سول كۇنى 16 ءتۇر بويىنشا كەلىسىمگە قول قويىلدى، جالپى قوسىلاتىن قارجى شامامەن 18 ميلليارد 30 ميلليون يۋان بولدى
ءتىلشى ياۋ گاڭ 11 - ايدىڭ 27 - كۇنى التايدان حابارلايدى. 11 - ايدىڭ 27 - كۇنى 14 - كەزەكتى شينجياڭ قىسقى ساياحات كاسىبى ساۋدا كورمەسى التاي قالاسىندا اشىلدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز قاتىناستى، سونداي - اق قىسقى ساياحات كاسىبى ساۋدا كورمەسىنىڭ اشىلعاندىعىن جاريالادى.
اشىلۋ سالتى وتكىزىلگەن كۇنى، التاي ايماقتىق اكىمشىلىك مەكەمەسى مەن ءۇرىمجى كەدەنى كەدەن مەن جەرگىلىكتى ورىن سەلبەستىگى ەسكەرتپە حاتى سياقتىلارعا قول قويۋ سالتىن وتكىزدى، 16 ءتۇر بويىنشا كەلىسىمگە قول قويىستى، كەلىسىم مازمۇنى كورىنىس ءوڭىرىنىڭ، كورىنىس ءتۇيىنىنىڭ نەگىزدىك قۇرىلعىلارى، قوناق ءۇي قۇرىلىسى جانە قوناقتاردى جونەلتۋ كەلىسىمى، ساياحات ستراتەگيالىق سەلبەستىك كەلىسىمى، جالپىلىق اۆياتسيا سياقتىلاردى قامتىدى، جالپى قوسىلاتىن قارجى شامامەن 18 ميلليارد 30 ميلليون يۋان بولدى. شانشي رۇڭۋي قارجى قوسۋ شەكتى سەرىكتەستىگى قاناستاعى جالدىڭ ءۇيى، گەنەرال تاۋى شاڭعى الاڭى قوناق ءۇيى، قار جابدىعى زالى سياقتى نىساندارعا قارجى قوساتىن بولدى. وسى سەرىكتەستىكتىڭ باسالقاسى زى رۇڭ الداعى 5 جىلدا، سەرىكتەستىكتىڭ نىساندارعا 9 ميلليارد يۋاننان استام قارجى قوسىپ، التاي ايماعىنىڭ ساياحاتىنىڭ دامۋىن جەبەيتىندىگىن ايتتى. سول كۇنى، ”اسقار تاۋدا شاڭعى تەبۋ دۇنيە ءجۇزى ەكونوميكالىق تالقى مىنبەرى“، ”13 - كەزەكتى باتىس سولتۇستىك ساياحات ءوڭىرى سەلبەستىگى ءماجىلىسى“ سياقتى قيمىلدار ورىستەتىلدى.
وسى كەزەكتى قىسقى ساياحات كاسىبى ساۋدا كورمەسى مادەنيەت پەن ساياحاتتى توعىستىرۋدى تۇتقا، كورمە مەن ساۋدانى وزەك، شينجياڭنىڭ قىسقى مادەنيەت، ساياحات ونىمدەرى مەن نىسان ساۋدا تۇعىرىن كۇش سالا قۇرۋدى، شينجياڭنىڭ قىسقى مادەنيەت جانە ساياحات ىستەرىنىڭ دامۋىن جەبەۋدى جانە وعان جەتەكشىلىك ەتۋدى، شينجياڭنىڭ قىسقى ساياحاتىنىڭ وزەكتى باسەكەلىك قۋاتىن ارتتىرۋدى نىسانا ەتىپ، جۇڭگونىڭ باتىس بولەك قار - مۇز ساياحاتىنىڭ تاماشا جەرى جانە دۇنيە جۇزىندەگى ماڭىزدى ساياحات كوزەۋلى جەرى ەتىپ قۇرىپ شىعۋعا كۇش سالادى. ”شينجياڭ جاقسى جەر“ ساياحات ماركاسىن ايگىلەۋدى ارقاۋ ەتىپ، ءارقايسى ولكەلەرمەن، رايوندارمەن، قالالارمەن سەلبەستىك جاساۋدى تەرەڭدەتىپ، شينجياڭ ساياحاتىنىڭ ءتورت ماۋسىمدا بىردەي دامۋىن جەبەپ، شينجياڭ ساياحاتىنىڭ تىڭ ساتىعا كوتەرىلۋىن ىلگەرىلەتەدى. قيمىل 2019 - جىلى 11 - ايدان 2020 - جىلى 3 - ايعا دەيىن جالعاسادى، ءۇرىمجى قالاسى مەن التاي ايماعى بىرلەسىپ وتكىزۋ فورماسى قولدانىلىپ، باسقا ايماقتاردان، وبلىستاردان، قالالاردان 12 بولىمشە ءماجىلىس ورنى قۇرىلىپ، ”شينجياڭنىڭ قىسقى مادەنيەت، ساياحات دۋماندى ماۋسىمى“ سياقتى جەلىلەس قيمىلدار وتكىزۋ ارقىلى بۇقارا جاپپاي ات سالىسقان، بىرگە يگىلىكتەنگەن، بىرگە شاتتانعان، ىقپالى زورايعان دامۋ جاعدايى قالىپتاستى.
