شينحۋا اگەنتتىگىنىڭ 11 - ايدىڭ 21 - كۇنى بەيجيڭنەن بەرگەن حابارى. جان سانىنىڭ قارتتانۋىنا بەلسەنە توتەپ بەرۋ ءۇشىن، پارتيا 19 - قۇرىلتايىنىڭ شەشىمدەرىنە، ورنالاستىرۋىنا ساي، تاياۋدا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «مەملەكەتتىڭ جان سانىنىڭ قارتتانۋىنا بەلسەنە توتەپ بەرۋدىڭ ورتا، ۇزاق مەرزىمدىك جوباسىن» (تومەندە قىسقاشا «جوبا» دەلىنەدى) باسىپ تاراتتى. «جوبا»نىڭ تاياۋ مەرزىمى 2022 - جىلعا دەيىن، ورتا مەرزىمى 2035 - جىلعا دەيىن، ۇزاق مەرزىمدىك مەجە 2050 - جىلعا دەيىن، ول وسى عاسىردىڭ ورتا شەنىنە جەتكەندە ەلىمىز جان سانىنىڭ قارتتانۋىنا بەلسەنە توتەپ بەرۋدەگى ستراتەگيالىق سيپاتتى، جالپىلىق سيپاتتى، جەتەكشىلىك سيپاتتى حۇجات.
«جوبا»دا مىنالار اتاپ كورسەتىلدى: جان سانىنىڭ قارتتانۋى قوعامدىق دامۋدىڭ ماڭىزدى اۋقىمى، ادامزات وركەنيەتىنىڭ العاباسۋ بەينەسى، سونداي - اق بۇدان كەيىنگى ءبىرشاما ۇزاق مەزگىلدەگى ەلىمىزدىڭ نەگىزگى مەملەكەت جاعدايى. جان سانىنىڭ قارتتانۋى ەكونوميكالىق اينالىمنىڭ جالپى سالاسى، قوعامدىق قۇرىلىستىڭ ءتۇرلى بۋىندارى، قوعامدىق مادەنيەتتىڭ ءار جاعى، اۋەلى، مەملەكەتتىڭ جالپىلىق قۋاتى مەن حالىقارالىق باسەكەلىك قۋات جونىنەن تەرەڭ ىقپالعا يە، مۇندا سىن - سايىس پەن وراي قاتار ءومىر سۇرەدى.
«جوبا»دا مىنالار باسا دارىپتەلدى: جان سانىنىڭ قارتتانۋىنا بەلسەنە توتەپ بەرۋ حالىقتى وزەك ەتكەن دامۋ يدەياسىن دايەكتىلەندىرۋدىڭ ىشكى تالابى، ەكونوميكانىڭ جوعارى ساپالى دامۋىن جۇزەگە اسىرۋدىڭ قاجەتتى كەپىلى، مەملەكەت حاۋىپسىزدىگى مەن قوعام جاراسىمدىعىن، ورنىقتىلىعىن قورعاۋدىڭ ماڭىزدى شاراسى. ەكونوميكانىڭ جوعارى ساپالى دامۋ تالابى بويىنشا، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، ۇزاق بولاشاقتىق ءتۇزىم جۇلگەسىن ورناتىپ، ناقتى ءونىمدى كەلەلى ساياسات جاساپ، بەلسەنە توتەپ بەرۋدىڭ، بىرگە قۇرۋدىڭ، بىرگە يگىلىكتەنۋدىڭ، شاما - شارقى ۇيلەسىمدى بولۋدىڭ، جاڭالىق اشۋدىڭ، ەسىك اشۋدىڭ نەگىزگى پرينسيبىنە تاباندى بولىپ، جان سانىنىڭ قارتتانۋىنا توتەپ بەرۋدىڭ جۇڭگوشا جولىمەن ءجۇرۋ كەرەك.
«جوبا»دا جان سانىنىڭ قارتتانۋىنا بەلسەنە توتەپ بەرۋدىڭ ستراتەگيالىق نىساناسى ايقىندالدى: جان سانىنىڭ قارتتانۋىنا بەلسەنە توتەپ بەرۋدىڭ ءتۇزىم نەگىزىن ءۇرتىس بەكەمدەپ، قازىنالىق قوردى كۇن سايىن تولىقتاپ، ادام كۇشى كاپيتالىن ۇزدىكسىز جوعارىلاتىپ، عىلىم - تەحنيكالىق تىرەكتى اناعۇرلىم الەۋەتتەندىرىپ، ءونىم مەن قىزمەت وتەۋدى مولايتىپ، ساپالىلاندىرىپ، قوعامدىق ورتانى قونىسقا جايلى، بەرەكەلى ەتىپ، ەكونوميكالىق، قوعامدىق دامۋدى قاي - قاشان دا جان سانىنىڭ قارتتانۋ اياق الىسىمەن ءوزارا ۇيلەستىرىپ، سوتسياليستىك وسىزاماندانعان قۇدىرەتتى ەلدى ءساتتى قۇرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ. 2022 - جىلعا جەتكەندە، ەلىمىزدىڭ جان سانىنىڭ قارتتانۋىنا بەلسەنە توتەپ بەرۋ ءتۇزىم جۇلگەسىن العاشقى قادامدا قۇرۋ؛ 2035 - جىلعا جەتكەندە، جان سانىنىڭ قارتتانۋىنا بەلسەنە توتەپ بەرۋدىڭ ءتۇزىم ورنالاستىرۋلارىن اناعۇرلىم عىلمي، ءونىمدى ەتۋ؛ وسى عاسىردىڭ ورتا شەنىنە جەتكەندە، سوتسياليستىك وسىزاماندانعان قۇدىرەتتى ەلمەن ءوزارا ۇيلەسەتىن جان سانىنىڭ قارتتانۋىنا توتەپ بەرۋ ءتۇزىم ورنالاستىرۋىن تولىستىرۋ، كەمەلدەندىرۋ.
«جوبا»دا جان سانىنىڭ قارتتانۋىنا توتەپ بەرۋدىڭ ناقتى قىزمەت مىندەتىنە 5 جاقتان ورنالاستىرۋ جاسالدى.
ءبىرىنشى، جان سانىنىڭ قارتتانۋىنا توتەپ بەرۋدىڭ قوعامدىق قازىنا قورىن بەكەمدەۋ. جالپى مولشەردى كەڭەيتۋ، قۇرىلىمدى ساپالىلاندىرۋ، ونىمدىلىكتى جوعارىلاتۋ ارقىلى ەكونوميكالىق دامۋدىڭ جان سانىنىڭ قارتتانۋىمەن ءوزارا ۇيلەسۋىن جۇزەگە اسىرۋ. حالىق شارۋاشىلىعى كىرىس ءبولىسى جۇيەسىن كەمەلەندىرۋ ارقىلى ۇكىمەت، كاسىپورىن، تۇرعىندار اراسىنداعى ءبولىس جۇلگەسىن ساپالىلاندىرىپ، زەينەتكەرلىك قازىنا قورىن ورنىقتى ارتتىرۋ. اناعۇرلىم ءادىل، اناعۇرلىم باياندى قوعامدىق قامتاماسىزداندىرۋ ءتۇزىمىن اقاۋسىزداندىرىپ، جالپى حالىقتىڭ ىرىس - قۇت دەڭگەيىن ءۇرتىس نىعايتۋ.
ەكىنشى، جان سانىنىڭ قارتتانۋ جاعدايىنداعى ەڭبەككۇشپەن ءونىمدى قامداۋدى جاقسارتۋ. ومىرگە كەلگەن جان سانى ساپاسىن جوعارىلاتۋ، جاڭادان ارتقان ەڭبەككۇش ساپاسىن كوتەرۋ، قارتايعاندا ۇيرەنەتىن مەكتەپ بولۋداي ءومىر بويى ۇيرەنۋ جۇيەسىن قۇرۋ ارقىلى ەلىمىزدىڭ ادام كۇشى بايلىعىنىڭ تۇتاس تۇلعالىق ساپاسىن جوعارىلاتۋ. ادام كۇشى بايلىعىن اشۋدى، پايدالانۋدى ىلگەرىلەتىپ، اناعۇرلىم جوعارى ساپالى جانە اناعۇرلىم جان - جاقتى جۇمىستانۋدى جۇزەگە اسىرىپ، جان سانىنىڭ قارتتانۋىنا بەلسەنە توتەپ بەرۋدەگى ادام كۇشى بايلىعى جالپى مولشەرىنىڭ جەتكىلىكتى، ساپاسىنىڭ جوعارى بولۋىنا شىنايى كەپىلدىك ەتۋ.
ءۇشىنشى، جوعارى ساپالى قارتتارعا قىزمەت وتەۋ جانە ونىممەن قامداۋ جۇيەسىن قۇرۋ. سالاماتتى جۇڭگو قۇرىلىسىن بەلسەنە ىلگەرىلەتىپ، سالاماتتىق تاربيەسى، الدىن الۋ، دەنساۋلىق ساقتاۋ، اۋرۋعا دياگنوز قويۋ - ەمدەۋ، ساۋىقتىرۋ، كۇتۋ، تۇراقتى قارايلاسۋ، الاڭسىز ەتۋ، ەمدەۋ - كۇتۋ جالپىلىق، ۇلاسپالى قارتتار سالاماتتىلىعىنا قىزمەت وتەۋ جۇيەسىن قۇرۋ جانە كەمەلدەندىرۋ. ۇيدە بولۋدى نەگىز، الەۋمەتتىك اۋماقتى سۇيەنىش ەتكەن، قۇرىلىم تولىق دامىعان، ەمدەۋ - كۇتۋ ورگانيكالى ۇشتاستىرىلعان كوپ ساتىلى زەينەتكەرلىك قىزمەت وتەۋ جۇيەسىن اقاۋسىزداندىرىپ، قارتتىق ونىمدەرمەن جانە قىزمەت وتەۋىمەن قامداۋدى كوپ ارنادا، كوپ سالادا كەڭەيتىپ، ونىمدەردىڭ جانە قىزمەت وتەۋ ساپاسىن جوعارىلاتۋ.
ءتورتىنشى، جان سانىنىڭ قارتتانۋىنا توتەپ بەرۋدىڭ عىلىم - تەحنيكالىق جاڭالىق اشۋ قابىلەتىن كۇشەيتۋ. دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، تەحنيكادا جاڭالىق اشۋدى جان سانىنىڭ قارتتانۋىنا بەلسەنە توتەپ بەرۋدىڭ ءبىرىنشى قوزعاۋشى كۇشى جانە ستراتەگيالىق تىرەگى ەتىپ، حالىق شارۋاشىلىعى كاسىپ سالاسى جۇيەسىنىڭ زەردەلىلەنۋ دەڭگەيىن جاپپاي جوعارىلاتۋ. قارتتارعا قىزمەت وتەۋدىڭ عىلىم - تەحنيكالى بولۋ، ينفورماتسيالانۋ دەڭگەيىن جوعارىلاتىپ، قارتتار سالاماتتىعىنا عىلىم - تەحنيكالىق تىرەك بولۋ تەبىنىن ارتتىرىپ، قارتتارعا كومەكشى تەحنيكالاردى زەرتتەۋ - اشۋدى جانە پايدالانۋدى كۇشەيتۋ.
بەسىنشى، قارتتاردى كۇتىمدەيتىن، قارتتارعا وپالى بولاتىن، قارتتاردى قۇرمەتتەيتىن قوعامدىق ورتا قۇرۋ. جان سانىنىڭ قارتتانۋىنا توتەپ بەرۋدىڭ زاڭمەن جونگە سالۋ ورتاسىن كۇشەيتىپ، قارتتاردىڭ زاڭدىق ۇقىق - مۇددەسىن قامتاماسىزداندىرۋ. وتباسىلىق قولداۋ جۇيەسىن ورناتىپ، قارتتارى بەرەكەلى قوعام قۇرىپ، قارتتار، وتباسى، قوعام، ۇكىمەت بىرگە ات سالىساتىن تاماشا راي قالىپتاستىرۋ.
«جوبا»دا مىنالار تالاپ ەتىلدى: پارتيانىڭ جان سانىنىڭ قارتتانۋىنا بەلسەنە توتەپ بەرۋ قىزمەتىنە باسشىلىق ەتۋىنە تاباندى بولىپ، پارتيانىڭ، ۇكىمەتتىڭ نەگىزگى جاۋاپتى ادامدارىنىڭ وزدەرى يگەرۋىنە، باس جاۋاپكەرشىلىكتى ارقالاۋىنا تاباندى بولىپ، ءار دارەجەلى ۇكىمەتتەردىڭ جوبانى تياناقتاندىرۋداعى نەگىزگى تۇلعالىق جاۋاپكەرشىلىگىن كۇشەيتىپ، ۇيىمدىق سايكەستىرۋ مەحانيزمىن اناعۇرلىم كەمەلدەندىرۋ كەرەك. حالىقارالىق سەلبەستىكتى ىلگەرىلەتىپ، ”ءبىر بەلدەۋ، ءبىر جول“داعى قاتىستى ەلدەرمەن جان سانىنىڭ قارتتانۋىنا توتەپ بەرۋدەگى ساياساتتىق تىلدەسۋدى جانە نىسانداردى ءتۇيىلىستىرۋدى ىلگەرىلەتۋ. ەرەكشەلىگى جانە ۋاكىلدىك سيپاتى بار وڭىرلەردى تاڭداپ جان سانىنىڭ قارتتانۋىنا توتەپ بەرۋ قىزمەتىندە جالپىلىق جاڭالىق اشۋ سىناق ءتۇيىنىن جۇرگىزۋ كەرەك. قىزمەت مەحانيزمىن، اتقارۋدى باقىلاۋ - باسقارۋ جانە باعالاۋ، جاۋاپقا تارتۋ ءتۇزىمىن قۇرىپ، اقاۋسىزداندىرىپ، جوبانىڭ اتقارىلۋىن باقىلاۋدى كۇشەيتىپ، جوبانىڭ تياناقتانۋىنا شىنايى كەپىلدىك ەتۋ كەرەك.
