تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس ساۋدانىڭ جوعارى ساپالى دامۋىن ىلگەرىلەتۋ جونىندەگى جەتەكشى پىكىردى جاريالادى

  شينحۋا اگەنتتىگىنىڭ 11 - ايدىڭ 28 - كۇنى بەيجيڭنەن بەرگەن حابارى. ساۋدانىڭ جوعارى ساپالى دامۋىن ىلگەرىلەتۋ − پارتيا ورتالىق كوميتەتىنىڭ حالىقارا، ەلى ءىشى جاعدايىنىڭ تەرەڭ وزگەرىسى الدىندا شىعارعان كەلەلى شەشىم - ورنالاستىرۋى، جاڭا داۋىردەگى جۇڭگوشا سوتسياليزم ىستەرىن قۇلشىنا ىلگەرىلەتۋدىڭ قاجەتتى تالابى، ەكونوميكالىق، قوعامدىق دامۋدىڭ جالپى جاعدايىنا قاتىستى ءىرى ءىس. ساۋدا باسەكەسىنىڭ جاڭا باسىمدىعىن جەتىلدىرۋدى تەزدەتىپ، ساۋدانىڭ جوعارى ساپالى دامۋىن ىلگەرىلەتۋ ءۇشىن جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس تاياۋدا «ساۋدانىڭ جوعارى ساپالى دامۋىن ىلگەرىلەتۋ جونىندەگى جەتەكشى پىكىر»دى جاريالادى.

  «پىكىر»دە مىنالار باسا دارىپتەلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايى مەن 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جاڭا دامۋ ۇستانىمىنا تاباندى بولىپ، جوعارى ساپالى دامۋدى ىلگەرىلەتۋگە تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، تاۋار مەن فاكتوردىڭ جىلجىمالى ۇلگىسىندەگى اشىقتىقتان ەرەجە سياقتى تۇزىمدىك ۇلگىدەگى اشىقتىققا قاراي بۇرىلىس جاساۋىن جەدەل ىلگەرىلەتىپ، اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس قۇرىپ، شەتەلگە ساياتىن ەكونوميكا - ساۋدا زاڭدارىن جانە ەرەجە جۇيەسىن كەمەلدەندىرىپ، سىرتقى ساۋدا سالاسى رەفورماسىن تەرەڭدەتىپ، بازارلانۋ پرينسيبىنە جانە ساۋدا ەرەجەسىنە تاباندى بولىپ، عىلىم - تەحنيكادا جاڭالىق اشۋدى، تۇزىمدە جاڭالىق اشۋدى، ۇلگى مەن كاسىپتىك كۇيدە جاڭالىق اشۋدى كۇشەيتىپ، ”ءبىر بەلدەۋ، ءبىر جول“دى بىرگە قۇرۋدى ءتۇيىن ەتىپ، ساۋدا قۇرىلىمىن كۇش سالا ساپالىلاندىرىپ، يمپورت پەن ەكسپورتتى، تاۋار ساۋداسى مەن قىزمەت وتەۋ ساۋداسىن، ساۋدا مەن ەكى جاق قارجى قوسۋدى، ساۋدا مەن كاسىپ سالاسىن سايكەستى دامىتۋدى ىلگەرىلەتىپ، حالىقارا، ەل ءىشى فاكتورلارىنىڭ ءتارتىپتى، ەركىن جىلجۋىن، بايلىقتىڭ جوعارى ءونىمدى جايعاسۋىن، بازاردىڭ تەرەڭدەي توعىسۋىن جەبەپ، حالىقارالىق كىرىس پەن شىعىستىڭ نەگىزگى تەپە - تەڭدىگىن جەبەپ، ساۋدانىڭ جوعارى ساپالى دامۋىن جۇزەگە اسىرىپ، ەسىك اشقان، سەلبەسكەن، قامتىمدى، جاپپاي تيىمدىلىك جاسايتىن، بىرگە ءبولىسىپ، تەڭ يگىلىككە كەنەلەتىن حالىقارالىق ساۋدا جاڭا جاعدايىن اشىپ، ەلىمىزدىڭ ەكونوميكالىق، قوعامدىق دامۋىن ىلگەرىلەتۋگە جانە ادامزاتتىڭ تاعدىرلاس ورتاق تۇلعاسىن قۇرۋعا اناعۇرلىم زور ۇلەس قوسۋ كەرەك. 2022 - جىلعا جەتكەندە، ساۋدا قۇرىلىمىن اناعۇرلىم ساپالىلاندىرىپ، ساۋدا ونىمدىلىگىن كورنەكتى جوعارىلاتىپ، ساۋدا ناقتى قۋاتىن اناعۇرلىم كۇشەيتىپ، ساۋدانىڭ جوعارى ساپالى دامۋ كورسەتكىشىن، ساياساتىن، ساناعىن، ناتيجەسىن باعالاۋ جۇيەسىن قۇرۋ كەرەك.

  «پىكىر»دە مىنالار تالاپ ەتىلدى: جاڭالىق اشۋعا دەم بەرۋدى تەزدەتىپ، ساۋدا باسەكەسىنىڭ جاڭا باسىمدىعىن جەتىلدىرۋ؛ ساۋدا قۇرىلىمىن ساپالىلاندىرىپ، ساۋدانىڭ دامۋ ساپاسى مەن ونىمدىلىگىن جوعارىلاتۋ؛ تەڭدىكتى، سايكەستىكتى جەبەپ، ساۋدانىڭ باياندى دامۋىن ىلگەرىلەتۋ؛ جاڭا كاسىپتىك كۇيدى جەتىلدىرىپ، ساۋدانىڭ دامۋىنا جاڭا قوزعاۋشى قۋات ۇستەۋ؛ تۇعىر جۇيەسىن قۇرىپ، ساۋداعا تىرەك بولۋ رولىن ساۋلەلەندىرۋ؛ رەفورما جاساۋدى، ەسىك اشۋدى تەرەڭدەتىپ، زاڭمەن جونگە سالىناتىن، حالىقارالانعان، قولايلىلانعان ساۋدا ورتاسىن جاراتۋ؛ بىرگە اقىلداسۋعا، بىرگە قۇرۋعا، بىرگە بولىسۋگە تاباندى بولىپ، ”ءبىر بەلدەۋ، ءبىر جول“ ەكونوميكا - ساۋدا سەلبەستىگىن تەرەڭدەتۋ؛ ءوزارا پايدا جەتكىزىپ، تەڭ يگىلىككە كەنەلۋگە تاباندى بولىپ، ساۋدانى دامىتۋدىڭ جاڭا كەڭىستىگىن كەڭەيتۋ؛ ۇيىمداستىرىپ اتقارۋدى كۇشەيتىپ، قامتاماسىزداندىرۋ جۇيەسىن اقاۋسىزداندىرۋ.

  «پىكىر»دە مىنالار باسا دارىپتەلدى: ورتالىق پەن مەملەكەت ورگاندارىنداعى قاتىستى تاراۋلار فۋنكتسيالىق جۇمىس بولىسىنە ساي، ناقتى ساياسات، شارالاردى اقىلداسىپ، سايكەسۋدى، سەلبەسۋدى كۇشەيتىپ، قىزمەت بىرىككەن كۇشىن قالىپتاستىرۋ كەرەك. ءار دارەجەلى پارتكومدار مەن ۇكىمەتتەر ۇيىمدىق باسشىلىقتى شىنايى كۇشەيتىپ، جاۋاپكەرشىلىك ارقالاۋدى قاتايتىپ، ءوز ءوڭىرىنىڭ ءىس جۇزىندىگىمەن ۇشتاستىرىپ، ءتۇيىندى مىندەتتەردى اناعۇرلىم ايقىنداپ، قاتىستى قىزمەتتەردىڭ تياناقتانۋىن ويداعىداي يگەرۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.