شينحۋا اگەنتتىگىنىڭ 11 - ايدىڭ 21 - كۇنى بەيجيڭنەن بەرگەن حابارى (چي شىڭ). 2011 - جىلى 3 - ايدىڭ 14 - كۇنى 11 - كەزەكتى مەملەكەتتىك حالىق قۇرىلتايىنىڭ 4 - رەتكى ءماجىلىسى بەكىتكەن مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى مىنانى جاريالادى: نەگىزگى زاڭ باس قولباسشى بولعان، نەگىزگى زاڭمەن قاتىستى زاڭدار، ازاماتتىق ىستەر زاڭى، ساۋدا زاڭى سياقتى كوپتەگەن زاڭ تاراۋلارىنىڭ زاڭدارى نەگىزگى تىرەك ەتىلگەن، زاڭ، اكىمشىلىك زاڭ ەرەجە، جەرگىلىكتى زاڭ ەرەجە سياقتى كوپ ساتىلى زاڭدىق ولشەمدەردەن قۇرالعان جۇڭگوشا سوتسياليستىك زاڭ جۇيەسى قالىپتاستى، مەملەكەتتىڭ ەكونوميكالىق قۇرىلىسىنىڭ، ساياسي قۇرىلىسىنىڭ، مادەنيەت قۇرىلىسىنىڭ، قوعامدىق قۇرىلىسىنىڭ، سونداي - اق ەكولوگيالىق وركەنيەت قۇرىلىسىنىڭ ءتۇرلى جاقتارى نەگىزدەلەتىن زاڭ بولۋ جۇزەگە استى، پارتيا 15 - قۇرىلتايى العا قويعان 2010 - جىلعا بارعاندا جۇڭگوشا سوتسياليستىك زاڭ جۇيەسىن قالىپتاستىرۋ سىندى زاڭ شىعارۋ قىزمەتى نىساناسى ۋاعىندا ورىندالدى.
جاڭا جۇڭگو قۇرىلعاننان بەرى، اسىرەسە، رەفورما جاساپ، ەسىك اشقاننان بەرى، جۇڭگو كوممۋنيستىك پارتياسىنىڭ دۇرىس باسشىلىعىندا، ءارقايسى جاقتاردىڭ تاباندىلىقپەن ورتاق قۇلشىنۋىندا، ەلىمىزدىڭ زاڭ شىعارۋ قىزمەتى دۇنيەنى جالت قاراتقان زور تابىستارعا قول جەتكىزدى. 1982 - جىلى قازىرگى نەگىزگى زاڭ ماقۇلداندى، وسىدان كەيىن، وبيەكتيۆتىك جاعدايدىڭ دامۋ قاجەتىنە ساي، نەگىزگى زاڭعا وزگەرىس ەنگىزۋ جوباسىنان ىلگەرىندى - كەيىندى بەسەۋى ماقۇلداندى. 2010 - جىلدىڭ سوڭىنا جەتكەندە، ەلىمىز قازىر اتقارىلىپ وتىرعان ءونىمدى زاڭنان 236سىن، اكىمشىلىك زاڭ ەرەجەدەن 690نان استامىن، جەرگىلىكتى زاڭ ەرەجەدەن 8600دەن استامىن جاسادى ءارى قازىر اتقارىلىپ وتىرعان زاڭدى جانە اكىمشىلىك زاڭ ەرەجەنى، جەرگىلىكتى زاڭ ەرەجەنى شوعىرلى اداقتاۋ قىزمەتىن جاپپاي ورىندادى. قوعامدىق قاتىناستىڭ ءتۇرلى جاعىن شارپىعان زاڭ تاراۋلارى تولىقتانىپ، ءتۇرلى زاڭ تاراۋلارىنداعى نەگىزگى، باستى زاڭدار جاسالىپ، سايكەستى اكىمشىلىك زاڭ ەرەجەلەر مەن جەرگىلىكتى زاڭ ەرەجەلەر ءبىرشاما كەمەلدەنىپ، زاڭ جۇيەسى ىشىندە عىلمي، جاراسىمدى، ءبىر تۇتاس بولۋ جالپى جاقتان ورىندالدى.
جۇڭگوشا سوتسياليستىك زاڭ جۇيەسى جۇڭگوشا سوتسياليزمنىڭ ماندىك تالابىن، رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ داۋىرلىك تالابىن، قۇرىلىم ىشىندەگى ءبىر تۇتاس ءارى كوپ ساتىلى مەملەكەت جاعدايى تالابىن، جۇڭگونىڭ زاڭ - ءتۇزىم مادەنيەتىنىڭ تاڭداۋلى ءداستۇرىن جالعاستىرۋدىڭ جانە ادامزاتتىڭ زاڭ - ءتۇزىم وركەنيەتى تابىستارىنان ۇلگى الۋدىڭ مادەنيەتتىك تالابىن، سونداي - اق يكەمدى، اشىق، داۋىرمەن بىرگە العا باسۋداي دامۋ تالابىن ايگىلەدى.
جۇڭگوشا سوتسياليستىك زاڭ جۇيەسى جۇڭگوشا سوتسياليزمنىڭ وزىندىك قاسيەتىن ماڭگى ساقتاۋداعى زاڭ - تۇزىمدىك ءتۇپ نەگىزى، جاسامپازدىق امالياتىنىڭ زاڭ - تۇزىمدىك ايگىلەنۋى، گۇلدەنۋىنىڭ، دامۋىنىڭ زاڭ - تۇزىمدىك قامتاماسىزدىعى. ونىڭ قالىپتاسۋى جۇڭگونىڭ سوتسياليستىك دەموكراتيالىق زاڭ - ءتۇزىم قۇرىلىسىنداعى ءبىر ماڭىزدى بەلەس، رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ ۇلى تابىستارىن ايگىلەدى، كەلەلى رەال مانگە جانە تەرەڭ تاريحي مانگە يە.
