تيانشان تورى   ›   جاڭالىقتار   ›   ساياحات

ساياحاتتىڭ كاسىپ كۇيىن بايىتىپ، كاسىپ تىزبەگىن ۇزارتتى

− ساياحات ارقىلى شينجياڭدى گۇلدەندىرۋ ستراتەگياسىن جاپپاي اتقارۋدى ىلگەرىلەتۋ جونىندە جالپى شولۋ (2)

ءتىلشى رىن جياڭ، پراكتيكانت ۋاڭ جيڭيۇي

  قار - مۇز قۇرسانعان سولتۇستىك شينجياڭدا، شاڭعى تەبۋشىلەر قارلى الاڭدا زىمىراپ، قارقىن مەن وزگەشە كوڭىل كۇيدەن ءلاززاتتانۋدا؛ سارى قۇم ساپىرعان وڭتۇستىك شينجياڭدا، جەكەلىك كولىكتەر گۇرىلدەپ، جەردىڭ شاڭىن اسپانعا كوتەرۋدە... ىزعارلى جەل شينجياڭنىڭ ساياحات كاسىبىن بەلسەندىلىكپەن دامىتۋداي بەكىمى مەن ارەكەتىن توسا المادى.

  اۆتونوميالى رايوننىڭ ساياحاتتى دامىتۋ جينالىسىنان بەرى، شينجياڭ تۇتاس وڭىرلىك ساياحاتتى دامىتۋدى بەلسەندىلىكپەن ىلگەرىلەتىپ، ”ساياحات +“دى كۇش سالا ىلگەرىلەتىپ، ساياحاتتىڭ كاسىپ كۇيىن ۇزدىكسىز بايىتىپ، كاسىپ تىزبەگىن ۇزارتىپ، ساياحاتتىڭ مادەنيەتپەن، دەنە تاربيەمەن، قاتىناسپەن، اۋىل شارۋاشىلىعىمەن، ورمان شارۋاشىلىعىمەن، ت. ب توعىسا دامۋىن جەدەل ىلگەرىلەتتى، شينجياڭنىڭ ساياحاتى ”ساياحاتتىڭ سايابىر كەزى سايابىر ەمەس، ساياحاتتىڭ قاۋىرت كەزىندە ونان ارى قاۋىرت بولۋ“ سىندى نىساناعا قاراي ارشىندى قاداممەن ىلگەرىلەۋدە.

■ ”ساياحات + “، ”قوسۋ“ ارقىلى جاڭا ءورىس اشتى

  12 - اي تاياپ قالدى، چارقىلىق اۋدانىنا ورنالاسقان ارعان جەكە كولىكپەن ساياحاتتاۋ بازاسىندا دابىرا نەداۋىر باسەڭدەپ قالدى. ”كەلەر جىلى ءبىز ۇسىنىلىمدى ارتتىرىپ، ءتىپتى دە كوپ جەكە كولىكپەن ساياحاتتاۋشىلاردى وسىندا كەلىپ ساياحاتتاۋعا باۋرايمىز“، - دەدى 11 - ايدىڭ 27 - كۇنى شينجياڭ ارعان ساياحات قارجى قوسۋ شەكتى سەرىكتەستىگىنىڭ القا باستىعى ليۋ پىڭ.

  2015 - جىلى جەكە كولىكپەن ساياحاتتاۋ بازاسى قۇرىلىپ قوناقتارعا ءىلتيپات كورسەتكەننەن بەرى، بازانىڭ ازىرلەگەن ساياحات نىساندارى بارعان سايىن كوبەيدى، ءشول - ءجازيرانى دالالىق كولىكپەن شارلاۋ ساياحاتى، تاريحي - گۋمانيتارلىق جۇرتتاردى ەكسكۋرسيالاۋ ساياحاتى، تابيعي كورىنىستەردەن ءلاززات الۋ ساياحاتى سياقتىلار بار، بيىل تاعى تومەن كەڭىستىكتىك ساياحاتى قوسىلدى. بۇل نىساندار، شىنتۋايتىندا، ”ساياحات + مادەنيەت“تى، ”ساياحات + دەنە تاربيە“نى، ”ساياحات + اۆياتسيا“نى كورسەتەدى، وسىعان جالعاس ساياحاتشىلاردى قابىلداۋ مولشەرى جىل سايىن ارتىپ، اۋەلدەگى جىلىنا 1000 ادام - رەت اينالاسىنان بيىل 8000 ادام - رەتكە جۋىقتادى.

  ”ساياحات + “، كاسىپ دامۋىنداعى شەكسىز كەڭىستىكتى تۋىنداتتى.

  بايىنعولين موڭعۇل اۆتونوميالى وبلىستىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى دۋان شۋەپيڭ ”ساياحات + “دىڭ تابىستارىنا بەس ساۋساعىنداي قانىق: ”بيىل ءبىز ساياحات پەن ءتۇرلى كاسىپتەردىڭ توعىسا دامۋىن كۇش سالا ىلگەرىلەتىپ، ’ساياحات + مادەنيەت‘، ’ساياحات + دەنە تاربيە‘، ’ساياحات + اۋىل - قىستاق‘ سياقتىلاردى ىلگەرىلەتىپ، ساياحاتتىڭ كوپ ءتۇرلى جاڭا كاسىپ كۇيىن جەتىلدىردىك“، - دەدى.

  بيىل 5 - ايدىڭ سوڭىندا قارامايلىدان شاۋەشەككە دەيىنگى تەمىر جول رەسمي قاتىنادى، ”ساياحات + قاتىناس“ تارباعاتاي ساياحاتىنا ءتىپتى دە زور قۋانىش سيلادى، ”قارامايلى - شاۋەشەك تەمىر جولىنىڭ كۇندىك جولاۋشى تاسىمالى مىڭ ادام - رەتتەن اسىپ، ’پويەزبەن تارباعاتايدى ساياحاتتاۋ‘ ەڭ قىزۋ قارسى الىنعان ساياحات جاڭا ءونىمىنىڭ بىرىنە اينالدى. بيىل شينجياڭعا، تارباعاتايعا ساياحات ارناۋلى پويەزدەرى 8 رەت قاتىناپ، 5000نان استام ادام - رەت ساياحاتشى جەتكىزگەن؛ كومەك قابىلداعان جەرلەردىڭ ساياحاتشىلارى وتىرىپ لياۋنيڭعا تارتقان ارناۋلى پويەز 3 رەت قاتىناپ، 2000عا جۋىق ادام - رەت ساياحاتشى جەتكىزگەن“. تارباعاتاي ايماقتىق مادەنيەت - دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى چاي حۇڭحۋا وسىلاي تانىستىردى.

■ ”ءبىر ماۋسىمدا عانا ساياحاتتاۋ“دان ”ءتورت ماۋسىمدا ساياحاتتاۋ“عا اياق باستى

  شينجياڭنىڭ ساياحاتى قارىشتاپ دامۋدى جۇزەگە اسىرۋ ءۇشىن، قىسقى، كوكتەمگى ساياحاتتاعى ولقىلىقتاردى تولىقتاۋ − تەتىك. بيىل شينجياڭنىڭ جەر - جەرى قىس، كوكتەم ماۋسىمىنداعى ساياحاتتى كورنەكتى مىقتاپ يگەرىپ، ەرەكشەلىگى ايقىن قىس، كوكتەم ماۋسىمى ساياحاتى نەگىزگى تاقىرىپتىق ساياحات ونىمدەرىن جۇيەلى جوبالاپ، قىس، كوكتەم ماۋسىمى ساياحاتىنىڭ دەڭگەيىن جوعارىلاتىپ، ساياحاتشىلاردىڭ تۇرلىشە قاجەتىن قاناعاتتاندىرىپ، شينجياڭ ساياحاتىنىڭ ”سايابىر كەزىنىڭ سايابىر بولماۋى“نا مۇمكىندىك جاسادى.

  بيىلعى قىس پەن كەلەر جىلى كوكتەمدە شينجياڭ 10 تاڭداۋلى جەلىنى، 439 ءتۇرلى قىس، كوكتەم ساياحاتى قيمىلىن ۇسىنادى. ساياحات كاسىپورىندارىن شينجياڭعا ساياحاتشى جىبەرۋگە شابىتتاندىرۋ ءۇشىن، ءارقايسى ايماق - وبلىس، قالالار ءتۇرلى ساياحاتتا تيىمدىلىك جاساۋ، سيلاۋ شارالارىن جابال العا تارتىپ، ۇشاق جالداپ الۋ، ارناۋلى پويەز، كولەمدى ۇيىرمە ۇيىمداستىرۋ سياقتىلاردى ماراپاتتايدى.

  بۇكىل شينجياڭنىڭ جەر - جەرى جابال اتتانىسقا كەلدى. بيىل قىستا، كەلەر جىلعى كوكتەمدە التاي ايماعى 40 نەشە ءتۇرلى قىسقى ساياحات مەرەكەسىن قۇتتىقتاۋ جارىس قيمىلدارىن وتكىزەدى؛ ءۇرىمجى قالاسى ”ساياحات + قارداعى دۋمان + مادەنيەت + ءدامدى تاعام + كورمە“نى نەگىزگى تاقىرىپ ەتكەن 60 نەشە ءتۇرلى قىسقى بۇقارالىق مادەنيەت - ساياحات قيمىلدارىن ۇيىمداستىرادى؛ سانجى حۇيزۋ اۆتونوميالى وبلىسى 100 نەشە ءتۇرلى قىسقى، كوكتەمگى مادەنيەت - ساياحات قيمىلدارىن وتكىزەدى؛ بايىنعولين وبلىسى 34 ءتۇرلى قىسقى، كوكتەمگى مادەنيەت - ساياحات قيمىلدارىن ۇسىنادى، سونداي - اق قىسقى، كوكتەمگى ساياحات تاڭداۋلى جەلىلەرىن العا قويىپ، ءدامدى تاعام مادەنيەتى ساياحاتى، تاريح كەشىرمە ساياحاتى، قىزىل ءتۇستى مۇراجايلارعا ساياحات سياقتىلاردى ورىستەتەدى؛ حوتان ايماعى ”حوتان - كۇنلۇن شىڭشىل باتىرلار باس قوسۋى“ جاياۋ ءجۇرىپ تاۋعا شىعۋ قيمىلىن، دەنساۋلىق، كۇتىمدەۋ ساياحات نەگىزگى تاقىرىپتىق قيمىلدارى سياقتى كوپ ءتۇرلى قيمىلدار وتكىزەدى، ءارقايسى اۋدان - قالالار دا ءبىر قىدىرۋ مادەنيەت - ساياحات قيمىلدارىن وتكىزەدى.

  شينجياڭنىڭ قىسقى دۋمانىن تيانشاننىڭ وڭتۇستىگى مەن سولتۇستىگىندەگى مادەنيەت - ساياحات قيمىلدارى اسىراتىن بولادى.

■ كوپ تۇيىندە كۇش سالىپ ساياحات كاسىبىن زورايتتى، كۇشەيتتى

  بيىل 9 - ايدا قارامايلى قالاسىنىڭ كوشە بويلارىنداعى كەيبىر ورگان، ءىسورىندارىنىڭ قاقپاسىندا كوپتەگەن ”ىشكى جاقتا دارەتحانا بار، سىرتقا اشىق ۇستالعان“ دەگەن جازۋ بار تاقتايشالار ءىلىندى. وسى قالاداعى 60 ورگان، ءىسورىنداردىڭ ىشىندەگى دارەتحانالار سىرتقا تەگىن اشىق ۇستالدى.

  ”بۇل قالامىزدىڭ ساياحاتقا الەۋمەتتىك قىزمەت وتەۋ فۋنكتسياسىن اناعۇرلىم كۇشەيتىپ، تۇتاس قوعام ساياحات كاسىبىنىڭ دامۋىنا قىزمەت وتەۋدىڭ تاماشا تەبىنىن ايگىلەدى“، - دەدى قارامايلى قالاسى مادەنيەت - دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى حى جياڭ.

  ساياحات كاسىبىن دامىتۋ ”ساياحات +“دىڭ دەمەۋىن قاجەت ەتەدى، ال تۇتاس قوعامدا بارلىق ادامنىڭ ساياحاتقا قىزمەت وتەۋى سىندى توعىسپالى دامۋ يدەياسىن قالىپتاستىرۋ ءتىپتى دە ماڭىزدى.

  بيىل جىل باسىنان بەرى، شينجياڭدى ساياحات ارقىلى گۇلدەندىرۋ ستراتەگياسىن اتقارۋدى ارقاۋ ەتىپ، اۆتونوميالى رايوندىق دامۋ جانە رەفورما كوميتەتى نەگىزدىك قۇرىلعى قۇرىلىسىن كۇشەيتۋ، ساياحات باعاسىن باسقارۋدى كۇشەيتۋ، ساياحات ارقىلى شينجياڭعا كومەكتەسۋ قىزمەتىن سايكەستىرۋ سياقتى قىزمەت فۋنكتسياسىن تياناق ەتىپ، 6 ءتۇرلى شارا ارقىلى ساياحات كاسىبىنىڭ جوعارى ساپالى دامۋىن ىلگەرىلەتتى؛ اۆتونوميالى رايوندىق قوعام حاۋىپسىزدىگى مەڭگەرمەسى ساياحات قيمىلدارىنىڭ حاۋىپسىزدىگىن قامتاماسىز ەتۋ قىزمەتىن بار كۇشپەن ويداعىداي ىستەپ، ساياحات كورىنىس ءوڭىرىنىڭ جول لەنياسىنداعى بەلگى، سىزىق، جولداعى كومەسكى حاۋىپ - قاتەردى بىرلەسىپ ءبىر - بىرلەي تەكسەرۋ، جونگە سالۋدى كۇشەيتىپ، تاس جول باس اماندىقتى قورعاۋ ينجەنەرياسىنىڭ قاتىستى تالابى بويىنشا، تاس جول قاتىناس حاۋىپسىزدىك قۇرىلعىلارىن ۇزدىكسىز كەمەلدەندىرىپ، تاس جول قاتىناس شىرعالاڭىنان تۋ باسىنان ساقتانۋ قورعانىس شەبىن ورناتتى؛ اۆتونوميالى رايوندىق قاتىناس - تاسىمال مەڭگەرمەسى تۇتاس شينجياڭنىڭ قاتىناس تورابى جۇيە قۇرىلسىن اناعۇرلىم كۇشەيتىپ، ”ساياحات + قاتىناس“تى توعىستىرا دامىتۋدى ىلگەرىلەتىپ، ”ءۇش قيىن، ءبىر ىركىلىسسز بولماۋ“ سياقتى ماسەلەنى ءونىمدى جەڭىلدەتىپ، قاتىناستىڭ ساياحاتقا قىزمەت وتەۋدىڭ ۋنيۆەرسال ورەسىن كورنەكتى جوعارىلاتتى؛ اۆتونوميالى رايوندىق تابيعي بايلىق مەڭگەرمەسى ساياحاتقا جەر پايدالانۋ، ت. ب ماسەلەسىن ىرىقتىلىقپەن شەشتى؛ اۆتونوميالى رايوندىق دەنە تاربيە مەكەمەسى ءارقايسى ايماق، وبلىس، قالالاردىڭ دەنە تاربيەنى باسقارۋ تاراۋلارىن سايكەستىرىپ، تارىمدى اينالۋ اۆتوكولىك رالي جارىسى سياقتى كوپ ءتۇرلى ”دەنە تاربيە + ساياحات“ قيمىلىن وتكىزىپ، مۇز ۇستىندە جىلدام سىرعاناۋ، دالا قار شاڭعىسى، تاۋدا جىلدام سىرعاناۋ سياقتى سپورت نىساندارىن سۇيەمەلدەۋ، جالپىلاستىرۋ تەبىنىن كۇشەيتىپ، وزگەشە قار - مۇز قيمىلدارىن تۇلعالادى...

  ”بارلىق ادام شينجياڭ ساياحاتىنىڭ وبراز ەلشىسى، بارلىق ادام شينجياڭ ساياحاتىن دامىتۋعا كۇش شىعاراتىن“ جاعدايى قالىپتاسۋ ۇستىندە.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.