تيانشان تورى   ›   جاڭالىقتار   ›   ايبىندى 70 جىل ، كۇرەسكە تولى جاڭا ءداۋىر

باس شۋجي شي جينپيڭ جۇڭگو ارمانىن ورتاعا قويدى ءارى باياندادى

  شينحۋا اگەنتتىگىنىڭ 11 - ايدىڭ 23 - كۇنى بەيجيڭنەن بەرگەن حابارى (چي شىڭ). پارتيا 18 - قۇرىلتايى اشىلعاننان كەيىن كوپ وتپەي، 2012 - جىلى 11 - ايدىڭ 29 - كۇنى باس شۋجي شي جينپيڭ جانە ورتالىق كوميتەت ساياسي بيۋروسىنىڭ تۇراقتى مۇشەلەرى لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي قاتارلىلار مەملەكەت مۇراجايىنا كەلىپ، «گۇلدەنۋ جولى» نەگىزگى كورمەسىن ەكسكۋرسيالادى. باس شۋجي شي جينپيڭ «گۇلدەنۋ جولى» كورمەسىن ەكسكۋرسيالاعان كەزدە ”جۇڭگو ارمانىن“ ورتاعا قويدى ءارى باياندادى. وسى كەزدەن باستاپ، ”جۇڭگو ارمانى“ بۇكىل پارتيا، بۇكىل قوعام، اۋەلى، بۇكىل دۇنيە ءجۇزى وسكەلەڭ نازار اۋدارعان ءبىر ماڭىزدى يدەيالىق ۇعىمعا اينالدى.

  باس شۋجي شي جينپيڭ بىلاي دەپ اتاپ كورسەتتى: ادامداردىڭ بارلىعىندا مۇرات پەن تالپىنىس بولادى، بارلىعىنىڭ ءوز ارمانى بولادى. قازىر كوپشىلىكتىڭ بارلىعى جۇڭگو ارمانىن تالقىلاۋدا، مەنشە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جۇڭحۋا ۇلتىنىڭ تاياۋ زاماننان بەرگى ەڭ ۇلى ارمانى ەسەپتەلەدى. بۇل ارمان نەشە ۇرپاق جۇڭگولىقتاردىڭ ەجەلگى ارمانىن ۇيىستىردى، جۇڭحۋا ۇلتى مەن جۇڭگو حالقىنىڭ تۇتاس تۇلعالىق مۇددەسىن ايگىلەدى، ءاربىر جۇڭحۋا ۇلانىنىڭ ورتاق تىلەگى. تاريح بىزگە مىنانى ۇعىندىردى: ءاربىر ادامنىڭ بولاشاق تاعدىرى تۇگەلدەي مەملەكەت پەن ۇلتتىڭ بولاشاق تاعدىرىمەن تىعىز ۇشتاسقان. مەملەكەت جاقسى بولسا، ۇلت جاقسى بولسا، كوپشىلىك تە جاقسى بولادى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ داڭقتى دا جاپالى ءىس، نەشە ۇرپاق جۇڭگولىقتاردىڭ وسى ءۇشىن ورتاق قۇلشىنۋىن قاجەت ەتەدى. بوس ءسوز مەملەكەتتى قۇرتادى، ناقتى ءىس مەملەكەتتى گۇلدەندىرەدى. ءبىزدىڭ وسى ۇرپاق كوممۋنيستەرىمىز، ءسوز جوق، بۇرىنعىعا مۇراگەر، كەيىنگىگە بۇيداگەر بولىپ، الدىڭعىلاردىڭ ءىزىن باسىپ، بولاشاققا جول اشىپ، پارتيامىزدى ويداعىداي قۇرىپ، بۇكىل جۇڭحۋا ۇلاندارىن ىنتىماقتاستىرىپ مەملەكەتىمىزدى ويداعىداي قۇرىپ، ۇلتىمىزدى ويداعىداي دامىتىپ، جۇڭحۋا ۇلتىنىڭ ۇلى گۇلدەنۋى نىساناسىنا قاراي ۇزدىكسىز ەرلىكپەن العا باسۋى كەرەك.

  وسىدان كەيىن، باس شۋجي شي جينپيڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى تالاي رەت تەرەڭدەي باياندادى. ول مىنانى باسا دارىپتەدى: جۇڭگو ارمانىنىڭ نەگىزگى ءمانى − مەملەكەتتىڭ باي، قۇدىرەتتى بولۋى، ۇلتتىڭ گۇلدەنۋى، حالىقتىڭ باقىتتى بولۋى؛ جۇڭگو ارمانى، سايىپ كەلگەندە، حالىقتىڭ ارمانى، حالىقتىڭ تاماشا تۇرمىسقا تالپىنىسى ءبىزدىڭ كۇرەس جۇرگىزۋ نىسانامىز؛ جۇڭگو ارمانىن جۇزەگە اسىرۋدا، ءسوز جوق، جۇڭگو جولىنا تاباندى بولۋ، جۇڭگو رۋحىن اسقاقتاتۋ، جۇڭگو كۇش - قۋاتىن ۇيىستىرۋ كەرەك؛ بۇكىل جۇڭحۋا ۇلاندارى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ءبىر نيەتپەن ورتاق ورىنداۋ كەرەك؛ جۇڭگو ارمانى بەيبىتشىلىك، دامۋ، سەلبەسۋ، بىرگە يگىلىكتەنۋ ارمانى، جۇڭگو حالقىنا باقىت جاراتۋمەن بىرگە، دۇنيە ءجۇزى حالقىنا دا باقىت جاراتادى.

  جۇڭگو ارمانى بۇكىل جۇڭگو حالقىنىڭ ورتاق مۇراتىن، تالپىنىسىن جاندى دا وبرازدى بەينەلەپ، مەملەكەتتىڭ باي، قۇدىرەتتى بولۋ، ۇلتتىڭ گۇلدەنۋ، حالىقتىڭ باقىتتى بولۋ تاماشا بولاشاعىن ايگىلەپ، جۇڭگوشا سوتسياليزمگە تاباندى بولۋعا جانە ونى دامىتۋعا جاڭا ءمان جانە داۋىرلىك رۋح ۇستەدى. جۇڭگو ارمانى پارتيا سەنىمىن، حالىق تىلەگىن ۇيىستىراتىن، جۇڭحۋا ۇلاندارىن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەس جۇرگىزۋگە ىنتالاندىراتىن قۇدىرەتتى رۋحاني كۇشكە اينالدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس