تيانشان تورى   ›   جاڭالىقتار   ›   شينجياڭ حابارلارى

تارباعاتاي ايماعى: نازاردى بۇقارا كوڭىل ءبولىپ وتىرعان ىستەرگە شوعىرلاندىرىپ، ناقتى ماسەلەنى شەشتى

− نازاردى نەگىزگى تاقىرىپقا، نەگىزگى جەلىگە شوعىرلاندىرىپ، رەتتەۋ - تۇزەتۋدى يگەرۋ جەلىلەس حابارى

تىلشىلەر جاڭ تيڭ، شيا چيڭ، ەرىكتى ءتىلشى جاڭ پەيچي

  ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، تارباعاتاي ايماعى ”2 + 8“ ارناۋلى رەتتەۋ - جونگە سالۋدى، ”3 + 3 + 1“ حالىق ءۇشىن ناقتى ءىس ىستەۋدى تىڭعىلىقتى تياناقتاندىرىپ، بۇقارانىڭ مۇددەسىن ەلەمەۋ، زيانداۋ ماسەلەسىن رەتتەۋ - جونگە سالۋعا كۇشتى شوعىرلاندىرىپ، ستيلدى دۇرىستاۋ، ءتارتىپتى كۇشەيتۋدىڭ ناقتى ونىمدىلىگى ارقىلى بۇقارانىڭ تابىس سەزىمىن، باقىت سەزىمىن جانە حاۋىپسىزدىك سەزىمىن كۇشەيتتى. قازىرگە دەيىن، تۇتاس ايماقتان بۇقارانىڭ مۇددەسىن ەلەمەگەن، زيانداعان ءتۇرلى ماسەلە دەرەگىنەن 266سىن بايقاپ، 153 ادامعا جازا قولدانىپ، ارناۋلى رەتتەۋ - جونگە سالۋدىڭ كەزەڭدىك ونىمدىلىككە قول جەتكىزۋىن ىلگەرىلەتتى.

  ”بۇقارانىڭ مۇددەسىن ەلەمەۋدى، زيانداۋدى ارناۋلى رەتتەۋ - جونگە سالۋ قىزمەتىنە قاراتا، تارباعاتاي ايماقتىق پارتكوم 11 ايماق، مەڭگەرمە دارەجەلى باسشىنىڭ قىزمەت ءبولىسى جاۋاپكەرشىلىگىن ايقىن بەلگىلەپ، ايماقتىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى باس بولىپ جالپى جاعدايدى مەڭگەرىپ، 18 اكىمشىلىك ورىن (تاراۋلار)، 7 اۋدان (قالا) بىرىككەن كۇش ۇيىستىرىپ تياناقتاندىرۋدى يگەرىپ، ايماق - اۋدان جوعارى مەن تومەن بىرلەسىپ ارەكەتتەنەتىن، كاسىپ جۇيەسى جان - جاقتى ىقپالداستىق جاسايتىن، باسشى تاراۋلار مەرزىمدى سايكەسە ىلگەرىلەتىپ، رەتتەۋ - تۇزەتۋدى تياناقتاندىرۋدى كۇش قوسا ىلگەرىلەتەتىن تاماشا قىزمەت جاعدايىن قالىپتاستىردى“، - دەدى تارباعاتاي ايماقتىق ءتارتىپ تەكسەرۋ كوميتەتىنىڭ مۇشەسى، باقىلاۋ - تەكسەرۋ كوميتەتىنىڭ مۇشەسى ايقىن قۇمار.

  ۇعىسۋعا قاراعاندا، وسى رەتكى ارناۋلى رەتتەۋ - جونگە سالۋ بارىسىندا، تارباعاتاي ايماقتىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ءىس جۇزىندىك جاعدايعا تىعىز ۇشتاستىرىپ، رەتتەۋ - وڭاۋدىڭ ءتۇيىنىن 3 جاققا ساياتىن 99 ماسەلەنى اشالاپ، نازاردى وقۋ - اعارتۋ، ەمدەۋ، قورشاعان ورتانى قورعاۋ، ازىق - تۇلىك، ءدارى - دارمەك حاۋىپسىزدىگى سياقتى حالىق تۇرمىسىنا ساياتىن سالاعا شوعىرلاندىرىپ، بۇقارانىڭ مۇددەسىنە زيان جەتكىزگەن ماسەلە مەن بۇقارانىڭ ماڭايىندا تۋىلعان بۇرىس ستيل، ”بولماشى شىرىكتەسۋ“ ماسەلەسىن ءجىتى قاداعالاپ، ءوزىن تەكسەرۋ، وزدىگىنەن تۇزەتۋ، تەكسەرۋدى باقىلاۋ - قۋزاۋ، رەتتەۋ - تۇزەتۋدى تياناقتاندىرۋ ارقىلى ۇزاق ءونىمدى مەحانيزمدى اقاۋسىزداندىرىپ، بۇقارا ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن شەشتى.

  وقۋ - اعارتۋ سالاسىندا ”ۇستاز ءمورالى، ۇستاز ستيلى“ جاعىندا 79 ماسەلەنى تەكسەرىپ، ءبىر - بىردەن رەتتەپ - تۇزەتتى؛ ەمدەۋ - دەنساۋلىق ساقتاۋ سالاسىندا ءتۇيىندى ەمدەۋ ورگانىنان 203ىنە تەكسەرۋ جۇرگىزىپ، ەرەجەگە قايشىلىق جاساعان 39 قۇرىلىمدى ءبىر جايلى ەتىپ، 15ىنىڭ ەمدەۋ قامسىزداندىرۋعا قىزمەت وتەۋىن ۋاقىتشا توقتاتتى، بىرەۋىنىڭ ەمدەۋ قامسىزداندىرۋعا قىزمەت وتەۋىنىڭ كۇشىن جويدى، بىرەۋىنە اكىمشىلىك جاقتان ايىپ سالدى، 16سىنىڭ توقتامعا قايشى سوماسىن تارتتى؛ ازىق - تۇلىك، ءدارى - دارمەك حاۋىپسىزدىگى سالاسىندا مەكتەپ جانە ماڭىنداعى ازىق - تۇلىك تيجاراتىمەن اينالىساتىن ورىننان 2913ىنە (رەت)، ءدارى - دارمەك پارشا ساتۋ كاسىپورىندارى جانە ەمدەۋ قۇرىلىمدارىنان 643ىنە (رەت)، 322 دۇكەنگە تەكسەرۋ جۇرگىزىپ، 53 رەت دەلو تۇرعىزىپ، ايىپ سالىنعان، ءمۇسادىرالاعان سوما 264 مىڭ 100 يۋان بولدى؛ قامتاماسىز ەتۋ سيپاتىنداعى تۇرعىن ءۇي سالاسىندا ءارقايسى اۋداننىڭ (قالا) بۇرىنعى جىلدارى ءبولىنىپ، كوشىپ كىرگەن 12 مىڭ وتباسىن ارالاپ تەكسەرۋ جۇرگىزۋ ارقىلى 29 ماسەلە دەرەگىن بايقاپ، ءبىر - بىردەن اداقتاپ تەكسەرىپ تياناقتاندىردى؛ 2715 اۋىل - قىستاق بەيقۇت ءۇيى جاڭادان سالىنىپ بولدى، 356 باسپاناسى جوق وتباسىنا، قاتەرلى ۇيدە وتىرعان ارحيۆ تۇرعىزىلىپ، كارتچكالاندىرىلعان كەدەي وتباسىنا جاڭادان سالىناتىن ۇيلەردىڭ بارلىعى سالىنىپ بولدى، 1495 وتباسىنداعى 5733 ادامدى وزگە جەرگە كوشىرىپ سۇيەمەلدەۋ مىندەتىن جاپپاي ورىندادى.

  تارباعاتاي ايماقتىق مۇگەدەكتەر بىرلەستىگى ءىشىنارا جەرلەردىڭ اۋىر دارەجەدەگى مۇگەدەكتەردىڭ كۇتىمدەۋ قوسىمشا قاراجاتىنىڭ تياناقتانباۋى، كەيبىر جەرلەردىڭ اۋىر دارەجەدەگى مۇگەدەكتەردىڭ ءۇيىن كەدەرگىسىز ەتىپ وزگەرتۋدىڭ تياناقتانباۋى سياقتى ماسەلەگە قاراتا، اۆتونوميالى رايوندىق مۇگەدەكتەر بىرلەستىگى جانە قاتىستى اۋدان - قالالارمەن بەلسەنە ۇشتاسىپ، كۇتىمدەۋ قوسىمشا قاراجاتىنا قامتىلماي قالعان اۋىر دارەجەدەگى مۇگەدەكتەردىڭ قامتۋعا ءتيىستىسىن تۇگەل قامتىدى. تارباعاتاي ايماقتىق تابيعي بايلىق مەكەمەسى جىلجىمايتىن مال - مۇلىكتى تىزىمگە الۋ قىزمەت وتەۋ ورتالىعىندا ساقتالعان ماسەلەگە قاراتا، تۇرعىن ءۇي جانە قالا - اۋىل قۇرىلىسى، سالىق سياقتى تاراۋلارمەن سايكەسىپ، جىلجىمايتىن مال - مۇلىكتى تىزىمگە الدىرۋ ينفورماتسياسىنان بىرگە يگىلىكتەنۋ، بارىسىن وڭايلاستىرۋ جانە ادامداردى شوعىرلاندىرۋدى ىلگەرىلەتىپ، ”ءبىر تەرەزەدەن قابىلداۋ، ءبىر جولدا ءبىتىرۋ“دى جۇزەگە اسىرۋدى جەدەلدەتتى.

  رەتتەۋ - تۇزەتۋدىڭ ونىمدىلىگى كورىنىپ، ناقتىلاندى، بۇقارا ارناۋلى رەتتەۋ - جونگە سالۋ اكەلگەن تىڭ بەينە، تىڭ وزگەرىستەردى شىنايى سەزىندى. ءدوربىلجىن اۋدانى كۇرە اۋىلى قاراسۋ قىستاعىنىڭ تۇرعىنى قاسيەت مۇرات اسەرلەنىپ بىلاي دەدى: ”مەن ارناۋلى رەتتەۋ - جونگە سالۋدىڭ يگىلىگىن كورۋشىمىن، مۇگەدەكتەردىڭ كۇتىمدەۋ جاردەماقسىن اي سايىن الاتىن بولدىم، پارتيا مەن ۇكىمەتتىڭ قامقورلىعىنا العىس ايتامىن، وتباسىمىزبەن قۋانىشقا بولەندىك“.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى