شينحۋا اگەنتتىگىنىڭ 11 - ايدىڭ 26 - كۇنى بەيجيڭنەن بەرگەن حابارى (ءتىلشى چي شىڭ). 2013 - جىلى 9 - ايدىڭ 7 - كۇنى 10 - ايدىڭ 3 - كۇنى باس شۋجي شي جينپيڭ جەكە - جەكە قازاقستان نازاربايەۆ داشۋەسىندە، يندونەزيا پارلامەنتىندە لەكسيا جاساپ، ”جىبەك جولى ەكونوميكالىق بەلدەۋى“ مەن ”21 - عاسىرداعى تەڭىز جىبەك جولىن“ بىرگە قۇرۋ سىندى كەلەلى باستامانى، قىسقارتىپ ايتقاندا، ”ءبىر بەلدەۋ، ءبىر جول“ باستاماسىن العا قويدى.
”ءبىر بەلدەۋ، ءبىر جول“ ازيا، ەۆروپا، افريكا قۇرلىقتارىنان كەسىپ وتەدى، ءبىر باسى ارىنداعان شىعىس ازيا ەكونوميكالىق شەڭبەرى، ءبىر باسى وركەندەگەن ەۆروپا ەكونوميكالىق شەڭبەرى، ورتاسى وراسان زور دامۋ كومەسكى كۇشى بار ىشكى القاپتاعى مەملەكەتتەر.
”ءبىر بەلدەۋ، ءبىر جول“ باستاماسى − باس شۋجي شي جينپيڭ ەل ءىشى، حالىقارالىق ەكى كەلەلى جاعدايدى ءبىر تۇتاس جوسپارلاپ، ادامزاتتىڭ بولاشاق تاعدىرىنا، سونداي - اق جۇڭگو مەن دۇنيە ءجۇزىنىڭ دامۋ ۇلكەن اۋقىمىنا تەرەڭ وي جۇگىرتىپ، الەمنىڭ بىرگە گۇلدەنۋىن جەبەۋ، ادامزاتتىڭ تاعدىرلاس ورتاق تۇلعاسىن قۇرۋ ءۇشىن جاساعان كەلەلى ستراتەگيالىق شەشىمى، جاڭا داۋىردەگى جۇڭگونىڭ سىرتقا ەسىك اشۋىنىڭ جانە ەكونوميكالىق ديپلوماتياسىنىڭ بيىك دەڭگەيلى جوباسى.
”ءبىر بەلدەۋ، ءبىر جول“ باستاماسى بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن ۇستانىپ، ساياساتتاردى بايلانىستىرۋدى، قۇرىلعىلاردى تۇتاستىرۋدى، ساۋدانى ىركىلىسسىزدەندىرۋدى، قارجىنى اينالدىرۋدى، حالىق تىلەگىن توعىستىرۋدى نەگىزگى مازمۇن ەتكەن. ”ءبىر بەلدەۋ، ءبىر جول“ قۇرىلىسى بويىنشا حالىقارالىق سەلبەستىك اياسىندا نەگىزدىك قۇرىلعىلار قۇرىلىسىن جانە ۇلاستىرۋ، تۇتاستىرۋدى جەبەپ، ەكونوميكالىق ساياساتتىڭ سايكەسۋىن جانە دامۋ ستراتەگياسىنىڭ ۇشتاسۋىن كۇشەيتىپ، ءار جاقتىڭ باسىمدىلىقتار ارقىلى ءبىرىن - ءبىرى تولىقتاۋىن، ءوزارا پايدا جەتكىزىپ، تەڭ يگىلىككە كەنەلۋىن جۇزەگە اسىرىپ، دۇنيە ءجۇزى ەكونوميكاسى ءدوپ كەلگەن سىن - سايىستارعا قول ۇستاسا توتەپ بەرىپ، دامۋ جاڭا ورايىن اشىپ، دامۋدىڭ جاڭا قوزعاۋشى كۇشىنە ۇمتىلىپ، دامۋدىڭ جاڭا كەڭىستىگىن كەڭەيتىپ، ”ءبىر بەلدەۋ، ءبىر جول“دى شىن مانىندە بەيبىتشىلىك جولى، گۇلدەنۋ جولى، ەسىك اشۋ جولى، جاڭالىق اشۋ جولى جانە وركەنيەت جولى ەتىپ قۇرىپ، ادامزاتتىڭ تاعدىرلاس ورتاق تۇلعاسى بەتالىسىنا قاراي ۇزدىكسىز ارشىنداي ىلگەرىلەۋدە.
2019 - جىلى 8 - ايدىڭ اياعىندا 136 مەملەكەت پەن 30 حالىقارالىق ۇيىم جۇڭگومەن ”ءبىر بەلدەۋ، ءبىر جول“دى بىرگە قۇرۋ جونىندەگى 195 سەلبەستىك حۇجاتىنا قول قويدى. 6 جىلدان استام ۋاقىتتان بەرى، ”ءبىر بەلدەۋ، ءبىر جول“ باستامادان امالياتقا، تىلەكتەن ارەكەتكە اينالىپ، ىلگەرىلەۋشىلىك پەن جەتىستىك مەجەدەگىدەن اسىپ، سەلبەستىك سەرىكتەرى بارعان سايىن كوبەيىپ، ىقپال كۇشى مەن ۇندەۋ قۋاتى كۇن سايىن ارتىپ، جۇڭگونىڭ الەمدىك ەسىك اشۋ سەلبەستىگىنە ات سالىسۋ، الەمدىك ەكونوميكانى جونگە سالۋ جۇيەسىن جاقسارتۋ، الەمنىڭ بىرگە دامىپ گۇلدەنۋىن جەبەۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ سىندى جۇڭگو جوباسىنا اينالۋدا، جۇڭگونىڭ الەمدىك ەسىك اشۋ سەلبەستىگىنە ات سالىسۋ جانە وعان جەتەكشىلىك ەتۋىنىڭ جاڭا ءورىسىن اشتى، دۇنيە ءجۇزى دامۋ تاريحىندا بەلەستىك مانگە يە.
