تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «چاڭجياڭ اتىراۋى ءوڭىرىن ءبىر تۇلعالاندىرا دامىتۋ جوبا باعدارلاماسىن» باسىپ تاراتتى

  شينحۋا اگەنتتىگىنىڭ 12 - ايدىڭ 1 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «چاڭجياڭ اتىراۋى ءوڭىرىن ءبىر تۇلعالاندىرا دامىتۋ جوبا باعدارلاماسىن» باسىپ تاراتتى ءارى حابارلاندىرۋ شىعارىپ، ءارقايسى وڭىرلەردىڭ، ءارقايسى تاراۋلاردىڭ ءىس جۇزىندىك جاعدايىمەن بىرلەستىرە وتىرىپ دايەكتىلەندىرۋىن، تياناقتاندىرۋىن تالاپ ەتتى.

  «جوبا باعدارلاماسى»ندا مىنالار اتاپ كورسەتىلدى: 2018 - جىلى 11 - ايدىڭ 5 - كۇنى باس شۋجي شي جينپيڭ تۇڭعىش كەزەكتى جۇڭگو حالىقارالىق يمپورت كورمەسىندە چاڭجياڭ اتىراۋى ءوڭىرىن ءبىر تۇلعالاندىرا دامىتۋعا قولداۋ كورسەتۋدى ءارى مەملەكەتتىك ستراتەگياعا كوتەرۋدى، جاڭا دامۋ ۇستانىمىن تياناقتاندىرۋعا كۇش سالىپ، وسىزاماندانعان ەكونوميكا جۇيەسىن قۇرىپ، جوعارى باستاماداعى رەفورما جاساۋدى اناعۇرلىم تەرەڭدەتۋ جانە دەڭگەيى اناعۇرلىم جوعارى سىرتقا ەسىك اشۋدى ىلگەرىلەتىپ، ”ءبىر بەلدەۋ، ءبىر جول“ قۇرىلىسىمەن، بەيجيڭ - تيانجين - حىبەيدى سايكەستى دامىتۋمەن، چاڭجياڭ ەكونوميكالىق بەلدەۋىنىڭ دامۋىمەن، گۋاڭدۇڭ - شياڭگاڭ - اۋمىن ۇلكەن شىعاناق ءوڭىر قۇرىلىسىمەن ءوزارا سايكەستىرىپ، جۇڭگونىڭ رەفورما جاساپ، ەسىك اشۋ كەڭىستىك ورنالاسۋىن اناعۇرلىم كەمەلدەندىرۋدى جاريالادى. چاڭجياڭ اتىراۋى ءوڭىرىن ءبىر تۇلعالاندىرا دامىتۋدى ىلگەرىلەتۋ، چاڭجياڭ اتىراۋى ءوڭىرىنىڭ جاڭالىق اشۋ قابىلەتى مەن باسەكەلىك قابىلەتىن كۇشەيتۋ، ەكونوميكانىڭ شوعىرلانۋ دارەجەسىن، وڭىرلەردىڭ ۇلاسۋ جانە ساياساتتىڭ سايكەسۋ ونىمدىلىگىن جوعارىلاتۋ تۇتاس مەملەكەتتى جوعارى ساپالى دامۋعا باستاۋدا، وسىزاماندانعان ەكونوميكا جۇيەسىن قۇرۋدا كەلەلى ماڭىز الادى.

  بۇل جوبا باعدارلاماسى − چاڭجياڭ اتىراۋى ءوڭىرىنىڭ قازىرگى جانە بۇدان كەيىنگى ءبىر مەزگىلدەگى ءبىر تۇلعالانا دامۋىنا جەتەكشىلىك ەتەتىن تۇعىرنامالىق حۇجات، سونداي - اق قاتىستى جوبا جانە ساياسات بەلگىلەۋدىڭ نەگىزى، ”دامۋ ارتقى كورىنىسى، جالپى تالاپ، وڭىرلەردى سايكەستى دامىتۋدىڭ جاڭا جاعدايىن قالىپتاستىرۋدى ىلگەرىلەتۋ، سەلبەسۋ، جاڭالىق اشۋ كاسىپ سالاسى جۇيەسى قۇرىلىسىن كۇشەيتۋ، نەگىزدىك قۇرىلعىلاردىڭ بايلانىسۋ، ۇلاسۋ ورەسىن جوعارىلاتۋ، ەكولوگيالىق قورشاعان ورتانى بىرگە قورعاۋدى، بىرلەسىپ وڭاۋدى كۇشەيتۋ، الەۋمەتتىك قىزمەت وتەۋدى قولايلىلاندىرۋ، تەڭ يگىلىكتەنۋدى جەدەلدەتۋ، اناعۇرلىم جوعارى ورەدە سايكەستى ەسىك اشۋدى ىلگەرىلەتۋ، ءبىر تۇلعالانا دامۋ ءتۇزىلىس مەحانيزمىندە جاڭالىق اشۋ، چاڭجياڭ اتىراۋىنىڭ ەكولوگياسىن جاسىل ءبىر تۇلعالاندىرا دامىتۋ ۇلگى كورسەتۋ ءوڭىرىن جوعارى ورەدە قۇرۋ، شاڭحاي ەركىن ساۋدا سىناق رايونى جاڭا اۋماعىن جوعارى ولشەمدە قۇرۋ، جوبانى اتقارۋدى ىلگەرىلەتۋ“ سياقتى 12 تاراۋعا بولىنگەن. جوبا مەزگىلى 2025 - جىلعا دەيىن بولىپ، 2035 - جىلعا كوز جىبەرىلگەن.

  چاڭجياڭ اتىراۋى ءوڭىرىن ءبىر تۇلعالاندىرا دامىتۋ جوباسىنىڭ كولەمى شاڭحاي قالاسىنىڭ، جياڭسۋ ولكەسىنىڭ، جىجياڭ ولكەسىنىڭ، انحۇي ولكەسىنىڭ تۇتاس ءوڭىرىن قامتيدى. چاڭجياڭ اتىراۋى ءوڭىرى ەلىمىز ەكونوميكاسىنىڭ دامۋى ەڭ جاندى، اشىق ۇستاۋ دەڭگەيى ەڭ جوعارى، جاڭالىق اشۋ قابىلەتى ەڭ كۇشتى وڭىرلەردىڭ ءبىرى، مەملەكەتتى وسىزامانداندىرۋ قۇرىلىسىنىڭ كەلەلى جاعدايىندا جانە شار تاراپقا ەسىك اشۋ ارناسىندا كەلەلى ستراتەگيالىق ورىندا تۇرادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.