ەلىمىزدىڭ شۇعىل جاعدايعا توتەپ بەرۋ − باسقارۋ جۇيەسىنىڭ ەرەكشەلىگى مەن باسىمدىعىن تولىق ساۋلەلەندىرىپ، ەلىمىزدىڭ شۇعىل جاعدايعا توتەپ بەرۋ − باسقارۋ جۇيەسى مەن قابىلەتىن وسىزامانداندىرۋدى بەلسەنە ىلگەرىلەتۋ كەرەك
شينحۋا اگەنتتىگىنىڭ 11 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 11 - ايدىڭ 29 - كۇنى تۇستەن كەيىن، ەلىمىزدىڭ شۇعىل جاعدايعا توتەپ بەرۋدى باسقارۋ جۇيەسى مەن قابىلەتى قۇرىلىسى جونىندە 19 - رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: شۇعىل جاعدايعا توتەپ بەرۋدى باسقارۋ − مەملەكەتتى جونگە سالۋ جۇيەسى مەن جونگە سالۋ قابىلەتىنىڭ ماڭىزدى قۇرامداس بولىگى، ەلەۋلى حاۋىپسىزدىك حاۋىپ - قاتەرلەرىنەن ساقتانۋ جانە ونى جويۋ، ءتۇرلى اپات شىرعالاڭدارىنا دەر كەزىندە توتەپ بەرۋ جانە ونى ءبىر جاقتى ەتۋ ماڭىزدى قىزمەت جاۋاپكەرشىلىگىن ارقالاپ وتىر، حالىق بۇقاراسىنىڭ باس اماندىعىن، مال - مۇلىك حاۋىپسىزدىگىن قورعاۋ جانە قوعام ورنىقتىلىعىن قورعاۋ ماڭىزدى بورىشىن ۇستىنە الىپ وتىر. ەلىمىزدىڭ شۇعىل جاعدايعا توتەپ بەرۋدى باسقارۋ جۇيەسىنىڭ ەرەكشەلىگى مەن باسىمدىعىن ساۋلەلەندىرىپ، شەتەلدىڭ شۇعىل جاعدايعا توتەپ بەرۋدى باسقارۋداعى پايدالى ادىستەرىنەن ۇلگى الىپ، ەلىمىزدىڭ شۇعىل جاعدايعا توتەپ بەرۋدى باسقارۋ جۇيەسى مەن قابىلەتىن وسىزامانداندىرۋدى بەلسەنە ىلگەرىلەتۋ كەرەك.
چيڭحۋا داشۋەسىنىڭ پروفەسسورى شۋە لان وسى ماسەلە جونىندە تۇسىنىك جاسادى ءارى پىكىر جانە ۇسىنىس بەردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنداعى ءاربىر جولداس تۇسىنىكتى مۇقيات تىڭدادى ءارى تالقى جۇرگىزدى.
شي جينپيڭ ۇيرەنۋدى باسقارعان كەزدە ءسوز سويلەدى. ول بىلاي دەپ اتاپ كورسەتتى: جاڭا جۇڭگو قۇرىلعاننان كەيىن، پارتيا مەن مەملەكەت شۇعىل جاعدايعا توتەپ بەرۋدى باسقارۋ قىزمەتىنە باستان - اياق وسكەلەڭ ءمان بەرىپ كەلدى، ەلىمىزدىڭ شۇعىل جاعدايعا توتەپ بەرۋدى باسقارۋ جۇيەسى ۇزدىكسىز رەتتەلىپ جانە كەمەلدەنىپ، جاراتىلىستىق اپاتقا جانە ءوندىرىس شىرعالاڭدارى اپاتىنا توتەپ بەرۋ قابىلەتى ۇزدىكسىز جوعارىلاپ، تالاي - تالاي ەلەۋلى توسىن ۋاقيعالارعا ءساتتى توتەپ بەردى، تالاي - تالاي ەلەۋلى حاۋىپسىزدىك حاۋىپ - قاتەرىن ءونىمدى جويدى، كوپتەگەن قاتەردەن اراشالاپ، اپاتتان قۇتقارۋ، شۇعىل جاعدايعا توتەپ بەرۋدى باسقارۋ كەرەمەتتەرىن جاراتتى، ەلىمىزدىڭ شۇعىل جاعدايعا توتەپ بەرۋدى باسقارۋ ءتۇزىلىسى، مەحانيزمى اماليات بارىسىندا ءوزىنىڭ ەرەكشەلىگى مەن باسىمدىعىن تولىق ايگىلەدى.
شي جينپيڭ بىلاي دەپ باسا دارىپتەدى: ەلىمىز دۇنيە جۇزىندەگى جاراتىلىستىق اپات ەڭ اۋىر ەلدەردىڭ ءبىرى، اپات ءتۇرى كوپ، تارالۋ اۋماعى كەڭ، تۋىلۋ جيىلىگى جوعارى، تۋدىراتىن زيانى اۋىر، بۇل ءبىر نەگىزگى مەملەكەت جاعدايى. سونىمەن بىرگە، ەلىمىزدە ءتۇرلى شىرعالاڭداردىڭ كومەسكى قاتەرى مەن حاۋىپسىزدىك حاۋىپ - قاتەرى ىلىكتەسكەن، قاباتتاسقان، وڭاي تۋىلادى، كوپ تۋىلادى، الەۋمەتتىك حاۋىپسىزدىككە ىقپال كورسەتۋ فاكتورلارى كۇن سايىن ارتىپ كەلەدى. شۇعىل جاعدايعا توتەپ بەرۋ - باسقارۋ جۇيەسى مەن قابىلەتى قۇرىلىسىن كۇشەيتۋ كوكەي تەستى مىندەتتىڭ ءبىرى ءارى ۇزاق ۋاقىتتىق مىندەتتىڭ ءبىرى.
شي جينپيڭ بىلاي دەپ اتاپ كورسەتتى: حاۋىپ - قاتەردەن ساقتانۋ جانە ونى جويۋ مەحانيزمىن اقاۋسىزداندىرىپ، ەلەۋلى حاۋىپسىزدىك حاۋىپ - قاتەرىنەن تۋ باستان ساقتانۋعا جانە ونى جويۋعا تاباندى بولىپ، ماسەلەنى بەلەڭ بەرە باستاعان كەزدە، اپاتقا اينالماي تۇرعاندا شىنايى شەشۋ كەرەك. حاۋىپ - قاتەر باعالاۋىن جانە باقىلاۋ - ولشەۋىن، ساقتاندىرۋىن كۇشەيتىپ، قاتەرلى حيميالىق بۇيىم، كەن تاۋ، جول - قاتىناس، ءورت ءوشىرۋ، ورتتەن ساقتانۋ سياقتى ءتۇيىندى كاسىپ سالالارىنىڭ حاۋىپسىزدىك حاۋىپ - قاتەرىن ءبىر - بىرلەپ تەكسەرۋدى كۇشەيتىپ، كوپ اپات تۇرلەرىن جانە ۇلاسپالى اپاتتاردى جالپىلىق باقىلاۋ - ولشەۋ، حاۋىپ - قاتەردى كۇنى بۇرىن پارىقتاۋ جانە الدىن الا مالىمەت بەرۋ، ساقتاندىرۋ قابىلەتىن جوعارىلاتۋ كەرەك. شۇعىل جاعدايعا توتەپ بەرۋ ساقتىق جوباسىن باسقارۋدى كۇشەيتىپ، شۇعىل جاعدايعا توتەپ بەرۋ ساقتىق جوباسى جۇيەسىن اقاۋسىزداندىرىپ، ءار بۋىنداعى جاۋاپكەرشىلىك پەن شارانى تياناقتاندىرۋ كەرەك. دالمە - ءدال جونگە سالۋدى اتقارىپ، ساقتاندىرۋ حابارلاندىرۋى دالمە - ءدال بولۋ كەرەك، قاتەردەن اراشالاۋ، قۇتقارۋ - كومەكتەسۋ دالمە - ءدال بولۋ كەرەك، قالپىنا كەلتىرۋ، قايتا قۇرۋ دالمە - ءدال بولۋ كەرەك، باقىلاۋ - باسقارۋ، زاڭ اتقارۋ دالمە - ءدال بولۋ كەرەك. زاڭ بويىنشا باسقارۋعا تاباندى بولىپ، زاڭمەن جونگە سالۋ وي جەلىسى مەن زاڭمەن جونگە سالۋ ءتاسىلىن قولدانىپ، شۇعىل جاعدايعا توتەپ بەرۋ - باسقارۋدىڭ زاڭمەن جونگە سالىنۋ، ولشەمدەنۋ دەڭگەيىن جوعارىلاتىپ، شۇعىل جاعدايعا توتەپ بەرۋ - باسقارۋعا قاتىستى زاڭداردى، زاڭ ەرەجەلەردى جۇيەلى اداقتاپ جانە وعان وزگەرىس ەنگىزىپ، شۇعىل جاعدايعا توتەپ بەرۋ - باسقارۋ، جاراتىلىستىق اپاتتان ساقتانۋ جانە ونى جونگە سالۋ، شۇعىل جاعدايعا توتەپ بەرۋ، قۇتقارۋ - كومەكتەسۋدى ۇيىمداستىرۋ، مەملەكەتتىڭ ءورت ءوشىرۋ، ورتتەن ساقتانۋ، قۇتقارۋ - كومەكتەسۋ قىزمەتكەرلەرى، قاتەرلى حيميالىق بۇيىمدار حاۋىپسىزدىگى سياقتى جاقتارداعى زاڭداردى، زاڭ ەرەجەلەردى جەدەل زەرتتەپ جاساپ، ءوندىرىس حاۋىپسىزدىگىن باقىلاۋ - باسقارۋ، زاڭ اتقارۋ قىزمەتىن كۇشەيتۋ كەرەك. بۇقارالىق كوزقاراس پەن بۇقارالىق لۋشيانعا تاباندى بولىپ، قوعامدىق ورتاق جونگە سالۋعا تاباندى بولىپ، ازاماتتار حاۋىپسىزدىك تاربيە جۇيەسىن كەمەلدەندىرىپ، حاۋىپسىزدىك ۇگىتىنىڭ كاسىپورىندارعا، اۋىل - قىستاقتارعا، الەۋمەتتىك اۋماقتارعا، مەكتەپتەرگە، وتباسىلارىنا جەتكىزىلۋىن ىلگەرىلەتىپ، الەۋمەتتىك يگىلىك ۇگىتىن كۇشەيتىپ، حاۋىپسىزدىك ءبىلىمىن جالپىلاستىرىپ، حاۋىپسىزدىك مادەنيەتىن جەتىلدىرىپ، ۇدايىلانعان شۇعىل جاعدايعا توتەپ بەرۋ بويىنشا بىتىراتۋ مانەۆرىن ورىستەتىپ، الەۋمەتتىك اۋماق تۇرعىندارىنىڭ حاۋىپ - قاتەرلەردى، كومەسكى قاتەرلەردى ءبىر - بىرلەپ تەكسەرۋىنە جانە جونگە سالۋىنا قولداۋ كورسەتىپ، ءجون سىلتەپ، حاۋىپسىزدىك حاۋىپ - قاتەرلەرىن تور كوزدەندىرە باسقارۋدى بەلسەنە ىلگەرىلەتىپ، اپاتتان ساقتانۋدىڭ، اپات زيانىن ازايتۋدىڭ، اپاتتان قۇتقارۋدىڭ حالىقتىق قورعانىس شەبىن بەرىك ورناتۋ كەرەك.
شي جينپيڭ بىلاي دەپ باسا دارىپتەدى: شۇعىل جاعدايعا توتەپ بەرۋ، قۇتقارۋ - كومەكتەسۋ قوسىنى قۇرىلىسىن كۇشەيتىپ، ماماندانعان، ارنايىلىق پەن ۇنەمىلىك سايما - ساي كەلگەن، ءىس - ارەكەتى شيراقى، ستيلدە ىسىلعان، قابىلەتى جوعارى، كۇشتى شۇعىل جاعدايعا توتەپ بەرۋ، قۇتقارۋ - كومەكتەسۋ قوسىنىن قۇرۋ كەرەك. كوپ ءتۇرلى شارا قولدانىپ، مەملەكەتتىڭ جالپىلىق قۇتقارۋ - كومەكتەسۋ كۇشى قۇرىلىسىن كۇشەيتىپ، جەرگىلىكتى كاسىپتىك قوسىنمەن، ەرىكتىلەر قوسىنىمەن ءوزارا ۇشتاستىرۋ جانە بىرگە تاربيەلەۋ، بىرگە جاتتىعۋ، قۇتقارۋ - كومەكتەسۋ سەلبەستىك مەحانيزمىن قۇرۋ سياقتى تاسىلدەردى قولدانىپ، ءار جاقتى كۇشتەردىڭ رولىن ويداعىداي ساۋلەلەندىرۋ كەرەك. شۇعىل جاعدايعا توتەپ بەرۋ، قۇتقارۋ - كومەكتەسۋ قوسىنىنىڭ جاۋىنگەرلىك قۋاتى قۇرىلىسىن كۇشەيتىپ، ولقىلىقتاردى تولىقتاۋدى، ءالسىز تۇستاردى كۇشەيتۋدى مىقتى ۇستاپ، ءتۇرلى اپات شىرعالاڭدارىنان قۇتقارۋ - كومەكتەسۋ قابىلەتىن جوعارىلاتۋ كەرەك. بىرەۋ بولسا دا بىرەگەي بولۋ پرينسيبىنەن جازباي، اتويشى جانە سايلاۋىت كۇشتەردى دايىنداپ، جاقىن ماڭدا جايعاستىرۋ، شاپشاڭ ارەكەتتەنۋ، ءتارتىپتى تۇردە قۇتقارۋ - كومەك بەرۋ پرينسيبى بويىنشا وڭىرلىك شۇعىل جاعدايعا توتەپ بەرۋ، قۇتقارۋ - كومەكتەسۋ ورتالىعىن قۇرۋ كەرەك. اۆياتسيانىڭ شۇعىل جاعدايعا توتەپ بەرۋ، قۇتقارۋ - كومەكتەسۋ قابىلەتى قۇرىلىسىن كۇشەيتىپ، شۇعىل جاعدايعا توتەپ بەرۋ، قۇتقارۋ - كومەكتەسۋدىڭ كەڭىستىك اۋماعىن قامتاماسىزداندىرۋ مەحانيزمىن كەمەلدەندىرىپ، جوعارى جىلدامدىقتى تەمىر جول باسىمدىعىن ساۋلەلەندىرىپ، قۋاتتى، جىلدام تاسىمالداۋ - جەتكىزۋ جۇيەسىن قۇرۋ كەرەك. قوسىنعا قولباسشىلىق ەتۋ مەحانيزمى قۇرىلىسىن كۇشەيتىپ، شۇعىل جاعدايعا توتەپ بەرۋ - باسقارۋ دارىندىلارىن باۋلۋعا بارىنشا كۇش سالىپ، شۇعىل جاعدايعا توتەپ بەرۋ - باسقارۋ ءپان قۇرىلىسىن كۇشەيتۋ كەرەك.
شي جينپيڭ بىلاي دەپ اتاپ كورسەتتى: شۇعىل جاعدايعا توتەپ بەرۋ - باسقارۋ جابدىعى تەحنيكاسىنىڭ تىرەك بولۋىن كۇشەيتىپ، ءتۇرلى عىلىم - تەحنيكا بايلىعىن ساپالىلاندىرىپ، بىرىكتىرىپ، شۇعىل جاعدايعا توتەپ بەرۋ - باسقارۋ عىلىم - تەحنيكاسىندا دەربەس جاڭالىق اشۋدى ىلگەرىلەتىپ، عىلىم - تەحنيكاعا سۇيەنىپ، شۇعىل جاعدايعا توتەپ بەرۋ - باسقارۋدىڭ عىلميلانۋ، ارنايىلانۋ، زەردەلىلەنۋ، ەگجەي - تەگجەيلى بولۋ دەڭگەيىن جوعارىلاتۋ كەرەك. وزىق، قولدانىلمالى جابدىقتاردى سەپتەۋ تەبىنىن ارتتىرىپ، شەشۋشى تەحنيكالاردى زەرتتەپ اشۋدى كۇشەيتىپ، توسىن ۋاقيعالارعا اڭىس ءبىلدىرۋ جانە ونى ءبىر جاقتى ەتۋ قابىلەتىن جوعارىلاتۋ كەرەك. عىلىم - تەحنيكانىڭ ينفورماتسيالانا دامۋ جالپى اۋقىمىنا ۇيلەسىپ، ينفورماتسيالاندىرۋ ارقىلى شۇعىل جاعدايعا توتەپ بەرۋ - باسقارۋدىڭ وسىزاماندانۋىن ىلگەرىلەتىپ، باقىلاۋ - ولشەۋ، ساقتاندىرۋ قابىلەتىن، باقىلاۋ - باسقارۋ، زاڭ اتقارۋ قابىلەتىن، قوسىمشا قولباسشىلىق ەتۋ، شەشىم جاساۋ قابىلەتىن، قۇتقارۋ - كومەكتەسۋ ناقتى شايقاستىق قۋاتى مەن قوعامدىق اتتانىسقا كەلتىرۋ قابىلەتىن جوعارىلاتۋ كەرەك.شي جينپيڭ بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر ”ءبىر جاقتىڭ دامۋىن جەبەپ، ءبىر جاقتىڭ تىنىشتىعىن قامتاماسىز ەتۋ“ ساياسي جاۋاپكەرشىلىگىن شىنايى ارقالاپ، جاۋاپكەرشىلىك ءتۇزىمىن قاتاڭ تياناقتاندىرۋ كەرەك. ەلەۋلى جاراتىلىستىق اپاتتاردى جانە حاۋىپسىزدىك شىرعالاڭدارىن تەكسەرۋ، باعالاۋ ءتۇزىمىن قۇرىپ، اقاۋسىزداندىرىپ، قىزمەتكە سەلقوس قاراۋدان تۋىنداعان زيان نەمەسە كەلەلى قوعامدىق ىقپال جونىندە ءىستى جاقتىڭ جاۋاپكەرشىلىگىن ءتارتىپ، زاڭ بويىنشا قۋزاستىرۋ كەرەك. شۇعىل جاعدايعا توتەپ بەرۋ - باسقارۋ تاراۋلارىنىڭ جالپىلىق باسىمدىعىن جانە ءارقايسى قاتىستى تاراۋلاردىڭ كاسىپتىك باسىمدىعىن ويداعىداي ساۋلەلەندىرىپ، قىزمەت جاۋاپكەرشىلىگى جۇمىس بولىسىنە ساي، ءوز جاۋاپكەرشىلىكتەرىن ارقالاپ، ”ساقتانۋ“ مەن ”قۇتقارۋ“ جاۋاپكەرشىلىك دانەكەرىن ويداعىداي تۇتاستىرىپ، جاۋاپكەرشىلىك دانەكەرىنىڭ ساڭلاۋسىز تۇيىلىسۋىنە شىنايى كەپىلدىك ەتىپ، تۇتاس تۇلعالىق بىرىككەن كۇش قالىپتاستىرۋ كەرەك.
شي جينپيڭ بىلاي دەپ اتاپ كورسەتتى: شۇعىل جاعدايعا توتەپ بەرۋ - باسقارۋ تاراۋلارى تۇتاس جىلدىڭ 365 كۇنى، ءار كۇنى 24 ساعات تۇگەلدەي شۇعىل جاعدايعا توتەپ بەرۋ كەزەكشىلىك قىزمەتىندە بولادى، قاي - قاشان دا توتەنشە جاعدايعا جانە ءولىم مەن ءومىر سىناعىنا ءدوپ كەلۋى مۇمكىن. شۇعىل جاعدايعا توتەپ بەرۋ، قۇتقارۋ - كومەكتەسۋ قوسىنىنداعى بارلىق كوماندير - جاۋىنگەرلەر پارتياعا ادال بولۋدى، ءتارتىبى قاتاڭ بولۋدى، ءورت پەن سۋدان تايىنباۋدى، شىن پەيىلمەن حالىق ءۇشىن قىزمەت وتەۋدى ورىنداپ، پارتيا مەن حالىق سەنىم ارتاتىن كۇشكە اينالۋ كەرەك. شۇعىل جاعدايعا توتەپ بەرۋ - باسقارۋ جوعارى توزىمدىلىك، جوعارى قىسىم، جوعارى حاۋىپ - قاتەر ەرەكشەلىگىنە يە، شۇعىل جاعدايعا توتەپ بەرۋ، قۇتقارۋ - كومەكتەسۋ قوسىنىنىڭ ۇلەسى وتە كوپ، قۇرباندىق بەرۋى وتە زور، ءار جاق وسى قوسىنعا كوڭىل ءبولىپ، قولداۋ كورسەتىپ، ولاردىڭ كاسىپتىك داڭق سەزىمى مەن باۋراۋ قۋاتىن ارتتىرۋ كەرەك.
