تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

نيۋ حۋايدۇڭ: ىنتىماق جەمىسى شىلاننان دا ءتاتتى

ءتىلشى جاڭ جىلي

  قوڭىر كۇز مەزگىلى، توقسۋ اۋدانى ءىشارىق قالاشىعىنداعى نەشە مىڭ مۋ جەردەگى شىلان پىسا باستادى، شىلان ەگەتىن شارۋالارعا تەحنيكا ۇيرەتكەن نيۋ حۋايدۇڭ شىلان ەگەتىن شارۋالارمەن مول ءونىم قۋانىشىن بولىسۋگە ۇلگىرمەستەن، شىعىسقا بەت العان پويەزعا وتىرىپ شىلان تانىستىرۋعا جول تارتتى.

  ”تالاي جىل قۇلشىنىس جاساۋ ارقىلى ءبىزدىڭ شىلانىمىزدىڭ ساپاسى بارعان سايىن جاقساردى. بۇل جولى مەن جىڭجوۋ، حاڭجوۋ سياقتى جەرلەرگە بارىپ بازارلارىن ارالادىم، توقسۋدىڭ شىلانى ەرەكشە ءوتىمدى ەكەن“، - دەدى 10 - ايدىڭ 17 - كۇنى نيۋ حۋايدۇڭ تەلەفوندا تىلشىگە.

  2002 - جىلى نيۋ حۋايدۇڭ اۋىلى سانشيدەن شينجياڭعا كەلىپ شىلان ەگەدى. دەن قويا ىزدەنۋگە قۇشتار، تەحنيكاعا جەتىك بولعاندىقتان، قالىڭ جەمىس - جيدەك ەگەتىن شارۋالار جاعىنان جەمىس اعاشىن ەگۋدىڭ ”ەنتسيكلوپەدياسى“ اتالدى؛ وزگەلەرگە كومەكتەسۋدى قالايتىن، قالتقىسىز ۇلەس قوساتىن ول ”مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە“ بولىپ باعالاندى.

  نيۋ حۋايدۇڭنىڭ تاعى دا كوپتەگەن سالاۋاتى بار: توقسۋ اۋدانى شىلان تەحنيكاسىنىڭ اقىلشىسى، توقسۋ اۋدانى شياۋنيۋ جەمىس - جيدەك شارۋالار كاسىپتىك سەلبەستىك كووپەراتيۆىنىڭ جاۋاپتىسى، توقسۋ اۋدانى ءىشارىق قالاشىعى يانداق قىستاعى عىلىم - تەحنيكاعا جاۋاپتى ورىنباسار شۋجيى ت.ب. وزگەلەر ونى ”قاشاندا زيان شەگەتىن ىستەردى ىستەيدى“ دەگەندە، ول ۇنەمى: ”كىم ماعان وسىنشاما كوپ جاۋاپكەرشىلىك ارقالاسىن دەگەن!“ دەيتىن كۇلە جاۋاپ بەرىپ.

  ءتاتتى شىلاننان اۋىز تيگەن يانداق قىستاعىنىڭ تۇرعىنى ايدىن نۇردىن اسەرلەنە بىلاي دەدى: ”نيۋ شۋجيدىڭ اۋىلداستارعا جاساعان كومەگى كوپ، اۋىلداستاردى باستاپ جەمىس اعاشتارىن وتە جاقسى باپتاپ - باسقاردى، بىزگە ۇلتتار ىنتىماعىنىڭ جەمىسى شىلاننان دا ءتاتتى ەكەنىن سەزىندىردى“.

  10 نەشە جىلدىڭ الدىندا، نيۋ حۋايدۇڭ ايەلى مەن بالاسىن ەرتىپ توقسۋ اۋدانىنا كەلەدى، بۇل ارادا تەك قانا ءداستۇرلى شىلان سورتى عانا بار بولاتىن، ۇساق، ءونىمى تومەن، ونىڭ ۇستىنە ەگىنشىلىك كولەمى قالىپتاسا قويماعان ەدى. نيۋ حۋايدۇڭ جەرگىلىكتى ورىننىڭ توپىراق ساپاسى مەن كۇن ساۋلەسىنىڭ ءتۇسۋى سياقتى ەرەكشەلىكتەرگە نەگىزدەلە وتىرىپ، اۋداندىق ۇكىمەتتىڭ قولداۋىمەن ساپالى سورتتى ەتتى شىلان، سۇر شىلاندى ەنگىزدى ءارى عىلىم - تەحنيكا توتەنشە ۋاكىلى بولىپ تۇتاس اۋدانعا جالپىلاستىردى.

  نيۋ حۋايدۇڭ اتىز باسىنا بارىپ، جەمىس - جيدەك شارۋالارىنا قولما - قول تەحنيكا ۇيرەتتى. ول تەحنيك ءارى ۇگىت - ءناسيحاتشى، ەرىكتى، جەمىس - جيدەك ەگەتىن شارۋالار كۇرمەۋى كوپ ماسەلەگە جولىققاندا، ول جەمىس - جيدەك ەگەتىن شارۋالارىمەن تىزە قوسا شۇيىركەلەسىپ بۇكپەسىز سىرلاسادى، جەمىس - جيدەك ەگەتىن شارۋالاردىڭ شەشە الماعان قيىنشىلىعى بولسا ول كومەك قولىن سوزادى.

  2009 - جىلى نيۋ حۋايدۇڭ يانداق قىستاعىندا باستاماشى بولىپ، توقسۋ اۋدانى شياۋنيۋ جەمىس - جيدەك شارۋالار كاسىپتىك سەلبەستىك كووپەراتيۆىن قۇرادى. ول ۇنەمى كووپەراتيۆ مۇشەلەرىن اۋىل شارۋاشىلىق دارىلەرى، حيميالىق تىڭايتقىش سياقتى زاتتارمەن تەگىن قامداپ، باعىپ - باسقارۋعا تەگىن كومەكتەستى، ءسويتىپ، كەدەي ەگىنشىلەردىڭ قيىنشىلىعىن شەشۋمەن بىرگە، سەلبەستىك كووپەراتيۆىنىڭ شىلان ساپاسىن دا جوعارىلاتتى.

  توقسۋ اۋدانىنداعى جەمىس - جيدەك شارۋالارى شىلاندارىن شياۋنيۋ جەمىس - جيدەك شارۋالار كاسىپتىك سەلبەستىك كووپەراتيۆىنە ساتىپ بەرىپ، ءبىر تۇتاس مانەرلەۋدى قالايدى، ويتكەنى سەلبەستىك كووپەراتيۆىنىڭ ساتىپ الۋ باعاسى ۇنەمى بازاردىڭ ورتاشا باعاسىنان جوعارى كەلەدى، وسى بىرنەشە جىلدا بازاردا شىلانمەن قامداۋ مولشەرى ارتىپ، باعا ءسال تومەندەپ، ءبىر ءبولىم جەمىس - جيدەك شارۋالارىنىڭ العان ءونىمى مەن كىرىسى تومەندەيدى. نيۋ حۋايدۇڭ مۇنان اسا ابىرجيدى، 2018 - جىلى شياۋنيۋ جەمىس - جيدەك شارۋالار كاسىپتىك سەلبەستىك كووپەراتيۆى وتكەرمەلەپ كوتەرمەگە الۋ جانە ”كاسىپورىن + شارۋالار“ سىندى ەكى ءتۇرلى فورمامەن 1500 مۋ ساپالى شىلان، جاڭعاق بازاسىن قۇرىپ، 292 وتباسىنداعى 1368 ادامعا تيىمدىلىك جەتكىزەدى.

  سەلبەستىك كووپەراتيۆى شوعىرلى مىندەتتەمەلى باسقارۋ فورماسىمەن جەمىس - جيدەك شارۋالارىن جەردى وتكەرمەلەۋ اقىسى مەن جۇمىس اقىسى سىندى 2 ءتۇرلى كىرىسكە يە ەتتى، يانداق قىستاعىنىڭ تۇرعىندارى شىن ىقىلاستارىمەن نيۋ حۋايدۇڭعا العىس جاۋدىردى. 2018 - جىلى 5 - ايدا يانداق قىستاعى عىلىم - تەحنيكاعا جاۋاپتى ورىنباسار شۋجي سايلاعاندا نيۋ حۋايدۇڭ تولىق داۋىسپەن سايلانادى.

  بيىل شياۋنيۋ جەمىس - جيدەك شارۋالار كاسىپتىك سەلبەستىك كووپەراتيۆى كەدەيلەردى سۇيەمەلدەۋ نىسانىن تايانىش ەتىپ، ءار مۋى 475 يۋاندىق ولشەم بويىنشا ءىشارىق قالاشىعىنداعى 20 قىستاقتاعى 737 كەدەي وتباسىنىڭ 4189 مۋلىق جەمىس باعىندا ساپانى جوعارىلاتىپ، ونىمدىلىكتى ارتتىرۋ جونىندە قىزمەت وتەپ، كەدەي وتباسىلارىنىڭ جەمىس باعىندا جەمىس اعاشتارىن بۇتاۋ، دەرت - دەربەزدەن، زياندى جاندىكتەردەن ساقتانۋ، گۇلدى، جەمىس - جيدەكتى قورعاۋ جونىنەن تەحنيكالىق قىزمەت وتەپ، كەدەيلىكتەن ارىلتۋدان قامال الۋدىڭ نەگىزىن بەكەمدەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس