شينحۋا اگەنتتىگىنىڭ 11 - ايدىڭ 28 - كۇنى بەيجيڭنەن بەرگەن حابارى. 11 - ايدىڭ 27 - كۇنى بىرلەسكەن مەملەكەتتەر ۇيىمى ”پالەستينا حالقىنا مەدەت بەرۋ حالىقارالىق كۇنىن“ اتاپ ءوتۋ جينالىسىن وتكىزدى، مەملەكەت ءتوراعاسى شي جينپيڭ جينالىسقا قۇتتىقتاۋ تەلەگرامماسىن جولدادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: پالەستينا ماسەلەسى ورتا شىعىس ماسەلەسىنىڭ وزەگى. پالەستينا ماسەلەسىن جاپپاي ءادىل شەشىپ، پالەستينا - يزرايل ەكى ەلدىڭ بەيبىت قاتار تۇرۋىن، بىرگە دامۋىن جۇزەگە اسىرۋ حالىقارالىق قوعامنىڭ ورتاق مۇددەسىنە ۇيلەسەدى. حالىقارالىق قوعام ادىلدىكتى، تۋراشىلدىقتى قورعاپ، بىرلەسكەن مەملەكەتتەر ۇيىمىنىڭ قاتىستى قاۋلىلارىنا، ”جەردى بەيبىتشىلىككە اۋىستىرۋ“ پرينسيبىنە جانە ”ەكى ەل جوباسى“ ۇلكەن بەتالىسىنا تاباندى بولىپ، پالەستينا - يزرايل بەيبىتشىلىك كەلىسسوزىن قالپىنا كەلتىرۋگە تاماشا راي جاراتۋى كەرەك.
شي جينپيڭ بىلاي دەپ باسا دارىپتەدى: جۇڭگو − پالەستينا حالقىنىڭ شىنايى جاقسى دوسى، جاقسى سەرىگى، جاقسى باۋىرلاسى، پالەستينا - يزرايل بەيبىتشىلىگىنىڭ مىزعىماس قولداۋشىسى. جۇڭگو جاق پالەستينا حالقىنىڭ ۇلتتىڭ زاڭدى ۇقىعىن قالپىنا كەلتىرۋ ادىلەتتى ءىسىن قولدايدى، 1967 - جىلعى شەكارانى نەگىز، شىعىس يەرۋ - ساليمدى استانا ەتكەن، تولىق يەلىك ۇقىعى بار، تاۋەلسىز پالەستينا مەملەكەتىن قۇرۋدى قولدايدى. جۇڭگو حالىقارالىق قوعاممەن بىرگە پالەستينا - يزرايل بەيبىتشىلىك كەلىسسوزىن ۇزدىكسىز ىلگەرىلەتىپ، ورتا شىعىستىڭ جاپپاي، ءادىل، باياندى بەيبىتشىلىگىن ەرتەرەك جۇزەگە اسىرۋ ءۇشىن قاجىماي - تالماي قۇلشىنۋدى قالايدى.
