تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

ورتالىق كوميتەت كەڭسەسى، مەملەكەتتىك كەڭەس كەڭسەسى «ءبىلىم مەنشىك ۇقىعىن قورعاۋدى كۇشەيتۋ جونىندەگى پىكىر»دى باسىپ تاراتتى

  شينحۋا اگەنتتىگىنىڭ 11 - ايدىڭ 24 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «ءبىلىم مەنشىك ۇقىعىن قورعاۋدى كۇشەيتۋ جونىندەگى پىكىر»دى باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىكپەن ۇشتاستىرىپ، دەن قويا دايەكتىلەندىرۋدى، تياناقتاندىرۋدى تالاپ ەتتى.

  «پىكىر»دە مىنالار اتاپ كورسەتىلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس ىلگەرىلەتۋدى جانە ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدى تىعىز ارقاۋ ەتىپ، ءبىلىم مەنشىك ۇقىعىن قورعاۋدىڭ ءوزى جاڭالىق اشۋدى قورعاۋ دەيتىن ۇستانىمدى بەرىك ورناتىپ، قاتاڭ قورعاۋعا، ءبىر تۇتاس جوسپارلاپ سايكەستىرۋگە، تۇيىندەردەن ناتيجە شىعارۋعا، تەڭ دارەجەدە قورعاۋعا تاباندى بولىپ، ءبىلىم مەنشىك ۇقىعىن قورعاۋ جۇيەسىنە ۇزدىكسىز رەفورما جاساپ جانە ونى كەمەلدەندىرىپ، زاڭدىق، اكىمشىلىك، ەكونوميكالىق، تەحنيكالىق، قوعامدىق جونگە سالۋ تاسىلدەرىنەن جالپىلىق پايدالانا وتىرىپ قورعاۋدى كۇشەيتىپ، قورعاۋ قابىلەتى مەن دەڭگەيىنىڭ جالپى تۇلعالىق جوعارىلاۋىن جەبەۋ كەرەك. 2022 - جىلعا بارعاندا ۇقىققا قول سۇعۋ وڭاي تۋىلۋ، كوپ تۋىلۋ قۇبىلىستارىنىڭ ءونىمدى شەكتەلۋىنە، ۇقىقتى ادامنىڭ ۇقىعىن قورعاۋدا ”ىسپات كورسەتۋ قيىن بولۋ، مەرزىمى ۇزاق بولۋ، وزىندىك قۇنى جوعارى بولۋ، تولەمى تومەن بولۋ“ جاعدايىنىڭ كورنەكتى جاقسارۋىنا كۇش سالۋ كەرەك. 2025 - جىلعا بارعاندا ءبىلىم مەنشىك ۇقىعىن قورعاۋ جونىندەگى قوعامدىق رازى بولۋ دارەجەسىنىڭ ءبىرشاما جوعارى دەڭگەيگە جەتۋىنە ءارى ونى ساقتاۋىنا، قورعاۋ قابىلەتىنىڭ ءونىمدى جوعارىلاۋىنا، قورعاۋ جۇيەسىنىڭ اناعۇرلىم كەمەلدەنۋىنە، ءبىلىم قۇنىنا قۇرمەت ەتەتىن تيجارات - ساۋدا ورتاسىنىڭ اناعۇرلىم ساپالىلانۋىنا، ءبىلىم مەنشىك ۇقىعى ءتۇزىمىنىڭ جاڭالىق اشۋعا ىنتالاندىرۋ سىندى نەگىزدىك قامتاماسىزداندىرۋ رولىنىڭ اناعۇرلىم ءونىمدى ساۋلەلەنۋىنە كۇش سالۋ كەرەك.

  «پىكىر»دە ”تۇزىمدىك تەجەۋدى كۇشەيتىپ، ءبىلىم مەنشىك ۇقىعىن قاتاڭ قورعاۋدىڭ ساياساتتىق بەتالىسىن تۇراقتاندىرۋ“، ”قوعامنىڭ باقىلاۋىن، بىرگە جونگە سالۋىن كۇشەيتىپ، ءبىلىم مەنشىك ۇقىعىن جاپپاي قورعاۋ قىزمەت جۇيەسىن ورناتۋ“، ”سايكەستىرۋ، ۇشتاستىرۋ مەحانيزمىن ساپالىلاندىرىپ، ءبىلىم مەنشىك ۇقىعىن جەدەل قورعاۋدىڭ شەشۋشى بۋىندارىنان قامال الۋ“، ”شەتەلگە قاتىستى بايلانىس مەحانيزمىن اقاۋسىزداندىرىپ، ءبىلىم مەنشىك ۇقىعىن تەڭ دارەجەدە قورعايتىن ابزال ورتا تۇلعالاۋ“، ”نەگىزدىك شارت - جاعداي قۇرىلىسىن كۇشەيتىپ، ءبىلىم مەنشىك ۇقىعىن قورعاۋ قىزمەتىن پارمەندى دەمەۋ“، ”ۇيىمداستىرۋ، اتقارۋ سەرپىنىن كۇشەيتىپ، قىزمەت مىندەتىنىڭ تياناقتانۋىنا شىنايى كەپىلدىك ەتۋ“ سياقتىلار جونىندە دە ناقتى ورنالاستىرۋلار جاسالدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.