تيانشان تورى
تيانشان تورى   ›   جاڭالىقتار   ›   ماڭىزدى حابارلار

جۇڭگو مەن البانيا ديپلوماتيالىق قارىم - قاتىناس ورناتقاندىعىنىڭ 70 جىلدىعى بايلانىسىمەن شي جينپيڭ مەن البانيانىڭ زۇڭتۇڭى مەتا ءوزارا قۇتتىقتاۋ تەلەگرامماسىن جولدادى

لي كىچياڭ مەن البانيانىڭ زۇڭليى راما ءوزارا قۇتتىقتاۋ تەلەگرامماسىن جولدادى

  شينحۋا اگەنتتىگىنىڭ 11 - ايدىڭ 23 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 11 - ايدىڭ 23 - كۇنى البانيانىڭ زۇڭتۇڭى مەتامەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن قۇتتىقتادى.

  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 70 جىلدان بەرى، حالىقارالىق جاعداي قانشالىق قۇبىلمالى بولسا دا، جۇڭگو مەن البانيانىڭ ءداستۇرلى دوستىعى ۋاقىت وتكەن سايىن بەكەمدەلدى. جۋىرداعى جىلداردان بەرى، ەكى ەل قارىم - قاتىناسى تىڭ ارشىندى دامۋشىلىقتارعا قول جەتكىزدى، ساياسي ءوزارا سەنىمدىلىك نىعايدى، ءار سالاداعى اۋىس - كۇيىس، سەلبەستىكتىڭ ناتيجەلەرى مول بولدى، جۇڭگو - البانيا دوستىعى جۇرت جۇرەگىنە اناعۇرلىم تەرەڭ ۇيالادى. جاڭا جاعدايدا، جۇڭگو - البانيا سەلبەستىگى تاماشا ورايعا جانە كەڭ كەلەشەككە ءدوپ كەلدى. مەن جۇڭگو مەن البانيا قارىم - قاتىناسىنىڭ دامۋىنا وسكەلەڭ ءمان بەرەمىن، مەتا زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن وراي ەتىپ، جۇڭگو مەن البانيانىڭ ”ءبىر بەلدەۋ، ءبىر جول“دى قول ۇستاسا بىرگە قۇرۋىن ىلگەرىلەتىپ، ەكى جاقتى قارىم - قاتىناستى ۇزدىكسىز تىڭ ساتىعا كوتەرىپ، ەكى ەلگە جانە ەكى ەل حالىقتارىنا باقىت جاراتۋدى قالايمىن.

  مەتا قۇتتىقتاۋ تەلەگرامماسىندا مىنالاردى ءبىلدىردى: مەن ديپلوماتيالىق قارىم - قاتىناس ورناتقان 70 جىلدان بەرى البانيا مەن جۇڭگونىڭ دوستىق قارىم - قاتىناسى قول جەتكىزگەن بەلسەندى ىلگەرىلەۋشىلىكتەردى وسكەلەڭ باعالايمىن. ءتوراعا شي جينپيڭ العا قويعان ”ءبىر بەلدەۋ، ءبىر جول“دى بىرگە قۇرۋ باستاماسى، سونداي - اق جۋىرداعى جىلداردان بەرگى جۇڭگو − ورتا، شىعىس ەۆروپا ەلدەرى سەلبەستىك مەحانيزمى البانيا - جۇڭگو قارىم - قاتىناسىنا تىڭ كەلەشەك اشادى. ءبىز بىرگە تىزە قوسا قۇلشىنىپ، 2019 - جىلدىڭ البانيا مەن جۇڭگونىڭ ءوزارا تيىمدىلىك جەتكىزىپ سەلبەسۋىن اناعۇرلىم جوعارى ورەگە قادام تاستاعان، ەكى ەل حالىقتارى اناعۇرلىم ەتەنە بولعان جىلعا اينالۋىن جەبەيىك.

  سول كۇنى، مەملەكەتتىك كەڭەستىڭ زۇڭليى لي كىچياڭ مەن البانيانىڭ زۇڭليى راما دا ءوزارا قۇتتىقتاۋ تەلەگرامماسىن جولدادى. لي كىچياڭ مىنالاردى ءبىلدىردى: جۇڭگو جاق البانيا جاقپەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن جاڭا باستاما ەتىپ، ءداستۇرلى دوستىقتى اسقاقتاتىپ، ەكى جاقتى ءوزارا تيىمدىلىك جەتكىزىپ سەلبەسۋدى تەرەڭدەتىپ، جۇڭگو − ورتا، شىعىس ەۆروپا ەلدەرى سەلبەستىگى سياقتى كوپ جاقتى مەحانيزم اياسىنداعى سايكەسۋدى، سەلبەسۋدى كۇشەيتىپ، جۇڭگو - البانيا قارىم - قاتىناسىنىڭ جانە جۇڭگو − ورتا، شىعىس ەۆروپا ەلدەرى سەلبەستىگىنىڭ اناعۇرلىم زور دامۋعا قول جەتكىزۋىن جەبەۋدى قالايدى. راما مىنالاردى ءبىلدىردى: مەن جۇڭگو جاقتىڭ نەشە ونداعان جىلداردان بەرى البانيا جاققا كورسەتكەن قولداۋى مەن كومەگىنە شىنايى العىس ايتامىن. البانيا جاق البانيا - جۇڭگو قارىم - قاتىناسىنىڭ دامۋىن ىشكەرىلەي ىلگەرىلەتىپ، ەكى ەلدىڭ ءوزارا تيىمدىلىك جاسايتىن، ءوزارا پايدا جەتكىزەتىن سەلبەستىگىن جەبەۋدى قالايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.