تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسى ءماجىلىس اشتى

بورىشتىلىق سەزىم مەن كوكەي تەستىلىك سەزىمدى شىن مانىندە كۇشەيتىپ، ”اۋىل شارۋاشىلىعى، اۋىل - قىستاق، شارۋالار“ قىزمەتىنىڭ تىڭ ساتىعا كوتەرىلۋىن جەبەيىك

  ءتىلشى لي ياڭ 11 - ايدىڭ 30 - كۇنى ۇرىمجىدەن حابارلايدى. 11 - ايدىڭ 29 - كۇنى تۇستەن بۇرىن، اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسى ءماجىلىس اشىپ، باس شۋجي شي جينپيڭنىڭ ”اۋىل شارۋاشىلىعى، اۋىل - قىستاق، شارۋالار“ قىزمەتى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، كەزەكتەگى ءتۇيىندى قىزمەتتەردى اقىلداسىپ ورنالاستىردى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسىنىڭ باستىعى لي پىڭشين ءماجىلىستى باسقاردى.

  ءماجىلىس مىنانى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ”اۋىل شارۋاشىلىعى، اۋىل - قىستاق، شارۋالار“ قىزمەتىن ويداعىداي ىستەۋدىڭ بورىشتىلىق سەزىمىن، كوكەي تەستىلىك سەزىمىن شىن مانىندە كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتاپ تياناقتانۋىنا شىنايى كەپىلدىك ەتىپ، ”اۋىل شارۋاشىلىعى، اۋىل - قىستاق، شارۋالار“ قىزمەتىنىڭ تاعى دا تىڭ ساتىعا كوتەرىلۋىن جەبەۋ كەرەك.

  ءماجىلىس مىنانى اتاپ كورسەتتى: بيىلعى قىس، كەلەر جىلعى كوكتەمنەن پايدالانىپ، ابزالدىلىقتى، كۇش - قۋاتتى، زەيىن - زەردەنى شوعىرلاندىرىپ، ەگىنجاي سۋ يگىلىگى قۇرىلىسى، اۋىل شارۋاشىلىعى ءوندىرىسىن باسقارۋ، جەمىس ورمان شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋ، جانۋار مەن وسىمدىك ىندەتىنەن، دەرت - دەربەزدەرىنەن ساقتانۋ جانە ونى تىزگىندەۋ، اۋىل شارۋاشىلىق ونىمدەرىن ساتىپ الۋ، ساتۋ ”ەكى تور“ قۇرىلىسى سياقتى ءتۇيىندى قىزمەتتەردى ارقاۋ ەتىپ، باۋلۋدى، نىساندى، رەتتەۋ - تۇزەتۋدى يگەرىپ، قىسقى سايابىرلىقتى قىسقى قاربالاستىققا وزگەرتىپ، ءتۇرلى قىزمەتتە ناقتى ونىمدىلىككە قول جەتكىزۋدى جەبەۋ كەرەك.

  ءماجىلىس مىنانى باسا دارىپتەدى: باس شۋجي شي جينپيڭ العا قويعان ”سۋ ۇنەمدەۋدى الدىڭعى ورىنعا قويۋ، كەڭىستىك جاعىندا بىركەلكى بولۋ، جۇيەلى جونگە سالۋ، ەكى جاقتان كۇش سالۋ“ سىندى سۋدى جونگە سالۋ باعىتىن جاپپاي دايەكتىلەندىرىپ، سۋ بايلىعى حاۋىپسىزدىك تانىمىن بەرىك ورناتىپ، وندىرىسكە، تۇرمىسقا، ەكولوگياعا پايدالانىلاتىن سۋدى ءبىر تۇتاس ويداعىداي جوبالاپ، سۋ بايلىعىن ساپالى ورنالاستىرۋدى جانە عىلمي، ۇيلەسىمدى پايدالانۋدى قۇلشىنا جۇزەگە اسىرۋ كەرەك. سۋ بايلىعىن باسقارۋدىڭ ەڭ قاتاڭ ءتۇزىمىن تياناقتاندىرىپ، سۋدان پايدالانۋ جالپى مولشەرى مەن سۋدى جوسپارلى پايدالانۋدى باسقارۋدى قاتايتىپ، جەر استى سۋىن شەكتەن تىس اشۋدى جونگە سالۋ ءىسىن شىن مانىندە ويداعىداي يگەرىپ، اۋىل شارۋاشىلىعى سۋ باعاسىنا جان - جاقتىلى رەفورما جۇرگىزۋدى جەدەل ىلگەرىلەتىپ، سۋدان پايدالانۋ ءتاسىلىنىڭ بەيبەرەكەتتىكتەن ۇنەمدەۋگە، شوعىرلىلىققا قاراي وزگەرۋىن جەبەپ، سۋ بايلىعىنان پايدالانۋ ونىمدىلىگى مەن ورەسىن ۇزدىكسىز جوعارىلاتۋ كەرەك. سۋ يگىلىگى قۇرىلىسىنداعى ولقىلىقتاردى تولىقتاۋ، سۋ يگىلىگى كاسىبى سالاسىنداعى باقىلاۋ - باسقارۋدى كۇشەيتۋ تالابى بويىنشا، سۋ يگىلىگى قىزمەتىنىڭ تاعى دا تىڭ دەڭگەيگە كوتەرىلۋىن جەبەۋ كەرەك.

  ءماجىلىس مىنانى تالاپ ەتتى: مەملەكەتتىك اۋىل - قىستاق تۇرمىستىق قوقىر - قوقسىقتارىن جونگە سالۋ قىزمەتىن ىلگەرىلەتۋ جونىندەگى جۇمىس باسى ءماجىلىسىنىڭ جانە مەملەكەتتىك اۋىل - قىستاق دارەتحانالارىن جاڭالاۋ جانە كەدەي وڭىرلەردەگى اۋىل - قىستاقتاردىڭ قونىس ورتاسىن رەتتەۋ - وڭاۋ قىزمەت اڭگىمە ءماجىلىسىنىڭ ورنالاستىرۋ تالابى بويىنشا، ”مىڭ قىستاق ۇلگى كورسەتۋ، ون مىڭ قىستاق رەتتەۋ - وڭاۋ“ ءىسىن ىشكەرىلەي ىلگەرىلەتىپ، اۋلا ىشىندەگى جانە اۋلا سىرتىنداعى ”6 ءىس“ پەن قىستاقتى تازارتۋ ارەكەتىندەگى ”ءۇشتى تازارتۋ، ءبىردى وزگەرتۋ“ ءىسىن ۇزدىكسىز ويداعىداي يگەرىپ، ساتى بويىنشا ۇستەمەلەي مىندەت جۇكتەمەي، اۋىل - قىستاق قونىس ورتاسىن ۇزدىكسىز جاقسارتۋ كەرەك. جەرگىلىكتى جاعدايعا قاراۋ، قولايلى، ۇيلەسىمدى بولۋ پرينسيبىنە تاباندى بولىپ، اۋىل - قىستاق دارەتحانالارىن جاڭالاۋ قىزمەتىن شىندىقتى ءىس جۇزىنەن ىزدەي وتىرىپ ىلگەرىلەتۋ كەرەك.

  ءماجىلىس باسقا دا ىستەردى اقىلداستى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.