تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

«جۇڭگو كوممۋنيستىك پارتياسى ورتالىق كوميتەتىنىڭ رەفورمانى جاپپاي تەرەڭدەتۋ جونىندەگى ءبىرقانشا كەلەلى ماسەلە تۋرالى قارارى» قاراپ ماقۇلداندى

  شينحۋا اگەنتتىگىنىڭ 11 - ايدىڭ 29 - كۇنى بەيجيڭنەن بەرگەن حابارى (چي شىڭ). پارتيا 18 - قۇرىلتايىنىڭ رەفورمانى جاپپاي تەرەڭدەتۋ جونىندەگى ستراتەگيالىق ورنالاستىرۋلارىن دايەكتىلەندىرۋ، تياناقتاندىرۋ ءۇشىن، 2013 - جىلى 11 - ايدىڭ 12 - كۇنى 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى رەفورمانى جاپپاي تەرەڭدەتۋ جونىندەگى ءبىرقانشا كەلەلى ماسەلەنى اقىلداسىپ، «جۇڭگو كوممۋنيستىك پارتياسى ورتالىق كوميتەتىنىڭ رەفورمانى جاپپاي تەرەڭدەتۋ جونىندەگى ءبىرقانشا كەلەلى ماسەلە تۋرالى قارارىن» ماقۇلدادى.

  «قارار» ەلىمىزدىڭ رەفورماسى، دامۋى، ورنىقتىلىعى ءدوپ كەلگەن كەلەلى نازاريالىق جانە امالياتتىق ماسەلەلەرگە تەرەڭ تالداۋ جاساپ، رەفورمانى جاپپاي تەرەڭدەتۋدىڭ كەلەلى ءمانى مەن بولاشاق بەتالىسىن باياندادى. بىلاي دەپ اتاپ كورسەتتى: رەفورمانى جاپپاي تەرەڭدەتۋدىڭ باس نىساناسى − جۇڭگوشا سوتسياليزم ءتۇزىمىن كەمەلدەندىرۋ جانە دامىتۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ. ەكونوميكالىق ءتۇزىلىس رەفورماسىنداعى وزەكتى ماسەلە − ۇكىمەت پەن بازار قاتىناسىن ويداعىداي ءبىر جاقتى ەتىپ، بازاردىڭ بايلىقتى جايعاستىرۋدا شەشۋشى رول اتقارۋىنا جانە ۇكىمەت رولىن اناعۇرلىم ويداعىداي ساۋلەلەندىرۋىنە مۇمكىندىك جاساۋ.

  «قارار» رەفورمانى نەگىزگى جەلى ەتىپ، رەفورمانى جاپپاي تەرەڭدەتۋدىڭ جاڭا شارالارىن كورنەكتىلەندىردى، ءتۇيىندى سالالار مەن شەشۋشى بۋىنداردى كورنەكتىلەندىردى، ەكونوميكالىق ءتۇزىلىس رەفورماسىنىڭ جەتەكتەۋ رولىن كورنەكتىلەندىردى؛ بەلسەندى، ۇيلەسىمدى بولۋدان، عىلمي جوبالاۋدان جازباي، رەفورمانى جاپپاي تەرەڭدەتۋدىڭ جەتەكشى يدەياسىن، نىساناسى مەن مىندەتتەرىن، كەلەلى پرينسيبىن ورتاعا قويدى، رەفورمانى جاپپاي تەرەڭدەتۋدىڭ جاڭا جوباسىن، جاڭا بولاشاعىن، جاڭا نىساناسىن بەينەلەدى، رەفورمانى جاپپاي تەرەڭدەتۋدىڭ جاڭا يدەياسىن، جاڭا تۇجىرىمىن، جاڭا شاراسىن توپتادى، بۇكىل پارتيانىڭ، بۇكىل قوعامنىڭ رەفورمانى جاپپاي تەرەڭدەتۋ جونىندەگى يدەيالىق ورتاق تانىمى جانە ارەكەت پاراساتىن ۇيىستىردى.

  مازمۇن قۇرىلىمى جاعىندا، «قارار»دا شۇعىل شەشۋگە ءتيىستى كەلەلى ماسەلەلەر جەتەكشى باستاما ەتىلىپ، تارماق بويىنشا قۇرىلىمى تۋرالى ورنالاستىرۋ جاسالدى. كىرىسپە مەن سوڭعى سوزدەن سىرت، جالپى 16 ءبولىم، 3 ۇلكەن بولىككە ءبولىندى. ءبىرىنشى ءبولىمى، جالپى مازمۇن، باستىسى، رەفورمانى جاپپاي تەرەڭدەتۋدىڭ كەلەلى ءمانى، جەتەكشى يدەياسى، جالپى تۇلعالىق وي جەلىسى باياندالدى. 2 - بولىك 2 - بولىمنەن 15 - بولىمگە دەيىنگى بولىمدەردەن قۇرالدى، بولىمشە مازمۇن بولىپ، باستىسى، ەكونوميكا، ساياسي، مادەنيەت، قوعام، ەكولوگيالىق وركەنيەت، مەملەكەت قورعانىسى جانە ارميا سىندى 6 جاقتان رەفورمانى جاپپاي تەرەڭدەتۋدىڭ باستى مىندەتتەرى مەن كەلەلى شارالارى ناقتى ورنالاستىرىلدى. 3 - بولىك 16 - بولىمنەن قۇرالدى، باستىسى، پارتيانىڭ رەفورمانى جاپپاي تەرەڭدەتۋگە بولعان باسشىلىعىن كۇشەيتۋ جانە جاقسارتۋ باياندالدى.

  «قارار» رەفورمانى جاپپاي تەرەڭدەتۋدىڭ ستراتەگيالىق ءتۇيىنىن، وزگەشە ءتارتىبىن، نەگىزگى كۇش سالۋ بەتالىسىن، قىزمەت مەحانيزمىن، ىلگەرىلەتۋ ءتاسىلى مەن ۋاقىت كەستەسىن، جول كارتاسىن ۇيلەسىمدى ورنالاستىردى، رەفورما نازارياسى مەن ساياساتىنىڭ جەلىلەس جاڭا كەلەلى ناتيجەلەرىن قالىپتاستىردى، ول رەفورمانى جاپپاي تەرەڭدەتۋدىڭ تاعى ءبىر رەتكى جالپى ورنالاستىرۋى، جالپى اتتانىسقا كەلتىرۋى، الداعى جەردە جۇڭگوشا سوتسياليزم ىستەرىنىڭ دامۋىن ىلگەرىلەتۋدە كەلەلى دە تەرەڭ ىقپال كورسەتەتىندىگى ءشۇباسىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.