تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوننىڭ ۇگىت - لەكسيا ۇيىرمەسى ساياسي - زاڭ، بىرلىكساپ، ارىز - ارمان جۇيەسىندە ۇگىت - لەكسيا جاسادى

زاڭمەن جونگە سالىناتىن شينجياڭ قۇرىلىسىنىڭ وسىزاماندانۋ دەڭگەيىن جوعارىلاتايىق

  ءتىلشى لياڭ ليحۋا 11 - ايدىڭ 29 - كۇنى ۇرىمجىدەن حابارلايدى. 11 - ايدىڭ 29 - كۇنى تۇستەن كەيىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى ۋاڭ جۇنجىڭ اۆتونوميالى رايوننىڭ ساياسي - زاڭ، بىرلىكساپ، ارىز - ارمان جۇيەسىندەگى كادرلارعا پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحى جونىندە ۇگىت - لەكسيا بايانداماسىن جاسادى.

  ۋاڭ جۇنجىڭ ”جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ كەلەلى ءمانىن جەتە تانۋ“، ”جۇڭگوشا سوتسياليزم ءتۇزىمىنىڭ جانە مەملەكەتتى جونگە سالۋ جۇيەسىنىڭ كورنەكتى ابزالدىلىعىن تەرەڭ ءتۇسىنىپ، جۇڭگوشا سوتسياليزم ءتۇزىمى سەنىمىن بەكەمدەۋ“، ”جۇڭگوشا سوتسياليزم تۇزىمىنە تاباندى بولۋدىڭ جانە ونى كەمەلدەندىرۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ جالپى تۇلعالىق تالابىن، جالپى تۇلعالىق نىساناسىن جانە ءتۇيىندى مىندەتىن ءداپ باسىپ يگەرۋ“، ”پارتيانىڭ باسشىلىعىن كۇشەيتىپ، جالپى ءماجىلىس تۇراقتاندىرعان ءتۇرلى نىسانا - مىندەتتەردى جاپپاي ناقتاپ تياناقتاندىرۋعا كەپىلدىك ەتۋ“ سىندى ءتورت جاقتان ۇگىت - لەكسيا جاسادى.

  ۋاڭ جۇنجىڭ مىنالاردى باسا دارىپتەدى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى قوزعاۋشى كۇش ەتىپ، شينجياڭنىڭ ورنىقتىلىق، دامۋ قىزمەتتەرىن تىڭعىلىقتى ىستەپ، شينجياڭنىڭ قوعام ورنىقتىلىعى مەن باياندى تىنىشتىعىن كۇش سالا ىلگەرىلەتۋ كەرەك. زاڭمەن جونگە سالۋ ۇستانىمى مەن ءتۇزىم تانىمىن مىقتاپ ورناتىپ، پارتيانىڭ ساياسي - زاڭ قىزمەتىنە باسشىلىق ەتۋ ءتۇزىمىن كەمەلدەندىرىپ، حاۋىپسىزدىكتى، ورنىقتىلىقتى قورعاۋ قىزمەت مەحانيزمىن كەمەلدەندىرىپ، قوعامدىق جونگە سالۋ جۇيەسىنە جاڭالىق ەنگىزىپ جانە كەمەلدەندىرىپ، شينجياڭدى زاڭمەن جونگە سالۋ، زاڭمەن مەڭگەرۋ مەحانيزمىن كەمەلدەندىرىپ، ساياسي - زاڭ قوسىنىن باسقارۋ ءتۇزىمىن كەمەلدەندىرىپ، زاڭمەن جونگە سالىناتىن شينجياڭ قۇرىلىسىنىڭ وسىزاماندانۋ دەڭگەيىن كۇش سالا جوعارىلاتىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ ىرگە تاسىن بەكەمدەۋ كەرەك.

  ۇگىت - لەكسيا اياقتاعاننان كەيىن، ۋاڭ جۇنجىڭ شينجياڭ ساقشى شۋەيۋانىنىڭ وقىتۋشى - وقۋشى ۋاكىلدەرىمەن اڭگىمە وتكىزدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.