تيانشان تورى   ›   جاڭالىقتار   ›   شينجياڭ حابارلارى

بيىل تارىم وزەنىنىڭ تۇتاس سۋ الابىندا جالپى جەتكىزىلگەن سۋ 2 ميلليارد 500 ميلليون تەكشەمەترگە تايادى

سۋارىلعان توراڭعى ورمانىنىڭ اۋدانى شامامەن 7 ميلليون 120 مىڭ مۋعا جەتتى

  شينجياڭ گازەتىنىڭ بايىنعولين تىلشىلەر پۋنكتىنەن ياڭ شياۋدۇڭ 11 - ايدىڭ 29 - كۇنى كورلادان حابارلايدى. ءتىلشىنىڭ تارىم وزەنى الابىن باسقارۋ مەكەمەسىنەن ۇعىسۋىنشا، 11 - ايدىڭ 11 - كۇنىنە دەيىن، بيىل تارىم وزەنىنىڭ تۇتاس سۋ الابىندا جالپى جەتكىزىلگەن ەكولوگيالىق سۋ 2 ميلليارد 498 ميلليون تەكشەمەتر بولعان، سۋ الابى كولەمىندەگى مولشەرمەن 7 ميلليون 120 مىڭ مۋ توراڭعى ورمانى بۇدان سۋارىلعان.

  بيىل اۆتونوميالى رايون تارىم وزەنىنىڭ تۇتاس سۋ الابىندا ەكولوگيالىق سۋ جەتكىزۋدى ۇزدىكسىز جۇرگىزدى، مۇنىڭ ىشىندە تارىم وزەنىنىڭ قاينار اعارى مەن نەگىزگى اعارىنىڭ جوعارى، ورتا اعارىنداعى توراڭعى ورمانى وڭىرىنە 2 ميلليارد 48 ميلليون تەكشەمەتر ەكولوگيالىق سۋ، تومەنگى اعارىنا 450 ميلليون تەكشەمەتر ەكولوگيالىق سۋ جەتكىزىلىپ، ءبىر ميلليارد 502 ميلليون تەكشەمەتر جىلدىق سۋ جەتكىزۋ نىساناسىن ارتىعىمەن ورىندادى.

  تارىم وزەنى الابىنا جۇڭگوداعى كولەمى ەڭ ۇلكەن توراڭعى ورمانى ورنالاسىپ، تابيعي ورمان - توعاي، ءشوپ - شالاڭمەن بىرگە تابيعي قالتقى قالىپتاستىرىپ، تاكلاماكان ءشولىنىڭ قۇمدى بورانىن توسىپ، جاسىل القاپتاعى اۋىل شارۋاشىلىعىنىڭ باياندى دامۋىن جالعاستىرۋدا، ادامزاتتىڭ تىرشىلىك ورتاسىن قورعاۋدا ماڭىزدى رول اتقاردى. تارىم وزەنىنىڭ تومەنگى اعارىنداعى ”جاسىل ءدالىز“دى قالپىنا كەلتىرۋ ءۇشىن، 2000 - جىلدان بەرى، تارىم وزەنى الابىن باسقارۋ مەكەمەسى تارىم وزەنىنىڭ تومەنگى اعارىنا ەكولوگيالىق سۋ جەتكىزۋ قىزمەتىن ۇيىمداستىرىپ اتقارىپ، ەكولوگيالىق ورتانى كورنەكتى جاقسارتتى.

  تارىم وزەنىن جونگە سالۋدىڭ تابىستارىن اناعۇرلىم بەكەمدەپ، سۋ قابىلداۋ كولەمىن كەڭەيتۋ ءۇشىن، 2016 - جىلدان بەرى، ەكولوگيالىق سۋ جەتكىزۋ تارىم وزەنىنىڭ تومەنگى اعارىنان بىرتىندەپ تۇتاس الاپقا كەڭەيىپ، تۇتاس الاپتا ماڭىزدى توراڭعى ورمانى قورىعىنا ەكولوگيالىق سۋ تولىقتاۋ قىزمەتىن ۇيىمداستىرىپ اتقاردى. 2019 - جىلعا جەتكەندە، تارىم وزەنىنىڭ تومەنگى اعارىنا 20 - رەت ەكولوگيالىق سۋ جەتكىزىلدى، سونىمەن بىرگە ءۇرتىس 4 - جىل توراڭعى ورمانى وڭىرىنە ەكولوگيالىق سۋ تولىقتاندى.

  جۇڭگو عىلىم اكادەمياسى شينجياڭ ەكولوگيا جانە جاعراپيا زەرتتەۋ ورنىنىڭ تەكسەرۋ - ولشەۋ مالىمەتتەرىندە مىنالار كورسەتىلگەن: 2019 - جىلى تارىم وزەنى الابىنا ەكولوگيالىق سۋ جەتكىزۋدەن يگىلىكتەنگەن توراڭعى ورمانىنىڭ اۋدانى 7 ميلليون 120 مىڭ مۋ بولىپ، وسىمدىك جامىلعىسىمەن جاسىلدانۋ مولشەرى جوعارىلاعان. تارىم وزەنىنىڭ اۋەلگى اعارى مەن نەگىزگى اعارىنىڭ جوعارى، ورتا اعارىنداعى ءارقايسى توراڭعى ورمانى قورىعىنداعى تابيعي وسىمدىك جامىلعىسىنىڭ ءوسىپ - جەتىلۋ ماۋسىمىنداعى ءار كەزەڭدىك وسىمدىك جامىلعىسى كورسەتكىشى كورنەكتى جوعارىلاپ، تابيعي وسىمدىك جامىلعىسىنىڭ ءوسۋى جاقسارىپ، تابيعي وسىمدىك جامىلعىسىنىڭ توزۋ بەتالىسى ءونىمدى تەجەلدى. جەر استى سۋ دەڭگەيىنىڭ كوتەرىلۋىنە ىلەسە، جەر استى سۋىنىڭ ساپاسى كۇن سايىن جاقسارىپ، سۋ ورتاسى كورنەكتى جاقساردى.

  ەكولوگيالىق سۋ جەتكىزۋ اتقارىلعاننان بەرى، تارىم وزەنى سۋ الابىنا جالپى 8 ميلليارد 100 ميلليون تەكشەمەتر ەكولوگيالىق سۋ جەتكىزىلىپ، توراڭعى ورمانى وڭىرىنە جالپى 5 ميلليارد تەكشەمەتر ەكولوگيالىق سۋ جەتكىزىلگەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس