تيانشان تورى   ›   جاڭالىقتار   ›   شينجياڭ حابارلارى

روزىمامەت باقى: وتان ءۇشىن مول مۇناي الامىن، جاقسى مۇناي الامىن

ءتىلشى ما ينيڭ

  ”بيىل 10 - ايدىڭ 1 - كۇنى، باقىتقا جاراي، جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ جينالىسىنا بارىپ قۇتتىقتاۋ قيمىلىن تاماشالادىم، مەن بۇعان تەبىرەنۋمەن بىرگە، ماقتانىش سەزىندىم. مەن، ءسوزسىز، مەملەكەتتىڭ كاسىپ سالاسى جۇمىسشىلارىنان كۇتەتىن ءۇمىتىن اقتاپ، وتانىمىزدىڭ مۇناي ىستەرىنىڭ دامۋىنا ۇزدىكسىز ۇلەس قوسامىن!“. 10 - ايدىڭ 27 - كۇنى روزىمامەت باقى جۇمىس ورنىنا تاڭ بوزىنان كەلدى. ول قىزىل ءتۇستى جۇمىس كيىمىن، حاۋىپسىزدىك قالپاعىن ادەمىلەپ كيىپ، ايناعا كەلىپ قارادى. بۇل ونىڭ ءار كۇنگى قىزمەتىنىڭ ءبىرىنشى قادامى، مۇناي الۋ ءبانىنىڭ باستىعى رەتىندە، ول ءوزىنىڭ ءىس - ارەكەتىنىڭ، ءجۇرىس - تۇرىسىنىڭ ۇستىندەگى جۇمىس كيىمىنە ساي كەلۋىنە ءمان بەرەدى.

  روزىمامەت شينجياڭ مۇناي الابى اۋىر مۇناي اشۋ سەرىكتەستىگى مۇناي الۋ 5 - رايونى مۇناي الۋ 6 - ءبانىنىڭ باستىعى، سونداي - اق شەت - شالعاي اۋىل - قىستاقتان كەلگەن جىگىت. قاراپايىم جۇمىس ورنىندا ول قاجىماي - تالماي كۇرەس جۇرگىزىپ، بىرتىندەپ جۇڭگو مۇناي - تابيعي گاز توبى شەكتى سەرىكتەستىگىنىڭ شەبەرلىك مامانىنا اينالدى ءارى جۇڭگو مۇناي - تابيعي گاز توبى شەكتى سەرىكتەستىگى قىزمەتكەرلەرىنىڭ جانىنداعى ۇلگىسىنە اينالدى.

 قۇلشىنا ۇيرەنىپ، مامان بولدى

  1991 - جىلى 7 - ايدا 15 جاستاعى روزىمامەت حوتان اۋدانىنان قارامايلى تەحنيك جۇمىسشىلار مەكتەبىنە وقۋعا كەلەدى. وقۋ تاۋىسقاننان كەيىن، ول شينجياڭ مۇناي الابى اۋىر مۇناي اشۋ سەرىكتەستىگىنە كەلىپ، مۇناي الاتىن جۇمىسشى بولادى. قىزمەت ىستەگەن العاشقى كەزدە، مەملەكەتتە ءبىر تۇتاس قولدانىلاتىن ءتىلدى بىلمەۋى ونىڭ قىزمەتتەگى ەڭ ۇلكەن كەدەرگىسىنە اينالعان - دى.

  ”مەن كىشكەنتايىمنان وڭتۇستىك شينجياڭدا ەرجەتتىم، العاش مەكەمەگە كەلگەندە، باسقالاردىڭ ءبارى پۋتۇڭحۋا سويلەيدى ەكەن، مەنىڭ جاي سوزدەرمەن سويلەسۋىمنىڭ ءوزى قيىنعا سوقتى“، - دەپ ەسكە الدى روزىمامەت. وسىدان كەيىن روزىمامەت ورايدىڭ بارىنەن پايدالانىپ، مەملەكەتتە ءبىر تۇتاس قولدانىلاتىن ءتىل - جازۋدى ۇيرەنەدى، «شينحۋا سوزدىگىن» ول نەشە قايتارا كورىپ شىعادى. تالاپتى ەرگە نۇر جاۋار دەگەندەيىن 3 جىلدان كەيىن ول مەملەكەتتە ءبىر تۇتاس قولدانىلاتىن ءتىلدىڭ 8 - دارەجە كۋالىگىن الادى.

  20 نەشە جىلدان بەرى، روزىمامەت قۇلشىنا ۇيرەنىپ، قاجىرلىلىقپەن ىزدەنىپ، بىرتىندەپ شاكىرتتەن جاس شەبەر مامانعا اينالدى، سونىمەن قاتار قىرۋار شەبەر دارىندىلاردى باۋلىدى، ىلگەرىندى - كەيىندى مەملەكەتتىك تاڭداۋلى كوممۋنيستىك پارتيا مۇشەسى، مەملەكەتتىك ۇلتتار ىنتىماعى العاباسارلىعىنداعى ۇلگىلى جەكە، اۆتونوميالى رايوندىق تاڭداۋلى كوممۋنيستىك پارتيا مۇشەسى سياقتى داڭقتارعا يە بولدى.

 ءبىلىم بەرىپ، ونەر ۇيرەتىپ، قوعامعا قارىمجى قايتاردى

  2005 - جىلى روزىمامەت جۇڭگو كوممۋنيستىك پارتياسىنا مۇشە بولدى، سول ساتتەن باستاپ، ول ”مەن قوعامعا قارىمجى قايتارىپ، كومەككە ءزارۋ اناعۇرلىم كوپ ادامعا كومەكتەسەمىن“ دەپ ىشتەي بەكىدى.

  2006 - جىلدىڭ باسىندا روزىمامەت قۇرعان جىڭعىل مۇناي سايتى رەسمي جەلىگە شىقتى. سايتتا مۇناي تەحنيكاسى، كاسىپتىك تەحنيكا، كاسىپتىك جۇمساق بولشەك، قولدانىلمالى جۇمساق بولشەك، مۋزيكا ورتالىعى سياقتى ايدارلار بار، وتانىمىزدىڭ جەر - جەرىندەگى مۇناي پەرزەنتتەرى مۇنان يگىلىكتەندى.

  قازىر جىڭعىل مۇناي سايتىنا مۇناي وندىرىسىنە قاتىستى كاسىپتىك 4000نان استام ماقالا، كاسىپتىك باۋلۋ جانە ساراپتاۋ ماتەريالىنان 200دەن استامى، جەتىستىك جانە تەحنيكالىق جاڭالىق جاساۋعا قاتىستى 300دەن استام ماقالا، مۇناي ەنتسيكلوپەديا اتاۋلارىنا تۇسىنىكتەن 10 مىڭنان استامى ەنگىزىلدى؛ سايتتى باسقارۋشىلاردىڭ ءبارى جۇڭگو مۇناي - تابيعي گاز توبى شەكتى سەرىكتەستىگىنىڭ ءارقايسى مۇناي الاپتارىنداعى تەحنيكتەرى، قوسىمشا وقىتۋشىلارى، سايتقا تىركەلگەن ابونتتاردىڭ سانى 13 مىڭنان اسادى. سونىمەن بىرگە، روزىمامەت پارتيا قۇرىلىسى ۋيچات تۇعىرىن دا قۇرىپ، پارتيانىڭ ءۇنىن تاراتتى، قازىر 55 سان ينفورماتسيا جولداپ، 310 ماقالا جاريالادى.

  اناعۇرلىم كوپ از ۇلت قىزمەتكەرلەرىنىڭ مەملەكەتتە ءبىر تۇتاس قولدانىلاتىن ءتىلدى جاقسى ۇيرەنۋىنە، تەحنيكانى يگەرۋىنە كومەكتەسۋ ءۇشىن، روزىمامەت 500 نەشە مىڭ ارىپتىك «از ۇلت قىزمەتكەرلەرىنىڭ مۇناي الۋ امالياتتىق جۇمىس ءتارتىبى دىبىس تاڭبا وقۋلىعى» قاتارلىلاردى قۇراستىردى، بۇل شينجياڭ مۇناي الابى سەرىكتەستىگىنىڭ از ۇلت قىزمەتكەرلەرىن تاربيەلەۋ وقۋلىعى بولدى. ول كلاس اشىپ، 200 نەشە قىزمەتكەردى تاربيەلەدى، باستاۋىش دارەجەلى 100 نەشە جۇمىسشىنىڭ باعالاۋدان ءوتىپ، ورتا دارەجەلى جۇمىسشى بولۋىنا، ورتا دارەجەلى 50 نەشە جۇمىسشىنىڭ جوعارى دارەجەلى جۇمىسشى بولۋىنا كومەكتەستى. ونىڭ شاكىرتتەرىنەن 2 ادام مۇناي الابى سەرىكتەستىگىنىڭ 1 - دارەجەلى سيلىعىن، 4 ادام 2 - دارەجەلى سيلىعىن، 9 ادام 3 - دارەجەلى سيلىعىن الدى.

جىڭعىل سياقتى توپتاسىپ وسەيىك

  ”مۇنايشى رەتىندە، قاشاندا اعا بۋىن مۇنايشىلاردىڭ اۋەلگى ماقساتىن ەستە بەرىك ساقتاپ، جاڭا تەحنولوگيانى، جاڭا تەحنيكانى كوبىرەك ۇيرەنىپ، ىسىلعان شەبەرلىكتى جەتىلدىرىپ، وتان ءۇشىن مول مۇناي الامىن، جاقسى مۇناي الامىن“، - دەدى روزىمامەت.

  بەرتىنگى بىرنەشە جىلدا روزىمامەت ”جۇڭگو ارمانى، مۇناي ارمانى، مەنىڭ ارمانىم“ دەگەن تاقىرىپتا جۇڭگو مۇناي - تابيعي گاز توبى شەكتى سەرىكتەستىگىنىڭ شينجياڭداعى كاسىپورىندارىندا، قارامايلىداعى ءارقايسى نەگىزگى ساتى ورىندارىندا جانە وڭتۇستىك شينجياڭدا ىلگەرىندى - كەيىندى جيىنى 280 رەت ۇگىت - لەكسيا جاسادى، مۇنى 24 مىڭ 560 ادام - رەت تىڭدادى.

  روزىمامەت تۇرعان مۇناي الۋ 6 - ءبانىنىڭ داۋالىندا ”جىڭعىل سياقتى توپتاسىپ وسەيىك“ دەگەن ايشىقتى جازىلعان ۇلكەن جازۋ بار. ول: ”كوپ نارسەگە يە بولعان سايىن الدەقايدا كوپ بوداۋ بەرۋگە تۋرا كەلەدى، مەن ۇيرەنگەن بىلىمدەرىمدى اناعۇرلىم كوپ ادامعا ۇيرەتىپ، قىزمەتكەرلەردىڭ جىڭعىل سياقتى توپتاسىپ وسۋىنە مۇمكىندىك جاسايمىن“، - دەدى. ونىڭ جەتەكشىلىگىندە، گرۋپپا ىلگەرىندى - كەيىندى مەملەكەتتىك كاسىپورىندار گرۋپپاسى مادەنيەت قۇرىلىسىنداعى 10 ۇزدىك ورىن، جۇڭگو مۇناي - تابيعي گاز توبى شەكتى سەرىكتەستىگى قۇرىش ادام اۆانگاردى سياقتى 11 داڭققا يە بولدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • تيانشان جەڭىس تۋنەلىنىڭ قۇرىلىسى قاۋىرت جۇرگىزىلدى
  • چاڭچىڭ ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىقتى
  • ءۇيدىڭ ءىشى - سىرتى شىت جاڭا تۇسكە ەندى
  • كۇش ۇستىنە كۇش قوسىپ، اياق الىستى جەدەلدەتتى
  • سۇيەمەلدەۋ ساياساتى دامۋعا دەم بەردى