شي جينپيڭ ورتالىق رەفورمانى جاپپاي تەرەڭدەتۋ كوميتەتىنىڭ 11 - رەتكى ءماجىلىسىن باسقارىپ اشىپ بىلاي دەپ باسا دارىپتەدى
پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ ماڭىزدى شارالارىن تياناقتاندىرىپ، رەفورمانى ۇزدىكسىز جاپپاي تەرەڭدەتىپ، جاندى ۇشتاستىرۋدى، توعىستىرا ساباقتاستىرۋدى جۇزەگە اسىرۋ كەرەك
لي كىچياڭ، ۋاڭ حۋنيڭ، حان جىڭ قاتىناستى
شينحۋا اگەنتتىگىنىڭ 11 - ايدىڭ 26 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 11 - ايدىڭ 26 - كۇنى تۇستەن كەيىن ورتالىق رەفورمانى جاپپاي تەرەڭدەتۋ كوميتەتىنىڭ 11 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسى مەن پارتيا 18 - كەزەكتى ورتالىق كوميتەتى ءۇشىنشى جالپى ءماجىلىسىنىڭ تاريحي لوگيكاسى تامىرلاس، نازاريالىق لوگيكاسى ءبىر - بىرىنە تىرەك، امالياتتىق لوگيكاسى تىعىز بايلانىستى، نىسانالىق باعدارى باستان - اياق بىردەي، كەلەلى ورنالاستىرۋلارى جالعاسا ىلگەرىلەتىلگەن. پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسى پارتيا 18 - كەزەكتى ورتالىق كوميتەتى ءۇشىنشى جالپى ماجىلىسىنەن بەرگى رەفورمانى جاپپاي تەرەڭدەتۋدىڭ نازاريالىق جەتىستىكتەرىن، تۇزىمدىك جەتىستىكتەرىن، امالياتتىق جەتىستىكتەرىن جۇيەلى جيناقتاپ قانا قالماستان، جاڭا داۋىردە رەفورمانى جاپپاي تەرەڭدەتۋ جونىندە اناعۇرلىم ايقىن جوعارى دەڭگەيلى جوبا جاسادى. جۇڭگوشا سوتسياليزم تۇزىمىنە تاباندى بولۋدى جانە ونى كەمەلدەندىرۋدى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى وزەك ەتىپ، رەفورما ارقىلى مەملەكەت ءتۇزىمى مەن مەملەكەتتى جونگە سالۋ جۇيەسى قۇرىلىسىن ىلگەرىلەتۋ سانالىلىعىن كۇشەيتىپ، ءتۇزىم قۇرىلىسى سىندى وسى نەگىزگى جەلىنى كورنەكتىلەندىرىپ، رەفورمانى ۇزدىكسىز جاپپاي تەرەڭدەتىپ، ورنالاستىرىلىپ بولعان ءتۇرلى رەفورما مىندەتتەرىنىڭ ورىندالۋ جاعدايىن اداقتاپ تەكسەرۋمەن، سالالاۋمەن بىرگە، ءتورتىنشى جالپى ءماجىلىس ورنالاستىرعان ماڭىزدى شارالاردى دا دەر كەزىندە قىزمەت كۇن تارتىبىنە ەنگىزىپ، پارتيا ورتالىق كوميتەتى ايقىن تۇراقتاندىرعان مەملەكەتتى جونگە سالۋعا شۇعىل قاجەتتى تۇزىمدەر، حالىقتىڭ تاماشا تۇرمىسقا دەگەن تىڭ تىلەگىن قاناعاتتاندىرۋدا بولۋعا ءتيىستى تۇزىمدەر جونىندە جەدەل زەرتتەۋ جۇرگىزىپ، ورنالاستىرۋ جاساپ، رەفورما شارالارىنىڭ جاندى ۇشتاسۋىن، توعىسا ساباقتاسۋىن جۇزەگە اسىرىپ، تىڭعىلىقتى ناتيجەگە قول جەتكىزۋگە شىنايى كەپىلدىك ەتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىقتىڭ رەفورمانى جاپپاي تەرەڭدەتۋ كوميتەتىنىڭ ورىنباسار مەڭگەرۋشىلەرى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى.
ءماجىلىس «فاكتورلاردى بازارلاندىرىپ جايعاستىرۋدىڭ اناعۇرلىم كەمەلدى ءتۇزىلىسى مەن مەحانيزمىن ورناتۋ تۋرالى پىكىر»دى، «اۋىل شارۋاشىلىعىن قولداۋ جانە قورعاۋ ءتۇزىمىن كەمەلدەندىرۋ تۋرالى پىكىر»دى، «ەلىمىزدىڭ ەمدەۋدى قامتاماسىز ەتۋ ءتۇزىمى رەفورماسىن تەرەڭدەتۋ تۋرالى پىكىر»دى، «جاڭا داۋىردەگى جوعارى، ورتا، باستاۋىش مەكتەپتەردە ەڭبەك تاربيەسىن جاپپاي كۇشەيتۋ تۋرالى پىكىر»دى، «وسى زامانعى قورشاعان ورتانى جونگە سالۋ جۇيەسىن ورناتۋ تۋرالى جەتەكشى پىكىر»دى، «جاڭا داۋىردەگى وقۋ - اعارتۋ ينسپەكتورلىعى ءتۇزىلىسى مەن مەحانيزمى رەفورماسىن تەرەڭدەتۋ تۋرالى پىكىر»دى، «اۋىل شارۋاشىلىعى عىلىم - تەحنيكاسى قوعامدانعان قىزمەت وتەۋ جۇيەسى قۇرىلىسىن كۇشەيتۋ تۋرالى ءبىرقانشا پىكىر»دى، «ورتالىقتىڭ قاتىستى تاراۋلارىنىڭ پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسى <قارارى>نىڭ ماڭىزدى شارالارىن دايەكتىلەندىرۋ، تياناقتاندىرۋ جونىندەگى جۇمىس ءبولىسى جوباسىن» جانە «پارتيا 18 - كەزەكتى ورتالىق كوميتەتى ءۇشىنشى جالپى ماجىلىسىنەن بەرگى رەفورمانى جاپپاي تەرەڭدەتۋدى ساراپتاۋ بايانداماسىن» قاراپ ماقۇلدادى.
ءماجىلىس مىنالاردى اتاپ كورسەتتى: فاكتورلاردى بازارلاندىرىپ جايعاستىرۋ اناعۇرلىم كەمەلدى ءتۇزىلىسى مەحانيزمىن ورناتۋدا قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، بازارلاندىرۋ رەفورماسىن تەرەڭدەتۋگە، جوعارى ورەدە ەسىك اشۋدى كەڭەيتۋگە تاباندى بولىپ، ماڭىزدى فاكتورلاردىڭ ەركىن جىلجۋىنا توسقاۋىل بولاتىن تۇزىلىستىك، مەحانيزمدىك كەدەرگىلەردى جويىپ، ماڭىزدى فاكتورلاردى بازارلاندىرىپ جايعاستىرۋ كولەمىن كەڭەيتىپ، ماڭىزدى فاكتورلار بازار جۇيەسىن اقاۋسىزداندىرىپ، ماڭىزدى فاكتورلار بازار ءتۇزىم قۇرىلىسىن ىلگەرىلەتىپ، ماڭىزدى فاكتورلاردىڭ باعاسىن بازار بەلگىلەۋدى، جىلجۋى ەركىن، رەتتى، جايعاستىرىلۋى جوعارى ءونىمدى، ءادىل بولۋدى جۇزەگە اسىرىپ، جوعارى ساپالى دامۋدى ىلگەرىلەتۋگە، وسىزاماندانعان ەكونوميكالىق جۇيە ورناتۋعا بەرىك تۇزىمدىك نەگىز قالاۋ كەرەك.
ءماجىلىس مىنالاردى باسا دارىپتەدى: اۋىل شارۋاشىلىعىن قولداۋ جانە قورعاۋ ءتۇزىمىن ورناتۋدا، كەمەلدەندىرۋدە اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، اۋىل - قىستاقتى گۇلدەندىرۋ ستراتەگياسىن اتقارۋدى باس تۇتقا ەتىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسى، اۋىل شارۋاشىلىعىن باياندى دامىتۋ، اۋىل شارۋاشىلىعىنا ۇسىنىلىمدى قامتاماسىز ەتۋ، اۋىل شارۋاشىلىعى جاردەماقىلارى مەن تولەمدەرى، اۋىل شارۋاشىلىعىن قولداۋ قارجىلارىنىڭ پايدالانىلۋى، باسقارىلۋى سياقتى جاقتاردان رەفورمانى تەرەڭدەتىپ، مەملەكەت جاعدايىنا ۇيلەسەتىن، جان - جاقتى قامتيتىن، باعدارى ايقىن، ءتۇيىنى كورنەكتى، شارالارى سايكەستى، اتقارۋعا قولايلى اۋىل شارۋاشىلىعىن قولداۋ جانە قورعاۋ ءتۇزىمىن بىرتىندەپ ورناتىپ، اۋىل شارۋاشىلىعىن الۋەتتەندىرەتىن، شارۋالارعا ءتيىمدى، شارۋالاردى بايىتاتىن ساياساتتاردىڭ دالدىگىن، تۇراقتىلىعىن، ناقتى ونىمدىلىگىن ۇزدىكسىز كۇشەيتۋ كەرەك.
ءماجىلىس مىنالاردى اتاپ كورسەتتى: ەمدەۋدى قامتاماسىز ەتۋ ءتۇزىمى − حالىق تۇرمىسىن قامتاماسىز ەتۋ ءتۇزىمىنىڭ ماڭىزدى قۇرامداس بولىگى، نەگىزدى قامتاماسىز ەتۋ، ادىلدىكتى جەبەۋ، ورنىقتى، باياندى بولۋ پرينسيبىنە تاباندى بولىپ، ءادىل، لايىقتى مامىلەنى قامتاماسىز ەتۋ مەحانيزمىن كەمەلدەندىرىپ، ورنىقتى، باياندى قارجى قۇراۋ جانە جۇمىس جۇرگىزۋ مەحانيزمىن اقاۋسىزداندىرىپ، جارامدى، جوعارى ءونىمدى ەمدەۋ قامسىزداندىرۋى تولەۋ مەحانيزمىن ورناتىپ، قاتاڭ دا پارمەندى قور باقىلاۋ - باسقارۋ مەحانيزمىن اقاۋسىزداندىرىپ، ەمدەۋ، ءدارى - دارمەك قىزمەت وتەۋىنىڭ قامداۋ جاعىنداعى رەفورماسىن سايكەستى ىلگەرىلەتىپ، ەمدەۋدى قامتاماسىز ەتۋدىڭ الەۋمەتتىك باسقارۋ - قىزمەت وتەۋىن ساپالىلاندىرىپ، جالپى حالىقتى قامتيىن، قالا مەن اۋىل ءبىر تۇتاس جوسپارلاناتىن، ۇقىق پەن جاۋاپكەرشىلىك ايقىن، قامتاماسىز ەتۋى لايىقتى، باياندى، كوپ ساتىلى ەمدەۋدى قامتاماسىز ەتۋ جۇيەسىن جەدەل ورناتۋ كەرەك.
ءماجىلىس مىنالاردى باسا دارىپتەدى: ەڭبەك تاربيەسى − جۇڭگوشا سوتسياليستىك تاربيە ءتۇزىمىنىڭ ماڭىزدى مازمۇنى. پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ ادام تاربيەلەۋگە تاباندى بولىپ، ەڭبەك تاربيەسىن دارىندى باۋلۋدىڭ جالپى بارىسىنا ەنگىزىپ، جوعارى، ورتا، باستاۋىش وقۋ كەزەڭدەرىنە ءسىڭىرىپ، وتباسى، مەكتەپ، قوعام ءار جاقتى ساباقتاستىرىپ، ادام تاربيەلەۋدىڭ باعدارىن يگەرىپ، وقۋ - اعارتۋ زاڭدىلىعىنا بويسۇنىپ، ءتۇزىلىس پەن مەحانيزمگە جاڭالىق جاساپ، تاربيەنىڭ ناقتى ونىمدىلىگىنە باسا ءمان بەرىپ، تانىم مەن ارەكەتتىڭ بىرلىگىن جۇزەگە اسىرىپ، وقۋشىلاردىڭ دۇرىس دۇنيە كوزقاراسىن، ءومىر كوزقاراسىن، قۇن كوزقاراسىن قالىپتاستىرۋىن جەبەۋ كەرەك.
ءماجىلىس مىنالاردى اتاپ كورسەتتى: قورشاعان ورتانى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى نىسانا ەتىپ، باسشىلىق جاۋاپكەرشىلىك جۇيەسىن، كاسىپورىن جاۋاپكەرشىلىگى جۇيەسىن، جالپى حالىقتىق ارەكەت جۇيەسىن، باقىلاۋ - باسقارۋ جۇيەسىن، بازار جۇيەسىن، سەنىمدىلىك جۇيەسىن، زاڭ - ساياسات جۇيەسىن ورناتىپ، اقاۋسىزداندىرىپ، ءتۇرلى تۇلعالاردىڭ جاۋاپكەرشىلىگىن تياناقتاندىرىپ، بازار تۇلعالارى مەن قاۋىمنىڭ ات سالىسۋ بەلسەندىلىگىن جوعارىلاتىپ، باعدارى ايقىن، شەشىم قابىلداۋى عىلمي، اتقارۋى پارمەندى، ىنتالاندىرۋى ءونىمدى، كوپ نەگىز ات سالىساتىن، پايدالى ىقپالداساتىن قورشاعان ورتانى جونگە سالۋ جۇيەسىن قالىپتاستىرىپ، ەكولوگيالىق ورتانىڭ تۇبەگەيلى جاقسارۋىن ىلگەرىلەتۋ، كورىكتى جۇڭگو قۇرۋ ءۇشىن پارمەندى تۇزىمدىك قامتاماسىزدىق ازىرلەۋ كەرەك.
ءماجىلىس مىنالاردى باسا دارىپتەدى: جاڭا داۋىردەگى وقۋ - اعارتۋ ينسپەكتورلىعى ءتۇزىلىس - مەحانيزمى رەفورماسىن تەرەڭدەتۋدە وقۋ - اعارتۋدى الدىمەن دامىتۋعا شىنايى كەپىلدىك ەتۋدى تىعىز ارقاۋ ەتىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، باسقارۋ ءتۇزىلىسىن ساپالىلاندىرۋدى، جۇمىس جۇرگىزۋ مەحانيزمىن كەمەلدەندىرۋدى، ناتيجەدەن پايدالانۋدى كۇشەيتۋدى قامال الۋ ءتۇيىنى ەتىپ، وقۋ - اعارتۋ ينسپەكتورلىعىنىڭ ساپاسى مەن ورەسىن ۇزدىكسىز جوعارىلاتىپ، ءتۇرلى تۇلعالاردىڭ وقۋ - اعارتۋ قىزمەت جاۋاپكەرشىلىگىن شىنايى اتقارۋىن ىلگەرىلەتۋ كەرەك.
ءماجىلىس مىنالاردى اتاپ كورسەتتى: اۋىل شارۋاشىلىعى عىلىم - تەحنيكاسى قوعامدانعان قىزمەت وتەۋ جۇيەسى قۇرىلىسىن كۇشەيتۋدە اۋىل شارۋاشىلىعى عىلىم - تەحنيكالىق قىزمەت وتەۋىنىڭ ءونىمدى قامداۋىن كوبەيتۋدى، قامداۋ مەن قاجەتسىنۋدىڭ ۇشتاسۋىن كۇشەيتۋدى كۇش سالۋ ءتۇيىنى ەتىپ، اۋىل شارۋاشىلىعى عىلىم - تەحنيكالىق قىزمەت وتەۋدىڭ ونىمدىلىگىن جوعارىلاتۋدى نىسانا ەتىپ، اۋىل شارۋاشىلىعى تەحنيكالارىن جالپىلاستىرۋ قۇرىلىمدارىنىڭ قىزمەت وتەۋدە جاڭالىق جاساۋىن ىلگەرىلەتىپ، جوعارى مەكتەپتەر مەن عىلمي زەرتتەۋ مەكەمە - ورىندارىنىڭ قىزمەت وتەۋ فۋنكتسياسىن كۇشەيتىپ، بازارلانعان، قوعامدانعان قىزمەت وتەۋ كۇشتەرىن زورايتىپ، اشىق باسەكەلەسەتىن، كوپ نەگىز ءبىرىن - ءبىرى تولىقتايتىن، سايكەسىمدى، جوعارى ءونىمدى اۋىل شارۋاشىلىعى عىلىم - تەحنيكاسى قوعامدانعان قىزمەت وتەۋ جۇيەسىن جەدەل قۇرۋ كەرەك.
ءماجىلىس مىنالاردى باسا دارىپتەدى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ «قارارى» رەفورمانى جاپپاي تەرەڭدەتۋدىڭ جۇيەلى جيناقتالۋىنا، سايكەسىمدى، جوعارى ءونىمدى بولۋىنا ءتۇبىرلى بويسۇنۋ ولشەمىن ازىرلەدى. ءبىزدىڭ ەندى ىستەيتىنىمىز: ءتۇرلى رەفورمانىڭ، تۇزىمدەردىڭ اناعۇرلىم تولىسۋىنا، اناعۇرلىم تۇلعالانۋىنا قاراي بەيىمدەلۋىن ىلگەرىلەتىپ، ءتۇرلى رەفورمانىڭ ءوزارا جەبەپ، ءبىر - بىرىنە پايدالى بولۋىنا، ءوزارا حيميالىق اسەر جاساۋىنا مۇمكىندىك جاساۋ. جۇڭگوشا سوتسياليزم ءتۇبىرلى ءتۇزىمىنىڭ، نەگىزگى ءتۇزىمىنىڭ، ماڭىزدى ءتۇزىمىنىڭ تالاپ - ولشەمدەرىنە تۋرالانۋعا ءمان بەرىپ، قىزمەت وي جەلىسىن جانە قىزمەتتىڭ تۇتقاسىن ايقىنداپ، ءتورتىنشى جالپى ءماجىلىس ورنالاستىرعان ءتۇرلى رەفورما مىندەتتەرىمەن ۇشتاستىرىپ، ءبىر تۇلعادا ىلگەرىلەتىپ، ءبىر تۇلعادا تياناقتاندىرۋ كەرەك. رەفورمانىڭ ءتۇزىم جۇلگەسىن ورناتقاندارىن ءتورتىنشى جالپى ءماجىلىس رۋحىنا سالىستىرا وتىرىپ ۇزدىكسىز بەكەمدەپ، كەمەلدەندىرىپ، ۇزاق ۋاقىت ءونىمدى مەحانيزم ورناتۋ؛ ىزدەنىس جاساۋ ۇستىندەگىلەرى جونىندە قيىندىقتان قامال الۋدى مىقتى يگەرىپ، تىڭ ناتيجە جاراتىپ، قورىتىندىلاۋدى، سۇرىپتاۋدى، تۇزىمدىك ورنالاستىرۋ قالىپتاستىرۋدى ويداعىداي ىستەۋ؛ جوسپارلاۋدى، ورتاعا قويۋدى كۇتىپ تۇرعاندار جونىندە باتىلدىقپەن رەفورما جاساپ، جاڭالىق اشىپ، دەر كەزىندە زەرتتەپ، جوبا جاساۋ كەرەك. دالمە - ءدال جوسپارلاۋ، دالمە - ءدال اتقارۋ جاعىنا تولىق كۇش سالىپ، رەفورما قانداي ماسەلەنى شەشەدى، قاي كەزدە ورتاعا قويىلادى، ءتۇزىم قۇرىلىسىنا قانداي رولى بار دەگەندەردىڭ بارلىعىن تولىق ەسكەرىپ ىستەۋ كەرەك. تۇرلىشە رەفورمالاردىڭ ەرەكشەلىكتەرى مەن سيپاتتارىن يگەرىپ، جوبا جاساۋدى، مەحانيزمدى اقاۋسىزداندىرۋدى، تياناقتاندىرۋدى ىلگەرىلەتۋدى بىرگە يگەرۋگە تاباندى بولۋ كەرەك. رەفورما جوبالارىن تياناقتاندىرۋدا ءار جەردىڭ جاعدايىنا قاراي ىستەپ، نىسانالى بولۋعا ۇمتىلۋ، جوعارى مەن تومەن ”ءبىر سىدىرعى بولۋ“دان، بارلىعىن ”ءبىر شىبىقپەن ايداۋ“دان اۋلاق بولۋ كەرەك. ءتۇزىم ءونىمدى اينالىمعا ءتۇستى مە، جوق پا دەگەنگە نازاردى شوعىرلاندىرا وتىرىپ باقىلاۋ - تەكسەرۋ جۇرگىزىپ، رەفورمانىڭ نىسانالاردىڭ جيناقتالۋىن، ساياساتتاردىڭ جيناقتالۋىن، ونىمدىلىكتىڭ جيناقتالۋىن جۇزەگە اسىرعان - اسىرماعانىنا قاراۋ كەرەك. ءتورتىنشى جالپى ءماجىلىستىڭ ماڭىزدى شارالارىن اتقارۋ جوباسىن جاساۋدى مىقتى يگەرىپ، ۋاقىت كەستەسىن، جول كارتاسىن، ناتيجە ءتاسىلىن ايقىنداۋ كەرەك.
ورتالىق رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
