جالپى ءماجىلىستىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ۇزدىكسىز تەرەڭدەتتى
تىلشىلەر جاڭ يانفاڭ، جاڭ يۇنمەي 11 - ايدىڭ 20 - كۇنى ۇرىمجىدەن حابارلايدى. 11 - ايدىڭ 18 - كۇنى اۆتونوميالى رايوننىڭ پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن جەكە - جەكە اۆتونوميالى رايوننىڭ ۇگىت - مادەنيەت جۇيەسىندەگى پارتيالى كادرلارعا، شينجياڭ اۋىل شارۋاشىلىق داشۋەسىنىڭ وقىتۋشى - وقۋشىلارىنا ۇگىت - لەكسيا بايانداماسىن جاسادى.
تيان ۋىن ”جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ كەلەلى ءمانىن جەتە تانۋ“، ”جۇڭگوشا سوتسياليزم ءتۇزىمى مەن مەملەكەتتى جونگە سالۋ جۇيەسىنىڭ كورنەكتى ابزالدىلىعىن تەرەڭ ءتۇسىنىپ، جۇڭگوشا سوتسياليزم ءتۇزىم سەنىمىن بەكەمدەۋ“، ”جۇڭگوشا سوتسياليزم تۇزىمىنە تاباندى بولۋدىڭ جانە ونى كەمەلدەندىرۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ جالپى تۇلعالىق تالاپتارىن، جالپى تۇلعالىق نىسانالارىن جانە ءتۇيىندى مىندەتتەرىن دۇرىس يگەرۋ“، ”پارتيانىڭ باسشىلىعىن كۇشەيتىپ، جالپى ءماجىلىس تۇراقتاندىرعان نىسانالار مەن مىندەتتەردىڭ جاپپاي تىڭعىلىقتى تياناقتانۋىنا شىنايى كەپىلدىك ەتۋ“ سىندى 4 جاقتان جالپى ءماجىلىستىڭ رۋحىن جۇيەلى باياندادى جانە تەرەڭ ءتۇسىندىردى.
تيان ۋىن بىلاي دەپ باسا دارىپتەدى: ”ءتورت تانىم“دى كۇشەيتۋ، ”ءتورت سەنىم“دى بەكەمدەۋ، ”ەكىنى قورعاۋ“دى ورىنداۋ كەرەك. ورتالىقتىڭ رۋحى مەن اۆتونوميالى رايوننىڭ ءىس جۇزىندىگىن تىعىز ۇشتاستىرىپ، تۋ ۇستاۋ، حالىق تىلەگىن ۇيىستىرۋ، جاڭا ادام تاربيەلەۋ، مادەنيەتتى گۇلدەندىرۋ، وبرازدى ايگىلەۋ بورىشى مەن مىندەتىن سانالى ارقالاپ، جالپى ءماجىلىستىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ۇزدىكسىز تەرەڭدەتۋ كەرەك. جوعارى مەكتەپتەر ماركسيزمدىك نازاريامەن جاس وقۋشىلاردىڭ وي - ساناسىن قارۋلاندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن وقۋلىققا ەنگىزۋدى، ساباقحاناعا ەنگىزۋدى، وي - ساناعا ۇيالاتۋدى جان - جاقتى ىلگەرىلەتۋ كەرەك. ۇلتتار ىنتىماعىن بەكەمدەپ، دامىتىپ، تىلەك ۇيىستىرىپ، كۇش بىرىكتىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اناعۇرلىم زور ۇلەس قوسۋ كەرەك.
بايانداما ماجىلىسىنەن كەيىن، تيان ۋىن وقۋشىلاردىڭ جاتاعىنا بارىپ ءىشىنارا وقۋشىلار ۋاكىلدەرىمەن اڭگىمەلەستى.
