تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس جەردى كوتەرمەگە الۋ قاتىناسىنىڭ ورنىقتىلىعىن ساقتاۋ جانە ۇزاق ۋاقىت وزگەرتپەۋ جونىندەگى پىكىردى جاريالادى

  شينحۋا اگەنتتىگىنىڭ 11 - ايدىڭ 26 - كۇنى بەيجيڭنەن بەرگەن حابارى. پارتيا 19 - قۇرىلتايىندا ورتاعا قويىلعان ”جەردى كوتەرمەگە الۋ قاتىناسىنىڭ ورنىقتىلىعىن ساقتاۋ جانە ۇزاق ۋاقىت وزگەرتپەۋ، جەردى ەكىنشى كەزەكتى كوتەرمەگە العان ۋاقىت تولعاننان كەيىن تاعى 30 جىلعا ۇزارتىلادى“ دەگەن تالاپ بويىنشا، شارۋالاردىڭ جەردى كوتەرمەگە الۋ ۇقىق - مۇددەسىن تولىق قامتاماسىز ەتىپ، اۋىل - قىستاق جەرلەرىن كوتەرمەگە الىپ تيجارات جۇرگىزۋ ءتۇزىمىن ونان ارى كەمەلدەندىرىپ، اۋىل - قىستاقتى گۇلدەندىرۋ ستراتەگياسىنىڭ اتقارىلۋىن ىلگەرىلەتۋ ءۇشىن، جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس اۋىل - قىستاق جەرلەرىن كوتەرمەگە الۋ قاتىناسىنىڭ ورنىقتىلىعىن ساقتاۋ جانە ۇزاق ۋاقىت وزگەرتپەۋ جونىندە پىكىر ورتاعا قويدى.

  «پىكىر»دە مىنالار باسا دارىپتەلدى: وتباسىلارى كوتەرمەگە الىپ تيجارات جۇرگىزۋ اتقارىلعاننان بەرى، پارتيا ورتالىق كوميتەتى، مەملەكەتتىك كەڭەس اۋىل - قىستاق جەرلەرىن كوتەرمەگە الۋ قاتىناسىن ورنىقتىرۋ سىندى باعىت - ساياساتقا تاباندى بولىپ، ىلگەرى - كەيىن 2 رەت كوتەرمەگە الۋ ۋاقىت شەگىن ۇزارتىپ، قاتىستى ءتۇزىم جۇيەلەرىن ۇزدىكسىز اقاۋسىزداندىرىپ، شارۋالاردىڭ جەردى كوتەرمەگە الۋىنا قاتىستى ءتۇرلى ۇقىقتارىن زاڭ بويىنشا قورعادى. جۇڭگوشا سوتسياليزم جاڭا داۋىرگە وتكەن شەشۋشى مەزگىلدە پارتيا ورتالىق كوميتەتىنىڭ جەردى كوتەرمەگە الۋ قاتىناسىنىڭ ورنىقتىلىعىن ساقتاۋدى جانە ۇزاق ۋاقىت وزگەرتپەۋدى ورتاعا قويۋى پارتيانىڭ اۋىل - قىستاق جەرى تۋرالى ساياساتىن جالعاستىرۋ جانە دامىتۋ سانالادى، ول اۋىل - قىستاق نەگىزگى تيجارات ءتۇزىمىن بەكەمدەۋگە جانە كەمەلدەندىرۋگە ءتيىمدى، جۇڭگوشا وسى زامانعى اۋىل شارۋاشىلىعىنىڭ دامۋىن جەبەۋگە ءتيىمدى، اۋىل - قىستاقتى گۇلدەندىرۋ ستراتەگياسىنىڭ اتقارىلۋىن ىلگەرىلەتۋگە ءتيىمدى، اۋىل - قىستاق قوعامىنىڭ جاراسىمدىلىعى مەن ورنىقتىلىعىن ساقتاۋعا ءتيىمدى.

  شارۋالار مەن جەردىڭ قاتىناسىن ويداعىداي ءبىر جاقتى ەتۋ سىندى نەگىزگى جەلىمەن تىعىز بايلانىستىرىپ، نەگىزگى تيجارات ءتۇزىمىن ورنىقتىرىپ، اۋىل - قىستاق جەرىن شارۋالاردىڭ كوللەكتيۆ مەنشىكتەنۋىنە تاباندى بولىپ، كوللەكتيۆ شارۋاشىلىق ۇيىمدارى مۇشەلەرىنىڭ جەر ۇقىق - مۇددەسىنەن تەڭ يگىلىكتەنۋىنە شىنايى كەپىلدىك ەتىپ، ناقتى جۇزەگە اسىرۋ ءتاسىلى جونىندە ۇزدىكسىز ىزدەنىس جاساپ، جەردى جەكەشەلەندىرۋدەن اۋلاق بولۋ؛ وتباسىلاردىڭ كوتەرمەگە الىپ تيجارات جۇرگىزۋىنىڭ نەگىزدىك ورنىنا تاباندى بولىپ، شارۋالاردىڭ نەگىزگى تۇلعالىق ورنىنا قۇرمەت ەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى ىلگەرىلەتىپ، اۋىل - قىستاق قوعامىنىڭ ورنىقتىلىعىن قورعاۋ كەرەك.

  «پىكىر»دە مىنالار اتاپ كورسەتىلدى: ”ۇزاق ۋاقىت وزگەرتپەۋ“ ساياساتىنىڭ ءمانىن ءدال يگەرىپ، جەر كوللەكتيۆ مەنشىگىندە بولۋ، وتباسىلار كوتەرمەگە الىپ تيجارات جۇرگىزۋ سىندى نەگىزگى ءتۇزىمنىڭ ۇزاق ۋاقىت وزگەرمەۋىن ساقتاۋ، شارۋا وتباسىلارىنىڭ زاڭ بويىنشا كوللەكتيۆ جەرىن كوتەرمەگە الۋ نەگىزگى ۇقىعىنىڭ ۇزاق ۋاقىت وزگەرمەۋىن ساقتاۋ، شارۋا وتباسىنىڭ جەردى كوتەرمەگە الۋىنىڭ ورنىقتىلىعىن ساقتاۋ كەرەك.

  ”ۇزاق ۋاقىت وزگەرتپەۋ“دىڭ اتقارىلۋىن ورنىقتى ىلگەرىلەتىپ، جەردى كوتەرمەگە الۋ قاتىناسىن ورنىقتىرىپ، جەردى 2 - كەزەكتى كوتەرمەگە العان ۋاقىت تولعاننان كەيىن تاعى 30 جىلعا ۇزارتىپ، اۋىل - قىستاق جەرىن كوتەرمەگە الۋ قاتىناسىنىڭ 1 - كەزەكتى كوتەرمەگە الۋ باستالعاننان باستاپ 75 جىلعا دەيىن ۇزاق ۋاقىت ساقتالۋىنا مۇمكىندىك جاساۋ كەرەك. ”ادام كوبەيگەنمەن جەر كوبەيمەيدى، ادام ازايعانىمەن جەر ازايمايدى“ دەگەندى ۇزدىكسىز دارىپتەپ، جەردى كوتەرمەگە الۋ ۇقىعىن زاڭ بويىنشا، ەرىكتى تۇردە اقىلى وتكەرمەلەۋ مەحانيزمىن ورناتۋ، كەمەلدەندىرۋ كەرەك.

  ”ۇزاق ۋاقىت وزگەرتپەۋ“دىڭ نەگىزدىك قىزمەتتەرىن شىنايى، ويداعىداي ىستەپ، كوتەرمەگە الىنعان جەر ۇقىعىن ايقىنداپ تىركەۋگە الۋ، كۋالىك بەرۋ قىزمەتىن ويداعىداي ىستەپ، اۋىل - قىستاق جەرىنە قاتىستى مەنشىك ۇقىعى، كوتەرمەگە الۋ ۇقىعى، تيجارات جۇرگىزۋ ۇقىعى سىندى ”3 ۇقىق“تى ءبولۋدى تياناقتاندىراتىن ساياسات جۇيەسىن كەمەلدەندىرىپ، اۋىل - قىستاق جەرىن كوتەرمەگە الۋعا قاتىستى زاڭ - ساياساتتاردى اقاۋسىزداندىرۋ كەرەك.

  ءارقايسى ولكە (اۆتونوميالى رايون، توتە قاراستى قالا) پارتكومدارى مەن ۇكىمەتتەرى ”ۇزاق ۋاقىت وزگەرتپەۋ“دىڭ ماڭىزدىلىعىن، جۇيەلىلىگىن، ۇزاق ۋاقىتتىعىن تولىق تانىپ، پارتيا ورتالىق كوميتەتىنىڭ، مەملەكەتتىك كەڭەستىڭ تالابى بويىنشا باسشىلىقتى شىنايى كۇشەيتىپ، قىزمەت جاۋاپكەرشىلىگىن تياناقتاندىرىپ، ”ۇزاق ۋاقىت وزگەرتپەۋ“ مەن جەردى 2 - كەزەكتى كوتەرمەگە العان ۋاقىت تولعاننان كەيىن تاعى 30 جىل ۇزارتۋ ساياساتىنىڭ ءوز جەرىندە ءساتتى اتقارىلۋىن قامتاماسىز ەتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.