تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشتى

«جۇڭگو كوممۋنيستىك پارتياسىنىڭ پارتيا مەن مەملەكەت ورگاندارىنداعى نەگىزگى ساتى ۇيىمدارى قىزمەت ەرەجەسى» مەن «جۇڭگو كوممۋنيستىك پارتياسىنىڭ مەملەكەت مەنشىگىندەگى كاسىپورىندارداعى نەگىزگى ساتى ۇيىمدارى قىزمەت ەرەجەسىن (سىناق رەتىندە اتقارىلادى)» قارادى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 11 - ايدىڭ 29 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 11 - ايدىڭ 29 - كۇنى ءماجىلىس اشىپ، «جۇڭگو كوممۋنيستىك پارتياسىنىڭ پارتيا مەن مەملەكەت ورگاندارىنداعى نەگىزگى ساتى ۇيىمدارى قىزمەت ەرەجەسى» مەن «جۇڭگو كوممۋنيستىك پارتياسىنىڭ مەملەكەت مەنشىگىندەگى كاسىپورىندارداعى نەگىزگى ساتى ۇيىمدارى قىزمەت ەرەجەسىن (سىناق رەتىندە اتقارىلادى)» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

  ءماجىلىس مىنالاردى اتاپ كورسەتتى: «جۇڭگو كوممۋنيستىك پارتياسىنىڭ پارتيا مەن مەملەكەت ورگاندارىنداعى نەگىزگى ساتى ۇيىمدارى قىزمەت ەرەجەسى»نە وزگەرىس جاساۋ − شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرۋدىڭ، جاڭا داۋىردەگى پارتيا قۇرىلىسىنىڭ باس تالابى مەن جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرۋدىڭ، تياناقتاندىرۋدىڭ، ورگاندارداعى پارتيا قۇرىلىسىنىڭ ساپاسىن جاپپاي جوعارىلاتۋدىڭ ماڭىزدى شاراسى، ورگاندارداعى پارتيا قۇرىلىسىن كۇشەيتۋدە جانە جاقسارتۋدا، ورگاندارداعى نەگىزگى ساتى پارتيا ۇيىمدارىنىڭ رولىن تولىق ساۋلەلەندىرۋدە ايرىقشا ماڭىزدى مانگە يە.

  ءماجىلىس مىنالاردى باسا دارىپتەدى: پارتيا مەن مەملەكەتتىڭ ءار دارەجەلى ورگاندارىنىڭ ورنى ماڭىزدى، ارقالاعان جاۋاپكەرشىلىگى كەلەلى، ورگاندارداعى پارتيا قۇرىلىسى ەرەكشە ماڭىزدى سيپاتقا يە، ول باسقا سالاداعى پارتيا قۇرىلىسى ءۇشىن ونەگەلىك جانە باعدار كورسەتكىش رول اتقارادى. پارتيانىڭ ساياسي قۇرىلىسىن قاجىماي - تالماي تاباندىلىقپەن ىلگەرىلەتىپ، پارتيا ورتالىق كوميتەتى الاڭسىز، حالىق رازى بولاتىن ۇلگىلى ورگان قۇرىپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ ءۇشىن قىزمەت ەتۋ كەرەك. ورگاندارداعى پارتيانىڭ نەگىزگى ساتى ۇيىمدارى جۇيەسىن كۇشەيتىپ قۇرىپ، ورگاندارداعى پارتيا قۇرىلىسى قىزمەتى مەن كاسىپتىك قىزمەتتىڭ تەرەڭ توعىسۋىن، ءوزارا جەبەۋىن ىلگەرىلەتىپ، پارتيا قۇرىلىسى قىزمەتىنىڭ باعىتتامالىلىعى مەن ونىمدىلىگىن كۇشەيتۋ كەرەك. پارتيا ياچەيكالارىن ولشەمدەندىرۋ، ارناعا ءتۇسىرۋ قۇرىلىسىن ىلگەرىلەتىپ، پارتيا مۇشەلەرىن تاربيەلەۋدى - باسقارۋدى قاتايتىپ، ورگاندارداعى پارتيالى كادرلاردى قىزمەت ورنىن تياناق ەتىپ ەڭبەك كورسەتۋگە، ناتيجە شىعارۋعا جەتەكتەۋ جانە ىنتالاندىرۋ كەرەك. ورگاندارداعى نەگىزگى ساتى پارتيا ۇيىمدارىنىڭ كۇندەلىكتى باقىلاۋىن كۇشەيتىپ، پارتيالى كادرلاردى قاتاڭ تۇردە ءتۇزىم بويىنشا قىزمەت جاۋاپكەرشىلىگىن اتقارۋعا، بيلىك جۇرگىزۋگە، قىزمەت ورىستەتۋگە جەتەكتەۋ كەرەك. ساياسيدا مىعىم، كاسىپكە جۇيرىك، ستيلى جاقسى كادرلاردى پارتيا ىستەرى قىزمەتىمەن شۇعىلدانۋعا تاڭداپ ءوسىرىپ، پارتيا ىستەرىمەن شۇعىلداناتىن كادرلاردى، اسىرەسە، نەگىزگى ساتى پارتيا ۇيىمدارىنىڭ شۋجيلەرىن تاربيەلەۋ - باۋلۋدى كۇشەيتىپ، ورگاندارداعى پارتيا ىستەرىمەن شۇعىلداناتىن كادرلاردىڭ قىزمەت بەلسەندىلىگىن تولىق جۇمىلدىرۋ كەرەك.

  ءماجىلىس مىنالاردى تالاپ ەتتى: ورگان پارتيا قۇرىلىسى قىزمەت جاۋاپكەرشىلىگىن جاپپاي تياناقتاندىرىپ، پارتيا قۇرىلىسى قىزمەتىن مىقتى يگەرۋدىڭ بىرىككەن كۇشىن قالىپتاستىرۋ كەرەك. ءار دارەجەلى پارتكومدار ورگاندارداعى پارتيا قۇرىلىسىن ماڭىزدى ورىنعا قويا وتىرىپ مىقتى ۇستاپ، ۇلگىلى ورگان، توتەنشە مىعىم قوسىن تۇلعالاۋعا كۇش سالۋ كەرەك. ورگان پارتيا باسشىلىق گرۋپپالارى (پارتكوم) ءوز مەكەمە - ورنىنداعى پارتيا قۇرىلىسىنا باسشىلىقتى كۇشەيتىپ، پارتيا باسشىلىق گرۋپپالارىنداعى (پارتكوم) نەگىزگى جاۋاپتى جولداستار ءبىرىنشى جاۋاپتى ادامدىق جاۋاپكەرشىلىگىن اتقارىپ، القاداعى باسقا مۇشەلەردى ”ءبىر قىزمەت ورنىندا ەكى جاۋاپكەرشىلىك ارقالاۋ“دى ويداعىداي تياناقتاندىرۋعا باستاۋ كەرەك. ورگان قىزمەت كوميتەتتەرى ءبىر تۇتاس باسشىلىقتى كۇشەيتىپ، پارتيا باسشىلىق گرۋپپالارىنىڭ (پارتكوم) ورگان پارتيا قۇرىلىسىنىڭ تۇلعالىق جاۋاپكەرشىلىگىن تياناقتاندىرۋىنا جەتەكشىلىك ەتۋ، قۋزاۋشىلىق ەتۋ كەرەك.

  ءماجىلىس مىنالاردى اتاپ كورسەتتى: «جۇڭگو كوممۋنيستىك پارتياسىنىڭ مەملەكەت مەنشىگىندەگى كاسىپورىندارداعى نەگىزگى ساتى ۇيىمدارى قىزمەت ەرەجەسىن (سىناق رەتىندە اتقارىلادى)» زەرتتەپ جاساۋ − شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرۋدىڭ، جاڭا داۋىردەگى پارتيا قۇرىلىسىنىڭ باس تالابى مەن جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرۋدىڭ، تياناقتاندىرۋدىڭ، پارتيانىڭ مەملەكەت مەنشىگىندەگى كاسىپورىندارعا جالپى بەتتىك باسشىلىعىنا تاباندى بولۋدىڭ جانە ونى كۇشەيتۋدىڭ، مەملەكەت مەنشىگىندەگى كاسىپورىندارداعى پارتيا قۇرىلىسىنىڭ ساپاسىن جوعارىلاتۋدىڭ ماڭىزدى شاراسى، ول جۇڭگوشا وسى زامانعى كاسىپورىن ءتۇزىمىن كەمەلدەندىرۋدە، مەملەكەت مەنشىگىندەگى شارۋاشىلىقتىڭ باسەكەلىك قۋاتىن، جاڭالىق اشۋ قۋاتىن، مەڭگەرۋ قۋاتىن، ىقپال قۋاتىن، حاۋىپ - قاتەرلەرگە توتەپ بەرۋ قۋاتىن كۇشەيتۋدە، مەملەكەت مەنشىگىندەگى كاپيتالدى كۇشەيتۋدە، ساپالىلاندىرۋدا، ۇلعايتۋدا ايرىقشا ماڭىزدى مانگە يە.

  ءماجىلىس مىنالاردى باسا دارىپتەدى: مەملەكەت مەنشىگىندەگى كاسىپورىندار − جۇڭگوشا سوتسياليزمنىڭ ماڭىزدى ماتەريالدىق نەگىزى جانە ساياسي نەگىزى، پارتيانىڭ بيلىك جۇرگىزىپ، مەملەكەتتى كوركەيتۋىنىڭ ماڭىزدى تىرەگى جانە سۇيەنىش كۇشى. پارتيانىڭ مەملەكەت مەنشىگىندەگى كاسىپورىندارعا جالپى بەتتىك باسشىلىعىن شىنايى كۇشەيتىپ، ۇيىمدىق جاقتان، تۇزىمدىك جاقتان، مەحانيزم جاعىنان مەملەكەت مەنشىگىندەگى كاسىپورىندارداعى پارتيا ۇيىمىنىڭ باسشىلىق ورنىنا شىنايى كەپىلدىك ەتىپ، كاسىپورىن پارتكومدارىنىڭ (پارتيا باسشىلىق گرۋپپاسى) باعداردى مەڭگەرەتىن، كەلەلى جاعدايدى باسقاراتىن، تياناقتاندىرۋعا كەپىلدىك ەتەتىن باسشىلىق رولىن تولىق ساۋلەلەندىرۋ كەرەك. جۇڭگوشا وسى زامانعى كاسىپورىن ءتۇزىمى رەفورما باعدارىنا تاباندى بولىپ، پارتيانىڭ باسشىلىعىن كۇشەيتۋ مەن سەرىكتەستىكتى جونگە سالۋدى كەمەلدەندىرۋدى بىرلىككە كەلتىرىپ، پارتيانىڭ باسشىلىعىن سەرىكتەستىكتى جونگە سالۋدىڭ ءار بۋىنىنا توعىستىرىپ، كاسىپورىن پارتيا ۇيىمىن سەرىكتەستىكتى جونگە سالۋ قۇرىلىمىنا ىشكەرىلەي كىرىستىرىپ، پارتيا ۇيىمىنىڭ سەرىكتەستىكتى زاڭدىق تۇلعا رەتىندە جونگە سالۋ قۇرىلىمىنداعى زاڭدى ورنىن ايقىنداپ جانە تياناقتاندىرىپ، مەملەكەت مەنشىگىندەگى كاسىپورىن پارتكومدارىنىڭ (پارتيا باسشىلىق گرۋپپاسى) باسشىلىق رولىن ساۋلەلەندىرۋدىڭ ۇيىمدانۋىنا، تۇزىمدەنۋىنە، ناقتىلانۋىنا شىنايى كەپىلدىك ەتۋ كەرەك. كاسىپورىندارداعى كادرلار قوسىنى قۇرىلىسىن كۇشەيتىپ، پارتياعا ادال، جاڭالىق اشۋعا باتىل، كاسىپورىندى جونگە سالۋعا شەبەر، كاسىپورىندى كوركەيتۋگە ىسكەر، پاك، تۋراشىل، كىرشىكسىز، جوعارى ساپالى، ماماندانعان مەملەكەت مەنشىگىندەگى كاسىپورىن باسشىلارى قوسىنىن قۇلشىنا قۇرۋ كەرەك. پارتيا ىسىتەرى قىزمەتى قوسىنى قۇرىلىسىن كۇشەيتىپ، پارتيا ىسىتەرى قىزمەت ورنىن كاسىپورىنداردىڭ بەساسپاپ دارىندى تاربيەلەيتىن ماڭىزدى تۇعىرى ەتۋ كەرەك. نەگىزگى ساتىنى مىقتى يگەرۋگە، نەگىز قالاۋعا تاباندى بولىپ، نەگىزگى ساتى پارتيا ۇيىمدارىنىڭ ءوندىرىس - تيجاراتقا قىزمەت وتەۋىنىڭ، قىزمەتشىلەر مەن بۇقارانى ۇيىستىرۋىنىڭ، نەگىزگى ساتىنى جونگە سالۋعا قاتىناسۋىنىڭ كۇش سالۋ ءتۇيىنىن ءدال تاۋىپ، نەگىزگى ساتى پارتيا قۇرىلىسى ۇستانىمىندا جاڭالىق اشۋدى، مەحانيزمىندە جاڭالىق اشۋدى، تاسىلىندە جاڭالىق اشۋدى ىلگەرىلەتىپ، نەگىزگى ساتى پارتيا ۇيىمدارىنىڭ ساياسي فۋنكتسياسى مەن ۇيىمدىق قۋاتىن ۇزدىكسىز كۇشەيتىپ، مەملەكەت مەنشىگىندەگى كاسىپورىندارداعى نەگىزگى ساتى پارتيا ۇيىمدارىن بەرىك جاۋىنگەرلىك قامال ەتىپ قالىپتاستىرۋ كەرەك.

  ءماجىلىس ءار دارەجەلى پارتكومداردان (پارتيا باسشىلىق گرۋپپاسى) پارتيانى جاپپاي قاتاڭ جونگە سالۋدىڭ تۇلعالىق جاۋاپكەرشىلىگىن شىنايى اتقارىپ، جوعارى ساپالى پارتيا قۇرىلىسى ارقىلى كاسىپورىنداردىڭ جوعارى ساپالى دامۋىن ىلگەرىلەتۋدى تالاپ ەتتى.

  ءماجىلىس باسقا دا ىستەردى اقىلداستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.