شينحۋا اگەنتتىگىنىڭ 11 - ايدىڭ 22 - كۇنى بەيجيڭنەن بەرگەن حابارى (ءتىلشى باي جيە). مەملەكەت ءتوراعاسى شي جينپيڭ 11 - ايدىڭ 22 - كۇنى حالىق سارايىندا حالىقارالىق اقشا قورى ۇيىمىنىڭ باسالقاسى گەورگيەۆامەن كەزدەستى.
شي جينپيڭ گەورگيەۆا حانىمنىڭ حالىقارالىق اقشا قورى ۇيىمىنىڭ باسالقاسى بولۋ سالاۋاتىمەن جۇڭگوعا تۇڭعىش رەت ساپارلاي كەلگەندىگىن قارسى الدى. شي جينپيڭ بىلاي دەپ اتاپ كورسەتتى: كەزەكتە دۇنيە ءجۇزى ەكونوميكاسىنىڭ ارتۋى باياۋلاپ، باسەڭدەۋ حاۋىپ - قاتەرى كۇشەيىپ، قورعانىمپازدىق باس كوتەرىپ، كوپ جاقتىلىق پەن ەركىن ساۋدا اۋىر سىن - سايىسقا ءدوپ كەلدى، حالىقارالىق قوعام حالىقارالىق اقشا قورى ۇيىمىنىڭ رولى جونىندە اناعۇرلىم جوعارى ءۇمىت كۇتۋدە. ءسىزدىڭ باسشىلىعىڭىزدا حالىقارالىق اقشا قورى ۇيىمىنىڭ حالىقارالىق اقشا جانە ونى جونگە سالۋ جۇيەسىن ونان ارى كەمەلدەندىرىپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ۋاكىلدىك سيپاتىن جانە ءسوز سويلەۋ ۇقىعىن جوعارىلاتۋىن ءۇمىت ەتەمىن.
شي جينپيڭ بىلاي دەپ اتاپ كورسەتتى: جۇڭگو جاق بىرگە اقىلداساتىن، بىرگە قۇراتىن، بىرگە يگىلىكتەنەتىن الەمدىك جونگە سالۋ كوزقاراسىن بەلسەنە دارىپتەيدى، قورعانىمپازدىققا باتىل قارسى تۇرادى، الەمدىك ساۋدا ۇيىمىن وزەك ەتكەن كوپ جاقتى ساۋدا ءتۇزىلىسىن قورعايدى. حالىقارالىق اقشا قورى ۇيىمىنىڭ الەمدىك ساۋدا كەڭەستىك تارتىبىندە ۇزبەي بەلسەندى رول اتقارىپ، تەپە - تەڭ، اشىق بولعان الەمدىك فينانس بازارىن قورعاپ، حالىقارالىق ءتارتىپتىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتۋىن ءۇمىت ەتەمىن. جاقىنعى جىلداردان بەرى، جۇڭگو مەن حالىقارالىق اقشا قورى ۇيىمى ”ءبىر بەلدەۋ، ءبىر جول“دى بىرگە قۇرۋ مەملەكەت قابىلەتى قۇرىلىسىن كۇشەيتۋ، جۇمساق ورتانى جاقسارتۋ جاقتارىندا تاماشا سەلبەستىكتەر ورىستەتتى. جۇڭگو جاق حالىقارالىق اقشا قورى ۇيىمىمەن سەلبەستىكتى ۇزدىكسىز تەرەڭدەتۋدى قالايدى.
شي جينپيڭ بىلاي دەپ باسا دارىپتەدى: جۇڭگو ەكونوميكاسىنىڭ دامۋىندا وراسان زور سەرپىمدىلىك، كومەسكى كۇش جانە مۇمكىندىكتەر بار، ەكونوميكانىڭ ۇزاق ۋاقىت بويى جاقسارعان بەتالىسى وزگەرمەيدى. جۇڭگو جاڭا دامۋ ۇستانىمىنان جازباي، ەكونوميكانىڭ جوعارى ساپالى دامۋىن جەبەپ، اناعۇرلىم جوعارى دەڭگەيدە سىرتقا ەسىك اشۋدى ءۇرتىس ىلگەرىلەتىپ، دۇنيە ءجۇزى ەكونوميكاسىنىڭ ارتۋى ءۇشىن ءتىپتى دە كوپ وراي ازىرلەپ بەرەدى. مەن جۇڭگونىڭ دامۋىنا كامىل سەنەمىن.
گەورگيەۆا جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاپ، مىنالاردى ءبىلدىردى: جۇڭگو كەلەر جىلى جالپى بەتتىك كەدەيلىكتەن ارىلۋدى جۇزەگە اسىرادى، بۇل جۇڭگو جانە بۇكىل دۇنيە ءجۇزى جونىنەن بەلەستىك ءمان الادى. جۇڭگو رەفورما جاساۋ، ەسىك اشۋ ارقىلى ەكونوميكانىڭ ءۇرتىس سەرپىندى ارتۋىن جۇزەگە اسىردى، جۇڭگونىڭ بولاشاقتا فينانس، كاپيتال سياقتى ءارقايسى سالادا ەسىك اشۋدى ءۇرتىس ساقتايتىندىعىنا سەنەمىن. حالىقارالىق اقشا قورى ۇيىمى جۇڭگومەن سەلبەستىك جاساۋعا ايرىقشا ءمان بەرەدى ءارى ونى تەرەڭدەتۋگە ۇزبەي كۇش سالادى. كەزەكتە ءىشىنارا ەلدەر ساۋدا قاقتىعىسىن تۋدىرىپ، دۇنيە ءجۇزى ەكونوميكاسى قيىنشىلىق كەزەڭىندە قالدى، حالىقارالىق اقشا قورى ۇيىمى ەركىن، اشىق ساۋدانى باتىل قولدايدى، قورعايدى، بەيبىت ساۋدا قارىم - قاتىناسىن جۇزەگە اسىرۋعا قۇلشىنادى، حالىقارالىق اقشا قورى ۇيىمىنا داۋىرمەن بىرگە العا باسقان رەفورما جۇرگىزۋدى، جاڭادان وركەندەگەن ەكونوميكالىق تۇلعالارىنىڭ سالماعىن ارتتىرۋدى قالايدى. جۇڭگو جاقپەن بىرگە ادامزاتتىڭ تاعدىرلاس ورتاق تۇلعاسىن قۇرۋدى بەلسەنە ىلگەرىلەتىپ، ”ءبىر بەلدەۋ، ءبىر جول“دى بىرگە قۇرۋ سەلبەستىگىن كۇشەيتىپ، وركەندەپ كەلە جاتقان ەلدەردىڭ اناعۇرلىم جاقسى دامۋدى جۇزەگە اسىرۋىنا كومەكتەسۋدى قالايدى.
ۋاڭ ي قاتارلىلار كەزدەسۋگە قاتىناستى.
شينحۋا اگەنتتىگىنىڭ 11 - ايدىڭ 22 - كۇنى بەيجيڭنەن بەرگەن حابارى (ءتىلشى باي جيە). مەملەكەت ءتوراعاسى شي جينپيڭ 11 - ايدىڭ 22 - كۇنى حالىق سارايىندا 2019 - جىلعى ”جاڭالىق اشۋ ەكونوميكالىق تالقى مىنبەرى“نە قاتىناسقان سىرت جاقتىڭ ۋاكىلدەرىمەن كەزدەستى.
شي جينپيڭ بىلاي دەپ اتاپ كورسەتتى: جاڭالىق اشۋ − قازىرگى داۋىردەگى ماڭىزدى تاقىرىپ. دۇنيە ءجۇزى 100 جىلدا بولماعان ۇلكەن وزگەرىس ۇستىندە تۇر، جاڭا كەزەكتى عىلىم - تەحنيكالىق توڭكەرىس پەن كاسىپ سالاسىنىڭ وزگەرىسى قارقىندى دامۋدا. ادامزات ءدوپ كەلگەن ورتاق سىن - سايىستارعا ءار ەل قول ۇستاسا توتەپ بەرۋى قاجەت. ەشقانداي ءبىر مەملەكەت دەربەس جاڭالىق اشۋ ورتالىعى بولا المايدى ياكي جاڭالىق اشۋ جەتىستىكتەرىنەن جەكە - دارا يگىلىكتەنە المايدى. جاڭالىق اشۋ جەتىستىكتەرى تاۋ ۇڭگىرىنە كومىپ قوياتىن اسىل بولماۋى، قايتا بۇكىل دۇنيە جۇزىنە پايدا جەتكىزۋى ءتيىس. جۇڭگو، امەريكا سياقتى مەملەكەتتەردىڭ بارلىعى جاڭالىق اشۋشى ءىرى ەلدەر، جۇڭگو امەريكانى قامتىعان دۇنيە جۇزىندەگى ءار ەلمەن جاڭالىق اشۋ سەلبەستىگىن ورىستەتۋدى، ەكى ەل حالقىن جانە دۇنيە ءجۇزى حالقىن اناعۇرلىم تاماشا باقىتقا كەنەلتۋدى قالايدى.
شي جينپيڭ بىلاي دەپ باسا دارىپتەدى: جۇڭگو − 5000 جىلدىق وركەنيەت تاريحى بار ءىرى ەل، تاريحتاعى 4 ۇلكەن تاپقىرلىق ادامزات وركەنيەتىنىڭ العا باسۋى ءۇشىن وراسان زور ۇلەس قوسقان. اپيىن سوعىسىنان بەرى، جۇڭگو جارتىلاي وتار، جارتىلاي فەودال قوعامنىڭ قامىتىن كيدى، ءبىراق جۇڭگو حالقى وعان مويىعان جوق، قايتا جىگەرلەنە وتىرىپ ۇلتتى گۇلدەندىرۋدىڭ جولىن قۇلشىنا قاراستىردى. جاڭا جۇڭگو قۇرىلعان 70 جىلدان بەرى، جۇڭگودا وراسان زور وزگەرىس تۋىلدى، مۇنىڭ ءتۇبىرلى سەبەبى − ءبىزدىڭ جۇڭگونىڭ مەملەكەت جاعدايىنا لايىق، ءداۋىر اعىمىنا ۇيلەسەتىن، حالىقتىڭ قولداۋى مەن قۋاتتاۋىنا يە بولعان دۇرىس جولدى تاپقانىمىزدا، بۇل جول − جۇڭگوشا سوتسياليزم جولى. بۇگىنگى تاڭدا، وزىنە نىق سەنىم ارتقان جۇڭگو حالقى وسى جولمەن مىزعىماي جۇرە بەرەدى. ءبىز جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى ورتاعا قويدىق، ءبىراق، بۇل ارمان استە ”زورەكەرلىك ارمان“ ەمەس. ءبىز الدەبىرەۋدىڭ ورنىن باسپاقشى ەمەسپىز، تەك جۇڭگوعا وزىنە ءتيىستى ار - نامىسى مەن ورنىن قالپىنا كەلتىرۋدى عانا كوزدەيمىز. ءبىز شۇعىلالى جەتىستىككە جەتتىك، دەسەدە ءبىز دۇنيە جۇزىندە بىرەۋدى ەمەۋرىنىمىزگە باعىندىرماقشى ەمەسپىز، قايتا ”تاتۋ ءوتۋ، ءبىراق قوستاي جونەلمەۋ“ سىندى ءداستۇرلى ۇستانىمدى ۇزدىكسىز ۇستانىپ، بەيبىت دامۋ جولىمەن جۇرۋگە تاباندى بولىپ، دۇنيە جۇزىندەگى ءار ەلمەن ءوزارا ءتيىمدى سەلبەستىك ورىستەتۋگە كۇش سالامىز. جۇڭگو رەفورما جاساۋعا، ەسىك اشۋعا تاباندى بولادى، جۇرەكتىلىكپەن جاڭالىق اشۋمەن بىرگە، ابايلاي العا باسادى، نەعۇرلىم كەدەرگىگە جولىققان سايىن، سولعۇرلىم قيىندىقتى ەڭسەرە ورگە ۇمتىلىپ، ەسىك اشۋدى كەڭەيتەدى. مەن جۇڭگونىڭ دامۋ بولاشاعىنا كامىل سەنىمدەمىن.
امەريكانىڭ بۇرىنعى مەملەكەت ىستەر حاتشىسى كەسەنگر، امەريكانىڭ بۇرىنعى قازىنا مينيسترى پاۋلسون، ەگيپەتتىڭ ساياحات مينيسترى ماساد، جاپونيانىڭ بۇرىنعى سىرتقى ىستەر ءۋازىرى چۋانكوۋ شۇنزى، شۆەتساريا كرەديت توبىنىڭ دۇنيە جۇزىلىك باس اتقارۋشى ءمانساپتىسى تان تيانجۇڭ قاتارلى سىرت جاقتىڭ ۋاكىلدەرى لەبىز ءبىلدىردى. ولار جۇڭگونىڭ دامۋدا قول جەتكىزگەن ۇلى جەتىستىكتەرىن جانە دۇنيە ءجۇزىنىڭ بەيبىتشىلىگى مەن دامۋى ءۇشىن قوسقان ماڭىزدى ۇلەسىن جوعارى باعالادى. ولار بىلاي دەپ قارادى: قازىر قورعامپازدىق ساۋدا قاجالىسىن تۋعىزىپ، دۇنيە جۇزىلىك اۋقىمعا تۇراقسىزدىق تۋدىردى. وسىنداي جاعدايدا، جۇڭگونىڭ رەفورما جاساۋدى، ەسىك اشۋدى ۇزدىكسىز ىلگەرىلەتۋى الەمنىڭ باياندى دامۋى مەن حالىقارالىق قارىم - قاتىناستاردىڭ تۇراقتىلىعىن جەبەۋدە ماڭىزدى مانگە يە. ءار جاق ءار سالاداعى جاڭالىق اشۋ سەلبەستىگىن كۇشەيتىپ، ”ەكونوميكالىق تەمىر پەردە“نىڭ پايدا بولۋىنان كۇش سالا ساقتانۋى ءتيىس. كوپشىلىك ءتوراعا شي جينپيڭ ورتاعا قويعان ”ءبىر بەلدەۋ، ءبىر جول“ باستاماسىن القاپ، ”ءبىر بەلدەۋ، ءبىر جول“دى بىرگە قۇرۋعا بەلسەنە قاتىسۋدى قالايتىندىقتارىن ءبىلدىردى.
كەزدەسۋدەن بۇرىن، شي جينپيڭ سىرت جاقتىڭ ۋاكىلدەرىمەن توپتىق سۋرەتكە ءتۇستى.
ليۋ حى، ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.
2019 - جىلعى ”جاڭالىق اشۋ ەكونوميكالىق تالقى مىنبەرى“ ”جاڭا ەكونوميكانى، جاڭا بولاشاق“تى نەگىزگى تاقىرىپ ەتىپ، جاڭالىق اشۋدىڭ باستى سالالارى، دامۋ بەتالىسى، قوعامدىق ىقپالى سياقتىلار توڭىرەگىندە زەرتتەۋ - تالقى جۇرگىزەدى، الەمدەگى 60تان استام مەملەكەتتەن ساياسي - ساۋدا سالاسىنداعى 500دەن استام ۋاكىل قاتىناستى.
شينحۋا اگەنتتىگىنىڭ 11 - ايدىڭ 22 - كۇنى بەيجيڭنەن بەرگەن حابارى (ءتىلشى باي جيە). مەملەكەت ءتوراعاسى شي جينپيڭ 11 - ايدىڭ 22 - كۇنى حالىق سارايىندا امەريكانىڭ بۇرىنعى مەملەكەت ىستەر حاتشىسى كەسەنگرمەن كەزدەستى.
شي جينپيڭ كەسەنگر دوكتوردىڭ كوپ جىلدان بەرى جۇڭگو مەن امەريكا سىندى ەكى ۇلى ەلدىڭ قارىم - قاتىناسىنىڭ دامۋىن جەبەۋگە ارناعان شىنايى سۇيىسپەنشىلىگىن جانە كورسەتكەن بەلسەندى قۇلشىنىسىن القاپ، قوسقان ماڭىزدى ۇلەسىنىڭ تاريحقا جازىلاتىندىعىن ءبىلدىردى. دەنىنىڭ ساۋ، عۇمىرىنىڭ ۇزاق بولۋىن، ۇزدىكسىز تۇردە جۇڭگو - امەريكا قارىم - قاتىناسىن جەبەۋشى جانە وعان ۇلەس قوسۋشى بولۋىن ءۇمىت ەتتى.
شي جينپيڭ بىلاي دەپ اتاپ كورسەتتى: سوناۋ جىلدارى دوكتور تەرەڭ تاريحي كوز ايامەن جانە جۇڭگونىڭ ءداستۇرلى مادەنيەتىنە دەگەن تەرەڭ تۇسىنىگىمەن ەكى ەلدىڭ سول كەزدەگى باسشىلارىمەن بىرگە جۇڭگو مەن امەريكا سىندى مەملەكەت جاعدايى ۇقسامايتىن وسى ەكى ەلدىڭ قارىم - قاتىناسىنىڭ قالىپتى ارناعا ءتۇسۋىن جۇزەگە اسىرۋدى ىلگەرىلەتتى، وسى باستاما قازىرگە دەيىن جۇڭگو مەن امەريكاعا جانە دۇنيە جۇزىنە ماڭىزدى ىقپال جاساپ وتىر. كەزەكتە جۇڭگو - امەريكا قارىم - قاتىناسى شەشۋشى كەزەڭدە تۇر، قيىنشىلىقتار مەن سىن - سايىستارعا ءدوپ كەلۋدە. جۇڭگونىڭ ءداستۇرلى مادەنيەتى تاتۋ وتۋگە، ءبىراق قوستاي جونەلمەۋگە باسا ءمان بەرەدى، ارقاۋ ءتۇزۋ تارتىلسا، وزگەسى وڭاي وڭالادى دەگەندى دارىپتەيدى. جۇڭگو مەن امەريكا ەكى جاق ستراتەگيالىق ماسەلەلەر جونىندە بايلانىستى كۇشەيتىپ، اعات تۇسىنۋدەن جانە اعات تۇجىرىم جاساۋدان ساقتانىپ، ءوزارا ءتۇسىنۋدى ارتتىرۋ كەرەك. ەكى جاق ەكى ەل حالقىنىڭ جانە دۇنيە ءجۇزى حالىقتارىنىڭ ءتۇبىرلى مۇددەسىن شىعار ءتۇيىن ەتىپ، ءوزارا قۇرمەتتەپ، پارىقتاردى ساقتاپ، ورتاقتىققا ۇمتىلىپ، سەلبەسە تەڭ يگىلىككە كەنەلىپ، جۇڭگو - امەريكا قارىم - قاتىناسىنىڭ دۇرىس بەتالىسپەن العا دامۋىن ىلگەرىلەتۋ كەرەك.
كەسەنگر مىنالاردى ءبىلدىردى: وتكەن 50 جىلدا جۇڭگودا 100 رەتكە تاياۋ ساپاردا بولىپ، جۇڭگودا جارىققا شىققان زور وزگەرىستەردى ءوز كوزىممەن كورگەندىگىمدى داڭق سانايمىن. 50 جىلدان بەرى امەريكا - جۇڭگو قارىم - قاتىناسىندا تولقۋ بولسا دا، ءبىراق جالپى بەتالىسى باستان - اياق العا ىلگەرىلەۋدە. قازىر ءداۋىر استارىندا وزگەرىستەر جارىققا شىعىپ، امەريكا - جۇڭگو قارىم - قاتىناسىنىڭ ماڭىزدىلىعى اناعۇرلىم كورنەكتىلەندى. ەكى جاق ستراتەگيالىق بايلانىستى كۇشەيتىپ، الاۋىزدىقتاردى لايىقتى شەشۋدىڭ ءادىسىن قۇلشىنا قاراستىرىپ، ءتۇرلى سالاداعى اۋىس - كۇيىس پەن سەلبەستىكتى ۇزدىكسىز ورىستەتۋ كەرەك، بۇل ەكى ەل جانە دۇنيە ءجۇزى جونىنەن اسا ماڭىزدى.
ياڭ جيەچى، ۋاڭ ي قاتارلىلار كەزدەسۋگە قاتىناستى.
