تيانشان تورى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

مارالباسى، كەدەيلىكتەن ارىلۋ جولىنداعى قارپىمدى قايرات

− اۋىر كەدەي اۋداننىڭ ءبىرىنشى شەبىنەن كەلگەن تەكسەرۋ - زەرتتەۋ ⑤

شينجياڭ گازەتىنىڭ جالپىلىق اقپارات قۇرالىنىڭ تىلشىلەرى حان چينيان، يۇي چياڭفۋ، ليۋ ي

  10 - ايدىڭ 20 - كۇنى مارالباسى اۋدانى ساربۇيا قالاشىعى بوزارىق قىستاعىنىڭ تۇرعىنى نۇرمانگۇل ورايىم ءۇيىنىڭ الدىندا گۇل سۋارۋدا. ول: ”مۇنداي جاڭا ۇيدە، تاپ - تۇيناقتاي رەتتى ۇستاۋ كەرەك“، - دەدى. قازىرگە دەيىن بۇل قىستاقتا 200دەن استام بەيقۇت ءۇي تۇگەلدەي سالىنىپ بولىپ، قىستاق بەت - بەينەسى مۇلدە جاڭاردى. سۋرەتتى شينجياڭ گازەتىنىڭ جالپىلىق اقپارات قۇرالدارىنىڭ ءتىلشىسى لي جىننان سىزعان

  كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ بارىسىندا مارالباسى اۋدانى بىلەك سىبانا كىرىسىپ، تالىقپاي جول اشىپ، كەدەيلەردى دالمە - ءدال سۇيەمەلدەۋگە، كەدەيلىكتەن دالمە - ءدال ارىلتۋعا تاباندى بولىپ، كەدەيلىك تۋىلۋ سالىستىرماسى %27.23تەن 2018 - جىلى %6.6كە تومەندەدى، بيىل كەدەيلىك تۋىلۋ مولشەرى %0.13كە تومەندەيتىندىگى مەجەلەنۋدە.

  10 - ايدىڭ ورتا شەنىندە ءتىلشى مارالباسىنىڭ بايتاق دالاسىنا بارىپ، وسى اۋىل شارۋاشىلىعى ءىرى اۋدانىنىڭ كەدەيلىكتەن دالمە - ءدال ارىلۋ جولىنا زەر سالدى.

 جەردى اينالىمعا سالۋ − ءبىر شارامەن كوپ يگىلىككە قول جەتكىزدى، قوزعاۋشى كۇشى مىعىم بولدى

  تاكلاماكان ءشولىنىڭ جيەگىنە ورنالاسقان مارالباسى اۋدانىنىڭ جاۋىن - شاشىن مولشەرى از، بۋلانۋ مولشەرى جوعارى، جەرى قۇمدانعان، سورتاڭدانعان اۋماق ەگىستىك جەر جالپى اۋماعىنىڭ %76.35ىن يەلەيدى، جەرى قۇنارسىز، حالقى كەدەي.

  2014 - جىلى بۇكىل اۋداندا 117 كەدەي قىستاق بار بولاتىن، مۇنىڭ 43ى اۋىر كەدەي قىستاق.

  ”كەدەيلىكتىڭ تامىرى“ قايدا؟

  مارالباسى اۋدانىنىڭ كادر - بۇقاراسى كاسىپ سالاسى نەگىزىنىڭ ءالسىز، ماقتا سىندى ءبىر شارۋاشىلىقتى عانا نەگىز ەتكەن، شارۋالاردىڭ كىرىس قاينارى جالاڭ... كەدەيلەسۋ سەبەبىنىڭ كۇردەلى ەكەندىگىن تانىپ جەتتى. كەدەيلىكتەن ارىلۋ ءۇشىن، ەگىنشىلىك كاسىبىنىڭ پايداسىن ارتتىرىپ، شارۋالاردىڭ جەردەن ورنىقتى كىرىسكە يە بولۋىنا مۇمكىندىك جاساۋمەن بىرگە، ولاردى جاپالى جەر ەڭبەگىنەن ازات ەتۋ كەرەك؛ كاسىپ سالاسى ارقىلى كەدەيلەردى سۇيەمەلدەۋدى تىرەك ەتىپ، ماقتا كاسىبى ارقىلى كەدەيلەردى سۇيەمەلدەۋدى كورنەكتىلەندىرىپ، ماقتا جاعىنداعى ءىرى اۋداندى ماقتا جاعىنداعى قۋاتتى اۋدانعا اينالدىرۋ كەرەك؛ جەردى كولەمدەندىرىپ تيجارات جۇرگىزۋدەن باستاپ كىرىسىپ، جەردى اينالىمعا سالۋدى اتقارىپ، كاسىپ سالاسى ارقىلى كەدەيلىكتەن ارىلتۋدان قامال الۋعا دەم بەرۋدىڭ جولىن قاراستىرۋ كەرەك.

  مارالباسى اۋدانى شۇڭقىرشاق اۋىلى اقتوعىراق قىستاعى اۋىر كەدەي قىستاق، بۇكىل قىستاقتا 691 وتباسى، 2361 ادام بار، كەدەي وتباسى 323، كەدەيلەر 1147 ادام.

  اۆتونوميالى رايوندىق اۋىل شارۋاشىلىعى ماشينالارى مەكەمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ جانە قىستاق ”ەكى كوميتەتى“نىڭ جەبەۋىندە، وسى قىستاق شارۋالاردىڭ جەرىن جارناعا قوسۋ ءتاسىلىن قولدانىپ شارۋالار كاسىپتىك كووپەراتيۆىن قۇرىپ، ءار مۋىن جىلىنا 500 يۋاندىق باعامەن قىستاق تۇرعىندارىنىڭ 420 مۋ جەرىن اينالىمعا سالدى. جەر تەگىستەۋ، قىرات - جوتالاردى ارشۋ ارقىلى جەر اۋماعى 560 مۋعا كوبەيدى.

  ”كووپەراتيۆ سۋ ۇنەمدەپ سۋارۋ، ماشينالارمەن جۇمىس جۇرگىزۋ، سونداي - اق جەردى باسقارۋدى شوعىرلاندىرۋدان ۇلگى كورسەتۋ تاسىلدەرىن قولداندى، سول جىلى ماقتانىڭ مۋ باسىندىق ءتۇسىمى وتكەندەگى 200 كيلوگرامنان 380 كيلوگرامعا جوعارىلاپ، ءبىر ەسەگە تاياۋ ارتتى“. وسى قىستاقتىڭ پارتيا ياچەيكا شۋجيى، كووپەراتيۆتىڭ القا باستىعى اكبار ابىلەز قۋانا بىلاي دەدى: ”جەردى اينالىمعا سالۋعا قاتىناسقان 33 قىستاق تۇرعىننىڭ ءاربىرى ورتاشا ەسەپپەن 28 مىڭ يۋان ارتىق كىرىس كىرگىزدى“.

  پايداسىن كورگەننەن كەيىن، ءتىپتى كوپ قىستاق تۇرعىندارى ءوز وتباسىنىڭ جەرىن ىرىقتىلىقپەن كووپەراتيۆكە اينالىمعا سالۋعا بەردى. قازىر وسى قىستاقتىڭ اينالىمعا تۇسكەن جەر اۋماعى 6200 مۋعا جەتىپ، 487 شارۋا وتباسىن قامتيدى.

  ”بيىل وتباسىم، ءسوز جوق، كەدەيلىكتەن ارىلادى. جەردى كووپەراتيۆكە اينالىمعا سالۋعا بەرىپ كىرىس كىرگىزۋدەن تىس، وتباسىمداعى 3 جاندى كورشى قىستاقتاعى ماقتا ەگىنشىلىگىمەن شۇعىلداناتىن ءىرى وتباسى ماقتا اتىزىن باسقارىپ بەرۋگە ۇسىنىس ەتتى، ءبىر جىلدا تاعى دا 30 دا 40 مىڭ يۋان كىرىس كىرەدى“. قىستاق تۇرعىنى مارىگۇل ابىلەز قۋانا بىلاي دەدى: ”بۇل ماقتا تەرۋ كىرىسىن قوسپاعانداعى كىرىس، 3 اي ماقتا تەرسە، 3 ادام كەم دەگەندە 20 مىڭ يۋان كىرىس كىرگىزەدى“.

  قىستاق تۇرعىنى ماقسۇم ابىلەت مارىگۇلدىڭ ءسوزىن جالعاپ: ”جەردى اينالىمعا سالۋ جاقسى بولدى، كىرىسىمىز وتكەندەگىدەن الدەقايدا مول بولدى“، - دەدى.

  ماقسۇمنىڭ وتباسىندا 5 جان بار، 10 مۋ جەرىن كووپەراتيۆكە اينالىمعا سالۋعا بەرىپ، وسىنىڭ وزىنەن جىلىنا 5000 يۋان كىرىس كىرگىزەدى. تراكتور جۇرگىزە الاتىن ول كووپەراتيۆكە اۋىل شارۋاشىلىعى ماشينالارى جۇمىس اترەتىنىڭ باستىعى بولۋعا ۇسىنىس ەتىلىپ، كۇنىنە 35 يۋان كومەك قاراجات الىپ، ءبىر ايلىق كىرىسى 1000 يۋاننان اسادى، ەگىس قاربالاستىعى كەزىندە كۇنىنە 80 يۋان كومەك قاراجات قوسىلادى. ايەلى قىستاق قۇرعان زاۆودتا جۇمىس ىستەپ، ءبىر ايدا 1000 يۋاننان استام كىرىس كىرگىزەدى.

  ”ايەلىم ەكەۋىمىز ەسەپتەپ كورىپ ەدىك، بيىل وتباسىمىزدىڭ كىرىسى 30 مىڭ يۋانعا جەتەدى ەكەن“. ماقسۇم نىق سەنىممەن: ”تۇرمىسىمىز بارعان سايىن جاقسارا تۇسەدى“، - دەدى.

  اقتوعىراق قىستاعىندا ماقسۇم سياقتى تاعى كوپتەگەن قىستاق تۇرعىندارى بار. 46 جاستاعى ءبۇسارا ءيۇسىپ جولداسى ناۋقاستان قايتىس بولىپ، 3 بالاسىمەن قالعان. ”جەردى اينالىمعا سالۋ وتباسىمىزدا ەڭبەككۇش تاپشى بولۋ ماسەلەسىن شەشىپ، ورنىقتى كىرىسىم بولدى. كووپەراتيۆ تاعى مەنى جۇمىسقا قابىلداپ، ەكى كىرىس كىرگىزەتىن بولدىم“، - دەگەن ول وسىنى ايتقاندا كوزى جاساۋىراپ كەتتى.

  ”بولاشاقتا ءبىز شارۋالار كاسىپتىك كووپەراتيۆىن بار كۇشپەن دامىتامىز، كاسىپ تىزبەگىن ۇزارتۋ، اۋىل شارۋاشىلىعى قوسىمشا قۇنىن ارتتىرۋ، جۇمىستاندىرۋ ورنىن كوبەيتۋ ارقىلى قىستاق تۇرعىندارىنىڭ كىرىسىن ارتتىرامىز“. اكبار بىلاي دەدى: ”اۋىل شارۋاشىلىعىنىڭ جوعارى تۇسىمىنە، ورنىقتى تۇسىمىنە شىنايى كەپىلدىك ەتۋ ءۇشىن، ءبىز تاعى جوعارى ولشەمدى اتىز قۇرىلىسى جانە سۋ يگىلىگى قۇرىلعى قۇرىلىسى سەرپىنىن ارتتىرىپ، الەۋمەتتىك قىزمەت وتەۋ قۇرىلعىلارىن ۇزبەي كەمەلدەندىرىپ، قىستاق تۇرعىندارىن وركەنيەتتى، اقاۋسىز تۇرمىس كەشىرۋگە جەتەكتەيمىز“.

  بيىل جىل سوڭىنا دەيىن، مارالباسى اۋدانى 30 جوعارى ولشەمدى ۇلگى كورسەتۋ اتىزىن سالىپ بولادى، 227 مىڭ مۋ جەردى اينالىمعا سالادى، تەك وسىنىڭ ءوزى 23 مىڭ كەدەي وتباسىن كىرىس ارتتىرۋعا جەتەكتەي الادى.

 باسقا كاسىپكە ويىستىرىپ جۇمىستاندىرۋ −قىستاق تۇرعىندارىنىڭ كىرىس ارتتىرۋ ارناسىن كەڭەيتتى

  ءۇي ماڭىنداعى زاۆودتا قىزمەت ىستەگەننەن بەرى، شۇڭقىرشاق اۋىلى اقتوعىراق قىستاعىنىڭ تۇرعىنى تۇرنيساگۇل تۇرعۇننىڭ تۇرمىسى وزگەرە باستادى.

  وسى جىلداردا، اۋدان قالاشىعىندا زاۆودتار كوبەيىپ، كوپتەگەن قىستاق تۇرعىندارىن سوندا بارىپ جۇمىس ىستەۋگە باۋراعانىمەن، تۇرنيساگۇل ۇيىنەن الىستاي المايتىن ەدى. ”اۋىلدان الىستاپ جۇمىس ىستەسەم، بالانى قايتەمىن؟“.

  مارالباسى اۋدانى يمەي كيىم - كەشەك شەكتى سەرىكتەستىگىنىڭ ”كەدەيلەردى سۇيەمەلدەۋ سەحى“ اقتوعىراق قىستاعىنا ىرگە تەبۋى تۇرنيساگۇلدى شەكسىز قۋانىشقا بولەدى، ول تەز ارادا كاسىپ جۇمىسشىسىنا اينالدى.

  ”ءۇي ماڭىندا قىزمەت ىستەسەڭ، بالاعا دا قاراي الاسىڭ، جۇمىس ىستەپ اقشا دا تابا الاسىڭ، ەكى جاقتان دا ۇتاسىڭ، راسىندا، ەرەكشە جاقسى بولدى!“، - دەدى تۇرنيساگۇل.

  قازىر مارالباسى اۋدانىنىڭ اۋىل - قالاشىقتارىنداعى ”كەدەيلەردى سۇيەمەلدەۋ سەحى“ 50گە جەتتى، تەك مارالباسى اۋدانى يمەي كيىم - كەشەك شەكتى سەرىكتەستىگىنىڭ ءوزى شۇڭقىرشاق اۋىلىنىڭ، جاڭا وستەڭ اۋىلىنىڭ 3 قىستاعىندا ”كەدەيلەردى سۇيەمەلدەۋ سەحىن“ قۇرىپ، 600 نەشە ادامنىڭ جۇمىستانۋىنا جەتەكشىلىك ەتتى.

  ”تاپسىرىستى ۇلگىرتىپ قامداي الماي جاتىرمىز، تاعى دا كەڭەيتىپ جۇمىسشى قابىلداۋ قاجەت“. مارالباسى اۋدانى يمەي كيىم - كەشەك شەكتى سەرىكتەستىگى باس ديرەكتورى شيۇڭ گاڭ بىلاي دەدى: ”مەن ءوندىرىستى قايتكەندە كەڭەيتىپ، اناعۇرلىم كوپ شارۋانىڭ ءۇي ماڭىندا جۇمىستانۋىنا مۇمكىندىك جاساۋعا بولادى دەگەنگە ۇزدىكسىز وي جۇگىرتىپ كەلەمىن“.

  مارالباسى اۋداندىق كادەيلەردى سۇيەمەلدەۋ، وركەندەتۋ كەڭسەسىنىڭ مەڭگەرۋشىسى سۇڭ ليانجۇن: ”كەدەيلەردى سۇيەمەلدەۋ دامۋدىڭ جاڭا وي جەلىسىن الا كەلىپ، بىزگە ماسەلەنى باعدار ەتىپ، كەدەيلەردى سۇيەمەلدەۋدەگى قيىن ماسەلەلەردى بارلىق ءادىستى قولدانا وتىرىپ شەشىپ، كاسىپتى دامىتۋدىڭ ۇيلەسىمدى جولىن قاراستىرۋدى ۇيرەتتى“، - دەپ اعىنان اقتارىلدى.

  شينجياڭ ماقتا ەگىنشىلىگىندەگى ءىرى اۋدان بولعان مارالباسى اۋدانىنىڭ مول ماقتا بايلىعى كوپتەگەن ماقتا توقىماشىلىعى كاسىپورىندارىن قارجى قوسىپ، كاسىپتى گۇلدەندىرۋگە باۋراپ، قىرۋار كەدەي وتباسىلارىن باسقا كاسىپكە ويىستىرىپ جۇمىستاندىردى.

  بيىل 2 - ايدا قۇرىلعان مارالباسى توقىما بازارى كاسىپ باقشا رايونى مارالباسى اۋدانىنىڭ قالا، اۋىلداردا جۇمىستاندىرۋ ءىسىنىڭ ماڭىزدى دانەكەرى. باقشا رايونىنا ىرگە تەپكەن مارالباسى اۋدانى حىحۇڭ كيىم - كەشەك شەكتى سەرىكتەستىگى، سىلۋ ميڭجۋ كيىم تىگۋ شەكتى سەرىكتەستىگى، شينجياڭ جينليڭياڭ عىلىم - تەحنيكا شەكتى سەرىكتەستىگى سياقتى كاسىپورىندار ارتىق ەڭبەككۇشتەردەن 11 مىڭنان استام ادامدى قابىلدادى. مۇنىڭ ىشىندە، حىحۇڭ كيىم - كەشەك سەرىكتەستىگىنىڭ مارالباسى قالاشىعى شيڭفۋيۋان الەۋمەتتىك اۋماعىندا قۇرعان ”كەدەيلەردى سۇيەمەلدەۋ سەحى“نىڭ وزىنە 300 نەشە ادام جۇمىستاندىرىلدى. ”قازىر ىشكى وڭىردەگى كوپتەگەن ءىرى سەرىكتەستىكتەر مارالباسى اۋدانىندا توقىماشىلىق، كيىم - كەشەك كاسىبىن جايعاستىرۋعا دايىندالىپ وتىر، مارالباسى جىبەك جولى ەكونوميكالىق بەلدەۋىندەگى ’توقىما بازارى‘نا اينالۋدا“، - دەدى مارالباسى اۋداندىق پارتكومنىڭ ورىنباسار شۋجيى جوۋ جۇڭزان.

  ”ءبىر ادام جۇمىستانسا، ءبىر وتباسى كەدەيلىكتەن ارىلادى“. 2016 - جىلدان بەرى، مارالباسى اۋدانى جيىنى 65 مىڭ 300 ادامنىڭ (رەت) ورنىقتى جۇمىستانۋىن جۇزەگە اسىردى.

 ”جىگەر - قايرات، اقىل - پاراسات ارقىلى سۇيەمەلدەۋ“ −كەدەيلىكتەن ارىلۋعا سەنىم بەردى

  ساربۇيا قالاشىعى بوزارىق قىستاعىنداعى كەدەي وتباسى راحمان ماحات ءبىر - ەكى جىلدىڭ اينالاسىندا كۇن كورىسىنىڭ جاقسارىپ كەتەتىندىگىن ءوڭى تۇگىل تۇسىندە كورمەگەن ەدى.

  اكەسىنىڭ ناۋقاستانۋىمەن راحمان وتباسى اۋرۋ سەبەبىنەن كەدەيلەسەدى، ول وسى سەبەپتى ءبىر مەزەت تۇرمىسقا بولعان سەنىمىنەن دە ايرىلعان - دى.

  اۆتونوميالى رايوندىق ورمان شارۋاشىلىعى جانە جايلىم مەكەمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا ساربۇيا قالاشىعى بوزارىق قىستاعىندا تۇراتىن قىزمەت اترەتىنىڭ باستىعى مۋ چىن مۇنى كوزبەن كورىپ، كوڭىلىنە ءتۇيىپ ەدى، ول قىستاق پارتيا ياچەيكاسىنىڭ شۋجيى ءنابيجان قيۇممەن بىرگە كوپ رەت راحمانمەن اڭگىمەلەسىپ، يدەيالىق قىزمەت ىستەپ، ەڭ سوڭىندا وعان تاۋىق باعۋدان باستاپ كىرىسىپ، وتباسى باعىمشىلىعىن دامىتۋ ۇسىنىسىن قويادى.

  ”سىناپ كورەيىن“. راحمان شاعىن مولشەردەگى قارىز اقشادان پايدالانىپ 200 شوجە ساتىپ الىپ، ءوزىنىڭ جاڭعاق ورمانىندا ورمان استى باعىمشىلىعىمەن شۇعىلدانا باستايدى. ءبىر جىلدا، تاۋىق باعۋدان تۇسكەن كىرىس كورنەكتى جوعارىلاعان ول تاعى 2 سيىر ساتىپ الادى. قازىر ول بار زەيىن - زەردەسىن باعىمشىلىققا جۇمسادى، وتباسىنىڭ ەكونوميكالىق جاعدايى دا كۇننەن - كۇنگە جاقساردى.

  كەدەيلەردى سۇيەمەلدەۋدە الدىمەن جىگەر - قايرات ارقىلى سۇيەمەلدەۋ كەرەك. ”اۋرۋ سەبەبىنەن كەدەيلەسۋ، وقۋ سەبەبىنەن كەدەيلەسۋ دەگەننىڭ بارىنەن قورىقپاۋ كەرەك، كەدەي بۇقارادا كەدەيلىكتەن ارىلام دەيتىن سەنىم مەن قايرات بولسا بولعانى، الىنبايتىن قامال بولماق ەمەس“، - دەدى مارالباسى اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ايپاشا عۇپۇر.

  كەدەيلەردى سۇيەمەلدەۋدەن قامال الۋ بارىسىندا، مارالباسى اۋدانى كەدەيلەردى سۇيەمەلدەۋدى قايرات - جىگەر ارقىلى سۇيەمەلدەۋمەن، اقىل - پاراسات ارقىلى سۇيەمەلدەۋمەن بىرلەستىرىپ، كەدەي بۇقارانى ەڭبەكشىل، ۇنەمشىل بولۋ، دەربەس بولۋ، قۇلشىنۋ، كەدەيلىككە مويىماۋ تانىمىن ورناتىپ، جاۋاپكەرلىگى، تالپىنىسى، جىگەرى، رۋحى بار جاڭا تۇردەگى شارۋا بولۋعا جەتەكتەدى.

  مارالباسى اۋدانى «مارالباسى اۋدانى كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋدە ەرىك - جىگەر ارقىلى اقىل - پاراسات ارقىلى كەدەيلەردى سۇيەمەلدەۋدى اتقارۋ جوباسىن» جاساپ، قىستاق (الەۋمەتتىك اۋماق) بۇقاراسىن ”كەدەيلىكتەن ارىلتۋدان قامال الۋ حيكايامدى ايتامىن“ قيمىلىن ورىستەتۋگە بەلسەنە ۇيىمداستىرىپ، ءوز كەشىرمەسىن بايانداۋ، قاسىنداعى ادامداردى، قاسىنداعى ىستەردى ايتۋ ارقىلى بۇقارانىڭ ءىس ىستەۋ، شارۋاشىلىق قۇرۋ قىزعىندىلىعىن قوزعاپ، ”مەنى كەدەيلىكتەن قۇتىلدىر“ دەۋدەن ”مەن كەدەيلىكتەن قۇتىلامىن“ دەۋگە بۇرىلىس جاساۋدى جۇزەگە اسىردى.

  كەدەيلەردى سۇيەمەلدەۋدە اقىل - پاراسات ارقىلى سۇيەمەلدەۋ كەرەك، بالالاردى كەدەيلىك سەبەبىنەن وقۋدان قالدىرۋعا استە بولمايدى. مارالباسى اۋدانىندا ورتا - باستاۋىش مەكتەپتەردەن، بالاباقشالارىنان 303ى سالىنعان، وقۋعا ءتۇسۋ شارت - جاعدايىنا ۇيلەسەتىن، وقۋ جاسىنا تولعان 119 مىڭ وقۋشىنىڭ وقۋعا تۇسۋگە تيىستىلەرىن مۇمكىندىگىنشە وقۋعا ءتۇسىردى، شينجياڭنىڭ ىشىندە جانە سىرتىندا وقىپ جاتقان 593 ستۋدەنتكە قارجىلاي كومەك بەرىپ، كەدەي وتباسىلارىنداعى وقۋشىلاردىڭ وقيتىن وقۋى بولۋىنا، وقۋ قاراجاتىن تاپسىرا الۋىنا، وقۋدان قالماۋىنا شىنايى كەپىلدىك ەتتى.

  ”كەدەيلەردى سۇيەمەلدەۋ − بۇلتارتپاس مىندەت. سوڭىنا تاياعان سايىن، قالعان ماسەلەنىڭ بارلىعى قيىن ماسەلە. قانشا قيىن بولسا دا، مارالباسى اۋدانى جالپى بەتتىك كەدەيلىكتەن ارىلۋدى جۇزەگە اسىرۋعا سەنىمى، قابىلەتى، ءادىسى بار!“، - دەدى جوۋ جۇڭزان نىق سەنىممەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.