جالپى ءماجىلىس رۋحىن بارلىق وتباسىنا جەتكىزىپ، جۇرەك توعىستىرىپ، كۇش بىرىكتىرىپ، قوعام ورنىقتىلىعىن جانە باياندى تىنىشتىقتى ىلگەرىلەتەيىك
ەرىكتى ءتىلشى جاڭ يىنچۇن 11 - ايدىڭ 21 - كۇنى ءپايزاۋاتتان حابارلايدى. 11 - ايدىڭ 19 - كۇنىنەن 11 - ايدىڭ 20 - كۇنىنە دەيىن، اۆتونوميالى رايوننىڭ پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن قاشقار ايماعى مارالباسى اۋدانىندا، ءپايزاۋات اۋدانىندا قىستاقتارعا بارىپ، وتباسىلارىن ارالاپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحى جونىندە ۇگىت - لەكسيا جاسادى. نۇرلان ءابىلماجىن مىنالاردى باسا دارىپتەدى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيانىڭ ورتالىقتانعان ءبىر تۇتاس باسشىلىعىنا تاباندى بولىپ، جۇڭگوشا سوتسياليزم ءتۇزىم سەنىمىن بەكەمدەپ، اۆتونوميالى رايوندىق 9 - كەزەكتى پارتكوم سەگىزىنشى جالپى ءماجىلىسىنىڭ ورنالاستىرۋ - تالاپتارىنا ساي، نازاردى جالپى ءماجىلىس رۋحىن ۇيرەنۋدىڭ، دايەكتىلەندىرۋدىڭ تەرەڭدەۋىن، ناقتىلانۋىن، جۇرەككە ۇيالاۋىن ىلگەرىلەتۋگە شوعىرلاندىرىپ، كۇش سالىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ قۇدىرەتتى بىرىككەن كۇشىن ۇيىستىرىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسى رۋحىنىڭ تيانشاننىڭ وڭتۇستىگى مەن سولتۇستىگىندە تياناقتانىپ، تامىر تارتۋىنا شىنايى كەپىلدىك ەتۋ كەرەك.
نۇرلان ءابىلماجىن مارالباسى اۋدانى داۋلەتباق اۋىلى جيدەلىباق قىستاعىنا جانە ءپايزاۋات اۋدانى جاڭا ءمالى اۋىلى اياقلاڭگار قىستاعىنا كەلىپ، ءار ۇلت بۇقاراسىنان، اۋىل - قىستاق كادرلارىنان جانە ءدىني قايراتكەرلەردەن حال سۇراپ، كوپشىلىكپەن بىرگە كىرىستى ايتىپ، وزگەرىستەردى تىلگە تيەك ەتىپ، دامۋدى اڭگىمەلەپ، بەتپە - بەت ۇگىت - لەكسيا جۇرگىزدى. تۇرعۇن ءاشىم قاتارلى قىستاق تۇرعىندارىنىڭ وتباسىنا بارعاندا، كوپشىلىك تۇس - تۇستان جاڭا وزگەرىستەردى تىلگە الدى: ”پارتيانىڭ جاقسى ساياساتىنىڭ ارقاسىندا، ءبىزدىڭ ۇيدەگىلەر تاسىمال جۇرگىزۋ ارقىلى بيىل 60 مىڭ يۋاننان استام كىرىس كىرگىزدىك، كۇندەرىمىز بارعان سايىن جاقسارا باستادى!“، ”قىستاقتا شينمەي كاسىبىن دامىتتى، مەنىڭ وتباسىمدا 4 مۋ جەردەگى جەمىس - جيدەكتەن تاپقان كىرىسىمىز 50 مىڭ يۋان بولدى“... نۇرلان ءابىلماجىن بىلاي دەدى: كوپشىلىكتىڭ تۇرمىسىنىڭ كۇننەن - كۇنگە جاقسارۋى، ءبارى دە پارتيانىڭ جاقسى ساياساتىنان كەلگەن، كوممۋنيستىك پارتيا بولماسا، بۇگىنگى جاقسى كۇنىمىز دە بولماس ەدى. ءبىز، ءسوز جوق، باس شۋجيدىڭ تاپسىرماسىن ەستە بەرىك ساقتاپ، پارتيانىڭ مەيىرىن ەستە بەرىك ساقتاپ، پارتياعا ماڭگى العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، جۇڭگوشا سوتسياليزم جولىمەن بۇلجىماي ءجۇرىپ، ەڭبەكشىل قوس قولىمىزعا سۇيەنىپ باقىتتى دا كوركەم تۇرمىس جاراتۋىمىز كەرەك.
اۆتونوميالى رايوندىق ساياسي كەڭەس ورگانىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەلەرىنەن جانە اۋىر كەدەي قىستاقتىڭ ءبىرىنشى شۋجيىنەن حال سۇراي بارعاندا، نۇرلان ءابىلماجىن مىنالاردى باسا دارىپتەدى: جالپى ءماجىلىس رۋحىن ۇيرەنۋدى، دايەكتىلەندىرۋدى ورتالىقتىڭ ساياسي كەڭەس قىزمەتى ءماجىلىسىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن ۇشتاستىرىپ، وتباسىلاردى ارالاپ ۇگىت - لەكسيا جۇرگىزۋ سياقتى كوپ ءتۇرلى فورمالاردى قولدانىپ، جالپى ءماجىلىس رۋحىنىڭ بارلىق وتباسىنا جەتۋىنە، جۇرەكتەرگە ۇيالاۋىنا مۇمكىندىك جاساۋ كەرەك. ىقىلاسپەن، سۇيىسپەنشىلىكپەن، كۇش جۇمساي وتىرىپ بۇقارالىق قىزمەتتى جاقسى ىستەپ، قىستاق تۇرعىندارىن باستاپ كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل جەتىپ، ءار ۇلت بۇقاراسىنىڭ تابىس سەزىمىنە، باقىت سەزىمىنە، حاۋىپسىزدىك سەزىمىنە اناعۇرلىم كەنەلۋىنە مۇمكىندىك جاساۋ كەرەك.
ۇگىت - لەكسيا بارىسىندا، نۇرلان ءابىلماجىن پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ كەلەلى يدەيالىق كوزقاراستارىن، كەلەلى ءتۇزىم ورنالاستىرۋلارىن جانە كەلەلى قىزمەت ورنالاستىرۋلارىن ەگجەي - تەگجەيلى ءتۇسىندىردى. ول مىنالاردى اتاپ كورسەتتى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋدى قازىرگى ماڭىزدى ساياسي مىندەت ەتىپ، باي مازمۇنىن، وزەكتى ويىن، رۋحاني ءمانىن ىشكەرىلەي ءتۇسىنىپ، جەتە ۇيرەنۋگە، جەتە يگەرۋگە، ناقتىلاندىرۋعا كۇش سالىپ، ءتۇزىم ابزالدىلىعىن جونگە سالۋ ونىمدىلىگىنە شىنايى اينالدىرىپ، باس نىسانانى جۇزەگە اسىرۋ جولىندا جۇرەكتەردى توعىستىرىپ، دەمەۋ بولىپ، بىرىككەن كۇش قوسۋ كەرەك.
نۇرلان ءابىلماجىن تاعى مارالباسى اۋدانىنىڭ توقىماشىلىق بازارىنا جانە ءپايزاۋات اۋدانىنىڭ سويىس قوي تۇقىمىن اسىلداندىرۋ، جەتىلدىرۋ ورتالىعىنا، 1000 مۋلىق شينمەي ەگىنشىلىك ۇلگى باقشاسىنا بارىپ، كەدەيلىكتەن ارىلتۋدان قامال الۋ قىزمەتىن تەكسەرىپ - زەرتتەدى.
اۆتونوميالى رايوندىق ساياسي كەڭەستىڭ ورىنباسار ءتوراعاسى، قوسىمشا باس حاتشى جاڭ بو تەكسەرۋ - زەرتتەۋگە قاتىناستى.
