شينحۋا اگەنتتىگىنىڭ 11 - ايدىڭ 27 - كۇنى بەيجيڭنەن بەرگەن حابارى (چي شىڭ). شاڭحاي ەركىن ساۋدا سىناق رايونى − جۇڭگو ۇكىمەتىنىڭ شاڭحايدا قۇرعان وڭىرلىك ەركىن ساۋدا باقشا رايونى، پۋدۇڭ رايونى ىشىنە ورنالاسقان، جۇڭگو ەركىن ساۋدا رايونى اۋماعىنا جاتادى. 2013 - جىلى 9 - ايدىڭ 29 - كۇنى جۇڭگو (شاڭحاي) ەركىن ساۋدا سىناق رايونى رەسمي قۇرىلدى، كولەمى 28.78 شارشى كيلومەتر، شاڭحاي قالاسى ۋايگاۋچياۋ قورعامالى باجى رايونىن، ۋايگاۋچياۋ قورعامالى باجى زات تاسىمال باقشا رايونىن، ياڭشان قورعامالى باجى پورت رايونى جانە شاڭحاي پۋدۇڭ اۋەجايى ۋنيۆەرسال قورعامالى باجى رايونى سياقتى 4 كەدەننىڭ ەرەكشە باقىلاۋ - باسقارۋىنداعى ءوڭىردى قامتىعان. 2014 - جىلى 12 - ايدىڭ 28 - كۇنى مەملەكەتتىك حالىق قۇرىلتايى تۇراقتى كوميتەتى مەملەكەتتىك كەڭەسكە جۇڭگو (شاڭحاي) ەركىن ساۋدا سىناق رايون ءوڭىرىنىڭ كولەمىن 120.72 شارشى كيلومەترگە كەڭەيتۋگە ۇقىق بەردى. كەڭەيتىلگەن ءوڭىر لۋجيازۇي فينانس اۋماعى، جينچياۋ اشۋ اۋماعى جانە جاڭجياڭگاۋ عىلىم - تەحنيكا اۋماعىن قامتىدى.
شاڭحاي ەركىن ساۋدا سىناق رايونىن قۇرۋداعى جالپى نىسانا مىناداي: 2 دە 3 جىل رەفورما جاساپ سىناق جۇرگىزۋ ارقىلى ۇكىمەت فۋنكتسياسىنا بۇرىلىس جاساۋدى جەدەلدەتىپ، قىزمەت وتەۋ كاسىبىن اشىق ۇستاۋدى كەڭەيتۋ مەن شەتەل ساۋداگەرلەرىنىڭ قارجى قوسۋىن باسقارۋ تۇزىلىسىنە رەفورما جاساۋدى بەلسەندى ىلگەرىلەتىپ، باس شتاپ ەكونوميكاسى جانە جاڭاشا ساۋدا جاعدايىن زور كۇشپەن دامىتىپ، كاپيتال نىسانىن اقشاعا ايىرباستاۋعا بولاتىن جانە فينانسقا قىزمەت وتەۋ كاسىبىن جاپپاي اشىق ۇستاۋعا ىزدەنىس جاساۋدى جەدەلدەتىپ، تاۋار جاعدايىن تۇرگە ايىرىپ باقىلاۋ - باسقارۋ ۇلگىسىن قۇرۋعا ىزدەنىس جاساپ، قارجى قوسۋ مەن جاڭالىق اشۋدى جەبەيتىن ساياساتتىق قولداۋ جۇيەسىن قالىپتاستىرۋعا قۇلشىنىس جاساپ، حالىقارالانعان جانە زاڭمەن جونگە سالىنعان تيجارات - ساۋدا ورتاسىن جەتىلدىرۋگە كۇش سالىپ، حالىقارالىق ورەدەگى قارجى قوسىپ ساۋدا جاساۋعا قولايلى، اقشا ايىرباستاۋى ەركىن، باقىلاۋ - باسقارۋى جوعارى ءونىمدى، ىڭعايلى، زاڭ - ءتۇزىم ورتاسى جۇيەلى ەركىن ساۋدا سىناق رايونىن قۇرۋعا تالپىنىپ، ەلىمىزدىڭ ەسىك اشۋىن كەڭەيتۋىنە جانە رەفورما جاساۋدى تەرەڭدەتۋىنە جاڭا وي جانە جاڭا جول تابۋعا ىزدەنىس جاساپ، تۇتاس ەلگە اناعۇرلىم جاقسى قىزمەت وتەدى.
جۇڭگو (شاڭحاي) ەركىن ساۋدا سىناق رايونىن قۇرۋ − پارتيا ورتالىق كوميتەتىنىڭ، مەملەكەتتىك كەڭەستىڭ جاساعان كەلەلى شەشىمى، پارتيا 18 - قۇرىلتايىنىڭ رۋحىن ىشكەرىلەي دايەكتىلەندىرىپ، جاڭا جاعداي اياسىندا رەفورما جاساپ، ەسىك اشۋدى ىلگەرىلەتۋدىڭ كەلەلى شاراسى، ۇكىمەت فۋنكتسياسىنا بۇرىلىس جاساۋدى جەدەلدەتۋدە، باسقارۋ ۇلگىسىنە جاڭالىق اشۋعا ىزدەنىس جاساۋعا، ساۋدا جانە قارجى قوسۋدى قولايلىلاندىرۋعا، رەفورمانى جاپپاي تەرەڭدەتۋ مەن ەسىك اشۋدى كەڭەيتۋدىڭ جاڭا جولىن قاراستىرۋدا، جاڭا تاجىريبە توپتاۋدا ناقتى مانگە يە.
شاڭحاي ەركىن ساۋدا سىناق رايونىنىڭ تابىستى تاجىريبەسىنە ساي، 2019 - جىلى 8 - ايعا دەيىن، ەركىن ساۋدا سىناق رايون ءتۇيىنى شاڭحايدان بىرتىندەپ گۋاڭدۇڭ، تيانجين، فۋجيان، لياۋنيڭ، جىجياڭ، حىنان، حۋبەي، چۇڭچيڭ، سىچۋان، شانشي، حاينان، شاندۇڭ، جياڭسۋ، گۋاڭشي، حىبەي، يۇننان، حيلۇڭجياڭ سياقتى جەرلەرگە دەيىن كەڭەيدى.
