ءمالىسى حالىق جولى الەۋمەتتىك اۋماعىنا بارىپ، نەگىزگى ساتىداعى كادر، بۇقارامەن ۇيرەنۋ اسەرى جونىندە اڭگىمەلەستى.

  (تىلشىلەر شيا چيڭ، لياڭ ليحۋا، جاۋ شييا، قۇمىل تىلشىلەر پۋنكتىنەن جاۋ يۇيۋي، حوتان تىلشىلەرى پۋنكتىنەن جاڭ يۇڭ، قاشقار تىلشىلەر پۋنكتىنەن ۋاڭ ۋىنبو، سانجى تىلشىلەر پۋنكتىنەن ما شياۋفاڭ، ەرىكتى تىلشىلەر ساي شياۋچيڭ، شيڭ باۋيۇي، لي شين - ان، مەيلي، قايروللا، گۇلايات ابدۇرەشيت جازعان)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.