تيانشان تورى   ›   جاڭالىقتار   ›   شينجياڭ حابارلارى

رايونىمىز جاسىل ساپار ارەكەت جوسپارىن جاسادى

2022 - جىلى تازا، تومەن كومىرتەكتى، جاسىل ساپار قىزمەت وتەۋ جۇيەسى العاشقى ادىمدا ورناتىلادى

  ءتىلشى حي حۇڭۋي 11 - ايدىڭ 26 - كۇنى ۇرىمجىدەن حابارلايدى. اۆتونوميالى رايوندىق قاتىناس - تاسىمال مەڭگەرمەسىنەن ۇعىسۋىمىزشا، تاياۋدا، اۆتونوميالى رايوندىق قاتىناس - تاسىمال مەڭگەرمەسى، اۆتونوميالى رايوندىق پارتكوم ۇگىت ءبولىمى، اۆتونوميالى رايوندىق دامۋ جانە رەفورما كوميتەتى سياقتى 13 تاراۋ جانە ورىن «شينجياڭ ۇيعۇر اۆتونوميالى رايونىنىڭ جاسىل ساپار ارەكەت جوسپارىن (2019 − 2022 - جىل) باسىپ تاراتۋ جونىندەگى حابارلاندىرۋىن» بىرلەسىپ باسىپ تاراتىپ، 2022 - جىلعا بارعاندا، بۇكىل رايونىمىزدا ورنالاسۋى ۇيلەسىمدى، ەكولوگياسى جاراسىمدى، تازا، تومەن كومىرتەكتى، شوعىرلى، جوعارى ءونىمدى، حاۋىپسىز، قولايلى بولعان جاسىل ساپار قىزمەت وتەۋ جۇيەسىن العاشقى ادىمدا ورناتۋدى ورتاعا قويدى.

  «ارەكەت جوسپارى» كەشەندى تاسىمال قىزمەت وتەۋ تورابىن قۇرۋ، الەۋمەتتىك قاتىناس قىزمەت وتەۋ ساپاسىن جوعارىلاتۋ سياقتى 8 بولەككە ءبولىنىپ، 22 تارماقتى ناقتى ارەكەت شاراسى ورتاعا قويىلدى. امبەباپ تاسىمال قىزمەت وتەۋ تورابىن قۇرۋ جاعىندا قالالار ارالىق قاتىناستى ءبىر تۇلعالاندىرۋ قۇرىلىسىن جەدەلدەتۋ كەرەكتىگى ورتاعا قويىلدى. تەمىر جولدى، جوعارى قارقىندى تاس جولدى، حالىقتىق اۆياتسيانى تىرەك، جاي تاس جولداردى نەگىز ەتىپ، قالالاردىڭ الەۋمەتتىك قاتىناسىن ءونىمدى تۇتاستىرۋدىڭ كوپ ساتىلى، جوعارى ءونىمدى، قولايلى بولعان قالالار ارالىق جولاۋشى تاسىمال تورابىن قۇرىپ، اۋە جولى - تەمىر جول ۇلاسپالى تاسىمالى، تاس جول - تەمىر جول ۇلاسپالى تاسىمالى سياقتى جولاۋشى تاسىمال ونىمدەرىندە جاڭالىق اشىپ، ءتۇرلى تاسىمال ادىستەرىن ءونىمدى ۇشتاستىرىپ، ابزالدىلىقتار ارقىلى ءبىرىن - ءبىرى تولىقتىرۋدى جۇزەگە اسىرىپ، جولاۋشىلاردىڭ ۇلاسپالى ساپار، ۇلاسپالى تاسىمال بەلەت باعاسى تيىمدىلىك ساياساتى، كوپ ادامنىڭ توپتىق بەلەتى تيىمدىلىك ساياساتى سياقتىلاردى ورناتىپ، جۇرتشىلىقتى شوعىرلانبالى ساپارعا شىعۋعا جەتەكتەۋ قاجەت.

  الەۋمەتتىك قاتىناس قىزمەت وتەۋ ساپاسىن جوعارىلاتۋ جاعىندا الەۋمەتتىك قاتىناستىڭ قامداۋ قۋاتىن جوعارىلاتۋدى، شينجياڭنىڭ ءىس جۇزىندىگىنە ۇيلەسەتىن، قالالاردىڭ ەرەكشەلىگىن بەينەلەيتىن الەۋمەتتىك قاتىناس قىزمەت وتەۋ جۇيەسىن قۇرۋدى جەدەلدەتۋ كەرەكتىگى ورتاعا قويىلدى. الەۋمەتتىك قاتىناستىڭ ىسكە قوسىلۋ قارقىنىن ارتتىرىپ، الەۋمەتتىك قاتىناستىڭ ارناۋلى جول قۇرىلىسىن جەدەلدەتىپ، ورتالىق قالا رايونى مەن قاتىناس شوعىرلى رايوندا ۇلاسپالى، توراپتاسقان الەۋمەتتىك قاتىناس ارناۋلى جولىن ەڭ الدىمەن قالىپتاستىرۋ ءتيىس. قاۋىمنىڭ سىرتقا شىعۋىنا قولايلىلىق جاراتىپ، قالالارداعى قاتىناستىڭ ءبىر كارتچكامەن ءجۇرۋىن، ءوزارا جالعاسۋىن ىلگەرىلەتىپ، شانفۋ، ۆيرتۋالدى كارتچكامەن تولەۋ، قول تەلەفونمەن تولەۋ سياقتى اقشالاي بولماعان تولەۋ ءتاسىلىن جالپىلاستىرۋ كەرەك.

  «ارەكەت جوسپارىندا» تاعى باياۋ ءجۇرىستى قاتىناسقا قىزمەت وتەۋدى ساپالىلاندىرۋ، موتورلى كولىك جولىنا جاتپايتىن جولدار مەن جاياۋلار جولىن جوسپارلاۋ قۇرىلىسى تەبىنىن كۇشەيتۋ، موتورلى كولىككە جاتپايتىن كولىكتەر مەن جاياۋلاردىڭ ۇيلەسىمدى قاتىناۋ كەڭىستىگىن قامتاماسىزداندىرۋ كەرەكتىگى ورتاعا قويىلدى. امبەباپ جولاۋشى تاسىمالى تورابى، رەليستى قاتىناس بەكەتى تۇيىندەرى سياقتىلاردىڭ ماڭايىنداعى جاياۋلار جولى، ۆەلوسيپەد جولى قورشاعان ورتاسىن رەتتەۋ - وڭاۋدى ىلگەرىلەتىپ، بەكەت ايالدامالارى مەن ماڭايىنداعى جولداردا موتورلى كولىكتەردىڭ زاڭعا قايشى توقتاتىلۋىن جاپپاي وڭاۋدى كۇشەيتۋ كەرەك. ينتەرنەت ارقىلى جالعا الىنعان ۆەلوسيپەدتەردى قويا تۇرۋدى باسقارۋدى جۇيەلىلەندىرىپ جانە جاقسارتىپ، قالانىڭ قاتىناس كوتەرىمدىلىك قۋاتى سىندى فاكتورلارعا نەگىزدەلە وتىرىپ، ينتەرنەت ارقىلى جالعا الىنعان ۆەلوسيپەدتەردى شىعارۋ كولەمى مەن قويا تۇرۋ اۋماعىن ۇيلەسىمدى بەلگىلەۋ. سونىمەن بىرگە، ”كەرەكسىز اۆتوكولىك“، ”تاستاندى اۆتوكولىك“ سياقتى اۆتوكولىكتەردى جيناپ الۋدى كۇشەيتۋ قاجەت. پارىقتى قاتىناس قاجەتى بويىنشا باسقارۋ جۇرگىزىپ، جەڭىل اۆتوكولىكتەردى پايدالانۋدى ازايتىپ، كولىك توقتاتۋدى جونگە سالۋدى كۇشەيتىپ، تىڭعىلىقتى باسقارۋ جۇرگىزىپ، جاڭاشا كاسىپتىك كۇيدى دامىتۋعا ىنتالاندىرۋ جانە ونى جۇيەلىلەندىرۋ؛ جاسىل قاتىناستىڭ جابدىقتالۋ ورەسىن جوعارىلاتىپ، جاسىل اۆتوكولىكتەردى كولەمدەندىرە پايدالانۋدى ىلگەرىلەتىپ، توك تولىقتاۋ نەگىزدىك قۇرىلعىلار قۇرىلىسىن جەدەلدەتۋ؛ جاسىل قاتىناس مادەنيەتىن جەتىلدىرىپ، جاسىل قاتىناس ۇگىتىن ويداعىداي ىستەپ، الەۋمەتتىڭ قاتىناسۋ مەحانيزمىن كەمەلدەندىرۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى