شينحۋا اگەنتتىگىنىڭ 11 - ايدىڭ 25 - كۇنى بەيجيڭنەن بەرگەن حابارى (چي شىڭ). 2013 - جىلى 6 - ايدان 2014 - جىلى 9 - ايعا دەيىن، بۇكىل پارتيا حالىق ءۇشىن ىستەۋدى، ناقتى ىستەرمەن شۇعىلدانۋدى، پاك بولۋدى باستى مازمۇن ەتكەن پارتيانىڭ بۇقارالىق لۋشيان تاربيەسى امالياتتىق قيمىلىن جوعارىدان تومەنگە دەيىن ەكى توپقا ءبولىپ ورىستەتتى.
بۇل رەتكى قيمىل پارتيا 18 - قۇرىلتايىندا جاسالعان ءبىر ستراتەگيالىق شەشىم، بۇل پارتيالى كادرلاردى باستى ماقسات تانىمى مەن ماركسيزمدىك بۇقارالىق كوزقاراستى بەرىك ورناتۋعا تاربيەلەپ، جەتەكتەپ، قىزمەت ستيلىن شىنايى جاقسارتۋدى، بۇقارانىڭ اڭىسى كۇشتى بولعان كورنەكتى ماسەلەلەردى شەشىپ، پارتيانىڭ العاباسارلىعى مەن كىرشىكسىزدىگىن ساقتاپ، پارتيانىڭ بيلىك جۇرگىزۋ نەگىزى مەن بيلىك جۇرگىزۋ ورنىن بەكەمدەۋدى ماقسات ەتتى.
پارتيا ورتالىق كوميتەتى وسى رەتكى قيمىلدى ورىستەتۋگە ايرىقشا ءمان بەرىپ، ىشكەرىلەي تەكسەرۋ - زەرتتەۋ جۇرگىزدى جانە تىڭعىلىقتى دايىندىق جاسادى. 2013 - جىلى 4 - ايدىڭ 19 - كۇنى باس شۋجي شي جينپيڭ ورتالىق كوميتەت ساياسي بيۋروسىنىڭ ءماجىلىسىن باسقارىپ اشىپ، تاربيە امالياتتىق قيمىلى قىزمەتىن اقىلداسىپ، ورنالاستىردى. 5 - ايدىڭ 9 - كۇنى جۇڭگو كوممۋنيستىك پارتياسى ورتالىق كوميتەتى «بۇكىل پارتيادا پارتيانىڭ بۇقارالىق لۋشيان تاربيەسى امالياتتىق قيمىلىن ىشكەرىلەي ورىستەتۋ جونىندەگى پىكىرىن» باسىپ تاراتىپ، قيمىلدىڭ جەتەكشى يدەياسىن، نىساناسىن، تالابىن، ءادىسىن، باسقىشىن جانە ۇيىمدىق باسشىلىعىن ايقىندادى. 6 - ايدىڭ 18 - كۇنى تاربيە امالياتتىق قيمىلى قىزمەت ءماجىلىسى اشىلدى، باس شۋجي شي جينپيڭ ماڭىزدى ءسوز سويلەدى، قيمىل رەسمي باستالدى.
پارتيانىڭ بۇقارالىق لۋشيان تاربيەسى امالياتتىق قيمىلى اۋدان، باسقارما دارەجەلىدەن جوعارى باسشىلىق ورگانداردى، باسشىلىق القاسىن، باسشى كادرلاردى ءتۇيىن ەتىپ، ورتالىق كوميتەت ساياسي بيۋروسى باستاماشى بولىپ ورىستەتتى. قيمىل ”ايناعا قاراۋ، جاعا - جەڭدى تۇزەۋ، كىر - داقتاردى جۋۋ، كىناراتتاردى تۇزەتۋ“ جالپى تالابى بويىنشا، پارتيا قۇرىلىسىنداعى شەشۋشى سالالاردى يگەرىپ، فورماشىلدىق، تورەشىلدىك، راقاتقۇمارلىق جانە استا - توك ىسىراپشىلدىق سىندى ”ءتورت ءتۇرلى بۇرىس ستيل“ ماسەلەسىن شوعىرلى تۇردە رەتتەدى جانە وڭادى. ورتالىق كوميتەت ساياسي بيۋروسىنىڭ تۇراقتى مۇشەلەرى بايلانىس جاساۋ تۇيىندەرىن ورناتتى، باس شۋجي شي جينپيڭ حىبەيمەن بايلانىس جاساپ، تاربيە امالياتتىق قيمىلىنىڭ ورىستەتىلۋىندە ونەگە كورسەتىپ باستاماشىلدىق ەتتى جانە ىلگەرىلەتتى.
بۇل رەتكى تاربيە امالياتتىق قيمىلى ناقتى ناتيجەگە قول جەتكىزىپ، پارتيانىڭ بۇقارا اراسىنداعى بەدەلى مەن وبرازىن اناعۇرلىم سومداپ، پارتيانىڭ تىلەگى، جۇرت تىلەگى اناعۇرلىم ۇيىسىپ، بۇكىل پارتيانىڭ كوپتەگەن جاڭا تاريحي ەرەكشەلىككە يە ۇلى كۇرەستەردى جۇرگىزۋى ءۇشىن يدەيالىق جاقتا، ۇيىمدىق جاقتا، ستيل جاقتا ماڭىزدى دايىندىق جاساپ، رەفورما جاساۋدى، دامۋدى ىلگەرىلەتۋدىڭ مىعىم وڭ ەنەرگياسىن قالىپتاستىردى.
