رايونىمىز ءىشىنارا جول تاسىمال كۋالىكتەرى باعاسىن كۇشىنەن قالدىردى جانە تومەندەتتى

ناقتى ەكونوميكا كاسىپورىندارىنىڭ وزىندىك قۇنىن تومەندەتتى

رايونىمىز ءىشىنارا جول تاسىمال كۋالىكتەرى باعاسىن كۇشىنەن قالدىردى جانە تومەندەتتى

　　ءتىلشى شى شين 11 - ايدىڭ 30 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق دامۋ جانە رەفورما كوميتەتىنەن ۇعىسۋىنا قاراعاندا، 12 - ايدىڭ 1 - كۇنىنەن باستاپ، اۆتونوميالى رايون ءىشىنارا جول تاسىمال كۋالىكتەرى باعاسىن كۇشىنەن قالدىرادى جانە تومەندەتەدى ەكەن.

　　تاياۋدا اۆتونوميالى رايوندىق دامۋ جانە رەفورما كوميتەتى «رايونىمىزداعى ءىشىنارا جول تاسىمال كۋالىكتەرى باعاسىن كۇشىنەن قالدىرۋ جانە تومەندەتۋ جونىندەگى جاۋاپ حات»تى باسىپ تاراتىپ، ءبىرسىپىرا جول تاسىمال كۋالىكتەرى باعاسىن اداقتادى، تومەندەتتى. بىلاي ىستەۋ رايونىمىزداعى ناقتى ەكونوميكا كاسىپورىندارىنىڭ وزىندىك قۇنىن اناعۇرلىم تومەندەتىپ، كاسىپورىنداردىڭ اۋىرتپالىعىن شىن مانىندە جەڭىلدەتىپ، ەكونوميكانىڭ دامۋىن جەبەيدى.

　　وسى رەت اداقتالعان جانە تومەندەتىلگەن جول تاسىمال كۋالىكتەرى باعاسى ىشىندە كۇشىنەن قالدىرىلعانى 37، بۇل جالپى ءتۇردىڭ ％59.68ىن يەلەيدى؛ تومەندەتىلگەنى 19، اقى الۋ ولشەمى ورتا ەسەپپەن ％31.92 تومەندەدى، اقىسى تومەندەتىلگەن تۇرلەر جالپى تۇرلەردىڭ ％30.65ىن يەلەيدى؛ اۋەلگى باعا دەڭگەيى ساقتالعان ءتۇر 6، بۇل جالپى ءتۇردىڭ ％9.67ىن يەلەيدى.