شينحۋا اگەنتتىگىنىڭ 11 - ايدىڭ 20 - كۇنى بەيجيڭنەن بەرگەن حابارى (چي شىڭ). 1999 - جىلى 12 - ايدا جۇڭگو ۇكىمەتى حالىقارالىق كورمە مەكەمەسىنىڭ 126 - رەتكى جالپى جينالىسىندا 2010 - جىلعى دۇنيە جۇزىلىك كورمەنى وتكىزۋدى ءوتىنىش ەتەتىنىن رەسمي جاريالادى. 2002 - جىلى 12 - ايدا داۋىسقا سالۋ ارقىلى جۇڭگو 2010 - جىلعى دۇنيە جۇزىلىك كورمەنى وتكىزۋ ۇقىعىنا يە بولدى. 2010 - جىلى 5 - ايدىڭ 1 - كۇنى شاڭحاي دۇنيە جۇزىلىك كورمەسى رەسمي اشىلدى. شاڭحاي دۇنيە جۇزىلىك كورمەسى 41 - كەزەكتى دۇنيە جۇزىلىك كورمە، بۇل ەلىمىزدىڭ تۇڭعىش رەت وتكىزگەن ۋنيۆەرسال دۇنيە جۇزىلىك كورمە، سونداي - اق 1 - رەت دامۋ جولىنداعى ەلدەردە وتكىزىلگەن تىركەلۋ تۇرىندەگى دۇنيە جۇزىلىك كورمە.
شاڭحاي دۇنيە جۇزىلىك كورمەسىنىڭ نەگىزگى تاقىرىبى ”قالا، تۇرمىستى ونان ارى كوركەم ەتەدى“. قوسالقى نەگىزگى تاقىرىبى: قالانىڭ كوپ نەگىزدى مادەنيەتىنىڭ توعىسۋى، قالا ەكونوميكاسىنىڭ گۇلدەنۋى، قالا عىلىم - تەحنيكاسىنىڭ جاسامپازدىعى، قالا الەۋمەتتىك اۋماعىنىڭ قايتا تۇلەۋى، قالا مەن اۋىل - قىستاقتىڭ ىقپالداستىعى. كورمە بەلگىسىنىڭ ورنەگى حانزۋشا ”دۇنيە“ دەگەن ءارىپ پەن ”2010“ سيفرىنان قۇرالىپ، جاسىل ءتۇستى نەگىزگى بوياۋ ەتكەن. قۇت بەلگىسى − حايباۋ. 5 - ايدىڭ 1 - كۇنى اشىلعاننان 10 - ايدىڭ 31 - كۇنى جابىلعانعا دەيىنگى 184 كۇندە، 246 مەملەكەت، حالىقارالىق ۇيىمنان كەلگەن كورمەگە قاتىناسۋشى جاقتار تارتىمدىلىقتارى ىركەس - تىركەس ايگىلەنگەن، كوركەمدىكتەرى تاماشا كورسەتىلگەن كورمەلەۋ، تالقى مىنبەرى، كونسەرت سياقتى فورمالار ارقىلى قالانىڭ بولاشاق دامۋ كورىنىسىن كەڭەسىپ، ”ءتۇسىنىسۋ، تىلدەسۋ، باس قوسۋ، سەلبەسۋ“ سىندى دۇنيە جۇزىلىك كورمە ۇستانىمىن جاندى ءتۇسىندىردى. جۇڭگولىق - شەتەلدىك ەكسكۋرسيالاۋشىلار 73 ميلليون 80 مىڭ ادام - رەت بولىپ، دۇنيە جۇزىلىك كورمە تاريحىنداعى جاڭا رەكورد جاراتتى. شاڭحاي دۇنيە جۇزىلىك كورمەسى ءبىر رەتكى ءساتتى، تارتىمدى، ۇمىتىلماس دۇنيە جۇزىلىك كورمە بولىپ دۇنيە جۇزىلىك كورمە تاريحىنا تابىسپەن جازىلدى.
شاڭحاي دۇنيە جۇزىلىك كورمەسىن وتكىزۋگە دايىندالۋ، وتكىزۋ بارىسىندا كورمە وتكىزۋگە قاتىناسقان بارلىق قىزمەتكەرلەر وتان ءۇشىن داڭق اپەرۋ سىندى وتانشىلدىق رۋحتى، بار پەيىلىن حالىققا ارناۋداي قىزمەت ەتۋ رۋحىن، ىنتىماقتاسۋ جانە سەلبەسۋدەي ۇجىم رۋحىن، قاتاڭ دا عىلمي تىندىرا ىستەۋ رۋحىن، ۇزدىكتىككە تالپىنۋداي جاسامپازدىق رۋحىن، قىزمەت ورنىن ءسۇيىپ، كاسىبىن قاستەرلەۋدەي ءوزىن ارناۋ رۋحىن زور كۇشپەن جەتىلدىرىپ جانە اسقاقتاتىپ، شاڭحاي دۇنيە جۇزىلىك كورمەسىنىڭ تابىسقا جەتۋى ءۇشىن قۇدىرەتتى رۋحاني تىرەك ازىرلەدى.
شاڭحاي دۇنيە جۇزىلىك كورمەسىنىڭ ءساتتى وتكىزىلۋى جۇڭحۋا ۇلتىنىڭ 100 جىلدىق دۇنيە جۇزىلىك كورمە ارمانىن جۇزەگە اسىرىپ، دۇنيە جۇزىنە جۇڭحۋا ۇلتىنىڭ 5000 جىلدىق شۇعىلالى وركەنيەتىن، جاڭا جۇڭگو قۇرىلعان 60 جىلداعى، اسىرەسە، رەفورما جاساعان، ەسىك اشقان 30 نەشە جىلداعى شۇعىلالى تابىستاردى ايگىلەدى، ەلىمىزدەگى ءار ۇلت حالقىنىڭ ىنتىماقتاسا كۇرەس جاساعان رۋحاني بەت - بەينەسىن ايگىلەدى، ۇلتتىق ماقتانىش سەزىمىن، سەنىمدىلىگىن، ۇيىسۋ قۋاتىن نىعايتتى.
