تيانشان تورى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

ۇلتتار ىنتىماعىن بار كۇشپەن قورعاپ، شينجياڭنىڭ كوركەم بولاشاعىن بىرگە اشايىق

شونجى اۋداندىق قوعام حاۋىپسىزدىگى مەكەمەسى بيليۋحى ساقشى بولىمشەسىنىڭ حالىق ساقشىسى

چين حايليڭ

  وتباسىمىزداعى ءۇش ۇرپاق تۇگەلدەي ”التىن شونجى“، ”قۇرعاق كەمەتۇراق“ دەگەن ايگىلى اتى بار شونجى اۋدانىندا تۇرمىس كەشىرىپ كەلەمىز. مەن اۋىلىمنىڭ جاتاعان كەرپىش ۇيلەردەن كەڭ دە جارىق عيمارات ۇيلەرگە، شەت - شەكسىز ءشول دالادان جاسىل القاپقا، ەلسىز قۋ دالادان تىزىلە بوي سوزعان بيىك عيماراتتارعا وزگەرۋ بارىسىن باسىمنان وتكەرىپ، پارتيانىڭ وقۋ - اعارتۋ، ەمدەۋ، تۇرعىن ءۇي سياقتى جاقتارداعى ناقتىلى حالىققا تيىمدىلىك جەتكىزۋ ساياساتتارىن سەزىندىم. كوممۋنيستىك پارتيا بولماسا، جاڭا جۇڭگو بولماق ەمەس، شينجياڭداعى ءار ۇلت حالقىنىڭ باقىتتى تۇرمىسى دا بولماق ەمەس. ءبىز ۇنەمى العىس ايتۋ سەزىمىمەن جۇڭگو كوممۋنيستىك پارتياسىنا العىس ايتۋىمىز، ۇلى وتانعا العىس ايتۋىمىز، جۇڭحۋا ۇلتى ۇلى شاڭىراعىنا العىس ايتۋىمىز كەرەك.

  بالا كەزىمدە ءۇيىمىز ءبىر شاعىن قىستاقتا تۇراتىن، اكە - شەشەم ءار ۇلت اۋىلداستارىمەن بىرگە ەڭبەك ىستەپ، بىرگە تۇرمىس كەشىرەتىن، تۇرمىسىمىز ماشاقاتتى بولسا دا، كوپشىلىك تاتۋ - ءتاتتى، ءوزارا قارايلاسىپ وتەتىن ەدىك. ماڭايىمدا دا ءار ۇلتتان ساباقتاستارىم بار، ءبىز بىرگە ۇيرەنىپ، بىرگە ويناپ، بىرگە ەسەيدىك، سەن - مەن دەپ بولىنبەي، تۇرمىستىڭ ءلاززاتىن بىرگە بولىستىك. قىزمەتكە شىققاننان كەيىن دە دوستىعىمىز ۇزىلگەن جوق، بۇرىنعىداي ءوز قىزمەت ورنىمىزدا ءوزارا ۇيرەنىپ، بىرگە العا باسىپ كەلەمىز.

  بيليۋحى ساقشى بولىمشەسىنە كەلگەننەن كەيىن، مەن قاشاندا وسىنداي ۇلتتار ىنتىماعى سۇيىسپەنشىلىگىنەن تەرەڭ اسەرلەنىپ وتىردىم. ءار رەت ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلى وتكىزىلگەن كەزدە، اۋلا ءىشى شات - شادىمان اۋەنگە تولىپ، دىر - دۋمان بولىپ جاتادى. كوپشىلىك بىرگە تاماق ىستەپ، اڭگىمە شەرتىپ، پارتيانىڭ حالىققا تيىمدىلىك جەتكىزۋ ساياساتتارىن بىرگە ۇيرەنىپ، اۋىل وزگەرىسىن بىرگە كوسىلە اڭگىمەلەيدى، بۇل ءار ۇلت اراسىن جاقىنداتىپ قالماستان، اراداعى سۇيىسپەنشىلىكتى دە تەرەڭدەتتى. وسى قيمىلدار پارتيانىڭ مەيىر - شاپاعاتىن جۇپ قۇراعان تۋىستارعا شىن مانىندە جەتكىزىپ، ۇلتتار ىنتىماعىنىڭ تۇقىمىن جۇرت جۇرەگىنە تەرەڭ ۇيالاتىپ، تامىر تارتقىزىپ، بۇرشىك جارعىزىپ، گۇل اشقىزىپ، جەمىس بەرگىزدى، ۇلتتار ىنتىماعىنىڭ ءمانى قاراپايىم قيمىل بارىسىندا ارلەنىپ، ۇلتتار ىنتىماعى تانىمىن كۇشەيتۋ، ۇلتتار ىنتىماعى مەن قوعام ورنىقتىلىعىنىڭ تاماشا جاعدايىن جاراتۋ ءۇشىن بەرىك نەگىز قالادى.

  شينجياڭ − كوپ ۇلت شوعىرلى قونىستانعان ۇلى شاڭىراق، ءار ۇلت حالقى ءبىر وتباسىنىڭ ادامدارىندايمىز، قوعامدىق كەلەلى جاعداي جاراسىمدى دا ورنىقتى بولدى، ەكونوميكا ءۇرتىس دامىدى، ءار ۇلت بۇقاراسى اناردىڭ دانىندەي تىعىز ۇيىسىپ، ۇلتتار ىنتىماعىن كوز قاراشىعىنداي قورعاپ، ۇلتتار ىنتىماعىن ءومىرىن قاستەرلەگەندەي قاستەرلەدى. ماڭىمداعى دامۋ وزگەرىستەرىنىڭ ءار ءساتى كوز الدىمدا، بۇگىنگى تاماشا تۇرمىسىمىز وڭاي - وسپاق قولعا كەلگەن جوق، مۇنىڭ بارلىعى ءار ۇلت اعا - باۋىر، اپەكە - سىڭلىلەردىڭ ورتاق قۇلشىنۋىنىڭ، ىنتىماقتاسا كۇرەس جۇرگىزۋىنىڭ ناتيجەسى. مەن ءوزىمنىڭ ءىس جۇزىندىك ارەكەتىم ارقىلى شينجياڭنىڭ ۇلتتار ىنتىماعى مەن قوعامنىڭ جاراسىمدىلىعىن، ورنىقتىلىعىن قورعاپ، وتان تۇتاستىعىن قورعايتىن، ۇلتتىق بولشەكتەۋشىلىككە قارسى تۇراتىن قۇرىش قورعاندى بىرگە سوعامىن، ءبىز ەڭبەكشىل قوس قولىمىز ارقىلى ءتىپتى باقىتتى، تاماشا تۇرمىس جاراتامىز.

  ىنتىماق، ورنىقتىلىق − قۇت، بولشەكتەۋشىلىك، بىلىقپالىق − جۇت. مەن ساياسي تۇرعىمدى بەكەمدەپ، ۇلكەن دۇرىس پەن ۇلكەن بۇرىس ماسەلەسى الدىندا سەرگەكتىكتى ساقتاپ، اۆتونوميالى رايوندىق پارتكومنىڭ قىزمەت ورنالاستىرۋلارىن قاتاڭ تياناقتاندىرىپ، ءار ۇلت بۇقاراسى ءدوپ كەلگەن قيىن ماسەلەلەرىن دەر كەزىندە شەشىپ، ۇلتتار ىنتىماعىن نىعايتاتىن قيمىلداردى بەلسەنە ورىستەتىپ، ءار ۇلت بۇقاراسىنىڭ سۇيىسپەنشىلىكتەرىن ءتۇرلى قيمىلدار ارقىلى تەرەڭدەتىپ، اناعۇرلىم تىعىز ىنتىماقتاسىپ، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن ۇلەس قوسۋىنا مۇمكىندىك جاراتامىن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.